أطلب المساعده...#*#

[Doofy]

===================================================================

لو سمحتم يا جماعه عايز اسأل سؤال بسيط...

بالنسبه للكودات الشخصيه في مكاتب البورصه

هل ممكن اعمل كود شخصي لي في البنك تبع اي مكتب بورصه في اي وقت؟؟

انا بسأل في البورصه المصريه ,انا عارف ان في اي بورصه في العالم ممكن تعمل كود في اي لحظه..

واذا كانت الأجابه بنعم ياريت تنصحوني بمكتب يكون ابن حلال وكويس في تعاملاته...

انتظر الإفاده

:

:

[khedr]

===================================================================

انتظر الإفاده

:

:

ننتظر معك

[لولوووو]

الاساتذة الافاضل

لعمل كود للعمل في البورصة المصرية اتبع الخطوات التالية

1- اذهب الي اي مكتب لتداول اوراق مالية قريب منك وان مكنتش تعرف طريق مكتب اذهب الي اي بنك قريب منك واسئلهم عن طريق شركة سمسرة اوراق مالية ( تداول اوراق مالية )

2 - في مكتب السمسرة اعطيهم بطاقتك كي ياخذوا منها صورة لعمل الكود

3 - الكود بياخذ تقريبا اسبوع

4- بعد عمل الكود تضع مبلغ من المال في حسابك في الشركة وتاخذ بية ايصال ايداع نقدية هذا المبلغ الذي تضعة بالطبع لشراء اسهم

5 - تمضي عقد مع الشركة

6 - بعد تمام عمل الكود يمكنك شراء ما تريد من اسهم برصيدك المالي المودع لدي الشركة

7 - لكل عملية بيع او شراء تقوم بها تمضي اوردر بيع او شراء

ابن بسطا :lol:

[نبض الابداع]

شكراً للرد كلنا كنا منتظرين

[se_ Elsyed]

قبل كل ده وده

إيه نظامك الأول .. يعني معاك كام ؟

زي ما قلنا قبل كده .. ما ينفعش يبقى معاك خمس أو ست بواكي محيرينك وتقول أنا هاروح شركة سمسرة أكود .. لإن هايبصوا لك من فوق لتحت ويقولوا لك " إمشي إطلع بره يا موظف "

فأعتقد إن الحد الأدنى للتكويد هو 25000 جنيه... وبالرغم إن تحديد مبلغ للتكويد غير قانوني إلا إنه واقع وبيحصل

وعشان حبايبي وأولادي أعضاء المحاورات

ده سايت ما بيطلعش إلا للحبايب ..

وفيه عناوين كل شركات السمسرة في مصر

وأي خدمة إجتماعية يا رجالة

شركات السمسرة المصرية

[Doofy]

==============================================================

مع ان الأجابه طولت لغاية مانسيت كنت عايز اعمل ايه

لكن بشكر الجميع على الأفاده

بس يا سي سيد احنا معانا مبلغ مش بطال برضه -_-

وانا الفتره دي متابع حركة اسهم الشركات قبل ما اقدم على الموضوع داه

بس برضه ياريت حد ينصحني بشركه تكون كويسه لأني لو جيت في يوم طلبت البروكر علشان ابيع او اشتري ومرضش عليه

انا ممكن ييحصلي ييحصله حاجه...

[أسد]

التكويد في البورصة عامة لا يحتاج إلى أموال ..

فشركة السمسرة المحترمة تقوم بعمل ذلك مجاناً ...

أما الحد الأدنى الواجب لفتح محفظة فيختلف حسب شركة السمسرة وهي التي تحدده ... وليست البورصة ..

فبعض الشركات تطلب حد أدنى 5000 جنيه .. وبعضها يطلب 100000 جنيه حسب حجم الشركة واسلوبها في إنتقاء عملاؤها ...

أما عن الشركات الجيدة ..

هناك الآن في مصر طريقة للتداول الإلكتروني عبر الإنترنت ..

وهناك شركة واحدة فقط تقوم بالتداول الإلكتروني ..

وطبعاً ده مش إعلان عن شركة بعينها ولا حاجة .. ولكنها هي الشركة الوحيدة وتم إعلان ذلك في موقع البورصة وموقع هيئة سوق المال ..

ويمكنك الحصول على معلومات إضافية منهم ..

أعتقد أن الحد الأدنى الذي يقبلونه لفتح حساب هو خمسون ألف جنيه ..

موقع الشركة على الإنترنت

إذا رغبت في إستفسارات إضافية في هذا الموضوع .. يمكنك أن تسألني .. فأنا لي حساب معهم ..

سأتمكن من إفادتك قدر المستطاع .. وعلى حسب معلوماتي ..

تحياتي ..