تغيير إسم ميدان رمسيس إلى ميدان مبارك

[عمر عباس]

سمعت من بعض من كانوا يعقبون علي الموكب المهيب أن الميدان الذي حمل اسم الفرعون العظيم سيتغير بعد نقل التمثال منه ليصبح اسمه «ميدان مبارك» بدلا من «ميدان رمسيس».

الفرعون الحي هو الوريث الشرعي للفرعون الراحل..... وطبعا مبارك أكيد صاحب فكرة نقل التمثال ووضع تمثاله بدلا من رمسيس .... وقد يكون أوحى بها لوزير الثقافة الذى صمم على نقل التمثال بالرغم من اعتراض ناس كتير .

أيه رأيكم نطلق أسم على الميدان ده قبل مبارك وحكومته

ونجعل الفشل من نصيب حكومة مبارك فى وضع اسمه على الميدان

لنقول ... أحنا شعب مصر قررنا أن نسمى هذا الميدان ........ ( أختاروا أسم )

وهل ممكن ( أستشارة من الاخوة المحامين ) رفع دعوى أمام محكمة لهذا الاسم

تم تغيير العنوان ليعبر عن محتوى الموضوع

تم تعديل 28 أغسطس 2006 بواسطة Advisor

[Sherief AbdelWahab]

في عشرينات طرح الموضوع بشكل ساخر ، تخيلوا إن الميدان اتسمى باسم "ميدان كل المصريين"..

تخيل انت بقى لما تركب ميكرو ، بدل ما تركب رمسيس ، قول للتباع : ميدان كل المصريين يا كابتن! :huh:

مينفعش اسم قصير ظريف لطيف الناس ما تنساهوش بسهولة؟

بس تفتكر حيجيبوا مين مكان رمسيس؟

خلص الكلام

[محمد عبدالعزيز]

وماله باب الحديد ماكان حلو واسم حتى يدل على المكان وطبيعته

عمومًا المصريين فى الغالب مش بيعترفوا بأسامى الحكومة وأعتقد أنه سيظل ميدان رمسيس مهما غيروا اسمه, إلا إذا كان الاسم الجديد على مزاج الشعب.

[بنت النيل]

undefined

ياعم عمر عباس

ياسيدى يعنى هى جت على اسم الميدان وحبكت الشعب هو اللى يختاره

خليها بجملة المفروض علينا :angry2:

وبعدين سواء رمسيس او مبارك الاتنين واحد مافرقتش كتير ده فرعون وده فرعون ;)

ياخوفى ينزلو قرار على البطاقه الجديدة بوضع اسم مبارك لقب لكل عائلة ههههههه :unsure: :D

اهو ده اللى ناقصنا بجد تبقى كملت

بمالناسبه مبارك عليكم الشهر

اقولكم يسموه (ميدان الشعب ) او( ميدان الحضارة )

[bassiouny7]

يا خوفي يحسوا اننا مش عاجبنا يسموه ميدان مبارك فيسموه ميدان جمال مبارك واهو يبقوا "على طريقتهم " نزلوا على رغبه الجماهير.

اعتقد ان اسمه يفضل زي ما الكل لسه عرفه ميدان باب الحديد

تحياتي ..............

[عطر]

بما ان مبارك اصبحت كلمة "البتاع" تريد مارك له

فأنا اقترح انهم يسموه ميدان البتااااااااااع

[عمر عباس]

أشكركم جميعا لمشاركتكم ...

بس عايز أقول أن نقل التمثال أتكلف 26 مليون جنيه علشان يفضوا الميدان ويطلقوا أسم مبارك عليه .... خلوا بالكم 26 مليون دول من جيبى وجيوبكم .... واللى يعوزوا بيتك يحرم على الجامع

تعرفوا مشتاق اشوف جنازة كبيرة قوى تنكس فيها الاعلام .......

وياريت الرئيس القادم يكون عمره 95 سنة علشان يحكم سنتين ونشوف جنازة تانية نفرق فيها شربات

[Advisor]

سمعت من بعض من كانوا يعقبون علي الموكب المهيب أن الميدان الذي حمل اسم الفرعون العظيم سيتغير بعد نقل التمثال منه ليصبح اسمه «ميدان مبارك» بدلا من «ميدان رمسيس».

ذكر التليفزيون المصرى أثناء نقل التمثال أن إسم الميدان لن يتغير و سيظل كما هو عليه

[بنت النيل]

الاخ / Advisor

انا لم اسمعها ولكنى قرءتها بالفعل فى جريدة الاخبار المصرية وجريدة الوطن هنا بالكويت ان

رئيس الوزراء اقترح بان يتم تغير اسم الميدان الى ميدان مبارك

وذلك بعد طلب وزير الثقافه لنقل التمثال

[se_ Elsyed]

تكلفة نقل التمثال كانت 6 مليون فقط وليس 26 مليون

اللي إتكلف 26 مليون هو جرج رمسيس متعدد المطوابق اللي هايهدوم بتلكفة تتجاوز 5 مليون لإنه شوه المنظر الحضاري للميدان

يا ملا يينك يا مصر

[se_ Elsyed]

بالمناسبة

في أحد الخطب العصماء للأخ القائد مبارك أدام الله ظله .. قال بالحرف الواحد بإنه كان دايماً بيعارض إطلاق إسمه على أي منشأة سواء محطة مترو أو بلاعة صرف صحي .. وإن اللي بيلح عليه هما المسئولين

يا سلام على التواضع ولسانه اللي بينقط صدق وصراحة

وقال ذات مره حفظة الله وبشبش الطوبة اللي تحت راسه : بإنه لم يعلم شيء على الإطلاق عن إنخراط آبيه جمال مبارك في الحياة السياسية أو إنضمامه للحزب الفاشي .. آه والله

ده حقيقي

حتى بالأمارة تذكر كتب التاريخ والبرديات بإن فرعون مصر مبارك الرابع عشر إستيقظ ذات مره .. وأثناء وجوده في الحمام عشان ياخد الفايف كلوك تي بتاعه .. أبلغه طقم السكرتارية إن جمال إترقى وبقى أمين لجنة السياسات .. فأصيب بالإذبهلال وخرج مسرعاً والصابون على عينه من كثر الإندهاش ...

وبعدين مش هاتفرق ميدان مبارك ميدان رمسيس أهو كلهم فراعنه مع بعض وإحنا مالناش دخل

--------------------------------------------

إسمعوا النكته دي بقى التى أُطلقت على الحاكم مارينجوس الأول حاكم سلطنة بورينجا جبلي

بيقولك مارينجوس ماشي مره بعربيته فلقه يافطة شارع طول عريض ومتسفلت حارتين رايح وحارتين جاي مكتوب عليها " شارع الندل " ( مشوها الندل مره دي للي عارف الكلمة اللي كانت في النكتة الأصلية .. عشان الرقابة بس - فأتضايق جداً - وشكله خد الكلام على نفسه .. فأمر حاكم الولاية إنه يغير اليافطة إلى " شارع مارينجوس " ولإن مارينجوس يُحسن إختيار رجاله فلقد كتب حاكم الولاية على اليافطة " شارع مارينجوس ... الندل سابقاً "

---------------

خدوا دي كمان

بيقولك رينجو اللي هو إسم الدلع بتاع مارينجوس .. وصلته شكاوى كتير عن إنفلات الأسعار والغلاء الفاحش .. فقرر أن يستقصى الامر بنفسة .. فلبس جلباب مقطع وشبشب فرده وفرده .. وتلفح بشال عشان يغطي وجهه - الجميل- وذهب إلى أحد الأكشاك اللي بتبيع سجاير .. وقال للراجل :

رينجو : إديني يابني علبه مارلبورو .. وقولي بكام الأول .

الراجل : بعشرة جنيه يا حاج

رينجو : لكن التسعيرة بتقول 7 .. إنت حرامي

الرجال : طب إمشي من هنا بدل ما أمد إيدي عليك وأمسح بك الأسفلت ..

رينجو : ما تقدرش

وهب دب دب دب الراجل كيل لرينجو وأعطاه ما أستيسر من الأقلام على قفاه على كام شلوت من اللي بيجيبوا بواسير ... رينجو خد بعضه وطلع جري على قصر السلطنة وصمم ينتقم من الراجل ده ..

تاني يوم خد عربيات الحراسة الخاصة وامن الدولة ورئيس عام الديوان الملكي والدنيا كلها وقالهم أقفوا قدام الكشك إبن .. ده .. فنزل رينجو بهيئتة الملكية المهيبة المهببة وقال للراجل :

رينجو بعد ما أستحمى ولبسة بدلة السلطنة : إديني يا بني علبه مارلبورو .. وقولي بكام الأول

الراجل : بعشرة جنية ...

رينجو : إنت راجل حرامي .. إنت مش عارف أنا مين يا بني أدم ؟

الراجل : عارف وهاتكتر في الكلام هامد إيدي عليك وأمرمطك زي إمبارح يا ريس ...

[عمر عباس]

سى السيد

بصراحة النكت جميلة ..... وانت عفريت خالص ... يعنى بتحور فيها وتغير علشان قال يعنى متتمسكش بتعيب فى الذات الجمهورية ..... ده بعدك ..... انا بعت النكت دى تتحلل فى أمن الدولة ونشوف قصدك ايه ..... اكيد عايز تغير نظام الحكم الى الندل سابقا ....

[بنت النيل]

ياسى السيد استفسار بسيط بس

النكته الاولى هى كانت ولايه ولا جمهورية :o -_-

اصل النكته التانية قاله الراجل ياريس عشان كدا بستفسر اصلى فكرى راح لهناك شوية :P :o

اقولك انزل احسن هنا فى ميدان رمسيس سابقا ههههههههههههههههههههه

[se_ Elsyed]

ياسى السيد استفسار بسيط بس

النكته الاولى هى كانت ولايه ولا جمهورية :) -_-

مانا قاصد ده يا بنت النيل يا بنتي

أصل إحنا في زمن الفخفخينا

الملكية فتحت على الجمهورية .. والجمهورية بقت ملكية

والموضه دلوقت الشابونيز المقلم مع البلوزات الفسفوري وده كله بيصب في بوتقه التوريث ... لدرجة إن في حُكام عيالهم لسه ما خلعوش البامبرز أبو 3 طبقات وأستك ..بس بيحضروهم لإعتلاء الكُرسي المنجد ...

[نبض الابداع]

ميدان رمسيس حيفضل اسمة ميدان رمسيس حتى لو نقلوه لان دة اسمة من عام 54 فأسمه لزق قي لسانا مش كدة ولا اية رأيكوا ؟؟؟؟

[صبح]

بيتهيألي أن كان ليا السبق الصحفي في الموضوع دة

تغيير اسم ميدان رمسيس الى ميدان مبارك....دقي يا مزيكا

[sayed_ossman]

مش عايزين نفتكر الاسم ده تانى

لا فى حياته ولا بعد ماربنا يخده

هى لازقه ؟