رخصه قياده _ دبى .. خبرات و محاذير

[abo 3ali]

السلام عليكم

انا ان شاالله نويت اطلع رخصه من دبى . طبعا انا معايا الرخصه المصرى و معايا اقامه و عارف كل الورق المطلوب بس انا باسال :

ايه هى الحاجات اللى بتخلى الواحد يسقط علشان يتلافها ؟

تنصحونى بايه علشان مسقطتش . مع العلم انى باسوق من زمان و سواقتى هاديه بس انا عارف انه مش مقياس هنا

الامتحان العملى ( المدينه ) بيبقى ازاى ؟

باختصار عاوز تحكولى تجاربكم و اخلى بالى من ايه و معملش ايه علشان انجح من اول او تانى مره بكتيره .. و هل لازم اخد كام حصه مع واحد قبل مافتح ملف يعرفنى بيها نظام السواقه . و فين ؟ و ممكن ياخد كام ؟

جزاكم الله خيرا

[atef zromba]

الأخ العزيز / abo 3ali

شوف ياسيدي ... انت معاك رخصه مصرية حسب كلامك ... وده معناه انك هتتعفى من إمتحان الباركنج والجسر والرويس ده إذا كان النظام مماثل لأبوظبي يعني هاتدخل على إمتحان الشارع ... يبقى أكيد محتاج عدد من الساعات تدريب قبل الإختبار ... علشان تتعرف على كيفية التعامل مع الدوار ومساراته ...

كذلك معرفة إتجاهك لتتخذ الموقف المناسب " أي الحارات سوف تتواجد " وعندك في دبي مدارس تعليم كثيرة الساعة تدريب تقريباً ب خمسين درهم

المهم حسب خبرتي حيث أعمل في نفس المجال وبصفتي من الحاصلين على الرخصة من أول إختبار !!!!!!

أول حاجه بيتابعها الفاحص اللي هيكون قاعد جنبك أول ما هاتدخل السيارة هو مدى ثقتك في نفسك وعدم إرتباكك وطبعاً ربط الحزام وضبط المرآة الجانبية كذلك الفاحص اللي هيكون قاعد خلفك هيكون بيتابعك من خلال مرآة وهيتأكد من متابعتك لمرآة المنتصف بإستمرار ... وإذا كنت بتسوق في مصر من قبل ... فلا تبدي الحرفنه الذائدة وتمسك بالمقود بيد واحدة أو تتقاطع يديك " ذراعيك " عند الإنعطاف ... وبمجرد ما تتحرك بالسيارة وكان الطريق مفتوح إنطلق بجرأة ناقلاً الحركة بيسر ولا تنظر إلى الفاحص عندما يكلمك ركز على الطريق

وتشيك على الإشارة الجانبية علشان أكيد اللي كان بيمتحن قبلك كان عاطي إشارة لليمين علشان يعمل باركنج وفي الغالب ذراع الإشارة لا يعود تلقائي للوضع الصحيح

وبالتوفيق بإذن الله

ماكيت للشركة

وهنا أحد رسومي الكاريكاتورية ..

[abo 3ali]

الاخ المحترم عاطف

الف شكر على مساعدتك و نصائحك القيمه و ان شالله اخدها من اول مره زى حضرتك و ادعيلك على نصائحك الجميله اللى حقيقى استفدت منها

و ياريت لو حد من الاخوه عند معلومات اكتر عن رخصه دبى يقولى خبراته و لكم جميعا جزيل الشكر

[زعلان]

1. الإلتزام بخط السير أو المسار مع إعطاء إشارة عن تغيره

2. اذا طلب منك تغيرمسار السير :

للقيام ب U Turn وكنت في أقصى اليمين عادة ما يكون الممتحن قد تأكد من خلو المسارات لوقت كافي يسمح بإعطاء إشارة والانتقال السريع السلس الامن لأقصى اليسار حيث أن المسافة المتبقية غير كافية لعمل انتقال متوسط السرعة على مراحل( أي تنتقل من حارة لأخرى وعلى مراحل حتى تصل لمكان الالتفاف ) قد يفوت مكان الالتفاف

2-

a-إتخاذ المسار الملائم داخل الدوار فعند الالتفاف الكامل لعمل U turn مثلا عليك عند الدخول للدوار أن تحافظ على ان تكون في المسار الداخلي أو الأوسط مع إعطاء إشارة التفاف

b- بعد تجاوز المخرج قبل الأخير ( أي قبل مخرجك عليك الانتقال الى مسار خروج امن اي الى اقصى اليمين أو المسار الأوسط مع إعطاء إشارة خروج من الدوار

3 عليك معرفة أولويات السير (أفضلية السير- المرور) بالنسبة للدخول / الخروج من والى الشوارع الداخلية وتقاطعاتها

[abo 3ali]

الاخ زعلان ( ربنا مايجيب زعل )

الف شكر على النصائح الغاليه دى و حقيقى انا استفدت كتير منها و لك جزيل الشكر

تصدق فعلا احنا على كده كنا فى مصر بنسوق طول عمرنا غلط لان احنا معندناش اهم حاجه فى الدنيا

النظـــــــــــــــــــــــــــــــــــــــــــــــــــام