إنطباعاتك عن مصر بعد الأجازة الصيفية فيها

[م الغزالى]

ألإخوة المحاورتية الذين ذهبوا فى أجازة لمصر مفيش حد منهم حكى للناس التى لم تستطع النزول عن إنطباعته وأحوال البلاد والعباد

ياريت لو كل واحد حكى لنا من وجهة نظره عما لفت نظره سواء كان شئ كويس او مش كويس

وبلاش تعملوا زى واحد جاى يغظينا ويقول لنا منجة وبط و الحكايات ال بتغيظ دى

تقبلوا تحياتى

[abo 3ali]

ألإخوة المحاورتية الذين ذهبوا فى أجازة لمصر مفيش حد منهم حكى للناس التى لم تستطع النزول عن إنطباعته وأحوال البلاد والعباد

ياريت لو كل واحد حكى لنا من وجهة نظره عما لفت نظره سواء كان شئ كويس او مش كويس

وبلاش تعملوا زى واحد جاى يغظينا ويقول لنا منجة وبط و الحكايات ال بتغيظ دى

تقبلوا تحياتى

حضرتك بتقول كل واحد يحكى من وجهه نظره و ده بيعتمد هل الشخص بيبص لنص الكوبايه الفاضى و لا المليان ..

الحقيقه انا اجازاتى كانت اسبوعين فقط لاغير بس اقدر الخص انطباعاتى فى الاتى :

1- كل حاجه غليت و الاسعار بترتفع بلا رقيب و لا حسيب و كله يقولك اصل البنزين و الجاز غليوا . على سبيل المثال العشر بيضات بسبعه جنيه و نص و قيس على كده كل حاجه زادات باسعار فلكيه

2-الناس مضغوطه و بتشتكى و مسهمه دايما و بتلعن الحكومه و الفساد .. لاحظ انها شكوى و لعن بدون اتخاذ اى مظاهر للتغير

3-تظل الزحمه و الفوضى فى نظام المرور علامه مميزه و الشوارع بلا رقيب و لا حسيب

النقط دى موجوده قبل كده و حتفضل موجوده الى ان يحدث تغير او كارثه او الى ان يقضى الله امرا كان مفعولا

بالنسبه للجوانب الايجابيه ..

مصر هى الاهل و الصحاب و الدفا و الامان طول عمرها و حتفضل كده شاء الظالمون او ابو

جو مصر حتى فى عز الصيف اكتر من كلمه رائع بالنسبه لجهنم الخليج

شواطى مصر و خصوصا الساحل الشمالى و مطروح تظل اجمل و انضف شواطى فى العالم

كفايه القعده وسط اهلك و ناسك حتى لو فتره قصيره دى بالدنيا و الضحك من القلب اللى بيزيل هموم الغربه و بيخليك مرتاح نفسيا

احلى حاجه عجبتنى اللاندج بتاع الطيار و احنا نازلين و راجعين لمصر للطيران . تحس انه بيبوس الارض