خواطر رباعية

[houssin abo habaga]

يا عم يا بوسطجى يا حامل رسايل كيس البريد

أأمنك أمانه رسالة حب توصلهامعاك فى البريد

تسلمها لآهلى وتقولهم فى حبهم مشتاق وبريد

أوصل حبل المحبه ما بينا وقلهم لودهم أنا بريد

""""""""""""""""""""""

يا كاشفه الغيب والبخت فى الفنجان شوفيلى الطالع

طريقى كله حفروسدود وحواجز وواقـــف مش طالع

قالتلى العرافه قدامك سكه سفر تمشى وتعبر وتطالع

أول كيلو متر سقط فى حفرة وقالوا مات ومش طالع

""""""""""""""""""""""""""""""""

فيه خرافه راكبه عقول الناس يسألك نجمك أيه

لو كان النجم يوافقه يقولك الحظ يا سلام عليه

ولما يقع فى العثرة يقولك النحس يا الله عليه

نسيوا أن الرزق مكتوب عندالله والتوكال عليه

"""""""""""""""""""""""""""""

ياست ياللى بتعملى عمل والعمل مش نافع

عايزه ولد من غير طبيب ولا دوا مش نافع

صارفه فلوسك على خرافه الدجال مش نافع

لوالعمل ينفع الدجال ما تشل وبقى مش نافع

""""""""""""""""""""""""""

العين نعمه وجوهره وهبها الخالق لعباد الله

العين بتعشق قبل القلب وتشوف معجزات الله

وعين تكره وتحسد وتضر وتراقب عباد الله

وعين تسهرللسبيل وعين تبكى من خشية الله

"""""""""""""""""""""""""""""""""

يا مصرى أوعى تتطاطى مره لريس ولا حكومه

لو طاطيت مره فى عمرك مش حتقوم لك قومه

طاطى لله الخالق وهذا فرض الصلاه فى علومه

وأرفع راسك لفوق فى العالى أنت من سلاله كريمه

"""""""""""""""""""""""""

www.dastor.net

omran55.maktoobblog.com

تم تعديل 27 أغسطس 2006 بواسطة houssin abo habaga

[khedr]

يا اخي الكريم...ابداعاتك هذه الايام رائعه

موهبتك واضحه...وكلماتك مريحه

بارك الله فيك وزادك من فضله