الحب إحساس حقيقي ولا وهم كبير؟

[darker19]

كلنا سمعنا عن الحب كتير مننا عاشه وداق حلاوته ومره, وكتير بيحلم انه يحب وكتير بيحلم انه يتحب, وفي كتير اوي في الزمن ده بيحب على روحه.

الي انا عايز اعرفه في حاجة اسمها حب بجد, ولا الحب ده مجرد وهم وكدبه الإنسان بيكدبها على نفسه؟, هوا الحب أصلا عباره عن ايه؟ هل بيختلف مفهوم وإحساس كلمة حب من انسان للتاني؟ أنا عن نفسي شايف ان الحب مش بس شوق ولهفه وحنين ما بين اتنين مش بس سهر ودموع وعذاب لاالحب هوا ان الواحد يبقى شايف حياته كلها في الطرف التاني, بمعنى انه كل حاجة بيعملها في دنيته وكل خطوة بيخطيها في حياته بتكون عشانه, الحب هوا انك بتتغير عشان الإنسان الي انتا بتحبه تغير في الطباع في التفكير في إسلوب الحياة كله. الحب اكبر من انه يتقال في كلام, وعشان كده لو أعدت اتكلم من هنا للصبح عن الحب مش هاعرف اوصفه واوصلكم رأيي فيه.

المهم ليه انا سألت السؤال ده, لأني لاحظت ان دايما بتلاقي الحبيبين بيرددوا العبارات دي مأدرش أعيش من غيرك, عمري ماهاكون لحد غيرك, مستحيل حاجة في الدنيا دي تفرقنا عن بعض, الخ من الكلام الي بيتقال و الإنسان بيكون تحت تأثير بنج الحب. وفجأه تلاقي ان الحبيبين دول سابوا بعض بعد ما عاشوا مع بعض سنين يحلموا ويتمنوا انهم يعيشوا باقي حياتهم لبعض, ولما تسأل ليه سيبتوا بعض غالبا مابتلاقيش إجابه مقنعة, مثلا مش قادرين نتفاهم, ده طلع عصبي, دي طلعت تافهة, ده كان أناني, دي ماكانتش بتحس بيا وهكذا, طب يا جماعة منين بتحبوا بعض سنين وفجأة تكتشفوا الكلام ده, ومنين بتحبوا بعض أصلا ومش قادرين تتفاهموا مع بعض و تتخطوا المشاكل البسيطة دي الي بتكون سبب في انفصال معظم الحبيبة.

ياترى القلب ممكن يدق لأي حد, ولا فعلا بتبقى مسألة حظ و القلب هوا الي بيختار, انا عن نفسي بديت أحس ان الإنسان هوا الي بيختار حبيبه مش القلب هوا الي بيختار زي ما معظم الناس بتقول, يعني دايما الإنسان هوا الي بيركز اهتمامه على شخص معين بعد ما يكون حس انه هوا الشخص المناسب, ونتيجة لتركيز الإهتمام ده بيبتدي يكبر الإحساس تجاه الشخص الأخر, ولما يحس الطرف التاني بالإهتمام او ان الطرف الأول يواجهه بشعوره ناحيته فا بيتولد عنده نفس الشعور, لغاية ما يكتمل الحب و يعيش سنين و بعدها ينتهي بنهاية مأساوية كالعادة. و بما ان الإنسان هوا الي بيختار وبيكدب على نفسه و يقول ان قلبه هوا الي اختار فأنا شايف ان الحب هوا أكبر كدبه في الدنيا بنعيشها و نفرح بيها و نتلذذ بعذابها عشان في الأخر لازم نوصل للنهاية المعروفة وتتكسر قلوبنا ونلوم بعضنا و الناس و الدنيا كلها, مع اننا احنا الي عملنا كده في نفسنا احنا الي بنعيش نفسنا الوهم, الي انا عايزة اوصله ان مافيش حاجة اسمها حب لا إرادي وحب قبل الجواز خصوصا لو كان لفترة طويلة و بيتهيألي الجواز الناتج عن الحب بيكون فاشل في معظم الأحوال, الإنسان هوا الي بيتحكم في مشاعره و هوا الي بيحدد الشخص الي يحبه, وبالتالي أكيد الإنسان يقدر يحب و يتعايش مع أي انسان تاني في الدنيا لو وجهه شعورة تجاهه بإسلوب صحيح. و مثال على كلامي في كتير شباب بيعيشوا قصص حب عنيفة و بتنتهي النهاية المعتاده و بعد ما بتنتهي بيتهيأله انه مش هايأدر يحب تاني فابيلجأ لجواز الصالونات أو لو كانت بنت تقبل اول عريس يتقدم لها و يتجوزوا و يخلفوا ويعيشوا ايامهم على الحلوة و المرة و مع الوقت بيلاقوا انهم مستحيل يفترقوا عن بعض وكل واحد ينسى قصته القديمة ويمكن ينسى انه كان في يوم من الأيام عبيط و عايش وهم الحب قبل الجواز, هوا ده الحب الحقيقي.

مش عارف يمكن يكون رأيي صح أو غلط بس أنا كتبت الموضوع ده لأني عارف ان أعضاء المنتدى هنا ليهم فكر كبير وأكيد مروا بتجارب فأكيد رأيهم هايكون مهم جدا بالنسبة ليا, ممكن تعقلوني و تقولولي ليه شايف الدنيا غامقة كده زي اسمك, وممكن تأيدوني و استريح من الموضوع ده. المهم اني متأكد من اني أكيد هاطلع من هنا بنتيجة نهائية اقتنع بيها سواء تأكيد لكلامي او اعتراض عليه.

[cute teen]

hi darker19 انا عاجبني موضوعك جداً

الحب موجود بس المراهقين معظمهم بيقولو انهم ان الحب مش موجود بس هو موجود

بس الناس الى بيعدو مع بعض سنة ولا أثنين ويسيبو بعض بيكونوا عرفين النهياة من الأول

و علافكرا مافيش ولد بيتجوز وحداة مشية معاه قبل ما يخطوبها

و الحب حقيقي يعني بعض الاحيا تشوفي واحد وتحسي احساس فقلبك غريب هؤ ده الحب

[se_ Elsyed]

hi darker19 انا عاجبني موضوعك جداً

الحب موجود بس المراهقين معظمهم بيقولو انهم ان الحب مش موجود بس هو موجود

بس الناس الى بيعدو مع بعض سنة ولا أثنين ويسيبو بعض بيكونوا عرفين النهياة من الأول

و علافكرا مافيش ولد بيتجوز وحداة مشية معاه قبل ما يخطوبها

و الحب حقيقي يعني بعض الاحيا تشوفي واحد وتحسي احساس فقلبك غريب هؤ ده الحب

كيوت

أنا هاعمل block على الأكونت بتاعك لمدة 3 سنين لحد ما تقري ألفية إبن مالك كلها وتحفظيها كمان وتيجي أسمعها لك وأتأكد إنك بقيتي إكسبريس في العربي ...

يا بنتي حرام عليكي أنا قريت لك 3 أو 4 مداخلات وكنت هافرفر من كتر التعب في تفسير الكلمات لإني راجل كبرت في السن وصحتي بقت على قدي...

تذكري دائماً " لغتنا العربية يُسرٌ لا عسر .. ونحن نملكها .. ولنا أن نضيف عليها ما تحتاجه من ألفاظ لم تكن مستخدمةٌ من قبل " طـــه حُسين

-------------------

داركر حبيب قلبي .. إزيك يا مان ؟ وأراضيك فين دلوقت ( أستراليا ولا الكويت ولا مصر ؟ )

بجد موضوع جميل وعجبني الكام جُملة دول

بمعنى انه كل حاجة بيعملها في دنيته وكل خطوة بيخطيها في حياته بتكون عشانه, الحب هوا انك بتتغير عشان الإنسان الي انتا بتحبه تغير في الطباع في التفكير في إسلوب الحياة كله. الحب اكبر من انه يتقال في كلام

إيه يابا ده ... ده أنت حبيب قديم بقى .. وشكلك كده لئيم

إستنى عليه لما أخلص قفص المانجا وأجي أشارك معاك

[cute teen]

hi darker19 انا عاجبني موضوعك جداً

الحب موجود بس المراهقين معظمهم بيقولو انهم ان الحب مش موجود بس هو موجود

بس الناس الى بيعدو مع بعض سنة ولا أثنين ويسيبو بعض بيكونوا عرفين النهياة من الأول

و علافكرا مافيش ولد بيتجوز وحداة مشية معاه قبل ما يخطوبها

و الحب حقيقي يعني بعض الاحيا تشوفي واحد وتحسي احساس فقلبك غريب هؤ ده الحب

كيوت

أنا هاعمل block على الأكونت بتعك لمدة 3 سنين لحد ما تقري ألفية إبن مالك لكها وتيجي أسمعها لك وأتأكد إنك بقيتي إكسبريس في العربي ...

يا بنتي حرام عليكي أنا قريت لك 3 أو 4 مداخلات وكنت هافرفر من كتر التعب في تفسير الكلمات ...

تذكري دائماً " لغتنا العربية يُسرٌ لا عسر .. ونحن نملكها .. ولنا أن نضيف عليها ما تحتاجه من ألفظ لم تكن مستخدمةٌ من قبل " طـــه حُسين

-------------------

داركر حبيب قلبي .. إزيك يا مان ؟ وأراضيك فين دلوقت ( أستراليا ولا الكويت ولا مصر ؟ )

بجد موضوع جميل وعجبني الكام جُملة دول

بمعنى انه كل حاجة بيعملها في دنيته وكل خطوة بيخطيها في حياته بتكون عشانه, الحب هوا انك بتتغير عشان الإنسان الي انتا بتحبه تغير في الطباع في التفكير في إسلوب الحياة كله. الحب اكبر من انه يتقال في كلام

إيه يابا ده ... ده أنت حبيب قديم بقى .. وشكلك كده لئيم

إستنى عليه لما أخلص قفص المانجا وأجي أشارك معاك

اعمل اه العربي صعب عليا كتبتو على الاقل با احسن من الاول شويا صح

و بعدين متنساش انا عبقريا علشان عرفت اعمل الا طـــه حُسين نعرفش يعملو

hahahaha

LOL

تم تعديل 25 أغسطس 2006 بواسطة cute teen

[nancy]

داركر

موضوع الحب دة كبير جدا

بس الاول عندى تعليق على س س

موتنى من الضحك عاوز كيوت تقراء الفية ابن مالك حرام عليك

ارهنك انها اول مرة تسمع الاسم دة

بس عموما انا عجبنى فيها انها عندها ثقة فى نفسها كبيرة

انا لما كنت ادها وحد يغلطنى كدة فى حاجة عملها اركز اوى انى مغلطش

لانى مكنتش احب التوجيه انما هى دماغ طحن على راى الى فى سنها

كل ما نتكلم تنفضلنا وتكمل عادى.. طبعا هى فهمه الى بقولة

كل مرحلة والحب بيكون لة شكل مختلف فى المراهقة بنشوف الحب فى الشكل الخارجى

واللبس والحركات وبنقول هو دة الحب ونسهر ونسرح ولما يحصل اى تصرف لوصغير نبيع كل الوعود والعهود

وبنشوف الحب نجوم وقمر واغانى واحلام

لما بنكبر شوية بنحس ان الحب مصير واختيار لطريقنا باقى العمر

ونبتدى نحس بالشخص الى يتناسب مع تغير المواصفات الخاصة برؤيتناالى بتخرج من حتة الشكل وبس

وندخل فى اسلوب الحب وكيفية اهتمام الاخر بينا ولهفتة علينا وبيحصل توافق فى الحلم والدنيا الى جاية ونبتدى نخطط للسنين الى جاية

وبما اننا فى المرحلة دى الى هيا نهاية الجامعة او بداية الشغل

فبيبقى حلمنا ازاى نحقق حلم البيت

وازاى نتحمل مسؤلية الحب دة لاننا فى المرحلة دى بنعرف ان الحب مش كلام وبس لا معاه مسؤلية

الحب بعد الجواز دة عالم تانى خالص

بعد ما تتجوز بيتحول الحب لمرحلة تالتة لمشاعر حسية جنب العواطف وجنب المسؤلية

ومع وجود الاطفال الحب بيتنقل للطفل

وبيبقى هو النبتة الى بتتسقى بالحب

وبيحصل احساس عامل زى احساس المركب الشراعى فى النيل لما تيجى تلف والهواء يجمد اوى فتحس ان الشراع حيقلب المركب

وان الحب مبقاش مركز زى الاول

بعد المرحلة دى يجى الحب الى مليان بالمودة والرحمة والتفاهم من غير كلام والاحساس بالى بيفكر فية الحبيب من غير ما يقول ولا يوصف

ودة احساس جميل جدا بيحصل مع المتوافقين بس مع بعض والى الحب بينهم كبر مش صغر بعد الجواز

فزى مانت شايف الحب مراحل كل مرحلة لها شكل وفية اجزاء بتضاف الية وفيه اشياء بتتهذب فيه

اما يعنى اية احساس الحب

لو جه على بالك حد فى عز كربك وحسيت انك عاوز تعيط وتحكيله عن همك تبقى بتحبة

لما تحصلك حاجة مفرحة جدا وتلاقى نفسك بتدور علية علشان تبشرة هو تبقى بتحبة

لما تشوفة جاى من بعيد وتقول جوة نفسك حبيبي الى جاى من هنااااك دة ...اد اية بحبه

على راى ثومة

يالى ظلمتة الحب ..وقولتة وعدتة علية

قولتوا علية...مش عارف اية

العيب فيكم يا فى حبايبكم

اما الحب .. اما الحب

يا روحى علية

[مصرية يعني مصرية]

س س

حمد لله على سلامتك

والله و حشتني تعليقاتك الحلوة دي

موتني من الضحك

داركر

والله كلام نانسي هو اللي جاب المفيد

و انا رايي من رايها

و حشتني يا يانانوسة

[cute teen]

داركر

موضوع الحب دة كبير جدا

بس الاول عندى تعليق على س س

موتنى من الضحك عاوز كيوت تقراء الفية ابن مالك حرام عليك

ارهنك انها اول مرة تسمع الاسم دة

بس عموما انا عجبنى فيها انها عندها ثقة فى نفسها كبيرة

انا لما كنت ادها وحد يغلطنى كدة فى حاجة عملها اركز اوى انى مغلطش

لانى مكنتش احب التوجيه انما هى دماغ طحن على راى الى فى سنها

كل ما نتكلم تنفضلنا وتكمل عادى.. طبعا هى فهمه الى بقولة

كلامك صح أنا اول مرة اسمع عن البتاع ألى بقول عليه

و بعدين أنا عارفا أن كلامي صعب يتفهم بعض الأحيان

بس بردو بحاول

و بعدان أنا مشكلت الكتابه دي عندي من زمان و في سبب مقنع ليها

[darker19]

hi darker19 انا عاجبني موضوعك جداً

الحب موجود بس المراهقين معظمهم بيقولو انهم ان الحب مش موجود بس هو موجود

بس الناس الى بيعدو مع بعض سنة ولا أثنين ويسيبو بعض بيكونوا عرفين النهياة من الأول

و علافكرا مافيش ولد بيتجوز وحداة مشية معاه قبل ما يخطوبها

و الحب حقيقي يعني بعض الاحيا تشوفي واحد وتحسي احساس فقلبك غريب هؤ ده الحب

كيوت بيتهيألي انه غالبا واحد من الطرفين بيكون مخدوع و بيكون فاهم ان حبيبه هايتحمل أي حاجة هاتواجههم و في الأخر بيتفاجئ انه بيبيعه عند اول مشكله أو ممكن عشان كلمه أو ممكن يكون السبب ان حبهم بيكون أعمى وده غالبا بيقع فيه المراهقين بسبب قلة الخبرة وده بيعميهم عن حقائق واضحة جدا بتؤدي لإستحالة الإرتباط بس عشان حبهم أعمى مابيشوفوهاش بس بيتجاهلوها ويحكموا بقلبهم مش بعقلهم و فأول مشكله تقابلهم بيعيدوا التفكير ممكن ينفصلوا و ممكن يكون حبهم لابس نظارة سودا فايكملوا و يفضلوا كده لغاية مايصطدموا بالواقع الي كانوا بيتجاهلوه, يا ريت لو توضحي رأيك فإنه إزاي بيكونوا عارفين النهاية من الأول.

أما بخصوص انه مفيش ولد بيتجوز واحده مشيت معاه قبل ما يخطبها, انا معاكي انه معظم الشباب بيفكر بالإسلوب ده وأنا عن نفسي كنت ضد الموضوع ده بس دلوقتي بقيت من أشد المؤيدين ليه, لأسباب معينه لأن طبعنا شرقي فدرجة الغيرة في دمنا عاليه شوية فتلاقي الشاب بيفكر علطول في الموضوع ده, طب ده هيا كانت بتكدب على أهلها عشان تخرج معايا و كانت بتزوغ من المحاضرة عشان تقابلني, وكانت بتستخبى في أوضتها بعد مايناموا أهلها عشان تكلمني, وما الا ذلك من تضحيات و مخاطرات البنت كانت بتعملها عشان بتحبه و عشان ترضيه, بس الشاب بيجي في باله انا ايش ضمني انها ماكنتش بتعمل الكلام ده مع غيري وممكن في نفس الوقت مش قبلي, طب ده هيا كانت مقرطسه أهلها فممكن بعد الجواز تقرطسني انا. فابيبتدي الشك في قلبه وطالما دخل الشك بينهم يبقى انكتب على حبهم انه يموت, فابيلجأ للطريقة التقلدية في الجواز مع انها ماحلتش الموضوع لأنه برضة ايش ضمنه ان البنت دي مش من نفس النوعيه بس غيرته و شكه بيكون أقل لأن علاقتهم في النور ولأنه ماشافش منها الي شافه من الي كانت عشقاه في الضلمه.

داركر حبيب قلبي .. إزيك يا مان ؟ وأراضيك فين دلوقت ( أستراليا ولا الكويت ولا مصر ؟ )

بجد موضوع جميل وعجبني الكام جُملة دول

إقتباس

بمعنى انه كل حاجة بيعملها في دنيته وكل خطوة بيخطيها في حياته بتكون عشانه, الحب هوا انك بتتغير عشان الإنسان الي انتا بتحبه تغير في الطباع في التفكير في إسلوب الحياة كله. الحب اكبر من انه يتقال في كلام

إيه يابا ده ... ده أنت حبيب قديم بقى .. وشكلك كده لئيم

إستنى عليه لما أخلص قفص المانجا وأجي أشارك معاك

سي السيد و الله واحشني وكل أعضاء المنتدى واحشيني موت, أنا حاليا استقريت في الكويت اديني شغال و بكمل دراسة, حتة اني حبيب قديم دي ولئيم, أحب اقلك ده انا غلبان على رأي عادل إمام, بصراحة انا عندي كام تجربه وكانوا فاشلين و الحمد لله على كل حال.

مستني مشاركتك وعلى الله تكون خلصت ترله المانجا الي بتاكل فيها من إمبارح ماتخافش عيني مش وحشه :angry2:

نانسي بصراحة كلامك 100% بس برضه مالقيتش فيه الرد على الحاجة الأساسيه الي بدور عليها ياترى الحب الحقيقي بيكون من القلب ولا من العقل, ولو من العقل يبقى ده معناه اني اقدر أحب أي حد على حسب مزاجي ولا برضه بيكون حب لا إرادي كل الي يفرقه فيها انه بحكم فيه عقلي وده ناتج عن النضوج في التفكير؟

[nancy]

اولا احب اناقشك فى نقطة

حكاية ان الشاب ميتجوزش البنت الى مش معاه ويدور على واحدة ملهاش تجارب

دة اسلوب النعام لانة بيسب واحدة فهمتة وحبتة علشان يدور على واحدة فهمت غيرة وحبيتة

ويقنع نفسة ان عاوز واحدة خام

مفيش بنت محبتش حتى لو حبت ابن الجران او واحد من الاقارب او اى حد من دايرتها

مش حنقول كلمتة وخرجت معاه بس قلبها دق لغيرة وكان عندها بيمثل شىء

وبعدين لازم الشاب يفكر انة لما بيغلط او بيحب او اى حاجة مبيكونش لوحدة فية طرف اخر وحصل تجاوب منها بناءا على زنه هو .. فعيب انة يبقى اجنبى لما يحب وشرقى لما يتجوز

دة انفصام فى الشخصية .. ودة عموما نفصام فى المجتمع كلة الى كل موقف لة ردين فعل

مخلفين حسب الاخر فى الموضوع مش قناعات ثابتة

نانسي بصراحة كلامك 100% بس برضه مالقيتش فيه الرد على الحاجة الأساسيه الي بدور عليها ياترى الحب الحقيقي بيكون من القلب ولا من العقل, ولو من العقل يبقى ده معناه اني اقدر أحب أي حد على حسب مزاجي ولا برضه بيكون حب لا إرادي كل الي يفرقه فيها انه بحكم فيه عقلي وده ناتج عن النضوج في التفكير؟

مبدايا احنا متفقين ان القلب مضخة وجهاز وظيفتة البقاء على حياتنا مستمرة

بس اعتقد ان الحب بيتنسب للقلب على اساس انة لا يتوقف عن العمل زى ما الحب المفروض انة ميتوقفش عن الحياة

بس الحب بيحصل انك بيكون متكون فى عقلك صورة عن الحب وعن الحبيب

بتشوف حد عينك بتنقل الصورة للمخ والمخ بيترجمها ان هو دة الشخص المطابق للمواصفات المرسومة

فبيخلى القلب معدل نبضة يزيد من الانفعال وبتحصل كمياء بين الشخصين

فبيبتدى الحب

فالحب عقل وعاطفة وكمياء

بس مش ممكن تحب الا بالى قلبك يعلى نبضة بسبب اوامر المخ

فى بداية الحب ولو انت واعى لنفسك ممكن تقيم العلاقة بشكل موضوعى

وتقرر استمر لحد فين ولا استمر على طول ولا كفاية لحد كدة

على حسب باقى قناعاتك وسنك وامور كتير

بس علشان تقيم الموضوع بشكل حقيقى لازم تكون ناضج كفاية

بس المشكلة ان الحب بيحصل وانت فى مرحلة تكوين الشخصية وبدل ما نت تشكل الحب والعلاقة بيحصل العكس

فياما ربنا بيسلم ويطلع الحبيب كويس

ياما بتحصل المشاكل وميكونش فية نصيب اصلا