هو صحيح أحنا مسلمين ؟ طيب ملتنا أيه ؟

[عمر عباس]

لو كنا بلاد كفرة زى دول كتير حاربت من أجل حريتها لأنهم مش عبيد ... أيشى ثورة برتقالية وأيشى تعيد أنتخابات مزورة .... يعنى حتى البلاد اللى مش ملتها الاسلام يشعر الانسان بقيمته ولا يمكن أن يتنازل عن حريته وآدميته .....

طيب دأحنا مسلمين و أول حاجة أتعلمناها من الاسلام هى عدم الخوف ( العمر والرزق بيد الله مش بيد أحد ) مش هى دى العقيدة اللى أول حاجة لابد تكون عند المسلم حتى لا يكون ملحد أو مشرك بأن يعبد غير الله خوفا أو طمعا ...

طيب مش الاسلام علمنا أن اللى بيموت فى سبيل الله شهيد وأنه حى يرزق ..... طيب الناس بتصلى وفشوفهم فى الجمعة زاحمين الجامع ... كل دول مسلمين أزاى وهم خائفين من غير الله .... بكم الكيلو أسلام أذا أشركنا مع الله ..... بشر مثلنا نخاف منه .... أصبح فى قلوبنا حاجة وعلى لسانا حاجة تانية ... يعنى بوشين .... منافق يعنى ...

طبعا لا أنا ولا أنت ولا هو ...... دأنا بتكلم على ناس تانية ..... كلنا هجص فى هجص .... أحنا ملتنا أيه ... مش هو الاسلام كتابه القرآن .... طيب الكتاب بيقول حاجة والناس كلها بتعمل حاجة تانية .... وبيقولوا أنهم مسلمين ... أزاى

فى القرآن العظيم قصة سحرة فرعون .... حسموا أمرهم بكلمة قالوها للطاغية حينما توعدهم بالتقطيع من خلاف ..... قالوا له .. أقضى ما أنت قاض أنما تقضى فى الحياة الدنيا ...

اللى محيرنى هو الاسلام بتاعنا أتغير ليه ..... هو القرآن ده مش المفروض يكون دستور المسلم

طيب ..... ليه المسلمين مظهر فقط لا غير .... يصلون ويصومون وهم بعيد عن الاسلام ....

طيب مش ربنا قال ولله العزة ولرسوله والمؤمنين .... أى أن العزة والحرية والاباء كلها تأتى أذا فعلا أسلمنا ... أسلام حقيقى مش أسلام سياحى

أننى أرى الناس أحيانا سكارى وما هم بسكارى .... لأنهم لم يسلموا .... ربهم هو من يحكمهم من البشر ...دى حتى بلاد الكفرة...مش كده ... أمال احنا ملتنا أيه ؟

أنهم يعبدون غير الله ولا يعلنون ذلك .... يخافون غير الله ولايعلنون ذلك .....

هى ملتنا أيه ؟ الاسلام حاليا مش موجود ..... طيب اللى موجود ده أسمه أيه ...

أذا كنت حر .... كن صريح .... يعنى ما وقر فى القلب وصدقه العمل ..... هو مش الاسلام علنى ولا بنعبد فى السر ....

[Lembic]

لو كنا بلاد كفرة زى دول كتير حاربت من أجل حريتها لأنهم مش عبيد ... أيشى ثورة برتقالية وأيشى تعيد أنتخابات مزورة .... يعنى حتى البلاد اللى مش ملتها الاسلام يشعر الانسان بقيمته ولا يمكن أن يتنازل عن حريته وآدميته .....

طيب دأحنا مسلمين و أول حاجة أتعلمناها من الاسلام هى عدم الخوف ( العمر والرزق بيد الله مش بيد أحد ) مش هى دى العقيدة اللى أول حاجة لابد تكون عند المسلم حتى لا يكون ملحد أو مشرك بأن يعبد غير الله خوفا أو طمعا ...

طيب مش الاسلام علمنا أن اللى بيموت فى سبيل الله شهيد وأنه حى يرزق ..... طيب الناس بتصلى وفشوفهم فى الجمعة زاحمين الجامع ... كل دول مسلمين أزاى وهم خائفين من غير الله .... بكم الكيلو أسلام أذا أشركنا مع الله ..... بشر مثلنا نخاف منه .... أصبح فى قلوبنا حاجة وعلى لسانا حاجة تانية ... يعنى بوشين .... منافق يعنى ...

طبعا لا أنا ولا أنت ولا هو ...... دأنا بتكلم على ناس تانية ..... كلنا هجص فى هجص .... أحنا ملتنا أيه ... مش هو الاسلام كتابه القرآن .... طيب الكتاب بيقول حاجة والناس كلها بتعمل حاجة تانية .... وبيقولوا أنهم مسلمين ... أزاى

فى القرآن العظيم قصة سحرة فرعون .... حسموا أمرهم بكلمة قالوها للطاغية حينما توعدهم بالتقطيع من خلاف ..... قالوا له .. أقضى ما أنت قاض أنما تقضى فى الحياة الدنيا ...

اللى محيرنى هو الاسلام بتاعنا أتغير ليه ..... هو القرآن ده مش المفروض يكون دستور المسلم

طيب ..... ليه المسلمين مظهر فقط لا غير .... يصلون ويصومون وهم بعيد عن الاسلام ....

طيب مش ربنا قال ولله العزة ولرسوله والمؤمنين .... أى أن العزة والحرية والاباء كلها تأتى أذا فعلا أسلمنا ... أسلام حقيقى مش أسلام سياحى

أننى أرى الناس أحيانا سكارى وما هم بسكارى .... لأنهم لم يسلموا .... ربهم هو من يحكمهم من البشر ...دى حتى بلاد الكفرة...مش كده ... أمال احنا ملتنا أيه ؟

أنهم يعبدون غير الله ولا يعلنون ذلك .... يخافون غير الله ولايعلنون ذلك .....

هى ملتنا أيه ؟ الاسلام حاليا مش موجود ..... طيب اللى موجود ده أسمه أيه ...

أذا كنت حر .... كن صريح .... يعنى ما وقر فى القلب وصدقه العمل ..... هو مش الاسلام علنى ولا بنعبد فى السر ....

قال صلى الله عليه وسلم- ("توشك الأمم ان تتداعى عليكم كما تتداعى الأكلة على قصعتها. فقال قائل:أومن قلة نحن يومئذ يارسول الله؟ قال: بل انتم كثير.. ولكنكم غثاء كغثاء السيل.. ولينزعن الله من صدور عدوكم المهابة منكم وليقذفن فى قلوبكم الوهن.. فقال قائل: وما الوهن يارسول الله؟ قال: حب الدنيا وكراهية الموت)

[مومو الامور]

لا تعليق لانه اذا علقنا خرج الفقهاء وهاجمونا وهم لا يدرون واش السالفه

الاخ عباس كلامك فى عقل كل مسلم حر بيلف وبيتسائل

كلامك منطقى ولو سمعه الجاهلون افتونا اننا لا نعلم

سؤالى هنا

احنا عايشين ليه بقا

عايشين علشان ننهزم

عايشين علشان نشوف اسرائيل بتقطع الفلسطينين واللبنانين وامريكا بتقطع العراقيين

عايشين علشان نشوف المسجد الاقصى وهو بيتدمر وبيتقلب وكر صهاينه

عايشين علشان نشوف امريكا بتتحكم حتى فى اخلاقنا زى العرايس اللى باحبال فى مسرح العرائس

عايشين علشان نشوف الخنازير الصهاينه بيحكمونا وبيرجعوا عصر العبيد بس المرة دى بالبدل والجرفتات

ولسه هنعيش

حسبى الله ونعم الوكيل فى كل حاكم ظالم ظلم شعبه

حسبى الله ونعم الوكيل فى كل مسئول كاذب

حسبى الله ونعم الوكيل فى كل حرامى سرق قوت الغلابه

حسبى الله ونعم الوكيل

[عمر عباس]

هل لنا حق الدعاء الى الله ... مش عارف .... ولكن يجب أن ندعو ... بصدق ومن قلوبنا

ويا حبذا لو كنا ساجدين على الارض لله

يارب ... نشكو اليك ضعف قوتنا وقلة حيلتنا وهونا على الناس

يارب .... يسر لنا أن نجعل من أمرنا قوة

يارب ... أرزقنا بحاكم مسلم ذو بأس شديد على أعداؤك وليس علينا

أنصر الاسلام .... أنت وحدك القادر ....

يارب أجعل غضبك على أعداء الاسلام آية لنصرتنا

[se_ Elsyed]

يا أستاذ عمر الكلام اللي حضرتك كاتبه ده وكل تلك النتائج كانت مُحصلة طبيعية لعقود طويلة من الزمن تم فيها زراعة الجُبن والخوف تحت جلودنا جميعاً بلا إستثناء ، أصل الناس اللي إنت بتشوفهم ماليين الجامع دول إحنا منهم برضوا .. والخوف والمشي جنب الحيط .. إحنا بنمارسه برضوا

زمان لما بدأت الرسالة الإسلامية كنا بنشوف ونسمع عن ناس بتيجي تجذب الرسول من إزارة اللي لابسه وتقوله بكل جلافه " اعطيني مما أعطاك الله فأنت لا تعطيني من مالك ولا مال أبيك " وكانوا بيراجعوا الخلفاء الراشدين الأوائل ويشهروا في وجوههم السيوف ليقوموهم إذا حادوا عن الصواب وولا سمعنا عن واحد أعتقلوه وأغتصبوا مراته عشان يعترف بمحاولة قلب نظام الحُكم ولا سمعنا عن واحد إتوجه له تهمة ( العيب في الذات المليكة ) ... إلى أن تم تدريجيين تصوير الحاكم على إنه إله وإن لا يجب معارضته وإن الخروج على الحاكم الظالم ده كفر .. وإن الحاكم ظل الله في الأرض حتى و إن كان مُحتل ... وده بفعل ضعف إيمان الناس .. وديكتاتورية الحُكام مع شيء مهم جداً وهو وجود طبقة من المنافقين المستفيدين حوالين أي حاكم بيزينوا له سوء عمله ويحضوه على الشر

حتى يا راجل لما حبينا ( أنا بأتكلم عن مصر بالتحديد ) نتخلص من المحتل الغاشم في الثورة على الإنجليز والعلويين اللي شفطوا خير البلد وجاء حكام مننا وعلينا وأولاد البلد ليحكموا .. سرعان ما أصبحوا أكثر إستبداداً من المُحتل وأصبحنا نتمنى عودة الإحتلال مرة أخرى .. على الأقل يكون لنا هدف نعيش من أجله وهو المقاومة والجهاد للتخلص ممن أغتصب أرضنا ... وأصبح الواحد مننا بيخاف يتكلم حتى مع نفسه عشان ما يلاقيش روحه ورا الشمس ...

إذا الحل يكمُن في التحرك الجماعي للشعب .. والإيمان بالهدف اللي لازم نعيش له وهو تطيبق الديمقراطية وتحقيق الحرية ... وإن نظرتنا تتغير تجاه من يعتلي الكُرسي ويجلس على قلوبنا وينهب خيرنا لمدة تزيد عن رُبع قرن ... والتوقف عن مصمصة الشفايف والتلذذ بما يحدث لنا من ويلات وبهدلة ... ونبطل بقى نبقى لا مؤخذه زي الولايه ونردد كلمات عبيطة لا تقدم بل تؤخر ... أنا لسه راجع من مصر وسمعت الكلام ده بوداني من الكثيرين من عينة " ده الراجل كبر وبقى عنده 80 سنة .. حقا لو مات ده البلد تتخرب ... والنظام يبوظ .. ومش بعيد يحصل حرب أهليه .... فعلى الأقل جمال لو مسك إدارة المحل بعد أبوه .. أهو إسمه مننا وعلينا ومتربي في قصر الرئاسة وعارف الفوله "

شفت ؟ وكأن الأنبياء أنفسهم لم يموتوا ومع ذلك الحياة أستمرت وإمبراطوريات كثيرة عاشت بعد أن رحل مؤسسيها ..

أما أحنا فبندور في فلك الحاكم الألهة الأوحد الذي لا ينطق عن الهوى واللي مستتنا ومغرقنا في النعيم واللي لو مات يبقى هانتيتم من بعده ومش هانلاقي ناكل كافيار وسيمون فيميه

[عمر عباس]

يا ليلة سودة لو مسك هذا حكم مصر ...

هى ناقصة خراب ودمار ...

هما عايزين ايه اكثر من اللى سرقوه

ما خلاص معدش حاجة .....

ده جيش لبنان احسن من جيشنا ... وده مدفوع ثمنه من امريكا ليهم

خلاص احنا ليست لنا اى قيمة .... حتى مترضاش دولة تحتلنا ...

[احمد هادي]

يا جماعة الخير

الشخص الذي لا يستطيع ان يتوقف عن تدخين السيجارة ......هل تتوقع منه ان يهب ليغير نظام دولة ؟

المسلم الذي يعجز ان يستيقظ فجرا لأداء الصلاة ........هل لديه الهمة لإحتمال الاذي في سيبل ما يؤمن بة ؟

الرجل الذي لا يستطيع ان يقول لا لرغباتة وشهواته .....اتظنه قادرا علي ان يقولها بعد ذلك لظالم او متكبر ؟

المسألة ببساطة هي أن لكل شيئ ثمن

من يريد عليه ان يدفع

كل المطلوب منا ان نكون مستعدين لدفع ذلك الثمن

وقبلها ان نكون قادرين علي الدفع

وأعتقد ان بيننا من هو قادر ومستعد

فهل انت منهم ؟

حاول ....

ويكفيك شرف المحاولة

تحياتي

[عمر عباس]

سؤال برئ

هل ممكن نخوفهم ؟

فكروا معاى ...

لو خافوا هيعزلوا بدرى ....

أزاى نخوفهم وعلنى وعلى عينك يا تاجر ؟

سؤال برئ آخر

هل ممكن زرع الفتنة بينهم ؟

يعنى نجعلهم يأكلوا فى بعض ؟

أزاى ؟

سامحونى على شوية العبط بتاعى

يعنى بنحاول نفكر ..

وممكن واحد يحسن لى فكرتى يزود عليها شوية مفيش مانع

دعوة لأذكياء الموقع وغيرهم نفكر نعمل حاجة

أحسن عصر الجزمة قادم

آت ...آت .... سمعت كده

[محمد عبدالعزيز]

يا جماعة حرام عليكم بقى بجد.

احنا مش ناقصين احباط, كفاية الإحباط اللى بقينا بتنفسه بدل الهواء.

نفسى أشوف واحد متفائل فى البلد دى, وصل بى الحال إنى بقيت أخاف أمشى فى الشارع عشان ماتخانقش مع حد من اللى ماشيين فى الشارع وكأنهم حيوانات مش بنى أدميين, شايفيين الغلط والإهمال محاوطنا من كل حتة وتيجى تكلم واحد ولا تنصحه تلاقى عشرة بيدافعوا عنه ويقفوا ضدك عشان هو بيمثل السلطة سواء كان سواق ميكروباص ولا موظف فى مصلحة حكومية ولا رئيسك فى العمل. الواحد مابقاش عارف ينصح مين ولا يكلم مين, الفساد والإهمال والضياع وصل لمرحلة متقدمة جداً, ربنا يعافينا ويطلعنا منها على خير.

حبيبى يارسول الله, اتحملت كتير عشان توصل الرسالة وتؤدى الأمانة, حتى دانت لك الأرض مشرقها ومغربها, إنما احنا ضعاف مش قادرين حتى نقول كلمة حق فى وجه بشر زيه زينا, حتى ولو كان سواق الميكروباص.

حبيبى يارسول الله, جعت وانجرحت وأوذيت فى نفسك وأهلك وأخرجت من بلدك, لكنك صبرت وصابرت ورابطت واتقيت الله فأفلحت وأقمت دولة حكمت العالم بأسره وأضعناها نحن وفضلنا الحياة الدنيا وماهو إلا متاع الغرور.

رجاء من كل واحد فينا عنده ابن أو بنت يعلمهم يعيشوا بكرامة وعزة ويرفضوا الذل مهما كان الثمن, ويكون هو قدوة لهم ويضحى ويستحمل ويعلمهم يضحوا معاه, يمكن ييجى يوم يقدروا يعملوا فيه حاجة.

معلش يا جماعة مش قادر استحمل أكتر من كده وكان لازم أفضفض شوية.