ظاظا.... الفيلم الذى رقص بين النجاح و الفشل

[سيزيف]

اصدقائى الاعزاء كما عودتكم

اعود اليكم بتقرير فنى جديد حول فيلم ظاظا

على الرغم من ان برضه محدش بيدفع :)

-----

مهما كانت الاراء و التحفظات حول فيلم ظاظا

فلابد ان ينال كل من المخرج و المؤلف و المنتج و بطل الفيلم التقدير لاقتحام تلك المنطقه المحظوره لاول مره فى تاريخ السينما المصريه الا وهى منطقه الرئاسه

الفيلم يدور حول دوله - المفروض انها ليست مصر - يحكمها رئيس عجوز - كمال الشناوى - منذ فتره طويله و تضطر تلك الدوله لاجراء انتخابات رئاسيه تحت ضغوط خارجيه و لكن لا تجد الدوله اشخاص من الشعب يرشحون انفسهم للخوف الذى يملأ كل المواطنين

و سعيد ظاظا - هانى رمزى - مواطن بسيط مطحون يحاول التغلب على قسوه الواقع بالهروب الى الوهم و الخيال متزوج من فتاه - زينه - مع ايقاف التنفيذ و كل احلامه مؤجله

هذا الشاب يعمل فى قناه فضائيه و تتقرب منه المذيعه - اميره فتحى - التى تربطها علاقه مشبوهه باحدى السفارات الاجنبيه و تضغط عليه حتى ترغمه على الترشيح فى انتخابات الرئاسه

ويترشح ظاظا و يظهر فى التليفزيون و يتحدث الى الناس من قلبه فينال شعبيه جارفه و ينجح فى الانتخابات و يبدأ فى النزول الى الشارع و يحاول محاربه الفساد و الظلم و تبد

ا الدوله الكبرى - التى هى طبعا امريكا دون التصريح بذلك - فى الضغط عليه لاستخدام ارض الدوله فى الهجوم على دوله مجاوره فى المكنطقه - اى دوله عربيه - و يرفض ظاظا و يبدأ فى البحث عن امتلاك سلاح نووى ليس بغرض الحرب و لكن بغرض امتلاك القوه ليكون على قدم المساواه على مع اعدائه و فى لحظه اعلان نبأ امتلاك السلاح النووى على الشعب يقوم قناص باطلاق الرصاص عليه ليصيبه بطلقه فى صدره بايعاز من سفير الدوله الاجنبيه - حسن كامى - و ينتهى الفيلم بمشهد ظاظا و حوله المواطنين البسطاء و هم يعاونونه على النهوض بينما هو ينزف

----------

الفيلم من حيث الفكره و المضمون فيلم جرىء و جديد و لكن00000000

كان يمكن ان يكون فيلما رائعا لولا ان الفيلم سقط فى مصيده الرغبه فى تحقيق النجاح التجارى فنلاحظ ان الثلث الاول من الفيلم ملىء بافيهات جنسيه مكشوفه و مباشره فى غايه الفجاجه ولا تليق بفيلم يتناول مثل ذلك الموضوع

كما ان البناء الدرامى للفيلم فى النصف الثانى منه توجد به العديد من الثغرات بحيث يمكنك ان تشعر بوضوح بتدخلات مقص الرقابه

اجمل ما فى الفيلم الاشعار التى كتبها يمن بهجت قمر و قد القاها هانى رمزى باحساس جيد

-------

هانى رمزى : ادى الدور بشكل جيد و لن كان يعيبه كما ذكرت قبلا السقوط فى فخ الاسفاف و اعتقد ان فى جعبته ما هو اكثر من ذلك

زينه : اداء متوسط مع الوضع فى الاعتبار انها لا زالت فى البدايات

اميره فتحى : تؤكد لنا دائما انها ليست ممثله

كمال الشناوى : دور صغير و مهم و لكن اهم اسباب اختياره لاداء الدور ان كمال الشناوى اصبح مسنا للغايه فلم يكن مضطرا لاصطناع الشيخوخه و ان كان ادى الدور بشكل جيد فى حدود المساحه الصغيره

السيد راضى : فى دور رئيس الديوان - كعادته فى كل ادواره - اداء مفتعل مبالغ فيه و اعتقد ان اهم اسباب اختياره لاداء الدور الاسقاط الشكلى الواضح على زكريا عزمى - الصلعه و النظاره

احمد ماهر : فى دور وزير الدفاع - لا اعلم كيف قبل احمد ماهر الدور فهو دور صغير للغايه اكن يمكن ان يقوم به اى كومبارس

خيريه احمد : فى دور ام ظاظا - هى خيريه احمد فى اى دور تقدمه - نفس حركات الوجه و نبره الصوت الزاعقه

-----

باختصار كان يمكن ان يكون فيلم ظاظا علامه فارقه فى تاريخ السنما المصريه لو تم تلافى بعض الاخطاء التافهه و الاهتمام ببناء الفيلم بشكل افضل و لكن كل سقطاته يمكن غفرانها لو نظرنا اليه باعتباره مقدمه او فاتحه لافلام اخرى تجروء على الدخول الى مناطق محظوره و توسع اكثر من نطاق الرقابه المفروضه على عقولنا

[عطر]

يظهر اننا دخلنا في موضة الأفلام الجريئة

القصة واضح انها مش بطالة ورغم اني ما شفتش الفيلم الا اني اتوقع ان فيلم بالقصة دي كان عايز ابطال تانيين

قراءة جميلة سيزيف لكن تنصحنا ندخله ولا كفاية انت شفته وحكيت لنا عنه !! :)

[سيزيف]

العزيزه عطر

انت اثبتتى فعلا انك رفيقه الكفاح :)

ايه السرعه دى فى الرد ده انا لسه يا دوب حاطط الموضوع

-----

اتفق معك فى ان الفيلم كان يحتاج طاقم - cast - افضل من هذا

اما موضوع اذا كنت انصحك بدخول الفيلم ولا لأ

فهو فى رايى افضل من افلام اخرى مثل كتكوت و وش اجرام

ولكن هو لا يخلو من الاسفاف الذى ربما يكون محرجا للفتيات على وجه الخصوص

وعلى اى حال

فى الصيف غالبا احنا بندخل الافلام و خصوصا الكوميديه جتى لو سمعنا انها وحشه

لذا انا اترك لك حريه المغامره بثمن التذكره :)

[عطر]

العزيز سيزيف

بصراحة انا اول ما شفت تحليلك للفيلم ما صدقت علشان بثق في ذوقك انت والعزيزة نانسي

بس بما انك تركت لي حرية الإختيار يعني مش متحمس له أوي يبقى مش حدخله وحكتفي بمشهادته من خلالك :)

باقات ياسمين مخصوصة على الأخر :)

[عادل أبوزيد]

شاهدت الفيلم الأسبوع الماضى فى الساحل و كانت معى زوجتى و شقيقتها و أبناء شقيقتها و خرج الجميع من الفيلم سعداء و كانت السينما مكتظة و علمت بعدها أنه تم تمديد عرض الفيلم.

الجزئية التى تتكلم عنها و هى الإسقاطات الجنسية لم تعلق بذاكرة أى من الجمهور و أتصور أن الجمهور لم يعرها إلتفاتا أنا شخصيا لم تعلق بذاكرتى و فترة رئاسة ظاظا و قراراته و تساؤلاته كانت تلاقى إستحسانا من الجمهور و كانت تساؤلاته هذه ببساطة هى تساؤلاتنا - فى مجملها - و لذا شعرت - عن نفسى - أن الفيلم يمثل عريضة مطالب شعبية من الرئاسة فى بلدنا.

أنا أنصح بمشاهدة الفيلم لأنه ببساطة فيلم سياسى واقعى بالنسبة لدولة مارادونيا

[otaka]

ايوه بس مين المخرج من الاساس

يعنى يا عم سيزيف انت حكيت كل حاجه كتر خيرك و نسيت الاستاذ المخرج

[Eldisel]

الفلم خطوة جيدة في طريق الافلام الجريئة

والي عرفتة عن الفلم ابل ما يتعرض ان قابل معارضة شديدة من الرقابة

مش عشان ناحية الاسفاف والكلام في الجنس طبعن وان المفروض ان السنما ترفع مستوى المتفرج ثقافياً وحضارياً..... لأ عشان الناحية السياسية وانة بيمس منصب الفرعون

فكان لازم يزودوا شوية الاسفاف والكلام الاباحي عشان الفلم يعدي ..و يكشي تدعق الثقافة على الحضارة وخلي الناس كدة

الرجالة تبقي اللمبي ... والستات تبقى ســــارة يعني مجتمع متخلف

بس لفريق الفلم شرف الفكرة الجريئة وشرف المشاركة فية

ومفيش سلاموا عليكو

تم تعديل 22 أغسطس 2006 بواسطة Eldisel

[ابن بلد]

شاهدت فيلم ظاظا

فيلم يحتوى على فكره سياسيه ساخره نحن فى اشد الحاجه اليها

وكان من الممكن ان يكون الفيلم رقم 101 من افضل ما قدمته السينما المصريه

لولا ضعف وهشاشه السيناريو ولا يستحق ان نتحدث عنه نهائيا وافلاس المخرج على عبد الخالق فى تقديم اى شىء يتعلق بفن السينما فى هذا الفيلم رغم احترامى الشديد وتقديرى لموهبه على عبد الخالق ولكنه انجرف خلف تيار وهمى اصاب السينما المصريه فى تلك الحقبه الزمنيه وتذكرت اثناء مشاهدتى للفيلم فيلم من روائع كلاسيكيات السينما المصريه( اغنيه على الممر) لنفس المخرج وحزنت جدا الى ما هو فيه الان والذى انتظرت ان اجد منه افضل من ذلك بكثير بعد فتره انقطاع

هانى رمزى ممثل له قدرات اكثر من هائله وليس فى الكوميديا فقط وكاد ان يكون مشروع نجم سينمائى كبير واتمنى ان ينزل من قطار نجوم الاعوده

كمال الشناوى اجاد فى الشخصيه قدر ما لديه من صحه وحكم السن

خيريه احمد ستظل نجمه الكوميديا النسائيه المصريه

اكثر شىء كان باعث على السخريه هم نجمتا الفيلم زينه واميره فتحى وتذكرت خلافهم من فتره على

خطف الشخصيات من بعضهم البعض رغم ان توازن الشخصيات من حيث الحجم وضعف المستوى

افضل ما فى هذا الفيلم كما ذكرت سابقا فكرته ثم اغنيه النهايه التى غناها مدحت صالح

تحياتى

[nancy]

سيزيف

انا لسة شايفة موضوعك دة دلوقت والا كنت رديت عليك على طول

الفيلم فكرتة الاساسيه جيدة وجريئة

المعالجة ضعيفة وسطحية وميالة للتهريج

مشكلة هانى رمزى انة بيختار قماشة حلوة ويفصلها بلياتشوا

لو حصل شوية تعديل فى السيناريوا

واتلغت اميرة الى مش بتمثل خالص دى

ممكن كان يبقى جيد

كل الشخصيات ينقصها الصدق والحماس ومعايشة الدور بشكل جيد

كل واحد مثل نفسة وبس ممثلش الشخصية المكلف بيها

فكرة واسلوب شراء الاسلحة النووية شديدة التفاهه

تقليدة للحظة اعلان تاميم القناه بانظاره وصول الاسلحة النووية

فيها سخرية من لحظات عظيمة فى تاريخ مصر

وانا الى زعلنى بجد ان فكرتة كانت تطلع فيلم جامد اوى فى المرحلة دى فى مصر

بس هما سبوة يطلعة لانة تافة

وفعلا اغنية متدحت صالح هى الى فى كل الفيلم

عطر انا معجبنيش واحسن تستنى لما ينزل فى اى قناة فضائية

[سيزيف]

العزيزه عطر رفيقه الكفاح

ميرسى جدا على الياسمين :)

-----------

استاذى العزيز عادل ابو زيد

فينك من زمان ؟ :)

لا انفى ان الفيلم فى مجمله مقبول و على الاقل فقد خرجنا كنه نضحك خلافا لافلام اخرى مثل كتكوت و وش اجرام

ولكن النقطه التى احب ان اؤكد عليها كما قلت سابقا

ان الفيلم كان يمكنه ان يكون افضل يكثير لولا بعض الاخطاء الساذجه فى صناعته

و هو ما اكدت عليه العزيزه نانسى و التى لاحظت بذكاء مدى تفاهه الجزء المتعلق بالاسلحه النوويه و التى لم تتناسق مع البناء الدرامى للفيلم و اتفق معها فى هذا تماما على الرغم من انها تحاملت على الفيلم بعض الشىء

-------------

العزيز اوتاكا

ولا تزعل يا سيدى

الفيلم قصه طارق عبد الجليل

اخراج على عبد الخالق

-----------

الاخ الفاضل الديزل

مالك يا سيدى داخل علينا سخن قوى كده ليه ؟ :)

خللى بالك عشان القطارات مرصوده اليومين دول

الحقيقه لا يجب ان لقى كل اللوم على الرقابه

لان الاتجاه التجارى الغالب على السينما و رغبه المنتجين فى الكسب تحكم الموضوع بشكل كبير

ولو لم يكن اللمبى على مزاج الناس لما نجح

و لو كانت ساره اسفافا فهذا لا يغير من حقيقه ان كثيرا من الناس كانوا ينتظرونها امام شاشات التليفزيون

------------

الاخ العزيز ابن بلد

اتفق معك و اعتقد ان اغلبنا يرى ان الفكره جيده و ان كان تنفيذها لم يكن على نفس المستوى

شكرا يا صديقى بتذكيرنا بفيلم اغنيه على الممر

و على فكره انا لم اكن اعلم ان المخرج واحد فى الفيلمين

و هو ما يدعو للدهشه فعلا

--------------

العزيزه نانسى

قررت الحركه الثوريه بالمنتدى الانعام عليك بلقب

رفيقه الكفاح السينمائى :)

وده طبعا بعد اذن العزيزه عطر :o

[بنت النيل]

السلام عليكم جميعا

الاخ الفاضل سيزيف رغم انى لم اشاهد الفيلم حتى الان ولكنك قمت مشكورا بوصف احداثه

الفيلم كفكرة ممتاز وجرىء فى الوقت الحالى والظروف التى نمر بها

بعض الاعضاء قالو ان فيه تافاهات كثيرا ده صحيح وانه كان ممكن ياخد شىء من الجدية اكثر من ذلك برده ده صحيح

ولكن انا برائى ان هذه التفاهات هى التى ساعدت الفيلم على الظهور للناس من جه الرقابه التى مازالات متحكمه فينا

هو بداية جريئة وشوية شوية يكون فى افلام اكثر جرئه خاليه من التفاهات

وكمان لاتنسو ان ممكن اوى هذه التفاهات توصل وجهات نظر عن طريق غير مباشر بس لليحاول يفهم المغزى منها

بس بيعجبنى مقوله جميلة لهانى رمزى اسمعها منه فى بعض مقاطع من الفيلم وهى

( الشعب محتاج قلب يحكمه مش عقل يتحكم فيه )

ونتمى تقديم المزيد من هذه الجرءة

[Eldisel]

اتفق معاكي جداً يا بنت النيل ومتزعلش ياخ سيزيف الرقابة حلوة ياسيدي وزي السكر

بس انا شايف من وجة نظري المحدودة ان المهمة الأولى للسنما او الفن هي زيادة الوعي الثقافي والجتماعي للجماهير والرقي بزوق المجتمع مش العكس

والحقيقة مش عارف مين المسؤل عن دة هل هي الرقابة ولا النتجين ولا ..ولامين ؟؟

أرجو الافادة انا صح ولا غلط ...:unsure:

وفية السلام عليكوا في زمن انعدم فية السلام