إستعيروا هذا الرجل من حكومة برلين ..!!

[achnaton]

بسم الله الرحمن الرحيم

أعجب ما قرأت من تعليقات على الخيبة التقيلة اللى احنا عايشينها فى المحروسة .. واصرار هيئة حرق الناس .. هيئة السكك الحضيض .. تصريح وزير النقل السابق ... وقد أصابتنى الدهشة وانا أقرأ تصريحه .. وكشفه السافر لرئيس الوزارة الالكترونية ..والمهندس نظيف ..من قبل ما يعينه الرئيس مبارك رئيسا للوزارة..كان وزيرا للأتصالات ..وله معنا فى هذا المنتدى أيامها موضوعات .. ومنها .. " الدكتور نظيف ..خبير التنظيف " فهوصاحب كل الحيل الالكترونية فى مصر دم الشعب .. من أيام فواتير التليفونات .. شوفوا .. أيامها .. شعب المحروسة المنحوسة مول من جيبه .. ومن دمه ..ومن عرقة .. تطوير شبكة الاتصالات فى كل مصر ..وشراء سنترالات جديده ..بل وقام ابنائها من أعضاء القوات المسلحة بمد هذه الشبكات .. كل ده ..إعتبره الدكتور نظيف عندما عينوه وزير .. إنه عزبه ورثها عن أجداده .. وعمل تمام زى الطباخ بتاع جدى الشيخ حسن " رحمةالله عليه " .. لما جدى قبل ما يسافر عمرة رمضان ..جابه وقال له .. تولى إنت فى غيابى إفطار اهالى النجع زى كل عام .. الطباخ ده .. انتهز..سفر جدى ..وفتح الدوار الكبير .. لمن يريد الافطار أوالسحور .. بس .. عمل عمله منيلة ..كان بيآخد قرشين صاغ من اللى يفطر .. وقرش ونص للسحور ..لحسابه الخاص ..والفرق بين الدكتور اللى إستلم شبكة مجدده للأتصالات عملها الشعب ومولها ودفع تمنها .. وبين الطور اللى إستلم المطبخ وبه خزين لكل الحاجات .. أن الدكتور بيكافأ أصحاب السنترالات .. بزيادة الاسعار .. وكأنهم زباين مش أصحاب الشبكات ..!! ..

وزير النقل السابق ..طلب ميزانية إنقاذ فى حدود 2 مليار .. ليه يعطوه 700 مليون فقط ..فى الوقت الذى كان فيه ابراهيم نافع بينهب من الخزانه 3 مليون مرتب شهرى .. ومساعدوه اللى اثنين واللى اثنين ونصف مليون فى الشهر ... ومش عارف كام بيقيض "غراب الخراب " رئيس الوزارة السابق حاليا بعد ما خربها ومشى ؟؟

الوقت إرتفعت بعض الاصوات .. لتستعين هيئة " القتل " النقل العام .. بخبراء من الخارج ينوروا لنا الطريق ..؟؟

وامبارح معالى ريس الوزراء زار ورش تلك الهيئة ..وخرج يمدح ..ويسرح بينا .. على مستوى عالى ..!! كفاية بقى يا عالم .. دا الكذب مالوش رجلين .. ومفيش اسطى فى هذه الورش الا ما بيشكى من عدم التقدير .. وقلة المرتبات .. ونستعين با اجانب ليه وعندنا علماء افاضل متخصصين .. يخدمون فى بلاد الغربه ..

أنا عاوز أقترح على الرئيس مبارك .. ياريت يا ريس .. تأمر باستعارة المهندس الذى قام بتنفيذ إقامة أكبر واجمل محطة سكة حديد فى العالم .. بشهادة دولية .. إستعارته لمدة شهر أو اثنين .. ليحل لنا لغز الخيبة التقيلة اللى إحنا عايشينها فى المحروسة من ربع قرن .. المهندس ده مصرى ..وبيفخر إنه مصرى .. وكتبنا عنه فى هذا المنتدى أيامها بأنه بنى الهرم الاكبر فى برلين ..تحت عنوان " مهندس مصرى يبنى هرما فى برلين "..

http://www.egyptiantalks.org/invb/index.php?showtopic=17472

وقد قدمه لكم السفير عرابى عند زيارتكم الاخيره لبرلين .. إستدعيه يا سيادة الرئيس .. فهو أعلم بإحتياجات المواطن المصرى ..وأدرى بعادتنا ..وارضنا .. كما أنه عالم فى مجالات الموصلات ..ومهنس تنفيذ على الرقى الدرجات .. يعلم جيدا الجديد بالاسواق .. وشبعان مش محتاج لعمولات .. بس تحميه من السلعوات ..وهواة المشاركات ..

اقول قولى هذا ..وربنا ينور لنا جميعا الطريق .. ويرحم المحروق والغريق من شهداء الهيئة العامة للحريق .

تم تعديل 25 أغسطس 2006 بواسطة achnaton