مطلوب مساعدة فى إختيار دراستى الجامعية

[cute teen]

أنا هذه السنة في سانويا عاما و مش عارفا أدخول كولية أه فمومكن

تقترحوا عليا تخصوصة مومكن ادخولها

و مومكن اتكلم أنجليزي ولا لأ

لوسمهتوا سعدوني

تم تغيير العنوان ليعبر عن محتوى الموضوع

تم تعديل 23 أغسطس 2006 بواسطة عادل أبوزيد

[لخبطه]

انتى عندك مشكله في اللغة العربية CUTEدا من ايه ضعف ولا انتى مش متعوده تكتبي ولا تتتكلمى عربي

على أيه حال مسأله الكليه سلهه أنتى حددي ميولك أيه من دلوقتى وفي نفس الوقت شدي حيك في الثانويه علشان تيجيب مجموع يكون لك حرية الاختيار لاحسن لو مجموعك قليل هتروحي

خدمة اجتماعي كفر الشيخ :wub: :P :D التنسيبق ما بيرحمش ابوه

[نورية]

لخبطة... معلش ممكن الترجمة لو سمحت؟

cute هو تقريبا شكلك كنتى عايشة برة و لما رجعتى مصر فمحتارة بالكلية اللى ممكن تدخليها..

بس اعتقد لو انتى دارسة اللغة الانجليزية بمهارة يبقى احسنلك تدخلى ألسن او اداب قسم لغة انجليزية..

ولو انتى اصلا عايشة طول عمرك فى مصر ........................... حقيقى يبقى انتى فى مشكلة كبيرة فعلا.

[cute teen]

شكرا

أنا مبكتبش عربي كويس

و أنا في النزام البريطان في الدراسا بس هل لو كتبت english هتفهم ولا لأ

[واحد تاني]

انتم بتتكلموا جد ... والا دي الكاميرا المخفية ! :wub:

[cute teen]

انتم بتتكلموا جد ... والا دي الكاميرا المخفية ! :wub:

أه المشكلا أه ده جد و أنا بجد عيزا موسعدا

[nancy]

انت عرفة انا فتحت موضوعك لية

لانى كنت متخيلة ان حد بيهزر علشان يكتب العنوان كلمتين ومفهمش ولا حرف صح

اية يا بنتى نظام بريطانى اية .. بصراحة كدة صعب

ونصيحة من واحدة قرب سن مامتك

قبل ما تفكرى فى الكلية

فكرى ان مشكلتك انك مصرية ولا تجيدى العربية

وبعدين احنا صعب نختر لك كلية

لان الموضوع مرتبط بحاجات كتير جدا

ميولك وهواياتك وثقافتك وقناعاتك

يعنى لازم يكون اختيارك انت وبس

فعرفينا على الى بتعرفية فى الدنيا من رياضات او هوايات او الى بتحبية وبعدين نتكلم فى الاتجاهات المتاحة

او بالعامية الى ممكن يمشى مع الى بتحبية

عموا الى انت فية من حيرة دى مشكلة عامة بين ولاد كتير فى ثانوى

كل ما سال حد عاوز تدخل اية يقولى مش عارف

بصراحة بزعل جدا .. ربنا يعنكم على نفسكم وتعرفوا انتم عوزين اية

[dr.sAsSo]

هاى cute teen

انا لسه طالعة من ثانويه عامه مبقاليش سنتين

انا كنت محدده الى انا عايزاه بس كنت متردده بردو

والحمدلله مبسوطة جدا دلوقتى

اهم حاجه انك تحبى الى تدخليه

الكليه من غير ماتحبيها متمشيش

أهم حاجه انتى علمى ولا ادبى

وقدرتك تجيبى مجموع اد ايه

لان حسب قدرتك هيكون قدامك كليات

وبالنسبة للانجلش هيساعدك جدا فى كليات كتير

انا دراستى كلها بالانجلش ومتهيألى انك هيبقى الموضوع اسهل لك

فى الكليات الى فيها انجلش

ودول كتير

انتى فكرى فى الى بتحبيه

واهم حاجه زى مسبقونى الاخوة الافاضل

شدى حيلك وجيبى مجموع على اد متقدرى عشان تختارى كليتك براحتك

ومتتعبيش

وربنا معاكى

[لخبطه]

المهم فعلا أنك محتاج الأول دورس في اللغة العربية كتير قراءه وكتابه

و النظام البريطاني علي عينا ورأسنا بس مش لدرجه أننا مش نعرف لغتنا الام يعني ربنا يوفقك

[cute teen]

انا بعرف أتكلم عرابي بس مبعرفش اكتب عربي كويس

لو في طريقت تسعدواني بها يبا شكرن اوي

أنا بفكر ادخول تجارا ينجلش قصم markting

شكراً على الرودود

[dr.sAsSo]

انا بعرف أتكلم عرابي بس مبعرفش اكتب عربي كويس

لو في طريقت تسعدواني بها يبا شكرن اوي

أنا بفكر ادخول تجارا ينجلش قصم markting

شكراً على الرودود

تجارة انجليش جميلة ومطلوبة

وال marketingوفيه كمان ال accounting

اختصاصات حلوة

بالنسبه للعربى

متهيالى انك محتاجه تقرى عربى اكتر ماتسمعى

ركزى فى الكلمات وطريقة كتابتها

ده هيساعدك كتير

حاولى الكلمة الىمتعرفيهاش بالعربى تترجميها

ابدأى بحاجات بسيطه وشويه شويه

هتلاقى العربى بدأ يتحسن

وربنا يوفقك

[KANE]

:huh:

:blink:

:o

أنا عندي سؤال ، هو انتم بتمتحنوا عربي في إمتحانات آخر السنة ؟ :) :)

[cute teen]

:huh:

:blink:

:o

أنا عندي سؤال ، هو انتم بتمتحنوا عربي في إمتحانات آخر السنة ؟ :) :)

اه بمتحن عربي في اخر السنة بس أنا من grade10 و انا عاندي مشكلا في العرابي

على فكرا أنا بعرف اتكلم عربي كويس اوي بس elspelling عندي وحش اوي

[se_ Elsyed]

دي أول مداخلة لي بعد عودتي من الإجازة

وما عنديش تعليق في البداية إلا الأفتار بتاع لخبطة

دي صورة واحد عمال يضرب دماغه في الكيبورد بتاع الجهاز الـ 286 بتاع زمان الناشف واللي كان بيُصنع من سبيكة مكونة من مزج من الحديد الزهر مع رشة حديد عز وكل ده بينضرب في الخلاط مع شكارة أسمنت بورتلاندي

إيه يا كيوت يا بنتي ؟!!!!!

ده أنا أول مره بصراحة أقرأ مثل تلك الأخطاء الإملائية التي تدل على ... ولا بلاش

إوعي تفتكري إن إحنا بنتريق ... لكن أحنا إننا مشفقين عليكي

لإن أخطاءك قاتلة ولا تصدر حتى من واحد أجنبي ما يعرفش عربي

وبما إنك عايشه في مصر .. يبقى أسمحي لي أقولك بإنك تعيشي مآساة حقيقية

تعلم اللغات الاجنبية مطلوب .. لكن لو التعلُم ده مش مبني على أرض صلبة يبقى لا مؤخذه كإنك يابو زيد ما غزيت

والأرض الصلبة هنا هي اللغة الأُم .. اللي لو الواحد مش متقنها بشكل جيد .. يبقى عليه العوض ومنه العوض .. ومهما عوجت لساني وتكلمت سبع لغات أجنبية مع عدم إلمامي بمفردات لُغتي الأصلية في الأساس . أعتقد إني سأُقابل بنظرات إستهجان من المحيطين بي ..

لا تتصوري مدى سعادتي وأعتزازي عندما أسمع أحاديث مع علماء بارزين زي مجدي يعقوب ، زويل ، فاروق الباز ، ذهني فراج ... إلخ وأجدهم يتكلمون اللغة العربية بطلاقة بل وفي بعض الأحيان بعضهم يستخدم مفردات تدل على إنه كان من ريف مصر .. ولكنه مازال يعتز بلغته بل ولكنته الأصلية أيضاً بالرغم من إنهم قضوا غالبية سنوات حياتهم في الخارج .. واللي أكاد أٌجزم بإن بعضهم تمر عليه شهور طويلة لا يتحدث فيها كلمة عربية واحده ....

لغتنا يا كيوت هي جذورنا ... ومهما الشجرة عليت ووصلت السما .. بس مالهاش جذور .. يبقى ستسقط لا محاله وفي أقرب وقت ...

عذراً للإطالة ولكن موضوعك ما ينفعش فيه المُجاملة ..

وحلك الوحيد إنك تدوري على مُدرس عربي ليعلمك قواعد اللغة العربية من جديد ..

وإذا كنتي مُسلمه يبقى عليكي بقراءة القرآن والإستماع إلي ترتيله وتلاوته ومخارج الألفاظ .. لإن القرآن هو مدرستنا في اللغة العربية ...

وإذا كنتي غير مُسلمة فهذا لا يمنع أيضاً من إتقان لغتنا الأم طالما إنتي مصرية وتعيشي داخل مصر ...

أما عن نوع الكلية التي ترغبين في الإلتحاق بها .. فهذا أولاً وأخيراً يتوقف على ميولك العلمية والمجال الذي تحبينه ...

أقعدوا بالعافيه

[نانو]

كيوت انا حسه لغايه دلوقتي انك بتهرجي

و ان اكيد ده فخ

بس لو ده حقيقي هتخليني افكر عشر مرات في المدارس الانجليزي اللي بناتي فيها

بجد بجد انت كده بجد ولا ده تهرييييييييييييييييييييييييييج :)

[cute teen]

أنا يا جماعا بعرف أتكلم عرابي كويس بس تهجئة الكلمة غلط بس بتكلم عرابي بطلاقه بس مبعرفش اكتب كويس

إنا بتكلم عربي مع كل أصحابي و أريبي بس الspelling بياعي مش كويس

[Folana]

:) :blink:

قصدى ...السلام عليكم ورحمة الله ....

انا عمالة اقرأ العنوان من الصبح واقول فى عقلى بالى ...مالكش دعوة ..ده واحد بيدور على واحد تانى اسمه مسعد !!

وبعدين الفضول قتلنى وقلت ادخل اشوف ايه الحكاية ....

العزيزة كييوت....( ياترى كييوت كده صح ولا المفروض اكتب خيوط :) ).....انا شايفة انك ممكن تكتبى عربى كويس كمان لان فيه كلمات الواحد بيغلط فيها وانت كتبتيها صح ...!!

اظن مع القراءة الكتير ممكن لغتك تتحسن ...وبالمناسبة انا كمان بنتى الكبيرة بتدرس النظام البريطانى ..مش تقصدى الاى جى سى اس ايه؟...(ابستروف اس :huh: )

بس لو كده ..يبقى انت بتدورى على كلية ليه من دلوقت ..وثانوية عامة ايه اللى انت فيها ...تقصدى فى سنة تالتة يعنى ..اخر سنة فى الاى جى ..طب ما ده بيتوقف على مجموع درجاتك وعلى التنسيق ...وحيث انك مش كويسة فى اللغة العربية ..يبقى تدخلى بقى الجامعة الامريكية او الالمانية ...حتدوخى نفسك ليه ....

واختيار الكلية ده تبعا لميولك انت ...هل تجارية هل هندسية هل ادبية ...انت واللى بتشعرى انك بتقدرى تثبتى نفسك فيه...وبرضه حسب المواد اللى سجلتيها ودرستيها فى الاى جى ...يعنى درستى مواد علمية زى البيولوجى والكيمياء و و ..ولا ركزتى على المواد الهندسية ..ولا درستى علم نفس واجتماع ...بمعنى انت اللى اخترتى كليتك من بداية دراستك فى النظام البريطانى ..يعنى الهدف محدد مسبقا ...

والله الموفق

[cute teen]

أنا بفكر ادخول تجارة انجليش marketing

لان أنا بحب مادة ادارة الاعمال

تفتكرو ايه المئهلات الى أنا محتجاها للتخصوص ده

[MZohairy]

أنا يا جماعا بعرف أتكلم عرابي كويس بس تهجئة الكلمة غلط بس بتكلم عرابي بطلاقه بس مبعرفش اكتب كويس

إنا بتكلم عربي مع كل أصحابي و أريبي بس الspelling بياعي مش كويس

هو مش مات الله يرحمه بعد الثوره؟ :)

اهلا بيكي يا كيوت و نورتي المنتدى :)

تم تعديل 22 أغسطس 2006 بواسطة mzohairy

[النسر المصري]

أكاد أن (أجزم) ..(وأجزم هنا ياكيوت يابنتي مش معناها جزمه..لأ دي صيغة تأكيد....وكلمة "أكاد" حاجة كده زي قربت أعمل كذ او كذا...مش أكاد مول اللي ف مصر ...يلا ده أول درس عربي مجاني عشانك) :) :blink:

نرجع لموضوعنا

كنت بقول أكاد أن أجزم أنك تهرجين مثلما قالت الصديقة نانسي...ولست مصدق للآن أن هناك عربي مصري بيكتب بكم الأخطاء اللغويه دي

أنا رأي يابنتي لو إنت بتعتزي بنفسك وبشخصيتك...يبقى تتحدي نفسك...وتخشي آداب قسم عربي....ورينا شطارتك بقى :)

تم تعديل 22 أغسطس 2006 بواسطة النسر المصري