مطلوب مساعدة فى إختيار دراستى الجامعية

[واحد تاني]

دي أول مداخلة لي بعد عودتي من الإجازة...

لا تتصوري مدى سعادتي وأعتزازي عندما أسمع أحاديث مع علماء بارزين زي مجدي يعقوب ، زويل ، فاروق الباز ، ذهني فراج ... إلخ وأجدهم يتكلمون اللغة العربية بطلاقة بل وفي بعض الأحيان بعضهم يستخدم مفردات تدل على إنه كان من ريف مصر .. ولكنه مازال يعتز بلغته بل ولكنته الأصلية أيضاً بالرغم من إنهم قضوا غالبية سنوات حياتهم في الخارج .. واللي أكاد أٌجزم بإن بعضهم تمر عليه شهور طويلة لا يتحدث فيها كلمة عربية واحده ....

ايوووه يا جدعان ... طب تصدق زعلتني منك فى اول مداخلة ...

بقى تفتكر كل دووول بما فيهم (نصحي فراج) :) ... وتنسى اخوك وحبيبك (واحد تاني) :)

رغم انك عارف اني تعليمي من اول ال KG كان افرنجي ... واني سليل كلية (فاكتوريا) خلف محطة السيوف ترام

لأ وكمان عارف اني كمان قضيت احلى سنوات حياتي بالخارج ... واني لفيت الدنيا ... من شرقها لغربها ...

من طنطا لبنها للزقازيق ماخليتش ... دانا يا راجل رحت حوش عيسى ...

ومع ذلك عمري ما نسيت طينة بلدي ... ولا زبط شوارعها ... حتى بالأمارة بتلاقي منه احيانا في كلامي ... حصل والا لأ ؟

تقوم تيجى انت ... بعد ده كله ... تفتكر دووول ... وتنساني أنا ...

مكنش العشم يا س س ياخويا ... :blink:

اما بالنسبة لبنتنا cute teen فموضوعك ده زي الاخوة البكوات والاخوات الهوانم ما تفضلوا من قبل ... انتى لازم فورا تدوري على مدرس لغة عربية كويس كده زي الاستاذ حمام ... يكون بيفهم في اصول اللغة العربية و قواعد اللغة العربية والجرجير والفجل الرومي ...

معظمنا يا cute دارس طول عمره بلغة اجنبية غير العربي بس احنا مصريين ولغتنا هي اللغة العربية يعنى لازم نتعب نفسنا شوية ونعرف نقراها ونكتبها كويس ... (ونركز كمان فى كتابة اللغات التانية عشان شكلها واقعة مننا هي كمان :huh: )

[زعلان]

... (ونركز كمان فى كتابة اللغات التانية عشان شكلها واقعة مننا هي كمان :blink: )

ختلي بالك سعادتك :)

=============================

ومعلش الي ما يعرفك يجهلك :)

[Folana]

أنا بفكر ادخول تجارة انجليش marketing

لان أنا بحب مادة ادارة الاعمال

تفتكرو ايه المئهلات الى أنا محتجاها للتخصوص ده

السلام عليكم ورحمة الله....

يابنتى مش بتقولى انك فى الاى جى !!!! طب ماهو انت لو عايزة تدخلى تجارة (انجليش بقى ولا عربى ولا اى لغة )...حتكونى بالضرورة سجلتى المواد اللى تأهلك لها من دلوقت ..والمفروض تكونى خلصتيها كمان ...زى الاكونتنج وغيره ...( معلش مش عارفة اكتب بحروف انجليزى )...

تانى حاجة ..انت بتقولى ان مستواك فى العربى بدأ يقل من وانت فى الصف العاشر ...( اللى هو اولى ثانوى يعنى ) امال قبل كده كنت عاملة ايه ....!!!!!!

على اى حال انت لسه قدامك سنة بحالها ...فكرى فيها براحتك واحنا معاك برضة..... ..حنفكر :)

[nancy]

زهيرى.. خدة بالك من عرابى .. لقد خلقتنا امهاتنا احرار :)

انت عارف يا نسر انا كمان كنت حاجزم .. بس قولت كفاية كدة

يا متواضع يا تانى .. قتلتنى بتواضعك دة :)

وبجد الspelling مليان مشاكل حتى بالهندى :blink:

معلش يا كيوت احنا خايفين عليك .. بس لازم ناخد الموضوع بهزار علشان نخفف احساسنا بالالم

ونصيحة ابتدى بسلاح التلميذ من اول رابعة ابتدائى تقراءية بس وتعملى املاء وتشوفى الكلام المتناظر والمتضاد وتراجعى قواعد اللغة العربية

وبالذات كان واخوتها وخصوصا من فك لان دى من اخواتهم بس من ام تانية على راى الباشا الى ابنتة كان بيعلمها استاذ حمام :huh:

[cute teen]

شكراً جداً لمسعادتي بعدة طرق

منهم ان الكثير منكم اداني نصيح من عنده

شكراً جداً لتعاونكم معايا

[بنت النيل]

شكراً جداً لمسعادتي بعدة طرق

منهم ان الكثير منكم اداني نصيح من عنده

شكراً جداً لتعاونكم معايا

السلام عليكم الاخت كييوت يارب يكون الاسم كدا صح

انتى كما تفضلت الاخت الفاضله فلانه وذكرت مش محتاجة لتعليم اللغه العربية بشكل اللى انتى متصورها :blink: لا ابدا انتى فقط محتاجة لقراءة عدة كتب عربية وموضوعات بالغه العربيه طبعا ومش اكثر من ذلك لانك فعلا بتتكلمى عربى كويس وبرده بكتبى كويس وانتى شايفه كتابتك ازاى يعنى انتى كاتبه ( لتعاونكم ) (عدة طرق ) :) وبرده كلام تانى ممكن اوى اى واحد يغلط فى كتابته :)

والله معك ويوفقك انشاالله

[cute teen]

مومكن حد يدلنا على موقع فيه ناس بتكلم english عشان ده هيبقا أفضل لي

plz

تم تعديل 23 أغسطس 2006 بواسطة cute teen

[otaka]

خشى دار العلوم هيكونوا فخورين بيييكى فحت

مع انى ملاحظ انك بتكتبى عربى مره و عرابى مره

و على راى عزيزى نجيب سرور

عارف عرابى يا شهدى

و لا على راى عمك شكوكو -_-

[دكتور صلاح]

اختى العزيزة اولا اية انتى زعلتى ولا اية عاوزة تهربى تلاقى حد بيتكلم انجليزى

اولا مشكلتك مش كبيرة طبعا الاخوة فى المنتدى هههههههههه زعلو من موضع العربى معاك

انا فى طب اسنان ومن كذا يوم كان معاية مساعد لية زميل يعنى بس هو مساعد اية فى السكشن

انا اعرف انة كان فى مدراس لغات بس الى جننى انى طلبت منة يكتب ورقة باسمى واسمة

ومواعيد تواجدنا فى الكلية وتليفونات القسم والارقام تبعنا للمريض

وكانت مفجأة حضرتة بليد فى العربى ولبلب فى الكلام

انا مش هلومك طالما دراستك كانت كدة لكن انتى لازم تتعلمى عربى لانة دى لغة بلدك ووطنك

ودى اصلك رحتى او جيت شمال او جنوب ومعلش لو مش عاوزة تتعلمى عربى انتى حرة

بس حبيت اقولك انة الى بيتخلى عن اصلة بيتخلى عنة الناس

زملى انا لمتة من مبداء حب وصداقة وحاليا هو اتطور ومشاء اللة علية تصورى بدأ يتعود

ومكنتش اطن انة الشخص دة هيسمعلى فيوم

ممكن بقى تقولى لينا انك مستعدة تخدى قرار انك تتعلمى عربى

بالنسبة للكلية الى تحبية شوفى بتحبى اية واجرى وراة واتمسكى بية علشان تبدعى بية مين عارف مش ممكن تزودى حاجة لمصر ولامتك

ومتبعديش عننا احنا اتونسنا بيك واذا حد لامك دة من غيرتة على بلدة وبنت بلدة

وعاوزة تتكلمى انجليزى ممكن تمشيها انجليزى على عربى خلطبيصةةةةةةةةةةةةةةةةةة

واحنا هنستحملك انشاء اللة بس بوعد انك تكتبى العربى مرة بعد مرة

[Alshiekh]

اختى العزيزة اولا اية انتى زعلتى ولا اية عاوزة تهربى تلاقى حد بيتكلم انجليزى

اولا مشكلتك مش كبيرة طبعا الاخوة فى المنتدى هههههههههه زعلو من موضع العربى معاك

انا فى طب اسنان ومن كذا يوم كان معاية مساعد لية زميل يعنى بس هو مساعد اية فى السكشن

انا اعرف انة كان فى مدراس لغات بس الى جننى انى طلبت منة يكتب ورقة باسمى واسمة

ومواعيد تواجدنا فى الكلية وتليفونات القسم والارقام تبعنا للمريض

وكانت مفجأة حضرتة بليد فى العربى ولبلب فى الكلام

انا مش هلومك طالما دراستك كانت كدة لكن انتى لازم تتعلمى عربى لانة دى لغة بلدك ووطنك

ودى اصلك رحتى او جيت شمال او جنوب ومعلش لو مش عاوزة تتعلمى عربى انتى حرة

بس حبيت اقولك انة الى بيتخلى عن اصلة بيتخلى عنة الناس

زملى انا لمتة من مبداء حب وصداقة وحاليا هو اتطور ومشاء اللة علية تصورى بدأ يتعود

ومكنتش اطن انة الشخص دة هيسمعلى فيوم

ممكن بقى تقولى لينا انك مستعدة تخدى قرار انك تتعلمى عربى

بالنسبة للكلية الى تحبية شوفى بتحبى اية واجرى وراة واتمسكى بية علشان تبدعى بية مين عارف مش ممكن تزودى حاجة لمصر ولامتك

ومتبعديش عننا احنا اتونسنا بيك واذا حد لامك دة من غيرتة على بلدة وبنت بلدة

وعاوزة تتكلمى انجليزى ممكن تمشيها انجليزى على عربى خلطبيصةةةةةةةةةةةةةةةةةة

واحنا هنستحملك انشاء اللة بس بوعد انك تكتبى العربى مرة بعد مرة

شوفتى بقى يا كيوت ، مش انتى بس اللى عندك مشاكل فى الكتابة بالعربى !

عموما يا كيوت ، مشكلة الهجاء العربى يمارسها اكثر من نصف المتعلمين فى مصر ، على الرغم من ان جميعهم نجحوا فى امتحانات اللغة العربية.

وكما تفضل زملاء افاضل فى ردودهم ، أنصحك بأن تخصصى جزء من وقتك يوميا لقراءة ولو صفحة من كتاب باللغة العربية وإعادة كتابتها بخط اليد جملة بعد جملة ، ومراجعة ماقد يحدث من أخطاء املائية ، بمعنى أن تلقى نظرة على الجملة ، أكتبيها ، ثم راجعيها ، وصدقينى بعد فترة ستجدين نفسك فى مستوى املائى افضل بكثير.

وبالتوفيق إن شاء الله.

[أبو زياد]

يا إخواننا الموضوع بسيط جدا و لا يوجد مشكلة

أظن ان الأخت كيوت مشكلتها فى كتابة اللهجة العامية و لكنها فى العربية الفصحى ممتاااازة

لذلك أرجو منها ان تكمل لنا كتاباتها بالعربية الفصحى يا كيوت

يعنى ما تحاوليش تكتبى بالكلام العادى اللى انتى بتقوليه

حاولى تكتبى باللغة اللى بتقريها فى الجريدة -فى الرسائل مثلا او فى اللافتات وحتبقى لغتك مية مية و لا احد سيعلق عليكى

[دكتور صلاح]

شكلها هربت مننا ههههههههه

لية بس كدة

حد زعلك

دحنا كلنا اخوات

منتظرين ردك

[أبو زياد]

كييييييييوووووووووووووووووووووووت

[Marmar]

يا جماعة بالراحة على البنت... و الله أنا أعرف ناس طول عمرهم بيدرسوا عربي..و برضه بيغلطوا في العربي..و كلمة عرابي دي اللي موش عجباكوا رحمة بالنسبة للي ممكن تقروه..

كيوتي الأمورة..عاوزه تعرفي عربي و تنمي اللغة بتاعتك..ابتدي اقرئي مجلات أو كتب..بس خليها كتب خفيفة..يعني ابتدي بميكي جيب..و بعدين ابتدي اقرئي حاجات أعلى شويه زي روايات مصرية للجيب "رجل المستحيل" "المكتب رقم 19" "ملف المستقبل" من عجائب الطبيعة" و بعدين أعلى زي أجاثا كريستي.. و بعدين هتلاقي الحصيلة اللغوية بتاعتك زادت-_-

على فكرة..أنا لما كنت في المدرسة كنت قرأت كل دول و كنت الأولى على مستوى الكويت في القصة القصيرة و الإخراج المسرحي..

بس لما دخلت الجامعة ..كانت كل دراستي بالإنجليش..لأني كنت في ال AUC

و ده أثر كتير على الحصيلة اللغوية اللي كانت عندي... فأنا عذراكي.. أي لغة محتاجة ممارسة... ربنا يوفقك و بعدين احنى معاكي لو احتاجتي لأي مساعدة-_-

[cute teen]

شكرا على النصايح ديه

هحاول اعملها س السنة دي ان مشغولا خالس لان بالعمل الAS و ده واخد واتي كولو

[Folana]

quote name='cute teen' date='Nov 10 2006, 09:50 PM' post='241644']

شكرا على النصايح ديه

هحاول اعملها س السنة دي ان مشغولا خالس لان بالعمل الAS و ده واخد واتي كولو

السلام عليكم ورحمة الله....

:o ..وحشتينا ياكيوتى..انت فين..وليه مش بتشاركى معانا زى الاول...والله مشتاجين جوى لمداخلاتك..كانت بتضيف بهجة على يومنا...

خلصى ال AS ويالا تعالى معانا بقى....بس انت بتعملى ايه فى AS ؟.....يعنى مسجلة كام مادة AS...واللى واخدة واتك كولو دى؟

تعرفى انا بنتى بتمتحن اليومين دول AS...فى المواد اللى سجلتها فى الصيف...انت كمان كده؟..ولا مش مسجلة فى الصيف حاجة؟

[أبو زياد]

يعنى هى ناقصة يا فلانة - مشتاجين جوى ؟؟!!

هى كانت عرفت الأولانية ؟

مشتاقين يا كيوت أى : حرمنا منك

أى : وحشتينا

أى : لا تطولى الغياب علينا تانى

أى : وى ميسد يو

أى :WE MISSED U

يالله بقى ياريت تشرحولنا يعنى ايه ال AS دة ؟ حرام عليكو ضيعتوا لغتنا العربية !!

[Folana]

يالله بقى ياريت تشرحولنا يعنى ايه ال AS دة ؟ حرام عليكو ضيعتوا لغتنا العربية !!

السلام عليكم ورحمة الله.....

AS....دى يا ابو زياد .."سيم"..كده بين اعضاء القبيلة الاى جيهية...مش حاقدر اقولك عليك علشان ده سلو بلادنا ماحدش يفهم كلامنا الا احنا .. :) :o

[أبو زياد]

ياستى مش عايز أعرف

أنا بس اعتراضى على إننا نقول حرفين انجليزى و نديهم ألف لام

(الأيجيهية؟؟!!)

و الله لا نطقهم طقيق الفرنجة دول الى خللوا فضيحتنا على كل لسان

[Folana]

ياستى مش عايز أعرف

أنا بس اعتراضى على إننا نقول حرفين انجليزى و نديهم ألف لام

(الأيجيهية؟؟!!)

و الله لا نطقهم طقيق الفرنجة دول الى خللوا فضيحتنا على كل لسان

السلام عليكم ورحمة الله...

:o :) الله...الله...الله....انت بتشخط فىّ ؟...طب الله يسامحك....انا مش حأرد عليك... :)

وحيث انى متابعة كل كلامك النهاردة احب اقولك انك مش فى المود خالص.....نهدى كده شوية وناخد نفس عميق..علشان لسه عايزة ارجع ارد عليك...بس مش دلوقت

صباحه جميل.... :)