مطلوب محامى عنده ضمير .. أو وكيلة المدعو دسوقى

[achnaton]

بسم الله الرحمن الرحيم

همس فى إذنى فجر اليوم وانا فى سابع نومه .. وكانت دقات قطرات المطر الشديد .. تطرق بعنف زجاج الشباك القريب من مخدة رأسى .. منتهزا فرصة وجودى لوحدى .. فالحكومة المنزلية والأولاد فى اجازة.. وعشان كده واخد راحتى فى الكتابه .. فتحت عينى اليمين شوية شوية .. أشوف مين اللى سبق الشمس طلوع الشمس وجاى يصبح علىَ .. لقيت جدى الشيخ حسن " رحمة الله عليه " .. بيقولى قوم ياولد – كسرة تحت الواو - دور على وكيل محامى .. يكون حجة فى الشئون القانونية .. أو محامى بشهادة وعنده ضمير !!.. قلت خير ياجدى ..حصل إيه ؟؟ بص فى وشى فى حده وغرابه .. وقال .. أخوك الافوكاتو خطفوه !! والمنتدى من غيرة طعمه ماسخ .. زى " المنحوسة " اللى خطفوا منها الضمير .. ارفع قضية من غير رسوم .. فى محكمةالمحبة .. ليعود الينا الافوكاتو ومعاه باقى الاحباء المخطوفين أو المعتزلين .. قلت دول مين ياجدى .. قال دول بقوا كتير

ياريت حد يرشح لنا محامى .. او وكيل محامى بس يكون شديد ..

إرجع يا دكتور محمود.. خلاص بلغ الشوق مداه .. وبلاها قضايا ومحاكم ..وكفايه اللى احنا فيه .. وتعالى كده ودى .. إنت عارف العدالة راحت فين ..

تم تعديل 17 أغسطس 2006 بواسطة achnaton

[Folana]

السلام عليكم ورحمة الله........

أنا كمان باضم صوتى للشيخ حسن ...وأطالب بشدة وبصوت عالى بعودة جميع الاخوة والاخوات الغائبين الى المنتدى وفى مقدمتهم استاذنا الفاضل الافوكاتو.ولا تحرمنا من مشاركاتك يااستاذ محمود..ولا تبخل علينا بشرف تواجدك معانا ...

[صبح]

أحب أن أقول خبر مش سعيد

أن أستاذنا الأفوكاتو مريض وممنوع من التحرك من الفراش (أعتقد لمدة أسبوع) وذلك من مداخلة له من كام يوم في الواحة

دعاؤكم له بالشفاء العاجل

[ابن بلد]

احزننى كثيرا ذهاب بعض الاعضاء من منتدى المحاورات

ولكن لم احزن مثل ما حزنت على فراق الدكتور محمود الافوكاتو

واتمنى له الشفاء العاجل اولا

والعوده لمنتدى المحاورات ثانيا

الاخ صبح

طلب من اخ

ارسال لى موقع منتى واحه

تحياتى

ابن بلد

[لخبطه]

مستعد معاكم اوقع على توكيل برفع قضية لعودة الغائبين

والف سلامه على الاب الدكتور محمود وربنا يكتب له الشفاء يارب ويعود لنا

[إبن مصر]

الاخ الفاضل الافوكاتو هو أخ أكبر له كل الحب والتقدير والعرفان بما له من علم وأدب و رأى سديد .

ووالله لندعو له بكل الحب أن يمن الله عليه بسرعه الشفاء و أضم صوتى اليكم فى الدعاء له والدعوه بعودته لنا سليما معافا فى أسرع وقت أن شاء الله

[achnaton]

]

تأكد لى أن النحس بتكون بصماته أوضح على الافراد أيضا مثل وضوحها على الدول ..ومن يوم ما ابتلانا ربنا بالغزو التتارى لعصابات المماليك الجدد .. فضاع منا الزرع والضرع .. وفى مثل هذه الايام التى كانت تواكب الشهير الفضيل شعبان .. كان جدى الشيخ حسن " رحمةالله عليه " دائم الحركة ..وانا فى ديله .. يحول من البندر خيرات كثيرة .. مكرونه متعددةالاشكال والاصناف .. والسمك البكلاه " سمك مجفف " الفرده منها تطلع عشرين " أقه " والاقة دى كانت وحده الميزان - حوالى كيلو ونصف .. وكام شوال دقيق مفيش واحد زى التانى .. صنف لخبيزالعيش .. وآخر للفطير والحلويات وثالث للكنافةواقطايف وعمل الباشميل لصوانى الخضار والمكرونه .. وكانت أحلى المنقولات .. مجموعات النقل المختلفة بداية بالتمر الاسوانى وانتهاءا بالصنوبر والبندق واللوز .. ويا سلام لما جدى ينبهنى لعدم الاقتراب من ورقة الملبن السادة والمحشى .. الخير كان كتير .. أكثر من لفات قمر الدين .. وكان هذا الخير قبل رمضان بايام .. بيكتر ويزداد .. بحضور الاقارب من كل مكان .. اعمام وعمات وخيلان وخالات .. ابناء واحفاد .. فرمضان هو شهر لقاء الاحباب .. ولهذا انا النهارده مطمئن .. حيهل علينا بالقطع أخونا الكريم عمنا محمود الافوكاتو ..دون أن نلجأ الى محاكم أونستعين بمحامين .. فمين غيره حيشاركنا فى الاستمتاع بشراب قمر الدين المطعم بماء الورد .. وياريت تجيب معاك أعز الاحباء .. رجب العجيب ..والفيروزة الجميله ومعها المناره المضيئة وغيرهم وغيرهم ..إنت فين يا رجب .. قشطه بتور عليك ؟؟؟

شد حيلك يا متر .. فنحن فى الانتظار .. وشرفنا بقى فقد طال الحنين .. أعاد الله عليك وعلى الجميع الايام بكل خير

أخوك محيى الدين

تم تعديل 5 سبتمبر 2006 بواسطة achnaton