خواطر رباعية

[houssin abo habaga]

عجيب أمرك يا ريس كل ده ومش دارى

أنا مصر اللى بتتكلم ولا أنت فى العالى

أنزل شويه لتحت وبص شوف كده حالى

ولا أنت فاكر شكوتى دى من بنات أفكارى

"""""""""""""""""""

كل ركن فى مصر تروحه تلاقى الرئيس على الحيطه

محطوط فى بروازخشب أو تمثال أهه كله على الحيطه

قال لصدام فى حرب الخليج صورتك أصنام على الحيطه

بكره تروح زيه يا صاحبى وتنزل صورتك من على الحيطه

""""""""""""""""""""""""""

كام مظلوم تضرع ودعا علـيك عند الله بالحسبه

من سوء حاله والفساد شـــكوته عند الله بالحسبه

أجمع وأطرح وأظلم الحــــساب عند الله بالحسبه

جسدك ينام فى التراب وروحك عند الله بالحسبه

""""""""""""""""""""""""

ندرأوفيه عليا يا ريس والندر واجب التنفيذ

يوم ما تمشى يا ريس تكون على قلبنا عزيز

سبع ليالى فرح ومسيرة المليون جاهزة للتنفيذ

وكل مصر تطلع ياريس حتقولك سلام يا عزيز

""""""""""""""""

الزمن ده زمن تبيع و تشترى فيه كل حاجه بالفلوس

حتى الزمم بعــوهاوالضماير سعروها الناس بالفلوس

تحب تاخــد قرض وتزور أوراق أرض كله بالفلوس

مات الضمير فى قلب المشاعر والحـــب بقى بالفلوس

"""""""""""""""""""""""""""""

يا عازف الناى قسم تقاسيمك الحزينه على جروحى

الناى فى طبع صوته الحزن ويتــماشى مع جروحى

بلدنا كلها موال حزيين من سنيين هى سبب جروحى

نفسى أشوفك يا بلدى يوم موال فرح وتنتهى جروحى

""""""""""""""""""""""""""

الدنيا من أفعـالها فى الناس تشبه المرجيحه

يوم تطلعك فى العــالى ويوم تنزلك سطيحه

ويوم تملك منصب عال تلعب ألاعيب شيحه

ويوم يضيع مــالك يقولولك أبعد بلا فضيحه

"""""""""""""""""""

سمعت كلام من راجل حكيم عن حاكم فى البلد متعافى

بيحكم بالحديد والناروظالم وبظلمه على الناس ومتعافى

وفى عز ظلم الحاكم جاله فكرة الموت فى راسه المتعافى

أنزوى وأنبرى جسده من كتر الخوف وآدى نهاية المتعافى

""""""""""""""""""""""""""""""""""""

omran55.maktoobblog.com

www.dastor.net