المقيمين في دبي مساعدة لله

[عطر]

أنا جاية لمدة اسبوعين لدبي من يوم 8 سبتمبر

صحيح دي مش أول مرة أروح

لكن المرات اللي فاتت كنت مقضياها في سيتي سنتر وكم مول زي ميركاتو وواحد تاني مش فاكرة اسمه

واقصى حاجة عملتها هي السفاري في الصحرا

ممكن بأة اللي عايشين هناك يساعدوني ويقولوا لي على اماكن تسلية

انا حكون مشغولة يوميا من 8 ص لـ 6 مساءا وبعد كدة عايزة اماكن حلوة اروحها

مقاهي فيها موسيقى مثلا ، اماكن سياحية ازورها

يعني ببساطة كدة عايزاكم تعملوا لي بروجرام أمشي عليه :P

لحسن حاسة اني حطق لوحدي لما اروح زي ما حصل لي قبل كدة mfb:

[واحد تاني]

.... زي ميركاتو وواحد تاني مش فاكرة اسمه

...

عايزة اماكن حلوة اروحها

مقاهي فيها موسيقى مثلا ، اماكن سياحية ازورها

يعني ببساطة كدة عايزاكم تعملوا لي بروجرام أمشي عليه :P

رغم اني في مصر ... بس طالما جبتي سيرتي يبقى خلينى اقولك برنامج اول يوم ... واسيب الباقي لاعضاء الرابطة

بعد الساعة 6 لو كنتى لسة هتتغدي يبقى ارشح ليكي مكان من اتنين ...

1- زيارة ... وده رستوران لبناني ... قعدته ظريفة

بيعمل مشاوي كويسة ... والاسكالوب كمان عنده هيعجبك ...

ده تروحي له وانتى ماشية فى الشيخ زايد ولما تبقى الايماريتس تاورز على شمالك ادخلى من اي يمين يقابلك وارجعي فى الموازي للشيخ زايد ...

بعد الغدا لو حبيتى تقعدي فى كافية لطيف قصاد منه على طريق الشيخ زايد بس على جهة الايماريتس تاورز ... هتلاقي كوزمو كافيه قعدته بره لطيفة بس اليومين دول زمان الرطوبة عامل عاميلها ... احتمال بالليل يبقى الوضع افضل ... او حوه بقى لو لا مفر

2- وده الاختيار التاني ... وبيه ممكن تضربي عصفورين بنفس ذات الحجر ...

عليكي وعلى ريم البوادي ... ده مكان لطيف في جميرا ... بعد ما تسيبى ميركاتو وانتى فى اتجاه برج العرب هتلاقيه جنب الـ HSBC قعدته ظريفة جدا والاكل عندهم كمان كويس ... وكمان لو مش عاوزة لحوم ومشويات هتلاقي اسماك ... وهو فى نفس الوقت كافيه لطيف ... موسيقى بقى وجو

ملحوظة... احيانا بيكون FULL من الافضل تحجزي قبل ماتروحي حتى لو بالتليفون ...

اما لو كنتى من هواة سهرات الفنادق ... يبقى ارشحلك الرستورا المفتوح بتاع فندق القصر THE PALACE اللى فى مدينة جميرا

وارشحلك القعدات الخارجية بتاعة فندق رويال ميراج ... تحفة واكيد هتعجبك

وكمان فندق جراند حياة فى كذا مكان هتتبسطي كتير فيهم

اما المولات ... طبعا لازم تعملي زيارة لابن بطوطة مول وتعيشى تجربته

او لو ليكي فى الزحلقة mfb: يبقى تطلعى على الايماريتس مول

وجربي كمان سوق مدينة جميرا (السوق) جو تراثي لطيف

واسيب بقى الاخوة الافاضل اعضاء الرابطة يفسحوكي كام فسحة كده وارجعلك تاني

تحياتي ...

[عطر]

الله الله عليك ياواحد تاني

يارب يخليك يارب على المعلومات دي وان شاء الله بروح لهم كلهم

بس عندي سؤال احسن لي استأجر عربية ولا تاكسيات سهلة لأني الفندق بتاعي حيكون بعيد اوي عند knowledge villgae mfb:

[واحد تاني]

اكيد العربية يا فندم هتكون افضل كتير وتستمتعي بفسحك وانتى بتتحركي براحتك .... طالما

هتبعدي عن اوقات الذروة ... عشان ما تكرهيش نفسك ... بس بينى وبينك ... حتى فى الذروة لو هتكرهكي نفسك وانتى فى عربيتك احسن ما تكرهيها وانتى بتشمي باتان ... mfb:

مش كده والا ايه ؟

[عطر]

والله ياواحد تاني لولا جبرت بخاطري ماكان حد عبرني :unsure:

بس انت رحت فين مش قلت هترجع لي تاني :angry2:

[زعلان]

ممكن تروحي Wild Wadi water Park يوم الخميس مساء بتكون للنساء فقط بعد 6 مساء أظن

باقي الأيام بما فيها يوم الخميس من 11ص الى 7 او 6 م مختلطة

المطعم المغربي في فندق رويال ميراج

وفي جلسة الروف (التراس ) في فندق رويال ميراج ظريفة

[eastsoul]

السلام عليكم و رحمة الله و بركاته ...

عطر ده انتي تنوري دبي ... لو بتحبي المولات ... في موالين جداد اتفتحوا اللي ذكرهم واحد تاني...

1. مول الامارات : و ده جنب انو مول ففي بردوا اكبر صالة للتزحلق على الجليد "Ski Dubai" و يعتبر اكبر مول في دبي لحد دلوقتي.

2. ابن بطوطة مول : و ده بردوا مول جديد و الحلو فيه ان الديكور الداخلي للمول مستوحى من معالم تاريخية ففي هتلاقي الساحة المصرية و هتشوفي الزخارف الفرعونية و هناك بردوا الساحة الهندية و الصينية و بلاد فارس و تونس.