وداعا رمسيس

[houssin abo habaga]

من زمان كان مرورى

دايما هناك

أنظر بعظمه للشموخ

وهو واقف مالى الميدان

أحس أن أجدادى ملكونى

كل حاجه فى التاريخ

وأنى من سلاله ملوك

سطروا لمصر علامه

على مر الزمان

وأنا صغير

كنت ألعب فى النافوره

وجنب رجله أخدلى صوره

وهو واقف فى قلب الميدان

كل الناس صغيريين

وهو شامخ شاهد عيان

عاصرت أحداث كثيرة

على مر الزمان

كنت شاهد

كنت عارف

كنت تملك

أسرارنا الكبيرة

كنت رمز

لكل أحلامنا الصغيرة

كل مصر تيجى عندك بالزيارة

وأنت مالكش مقام

لا أنت شيخ ولا أنت ولى

أنت ملك من زمان

وسرك الباتع

غطى المكان

كنت وحده جامعه كل مصر

بحرى وقبلى كمان

كنت أحسن من ألف عمده

شفناك وأنت واقف وحدك فى الميدان

فى فيلم باب الحديد

وفى أغانى العندليب

النهارده بنقولك وداع

قالوا التلوث راح نشيله

ونحطه جوه متحف فى البتاع

خلاص حتكون بعيد

حيشوفوك ناس بترطم لغات

بعد ماكانت كل مصر

كل وقت بتسلم عليك

دلوقتى عايز مترجم

وتنام وحيد

بعد ماكنا كلنا نسهر معاك

انا عمرى ما خفت عليك

دلوقتى لمكانك تارك

أنا خوفى لايكونوا شالوك

ويحطوا فى القاعده مبارك

ساعتها لا حنيجى نزور

ولا مصر حتيجى تبارك

يا جماعه بطلوا تزوير

تاريخنا شاهد ومشارك

""""""""""""""""""""

www.dastor.net

omran55.maktobblog.com

[عصام أبوالفتح]

الان فى برنامج العاشرة مساء .. فيه ناس بتقول اصله تعب اوى .. ان شاء الله يروح لمكان احسن من التلوث اللى مالى المكان .. هايشم هوا نظيييييييييف

ايه الجنان ده .. !!!!!!!!!؟ والله والله والله الشعب ده هايموتنى كمدا وحسرة عليه ..

هوا نظيف ايه اللى هايشمه .. ما يغور فى ستين داهية .. البنى ادم فييييييييييييييييييييييين

بنحافظ على حجر ب 6 مليون جنيه .. والمتشردين وولاد الناس اللى مالين الميدان على السواء ... يقولون ...

عاش فرعون العظيم .ههههههههههههههه

شعب فعلا .. عجيييييييييييييييييييييييييييييييييب ...

ولا اقول الا ما قاله الله عز وجل : فاستخف قومه فاطاعوه .

لأ ده حياً وميتاً يا رب .. يارب اعفوا عنا واغفر لنا وارحمنا واهدينا .

[khedr]

آه يا بلد

عايزه ولد

ومنين يجي الولد

في زمن الولد

ورث البلد

من ابوه المبارك