كيف أستثمر مبلغ 200.000 جنيه في السوق المصري

[سكر]

للرفع

موضوع جميل والنقاش فيه مفيد لكل مغترب

وفق الله الجميع

[Mercedes]

السلام عليكم و رحمة الله و بركاته

أنا كان عندى فكرة مشروع , أعتقد من كلامى مع بعض الناس اللى بتفهم فيه أنه مشروع مربح و متاز و الأهم أنه أكيد حلال

المشروع دة هو تسمين المواشى و خاصة البقر لأن دورتها أسرع من الجاموس و ربحها من ناحية انتاج اللحوم فقط عالى جدا , دة غير العائد من انتاج الألبان و الزبدة و الحاجات التانية دى

و بفضل الله تعالى مفيش حد بينزل السوق و معاه مواشى و مبيبيعهاش , يعنى ان شاء الله , عامل الكساد مش موجود فى الموضوع دة خالص

كمان مبلغ 200000 جنيه , يدوب يعمل الموضوع دة , لو سيادتك هتبدأ بحوالى30 راس كتجربة عشان ماتحطش كل راس مالك فى الأول و بعد كدة لو عاوز تزود عدد المواشى مع الوقت , براحتك

الموضوع دة كان فى دماغى بس مشكلتى اننى ماعرفشى اى حد أمين و يكون بيفهم فى الموضوع دة على الرغم من اننى و الله على استعداد أن أبدأ ب 100 راس و اللى بيفهم فى المشروع دة و يديرهولى هديله 30% من صافى المكسب السنوى .

أنا بعتقد أنك المطلوب منك تشتريلك بتاع نص فدان فى أى منطقة مستصلحة حديثا قريبة منك عشان يكون مش غالى و دى اللى هتبنى عليها المزرعة و بعد كدة هتستأجر كمان أرض عشان تزرعها برسيم لزوم العلف

أنا عارف أن المشروع دة ممكن تكون ريحته مش حلوة - بالنسبة لبعض الناس اللى مش عارفة الدنيا ماشيى ازاى - لكن لو بصيت لنوع المشروع دة هتلاقيه مشروع ثابت و من الصعب أن ييجى واحد من كبار رجال الأعمال اللى رؤوس أموالهم بالمليارات و يعمله مشروع جنبك و لا قريب منك و يضربلك مشروعك دى ما ممكن يحصل فى حاجات تانية كتير دى االسوبر ماركت مثلا لو كارفور مثلا فتح جنبك و غيره

و ربنا يوفقك ان شاء الله

[الباشمهندس ياسر]

طب انا اعرف شاب من الشباب و بدأ فى اكتر من مشروع و كل الراس مال بتاعه كان مائة الف جنيه مش اكتر

المشروع الاولانى شغال و ماشى و 114 فل و ربنا يبارك و يدى الناس كلها

المشروع التانى ماشى ببطىء زى السلحفاء كده بس اهو لما السوق يتحرك الدنيا هتبقى عنب ان شاء الله و ان مكسبش مش هيخسر اطلاقا

المشروع التالت ده اللى يزعل شوية لانه محتاج حد يقف عليه يكون ثقه و هى دى الازمة بتاعته.. دعواتكم للناس كلها

اللى عاوز يبدأ فى حاجة هيبدأ و ربنا هيكرم

لكل مجتهد نصيب

[الضوءالازرق]

ما شاء الله موضوع ثرى بالمعلومات اللى بتفتح الدماغ التجاريه شويه

أنا يمكن اتجاهي أكاديمي شويه لكن احتراف التجارة و العمل بها من أهدافي و هى نعمه من عند ربنا للى يجيدها لأن تسعة أعشار الرزق فى التجارة

فجزاكم الله خيرا أخووتى الكرام على المعلومات القيمة والمشاركات الصادقة

تم تعديل 3 نوفمبر 2009 بواسطة الضوءالازرق

[محمد عيسى]

الاستثمار الحر جميل جدا .. بس انا لو مكانك تخطيطي هايختلف

المبلغ ده احضر بيه CPA أو CMA .. بعد كده مرتبك هايفرق قوي سواء في الخليج او مصر .. و تقدر تكون راس المال ده في فتره وجيزة و اضعافة .. و لو افلست في مشاريعك على أسوأ تقدير معندكش مشكلة .. دخلك مستقر من الوظيفه .. و تقدر تكون راس مال تاني تبدا من جديد

استثمر في نفسي الاول .. ده المشروع الأصح

تم تعديل 4 نوفمبر 2009 بواسطة محمد عيسى

[أحمد سيف]

عارف إن السؤال اللي طرحه الأخ مرّ عليه سنوات وأكيد عرف إجابته ... لكن أنا هنا بتكلم عن الموضوع بصورة عامة ... الأخ صاحب الموضوع محاسب ولديه خبرة 9 سنوات كمدير مالي وعارف أسرار مهنة المحاسبة ... لكن لم يأت على باله أن يفتح مكتب محاسب قانوني أو شركة وساطة مالية مثلا ... مع إن المشاريع دي بتكسب ذهب ومش محتاجه رأسمال كبير ... وممكن يتعلم منها ويطور نفسه ويعمل إسم في السوق ويستفيد بسنين دراسته وخبرته بدل ما تروح هدر ويتساوى مع أي واحد معاه ابتدائية ووارث له قرشين ... الناس كلها عايزه تشتغل في تجارة العقارات وتسمين المواشي والتصنيع رغم إنها لا تملك أي خبرة أو دراية فنية بها وهتبتدي تتعلمها من الصفر. لو كل واحد اشتغل في المكان اللي بيفهم فيه حالنا هيبقى أحسن من كده بكثير ... ولو معاك فلوس زياده عليك وعلى الشركات العامة والبنوك الاستثمارية الناس دي عندها متخصصين بيفهموا في شغلهم وهيشغلولك فلوسك صح بدل ما تدخل بيها في مشاريع خاسره وتعتمد على الحظ.

[سكر]

الاخ احمد

الناس كلها عايزه تشتغل في تجارة العقارات وتسمين المواشي والتصنيع رغم إنها لا تملك أي خبرة أو دراية فنية بها وهتبتدي تتعلمها من الصفر. لو كل واحد اشتغل في المكان اللي بيفهم فيه حالنا هيبقى أحسن من كده بكثير ... ولو معاك فلوس زياده عليك وعلى الشركات العامة والبنوك الاستثمارية الناس دي عندها متخصصين بيفهموا في شغلهم وهيشغلولك فلوسك صح بدل ما تدخل بيها في مشاريع خاسره وتعتمد على الحظ

كما تحدثنا من قبل فى موضوع الوفرة

واعجبتنى الحديث معك وتعليقاتك

اكرر ان ما تقوله هو حل لكل المشكلات ولكن هذا نظام للبلد يجب ان تفكر البلد فى اموال اولادها قبل ما تبص فى اموال غيرها

وتغير النظام الاقتصادى فى مصر اصبح معضله فى ظل ثبات تفكير القائميين عليها

البنوك رفضه ترفع الفائدة ليس بسبب الازمة الماليه ولكن

بسب كبر حجم الفوائض الماليه لدى البنوك وفى نفس الوقت فى بطاله بالملايين فى البلد

لما كنت بتعلم فى الكليه كانوا بيقولو لو عايو تقضى على البطاله ومعاك فلوس

احفر بئر واردمه تانى المهم تشغل الناس

[بنت الشاطئ1]

من ضمن المشاريع اللى رأيتها ونجحت ومضمونة كمان

تأجير محل وفتحه مكتب نت وايضا مكنة لتصوير المستندات

والموضوع ده كان ناجح جدا جدا لأنه امام جامعه ومدرسة كمان

وبعد كدا تم البحث عن محل للشراء وفعلا تم ايجاد محل صغير وجنب مدرسة ايضا وكان مكتب نت وتصوير مستندات وبعض الادوات المدرسية وكذلك صاحبنا كان متفوق فى الجامعه فكان بيعمل ملخصات لطلبة الجامعة فى القسم اللى تخرج منه

والان ما شاء الله عليه تزوج بدون مساعدة من والده

[الباشمهندس ياسر]

عارف إن السؤال اللي طرحه الأخ مرّ عليه سنوات وأكيد عرف إجابته ... لكن أنا هنا بتكلم عن الموضوع بصورة عامة ... الأخ صاحب الموضوع محاسب ولديه خبرة 9 سنوات كمدير مالي وعارف أسرار مهنة المحاسبة ... لكن لم يأت على باله أن يفتح مكتب محاسب قانوني أو شركة وساطة مالية مثلا ... مع إن المشاريع دي بتكسب ذهب ومش محتاجه رأسمال كبير ... وممكن يتعلم منها ويطور نفسه ويعمل إسم في السوق ويستفيد بسنين دراسته وخبرته بدل ما تروح هدر ويتساوى مع أي واحد معاه ابتدائية ووارث له قرشين ... الناس كلها عايزه تشتغل في تجارة العقارات وتسمين المواشي والتصنيع رغم إنها لا تملك أي خبرة أو دراية فنية بها وهتبتدي تتعلمها من الصفر. لو كل واحد اشتغل في المكان اللي بيفهم فيه حالنا هيبقى أحسن من كده بكثير ... ولو معاك فلوس زياده عليك وعلى الشركات العامة والبنوك الاستثمارية الناس دي عندها متخصصين بيفهموا في شغلهم وهيشغلولك فلوسك صح بدل ما تدخل بيها في مشاريع خاسره وتعتمد على الحظ.

مش تحت شرط يا احمد

انا عشان اعرف اعمل شركة ف تخصصى ...... يااااااااااااااااااااااااااااااه

ده لسه وقت طوييييييييييييييييييييل

[أحمد سيف]

باشمهندس ياسر ... أنا عارف إنك خريج هندسة إنتاج ... يعني أكيد درست CAD/CAM ... مش كده ... أنا أعرف ناس ابتدوا في مجال الاسطمبات وطلعوا فوووووق دلوقت ... الموضوع كله محتاج نسخة مضروبة من برنامج تصميم كويس زي ProEngineer أو Delcam لو عايز تشتغل في التصميم ومكنة CNC خمس محاور نص عمر لو ربنا فتحها عليك وعايز تشتغل في التصنيع.

ده مجرد مثال واحد لمشروع ممكن تعمله وله علاقة بدراستك وخبرتك ... والمشاريع كثير وخصوصا إن هندسة الإنتاج مجال واسع ومتشعب. وأرجع وأقولك لو مش متفرغ للمشروع أحسن حاجه تحط فلوسك في البورصة أو في بنك إستثماري أو إسلامي.

[الباشمهندس ياسر]

باشمهندس ياسر ... أنا عارف إنك خريج هندسة إنتاج ... يعني أكيد درست CAD/CAM ... مش كده ... أنا أعرف ناس ابتدوا في مجال الاسطمبات وطلعوا فوووووق دلوقت ... الموضوع كله محتاج نسخة مضروبة من برنامج تصميم كويس زي ProEngineer أو Delcam لو عايز تشتغل في التصميم ومكنة CNC خمس محاور نص عمر لو ربنا فتحها عليك وعايز تشتغل في التصنيع.

ده مجرد مثال واحد لمشروع ممكن تعمله وله علاقة بدراستك وخبرتك ... والمشاريع كثير وخصوصا إن هندسة الإنتاج مجال واسع ومتشعب. وأرجع وأقولك لو مش متفرغ للمشروع أحسن حاجه تحط فلوسك في البورصة أو في بنك إستثماري أو إسلامي.

يا مدير

انا فعلا خريج انتاج لكن معظم سنينى ف قطاع البترول و ناوى لما ربنا يكرم و الامور توسع شويه هعمل شركة خدمات بترولية

و ادينا مع المقاولات لغاية ما الامور تتظبط باذن الله

موضوع الاسطمبات : عملتله دراسة زمان ... بس محصلش نصيب

[ابو حودة]

الاستثمار الحر جميل جدا .. بس انا لو مكانك تخطيطي هايختلف

المبلغ ده احضر بيه CPA أو CMA .. بعد كده مرتبك هايفرق قوي سواء في الخليج او مصر .. و تقدر تكون راس المال ده في فتره وجيزة و اضعافة .. و لو افلست في مشاريعك على أسوأ تقدير معندكش مشكلة .. دخلك مستقر من الوظيفه .. و تقدر تكون راس مال تاني تبدا من جديد

استثمر في نفسي الاول .. ده المشروع الأصح

يعني المسألة مش محتاجة كل ده يعني انا بادرس الـ CMA حاليا وكل اللي انا دفعته ونجحت في مادة واحدة بتمثل 50% من التكاليف حوالي 700 دولار يعني حوالي 4000 جنيه والباقي تقريبا زيهم

تقريبا

[adrianocrespo]

ولو معاك فلوس زياده عليك وعلى الشركات العامة والبنوك الاستثمارية الناس دي عندها متخصصين بيفهموا في شغلهم وهيشغلولك فلوسك صح بدل ما تدخل بيها في مشاريع خاسره وتعتمد على الحظ.

ممكن تفاصيل اكتر يا استاذ سيف

عن الشركات العامه

او البنك الاستثماري

و طريقه عملهم

و شكرا

[بندق أفندى]

وما هو المشروع الذي يسترد رأسماله خلال عام أو عامين على الأكثر

تجارة المخدرات وخصوصاً الهيروين

أنا باتكلم جد .. ودي الإجابة الوحيدة على سؤالك اللي ناقصة معلومات كثير

----

يا عم أسامه قبل ما تدور على مشروع تستثمر فيه فلوسك لازم تقول لنا إنت مؤهلاتك إيه .. أو إيه المجال اللي إنت متخصص فيه .. وهل إنت معاك فلوس بس ما لكش في التجارة مثلاً وعايز تستثمر ... وهل لك مصادر دخل أخرى ولا كل اللي حيلتك هو الملبغ ده .. وهل المشروع ده هايبقى كل حياتك ولا هايبقى بجانب عملك الأساسي ...

وبعدين في المشاريع التجارية مافيش حاجة إسمها تدر ربح في فترة وجيزة أو أسترد راسمالي خلال سنة أو سنتين بالكثير .. لإن من أبسط مباديء السوق إنه متقلب ولا يرسى على حال كما إنه يتعرض لظروف عديده منها الطاريء كالحروب والركود مثلاً ومنها ما هو مستمر ..

فجاوب على الأسئلة دي وإحنا في الخدمة ....

ولو ما جاوبتش هاقولك هات القرشين دول أدورهملك في لاسوق والربح يبقى فيفتي فيفتي

أقسم كنت داخل اقول نفس الاجابة .. هههههههههه

بس فيه مشاريع تعيد رأس المال خلال سنة فعلا

تم تعديل 5 نوفمبر 2009 بواسطة بندق أفندى

[عاشق]

انا حابب اقول حاجه

اكيد جميعنا كمغتربين بنفكر ان نستثمر اموالن

بس حبيت اشارك واوضع اساسيات في هذا الحديث

لو حبيت تستثمر

اولا : لازم تكون بجانب عملك وفلوسك (المال السايب يعلم السرقة)

ثانياً : لازم تكون حاجة بتفهم فيها ( وسيبك الي يقول لك دي بتكسب ودي بتكسب المهم الي تفهم فيه)

ثالثاً : تقعد في مصر فترة عشان تفهم طبيعة السوق (مش بس تروح تحط القرشين في اي شي والنصب دلوقتي بمصر على ودنه)

يبقى نستنتج من الكلام ده ايه

يبقى لازم تحافظ على فلوسك لحد ما تستقر بمصر وبعدين تفكر او على الاقل تحميها من معدلات التضخم الي بتاكل رأس المال وتحويشة العمر بمصر

اقل مخاطر هي شهادات الاستثمار بالبنوك

او شقة تستثمر فيها فلوسك لحد ما تنزل وتبعها

ده الي انا شيفه

لكن اي مشروع استثماري او خلافة بمصر صدقنى الدنيا بمصر هيصه والكل عاوز يأكل

مع تحياتي

[tarek nokia]

أنا هاكمل كلامي علشان تبقى دراسة وافية وكاملة للمشروع ده .. ودي أقدمها لوجه الله للزملاء الأفاضل وخصوصاً أسامه :

- في أجازتي الأخيرة لم أكن أقضيها فقط في الفُسح والتنزه والترفيه .. ولكن برضوا كنت أستكشف السوق وأشوف الدنيا فيها إيه .. على الأقل الواحد ما يبقاش منعزل عن الواقع اللي مصيره يرجع له ... ولإن فكرة إمتلاك شقق وتأجيرها مفروش تُلح عليه من فترة .. فلقد شاء القدر إني كنت اتحدث مع أحد أصدقائي وهو محامي شاب وقالي إن فيه عدة شقق معروضة للبيع في منطقة مصر الجديدة وبالتحديد في ميدان " تريومف " فقلت له تعالى نروح نشوفها

- وبالفعل شفنا 3 شقق في عمارة جميلة وموقعها كويس واحده منهم تقسيمها كان سيء جداً والإثنين التانيين ممتازين ...

- شقة منهما في الدور العاشر ومساحتها 130 متر وسعرها 175 ألف جنيه كاش .. والأخرى في الدور الـ 14 ونفس المساحة لكن صاحبها طالب فيها 150 ألف كاش

- بتاعت الدور العاشر راحت لصاحب نصيبها وهو قريبي وخلص فيها في ثواني معدوده لأنها لقطة .. والأخرى مازلت معروضة للبيع

- طيب إنت لو بقى عندك شقة زي دي بـ 150 ألف ووضبتها وفرشتها بخمسين كمان .. يبقى بقى عندك بداية لإنطلاق هذا المشروع السهل والبسيط والذي يُدر دخلاً معقول جداً جداً ممكن يغطي تكاليفه في وقت ليس بالطويل ..

طب تعالوا نتكلم في طُرق الإيجار المفروش من وجهة نظري ، وهي 3 طُرق :

1- تأجير الشقة بطريقة " قامية نايمة " أعذروني بقى في مصطلحات السوق الدارجة ... يعني ببساطة واحد بييجي يأجرها منك لمدة سنة أو أكثر .. وده له عيوبة وله مميزاته ..

هاتكلم الأول عن مميزاته : أهم ميزة في الموضوع ده إنك بتضمن دخل ثابت لمدة معينة وبتبقى عارف راسك من رجليك .. يعني مثلاً شقة في الموقع ده لن يقل إيجارها عن ( 3000 إلى 4000 جنية شهرياً ) فخلاص كده بترتب أمورك وحياتك .

عيوبه : إن الطريقة دي ممكن تضيع عليك فرصة عمل مكسب كبير في ذروة الموسم السياحي في الصيف ..

2- تأجيرها حسب ما يأتي به السمسار من زبائن ... ودي طريقة لها عيوبها ولها مميزاتها

- مميزاتها : إنك بتضمن من 3 إلى 4 شهور في الصيف إيجار الشقة فيهم مش هايقل عن ( 300 إلى 700 ج في اليوم )

- عيوبها : ممكن في بقية السنة تتأجر ما بين 200 إلى 300 جنيه يومياً لكن هايبقى في أيام ما فيش فيها زباين وبالتالي ما فيش دخل .

3- تأجيرهاً للطلبة وخصوصاً العرب اللي بيدرسوا في مصر .. ودي لها عيوب ولها مزايا أيضاً :

- مزاياها إن الطلبة ممكن يرضوا بأي نوعية أثاث موجودة في الشقة .. كما انهم في فصل الصيف لازم يدفعوا إيجار الشقة حتى لو مش قاعدين فيها وإلا مش هايضمنوا إنها تبقى لهم .. وكمان لها دخل ثابت كأول طريقة .. وبرضوا مش هاتقل عن المليغ الذي ذكرته .

- عيوبها : ممكن الشباب يعملوا مشاكل مع باقي سكان العمارة خصوصاً لو العمارة فيها بنات في سن الشباب وهايبقى فيه صُداع لمالك الشقة ولو كانوا عيال تلفانه ممكن يحولوها إلى مكان مشبوه .

------

شاهدت شقة أخرى في شارع عباس العقاد وتحديداً بجوار بنك فيصل مباشرة ... ومساحتها حوالي 220 م وفي عمارة لسه جديدة ما سكنتش وتقسيمها وموقعها أكثر من رائع ولا يحتاج إلى أي كلام .. وبشوية ديكور ستتحول الشقة إلى تُحفة يتهافت عليها المستأجرين ..

لكن عيبها في سعرها العالي حبتين واللي كان نص مليون جنية ... بس منهم 250 ألف كاش لصاحب العمارة .. والـ 250 ألف الباقيين هو عامل إتفاقية مع بنك فيصل لتقسيط المبلغ بفائدة سنوية في حدود 8 % يعني مع نفس إنت في المبلغ وفوايده وبينك وبين البنك بس التسليم فوري وبمجرد ما البنك يوافق

يعني لو قلنا واحد معاه المبلغ الأول وقسط الباقي على 3 سنوات يبقى هايدفع قسط شهري للبنك في حدود 8 آلاف جنيه .. في حين إن لو كان معاه فلوس باقية ووضب بها الشقة وأجرها .. فأنا متأكد إن الشقة هاتسدد اللي عليها وزيادة .. فشقة في هذا الموقع لن يقل إيجارها اليومي عن 700 وممكن توصل 1000 في اليوم الواحد ... وبرضوا لو أجرتها بنظام سنوي فلن يقل إيجارها عن 8000 ج شهرياً ...

هييييه الفلوس كتير لكن فين النفس اللي تصرف

تحذير هام :

يُمنع على موظفي الحكومة وأصحاب العيال وضعاف القلوب قراءة هذا الموضوع

اخ سي السيد عندك فكرة الشقة بكام دلوقتي والله زمن عارف لو الراجل سمع كلامك زمانو دلوقتي من اصحاب الملايين

تم تعديل 20 يونيو 2010 بواسطة tarek nokia

[se_ Elsyed]

ما شاء الله .. نفس الشقة بعد سنه واحده سعرها عدا الـ 500 الف ... وهو وضبها ومأجرها إيجار جديد بمبلغ 2000 ج شهرياً ... والمستأجر إتخانق معاه عشان كان عاوزها 3 سنين .. لكن قال له لأ سنة واحده وإذا كنت عاوز زيادة يبقى الإيجار يزيد 10 % سنوياً ..

وأهو أفضل من الفمروش والصداع اللي ممكن يسببه

[جولد]

ما شاء الله .. نفس الشقة بعد سنه واحده سعرها عدا الـ 500 الف ... وهو وضبها ومأجرها إيجار جديد بمبلغ 2000 ج شهرياً ... والمستأجر إتخانق معاه عشان كان عاوزها 3 سنين .. لكن قال له لأ سنة واحده وإذا كنت عاوز زيادة يبقى الإيجار يزيد 10 % سنوياً ..

وأهو أفضل من الفمروش والصداع اللي ممكن يسببه

استاذى سى السيد

ازى حضرتك عامل ايه والله وحشتنى كتير

ازى الناس ال هنا كلهم

انا كنت هنا من زمان ياترى فكرنى انا goold

انقطعت فترة كنت بدرس ولما خلصت جيت بس وحشتونى وكنت اعده اقرى كلامكم المفيد

انا يااستاذى

لو فاكر كان نفسى اعمل فرن عيش بالبلد انا من المنصورة لان البلد مش فيها فرن بس ناس سبقونى وعملوا

المهم انا

اخذت شقه بمدينة نصر

وبس عايزة افرشها على اعلى مستوى وااجرها مفروشة

هنزل بعد اسبوع مصر ان شاء الله

الحمد لله ان بعض الاعضاء ال فكراهم بخير سلامى للجميع

[se_ Elsyed]

حمد الله على السلامه يا جولد باشا .. طبعاً فاكر حضرتك ..

الف مبروك على الشقة .... بس فكري في كام حاجه كده :

1- مين اللي هايراعيها هناك وإنتي مسافرة ؟

2- هاتأجريها بأنهي نظام ؟ سنوي ولا ظهورات باليوم يعني ؟

أنا افضل السنوي على أساس تضمني دخل ثابت منها ولو هاتفرشيها كويس قوي يبقى هاتتكلمي في متوسط 5 االف جنيه شهرياً .. ده غير التأمين اللي لازم تاخديه من الساكن عشان اي تلفيات ...

ربنا يوفقك ويجعلها قدم خير عليكي

[MOOOM]

السلام عليكم ورحمة الله وبركاته

أدعو بالتوفيق لصاحب الموضوع في جميع مشروعاته .. ورغم أن الموضوع تم فتحه بتاريخ قديم 2006 وكان المبلغ المقترح في ذلك الوقت ليس بقليل كما ذكر بعض الأخوة .. ومن وجهة نظري دائماً أن الاستثمار في الأصول هي أضمن شيء سواء أراضي أو عقارات أو ذهب .. والضامن هو ربنا سبحانه وتعالى ..

المهم .. إن مشاركتي هنا ليس بغرض تقديم أفكار جديدة لأن الأخوة أعضاء المنتدى الكرام قد زادو وأوفو في هذا .. وجزاهم الله خيراً .. ومن ضمن الأفكار التي ذكرت هي تربية وتسمين العجول أو الجاموس الحلاب أو الانتاج الحيواني بالأعم .

وقد قمت بتفيذ هذا المشروع بعد انتهاء فترة سفري وإقامتي بمصر .. وكانت لدي خبرة بسيطة في هذا المجال أو بمعنى أدق كنت هاوي فقط .. فقمت بتوضيب المكان وكان الموضوع بوجه عام ماشي زي الفل .. لكن المشكلة الأساسية والوحيدة التي جعلتني أغلق المشروع و[ أجيب ضرفه ] بعد كل المصاريف دي هو .. العمالة المحترمة .. بصراحة كرهتني في المشروع بعد سرقات لا حصر لها ومهما أعطيته من مرتب وميزات لأن نظرتهم لأصحاب الأراضي المستصلحة أن دول ناس معاهم فلوس ومش عارفين يودوها فين .. فهما أولى بيها طبعاً - من وجهة نظرهم - ومهما أخذ لا يشبع .

فلو فيه حد من الأعضاء له نفس الاهتمام بالتربية والتسمين ويرغب في المشاركة في هذا المشروع [ المشاركة بعيده عن ملكية الأرض ] - بشرط أن يأتي هو بالعامل وعلى ضمانته - فالمكان متواجد بالحزام الأخضر بالسادس من أكتوبر مساحة خمسة أفدنة مزروعة برسيم حجازي والمعلف كبير والحمد لله وجاهز للتشغيل بعد مصروفات بسيطة عليه وتكون المشاركة هوه برأس المال وأنا بالمكان والإدارة والنسبة في الربح بصراحة ليس لديا فكرة بها ولكن يمكن أفادتنا بها الأخ سي السيد لما نلمسة فيه من دراية وواسع معرفة.

وتقبلوا فائق الاحترام ..