افتكسات كيوت

[MZohairy]

السلام عليكم ورحمة الله.........

كيوت ...ما اقصودونهو.....ان التنسيق هنا بالنسبة للشهادات الاجنبية والمعادلة بيكون مرتفع..ومحدد بنسبة 5% فقط من مجموع المتقدمين...

يعنى لازم يكون مجموعك مرتفع علشان تقدرى تدخلى جامعة مصرية...عندك مثلا كلية صيدلة احدت السنة اللى فاتت حوالى 127%...يعنى لازم تسجلى مواد تانية ترفع مجموعك..مش حينفع 8 مواد اوه ليفل بس ...انا كده واضحة؟؟؟؟

مدام folana

و عليكم السلام و رحمة الله و بركاته

لاحظت إن بنت حضرتك تدرس الأي جي و أنا أمر بنفس المأساه :wub: لإن إبني الكبير في G11 السنة دي إن شاء الله.

حبيت أعرف المجاميع اللي تم قبولها السنة دي علشان زي ما حضرتك عارفة أهمية التخطيط لعدد المواد في الفترة المتبقية و أقصد طبعاً الـ A level و بالتالي فرص القبول في الكليات.

و ربنا يوفقهم هما الاثنين و جميع الدارسين و الدارسات من الكي جيهات إلى الآي جيهات :wub:

آسف يا كيوت يا بنتي على "اختراق" افتكاساتك بسؤالي ده :wub: لكن إن شاء الله تكون إجابة مدام folana مفيده لكي انتي أيضاً.

.

انشله بننجاح دايمن يرب :wub:

[Folana]

السلام عليكم ورحمة الله.....

الاخ الفاضل موديست

اتأخرت فى الرد معلش.....ايوه فعلا مأساة والله ..ربنا معاهم ...السنة دى لسه التنسيق بتاعهم ماظهرش ..لان زى ماسيادتك عارف عارف النتيجة ظهرت الشهر اللى فات بالنسبة لكمبردج ..وبعدها باسبوعين بانسبة للاى ديكسل..وطبعا فيه تحسين دلوقت ...

لكن حاتابعك ان شاء الله باخر التطورات ....

طبعا ابن حضرتك لو ناوى يكمل فى جامعة مصرية ( عين شمس او القاهرة) فيفضل طبعا انه يسجل مواد اكتر ومستويات اعلى من الايه تو ( انا اسفة بس البورد مش عايزة تكتب حروف انجليزى معايا...حضرتك حتفهم طبعا قصدى من الايه تو ..والايه اس دول)..

لكن الجامعات الخاصة بتاخد مجاميع اقل ..ومواد اقل...هو ياخد الايه ليفل كلها ( يعنى الايه اس والايه تو ) فى المواد اللى هو مختارها ..يعنى لو اخد بيولوجى اوه ليفيل ..ممكن يكمل الايه اس والايه تو فى البيولوجى ..

اللى اعرفه ان الايه اس مجموعه بيضرب فى 1.5.....اما الايه تو فمجموعه بيتضرب فى 2...علشان كده المجاميع بترتفع ...وطبعا كل مايسجلوا اكتر كل مافرصتهم فى الفوز تزيد ...( لأ لأ...ده اعلان مش كده)...قصدى كل مايجمعوا نمر اكتر...

وكنت سمعت كده ان الوزير حيحدد عدد مواد الايه تو علشان ماتبقاش مفتوحة كده..وبالتالى المجاميع تنزل شوية ..لكن لسه القرار ده ماظهرش للنور...

هو موضوع ملخبط كده ...وانا حاسة انى اتورطت فيه ..كل شوية نسمع قرارات ..وفى الاخر قلت لهم ايوه ..ولما القى مقلة لب اعرف بانى تهت وضعت ..ودى وصفة هايلة قوى قوى....

وان شاء الله حاتابع موضوع التسيق وابلغك به- هو حضرتك مش مقيم فى مصر؟ -...

..ربنا يوفقهم جميعا ..

الاخ العزيز زهيرى......احنا معتمدين على دعواتك :P:)

[Modest]

السلام عليكم ورحمة الله.....

الاخ الفاضل موديست

اتأخرت فى الرد معلش

يافندم ده ذوق فائق من حضرتك إنك تعتبري ساعة بين سؤالي و ردك يعني تأخير :D .. أشكرك شكراً جزيلاً على اهتمامك و اعتذر لك بشده عن تأخري أنا في الرد المرة دي.

السلام عليكم ورحمة الله.....

الاخ الفاضل موديست

اتأخرت فى الرد معلش.....ايوه فعلا مأساة والله ..ربنا معاهم ...السنة دى لسه التنسيق بتاعهم ماظهرش ..لان زى ماسيادتك عارف عارف النتيجة ظهرت الشهر اللى فات بالنسبة لكمبردج ..وبعدها باسبوعين بانسبة للاى ديكسل..وطبعا فيه تحسين دلوقت ...

لكن حاتابعك ان شاء الله باخر التطورات ....

طبعا ابن حضرتك لو ناوى يكمل فى جامعة مصرية ( عين شمس او القاهرة) فيفضل طبعا انه يسجل مواد اكتر ومستويات اعلى من الايه تو ( انا اسفة بس البورد مش عايزة تكتب حروف انجليزى معايا...حضرتك حتفهم طبعا قصدى من الايه تو ..والايه اس دول)..

لكن الجامعات الخاصة بتاخد مجاميع اقل ..ومواد اقل...هو ياخد الايه ليفل كلها ( يعنى الايه اس والايه تو ) فى المواد اللى هو مختارها ..يعنى لو اخد بيولوجى اوه ليفيل ..ممكن يكمل الايه اس والايه تو فى البيولوجى ..

اللى اعرفه ان الايه اس مجموعه بيضرب فى 1.5.....اما الايه تو فمجموعه بيتضرب فى 2...علشان كده المجاميع بترتفع ...وطبعا كل مايسجلوا اكتر كل مافرصتهم فى الفوز تزيد ...( لأ لأ...ده اعلان مش كده)...قصدى كل مايجمعوا نمر اكتر...

وكنت سمعت كده ان الوزير حيحدد عدد مواد الايه تو علشان ماتبقاش مفتوحة كده..وبالتالى المجاميع تنزل شوية ..لكن لسه القرار ده ماظهرش للنور...

هو موضوع ملخبط كده ...وانا حاسة انى اتورطت فيه ..كل شوية نسمع قرارات ..وفى الاخر قلت لهم ايوه ..ولما القى مقلة لب اعرف بانى تهت وضعت ..ودى وصفة هايلة قوى قوى....

وان شاء الله حاتابع موضوع التسيق وابلغك به- هو حضرتك مش مقيم فى مصر؟ -...

..ربنا يوفقهم جميعا ..

بداية أنا أعيش في جدة ، و بُعدي عن مصر جعلني لا أعلم شيئاً عن التنسيق هذا العام و أشكرك مقدماً شكراً جزيلاً على عرضك الكريم بمتابعة نتيجة التنسيق.

الحقيقة لم نستقر بعد (زوجتي و أنا) إذا كان سيدرس في جامعة حكومية أم خاصة لإن لكل منهم مزايا و عيوب .... و كلانا ، إلى الآن ، يميل إلى أي من الجامعات الخاصة من ذوات الاسماء ""الرنانة"" !!!.. لأننا لدينا القناعة ان الجامعات الحكومية و خصوصاً إذا كانت ممن يسمونهم جامعات القمة لا يصل الطالب أثناء الدراسة فيها لمستوى معقول إلا بالدروس الخصوصية .. هذا بالإضافة لضرورة دراسة أكبر عدد من مواد الـ A-Level للحصول على مجموع أعلى في الآي جي يؤهله لدخولها .. فهل يستحق الأمر كل هذا؟ أم الأفضل صرف ما سيتم صرفه في دروس هذه المواد في الالتحاق بجامعة خاصة محترمة.. هذا بالإضافة إلى اننا ، و بسبب اختلاطنا هنا بأصدقاء من مختلف التخصصات ، رأينا كيف بدأ سوق العمل ينظر إلى الشهادات المصرية الحكومية "و ياللأسف" نظرة دونية و اصبح خريج الطب بالأردن "و لن أقول السودان مع أنني رأيتها بعيني" متميز من ناحية الراتب و ظروف العمل عن زميله خريج جامعاتنا الحكومية... يعني في النهاية و حتى "يجعل للشهادة قيمة" لابد من استكمال الدراسة في الخارج بعد الحصول على الشهادة.

هناك أيضاً سبب عملي من وجهة نظري لتفضيل الجامعات الخاصة "الأجنبية" و هو تعود طالب الأي جي على طريقة مذاكرة و تحصيل معينة تجعل من الأيسر له استكمال الدراسة بنفس الطريقة و هي تختلف عمّا اعتاده طالب الثانوي العام و الذي يجد في طريقة التدريس في الجامعات الحكومية امتداد لنفس طريقة ثانوي و كلنا مّرينا بهذا.. و كل احترامي لطلبة الثانوية العامة الذين اشعر أنهم بالفعل مظلومون أيضاً نتيجة لخداعهم بالمجاميع العالية ثم لا يستطيع الحاصل مثلاً على 96% اختيار الكلية التي يرغبها.

الحقيقة الزبون بتاعنا هو البكري يعني بنجرب فيه كل حاجة و بعدين نطبق اللي ينفع على اخواته ;) و هذه أول تجربة لنا كما كانت تجربة الأي جي في بدايتها جديدة و مبهمة و ياااادوووووب فهمناها راح طالع لنا موال الجامعات اللي مش عارفين نستقر فيه على رأي :D

الشيء الذي لا أستطيع استيعابه هو ضرورة حصول الطالب على ما يقرب من 140% ليتمكن من دخول طب القاهرة مثلاً .. يعني الـ 8 مواد O-Level و معاهم مش أقل من 4 أو 5 A-Level في حين العديد من جامعات بريطانيا ، التي قمت بمراسلتها مؤخراً، لا يشترط سوى 8 مواد O-Level ، و معهم بايولوجي A-Level و يُعفى الحاصل على تقدير A في البايولوجي من السنة الإعدادية في حين طبعاً لا يُعفى نفس الطالب منها في اي من جامعات مصر .... أكيد بتوع بريطانيا دول مش بيفهموا :lol:

آسف لإزعاجك بهذه المداخلة الطويلة .. أول مرة من زمااااااااااااااااااان أكتب كتير كده :P

و اشكرك جداً جداً على ما أفدتيني به في مداخلاتك :D

و بالتوفيق إن شاء الله لبنُّوتِّك

مسيو زهيري .. استمر في الدعاء ... بس بجد :D

[الرافعي]

لقد قاومت رغبة وحب استطلاع شديدين ملحين في الاطلاع على هذا الموضوع منذ تم وضعه لأني أصلاً غير متقبل لكلمة افتكاسات وافتكس ومفتكس فهو مفتكس .. يعني بكل اشتقاقاتها على الرغم من أنها درجت وشاعت ...

حتى الآن مع احترامي وتقديري للأخت الصغيرة أو ابنتنا "كيوت" إلا أنني لم أجد حتى الآن صلب الموضوع .. يعني المادة التي أرادت وضعها .. قد يكون المزاح الودود المتعلق بموضوع إجادة اللغة قد جرف الموضوع بعيداً إلى حد ما مما جعل الفكرة تتوه قليلاً .. لذا أنا أطلب من الأخت أو الإبنة "كيوت" أن تعود إلى الموضوع الذي طال انتظارنا له.

لكن في الحقيقة سعدت بالدخول الوقور للأخت فولانة والأخ موديست والحقيقة أنا أكن لهما احترام وتقدير كبيرين للغاية، وأتمنى لأبنائنا جميعاً كل التوفيق، وأعان الله الأباء الحريصين على تقديم أفضل وأجود خدمات التعليم أياً كان الثمن باهظاً- ووددت لو علم الأبناء ما يقاسيه الأباء من أجل أن يحصل أبناؤهم على أفضل مما حصلوا هم عليه، وهذا شعور الأباء دائماً.. فكلٌ يتمنى لأبنائه أفضل وأرقى مما ناله هو.. أعان الله الجميع، ووقى أبناءنا كل سوء. آمين

وأهمس في أذن الإبنة العزيزة ... إن كان عدم التمكن من اللغة له أسبابه، فلا عذر من استدراك ما فات، فلغتك أصلك، ولا غنى للإنسان عن أصله فتمسكي به

ولا تقلدي من ظنوا أن التنصل من لغتهم وادعاء أنهم غير مجيدين للعربية وهم طبعاً ((لبلب في اللغات الأخرى)) لأنها ليست (شياكة) كما يظن كثير من الناس اليوم .. من الشباب أو غيرهم ...

في الحقيقة لا أستطيع كظم غيظي عندما أسمع مذيعة أو مذيع يفخم الرقيق ويرقق المفخم من الحروف، ناهيكم عن الإبداع في الرفع والنصب والضم، لكنه يدقق جداً عند نطق كلمة كمبيوتر مثلاً لتنطق بطريقة متحذلقة أكثر من أبناء اللغة الإنجليزية أنفسهم .. وددت لو أسعفتني طريقة الكتابة أضع لكم تسجيلاً لإحدى هذه المنطوقات اللقيطة لو أسعفتني التكنولوجيا ..

على كل حال .. فقد الهوية -أو تشوهها- من أخطر مشاكلنا المعاصرة .. وربنا يستر

تم تعديل 13 سبتمبر 2006 بواسطة الرافعي

[أبو زياد]

أستاذنا الرافعى

للأسف الشديد فإن صلب الموضوع هو ما ينتهى إليه نظرا لانتهاء الموضوع او انتهاء مناقشته

وهذا لا يعيب محاورات المصريين لأنها فى البداية و النهاية ... محاورات

أستاذنا إن قبلت هذه المشاركة منى,

نحن فى مفترق طريقين لتعليم اولادنا

التعليم الأجنبى وأنت تعلم ميزاته وعيوبه

و التعليم العربى و أنت كذلك أيضا أعلم به

السؤال ما هو الإختيار و هل من طريقة للجمع بين مميزات كل منهما ؟؟

[الرافعي]

أستاذنا الرافعى

للأسف الشديد فإن صلب الموضوع هو ما ينتهى إليه نظرا لانتهاء الموضوع او انتهاء مناقشته

وهذا لا يعيب محاورات المصريين لأنها فى البداية و النهاية ... محاورات

أستاذنا إن قبلت هذه المشاركة منى,

نحن فى مفترق طريقين لتعليم اولادنا

التعليم الأجنبى وأنت تعلم ميزاته وعيوبه

و التعليم العربى و أنت كذلك أيضا أعلم به

السؤال ما هو الإختيار و هل من طريقة للجمع بين مميزات كل منهما ؟؟

أخي الحبيب أبو زياد

أكرمك الله .. يعني أنت وضعتني في مأزق يا سيدي .. أنا شخصياً من الضعاف جداً أمام تقديم أفضل خدمة تعليمية ممكنة لأبنائي وإن كلفني الأمر ألا تكون هناك مدخرات قد تكون أدعى في نظر البعض، لكن وفي ظل وجودنا في منطقة الخليج .. نجد أنفسنا مضطرين للدراسة بما يسمى بالمدارس الدولية أو العالمية .. الاسم طبعاً ضخم لكنها كالبضائع الصينية المقلدة ..

على كل حال ..

ما رأيك لو أفردنا موضوعاً في هذا الشأن ؟؟ لأن تجربتي الشخصية متأثرة كثيراً بعامل التواجد في الخليج والتعليم الأجنبي المتوفر هناك .. وسأحاول طرح مشكلة المدارس التي تقدم المنهج الأجنبي لكنها تضفي شكلاً إسلامياً على المدرسة ومناهجها .. فهذا محور آخر ..

هناك كلام كثير ولا أرغب في حرف الموضوع عن مساره، وأرجو أن تقبل دعوتي لفتح هذا الموضوع في باب التعليم -وإن كنت أظن أن موضوعاً كهذا لابد من وجوده في المحاورات وفي هذا الباب .. إن كان موجوداً فدعنا نعيده إلى المناقشة ونحاول استنهاض الأفكار من الأعضاء الموقرين .. ونفيد بعضنا البعض ..

خالص تحياتي

أخوك الصغير

الرافعي

تم تعديل 13 سبتمبر 2006 بواسطة الرافعي

[Folana]

السلام عليكم ورحمة الله......

بداية أنا اسفة ياجماعة ان الموضوع اخذ اتجاه اخر غير الافتكاسات الكيوتية ...بس هى برضه اللى جعلتنا نتطرق لموضوع هام كده ( بالنسبة لنا على الاقل )...ولكن علشان احنا هنا كلنا عيلة واحدة ..فانا شايفة برضه انه طبيعى جدا ان حضراتكم تشاركونا كل ما يشغل بالنا ....وان المهم عندنا بيكون مهم لكم برضه ..والمهم عندكم بالضرورة يهمنا اننا نشارككم فيه .....

وبناء على هذه المقدمة ...أحب استكمل حديثى مع الاخ الفاضل موديست ...رأى حضرتك فى محله تمام ...الجامعات الخاصة ""الاجنبية تحديدا - زى ماحضرتك حددتها""" طبعا افضل كتير للدارسين الاى جى او الدبلومة الامريكية ....لانهم وعلى حد علمى بيتعبوا جدا فى الجامعات المصرية ...وزملائهم بيقولوا عليهم فشلة !!...لكن واقع الامر انهم فعلا بيعانوا من ان طريقة التدريس مختلفة تماما وأسلوب الامتحانات مختلف برضه ...

انا بافضل لابنتى - واللى هى البكرية برضه - انها تنتمى لاى من الجامعات المذكورة دى ..لكن مش باقولها كده علشان تستمر فى الاجتهاد ..وباقولها انت تعملى اللى عليك وتجيبى المجموع الحكومى :mellow: وبعد كده نشوف حنعمل ايه ....

طبعا الاى جى فى مصر ..اتمصرت الى حد كبير ..مش حاقول طبعا فى اسلوب التدريس ولا الامتحانات لانها كلها بتيجى من لندن وتتصحح هناك زى ماحضرتك عارف ...ولكنها اتمصرت على ايد وزارة التربية والتعليم ...زى ماحضرتك قلت ..لانه يكفى فى الخارج 8 مواد O-Level ومعاهم اتنين ايه اس او واحدة ايه ليفيل على بعضها ...هنا ماينفعش كده ...كمان ممكن بره تاخد الاى جى فى سنتين وتدخل الجامعة ...هنا قالك لأ...خدها فى سنتين بس برضه مش حتدخل الجامعة الا بعد مرور تلات سنين على الاعدادية !!

بس اعرف ان الجامعات الاجنبية ممكن تقبل الطالب بعد سنتين ونصف ...بعد خمس امتحانات يعنى ..(يونيو- نوفمبر ....وهكذا)

المجاميع مرتفعة بالشكل الرهيب ده ..لان الجامعات المصرية مخصصة نسبة 5% فقط من الامكان فيها لطلبة الشهادات الاجنبية والمعادلة والقادمين من الدول العربية ...فطبعا شىء طبيعى ان المجاميع ترتفع كده ...واللى معاه اكتر بيسجل اكتر علشان يضمن لنفسه مكان .....

عايزة حضرتك بس تضع فى الاعتبار مصاريف الجامعات الاجنبية ...(مش الخاصة بس) واقصد الجامعة الالمانية والامريكية ..ودول ممكن ابعت لسيادتك تفصيل بهم ...

والله المستعان............

[nancy]

استاذ الرفاعى

انا الى اقترحت على كيوت موضوع افتكاسات كيوت

وان كل ما تحب تكتب فكرة او تطرح سؤال تطرحة فى موضوعها دة لانها كانت بتكتب كل يوم موضوع ويكون يحتوى على سؤال صغير ميستحقش انة يكون موضوع

فكتبت الموضوع دة

انما من اول كلام فلانة عن الاى جى ودرستها وسؤال مودست وكلامك عن التعليم فى المدراس الدولية الى انا بناتى فيها

والى اول واحدة فيهم كمان سنتين حتبتدى الاميركان ديبلوما فيها وبرضة بفكر دى مودست فى البعد عن الجامعات المصرية لاسباب كتيرة

فنحن الان نملك موضوع مهم جدا يستحق ان يكون مستقل

عن انواه امدارس الدولية ومواد دراسة الى جى والامريكان ديبلوما والفروق مبنهم والجامعات الافضل نتيجة لبحث

مودست واعضاء اخرين لاولادهم وعرض الجامعات المصرية الخاصة والعامة وموقفها من هذا النوع من الدراسة

فارجوا من الادارة عمل موضوع منفصل

وولله اهو جات فايدة من الافتكاسات برضة يا استاذ رفاعى :mellow:

[الرافعي]

استاذ الرفاعى

وولله اهو جات فايدة من الافتكاسات برضة يا استاذ رفاعى :blink:

مين أستاذ رفاعي ده ؟؟ :mellow:

[nancy]

معلش ياستاذ رافعى كيوت اثرت عليا بس طبعا حضرتك عارف انى اقصد حضرتك :mellow:

[الرافعي]

معلش ياستاذ رافعى كيوت اثرت عليا بس طبعا حضرتك عارف انى اقصد حضرتك :mellow:

باضحك فقط ..

سلامي للأستاذ والبنات :blink:

[أبو زياد]

أستاذ الرافعى

الموضوع موجود بالفعل و ردك جاء فى محله و لكنه فى:

منتدى المغتربين المصريين

أريد مدرسة عالمية بالرياض تحفظ القرآن

ولم تسمح خبرتى بعمل رابط له من هنا

ولكنى فى انتظارك لترى بنفسك توارد الخواطر فيما بيننا

تم تعديل 13 سبتمبر 2006 بواسطة أبو زياد

[الرافعي]

أستاذ الرافعى

الموضوع موجود بالفعل و ردك جاء فى محله و لكنه فى:

منتدى المغتربين المصريين

أريد مدرسة عالمية بالرياض تحفظ القرآن

ولم تسمح خبرتى بعمل رابط له من هنا

ولكنى فى انتظارك لترى بنفسك توارد الخواطر فيما بيننا مع الفضل لأستاذنا العظيم

يا أستاذ أبو زياد ... يا أستاذ أبو زياد ...

نعم يا عم عبده فيه إيه ؟؟ (عم عبده ده البواب بتاع العمارة)

في جواب حطه البوسطجي في صندوقكم الصبح بدري وانت بتوصل الولاد المدرسة

.. آه حاضر ..

هاشوفه دلوقتي :mellow:

شوف بريدك يا أستاذ

تم تعديل 13 سبتمبر 2006 بواسطة الرافعي

[Modest]

أستاذ الرافعى

الموضوع موجود بالفعل و ردك جاء فى محله و لكنه فى:

منتدى المغتربين المصريين

أريد مدرسة عالمية بالرياض تحفظ القرآن

ولم تسمح خبرتى بعمل رابط له من هنا

ولكنى فى انتظارك لترى بنفسك توارد الخواطر فيما بيننا مع الفضل لأستاذنا العظيم

تفضل يا أستاذ أبو زياد رابط الموضوع:

عايزين مدرسة عالمية فى الرياض تحفّظ زياد القرآن

كان بودّي لو كنت في الرياض لأفيدك و لكن البركة في الأخوة في الرياض و مُمَثّلهُم العمدة س س .... ما يجصرون :mellow:

بارك الله في زياد و في أبنائنا جميعاً.

[Modest]

الأخت الفاضلة مدام folana

بدايةً أرجو قبول هذه الروابط التي أتمنى أن تفيد حضرتك ( و خاصة الموقع الأول و المفيد جداً في كافة مراحل الآي جي ) :

1- موقع paperspoint لتحميل مختلف الـ Marking Schemes و الـ Specimen Papers و الـ Syllabus و الـ Mock Examinations و أيضاً الـ Examination Time Tables

هذا الموقع وجدنا فيه ما لم نجده في موقع University of Cambridge نفسه

2- The British University in Egypt - BUE

3- German University in Cairo

4- The American University in Cairo - AUC

5- عناوين و تليفونات و مواقع الإنترنت لبعض الجامعات الخاصة

بالنسبة لمصاريف الجامعات الأجنبية مثل الأمريكية و الألمانية و البريطانية فهي مذكورة في مواقع هذه الجامعات و ايضاً مذكور نِسب الخَصم تبعاً للتفوق و التي أتمنى أن يستفيد منها أبنائنا في حالة التحاقهم بأي من هذه الجامعات.

و في حالة معرفتي لأي معلومات أخرى سأُبلغك بها بالتأكيد إن شاء الله فور حصولي عليها...

مع تحياتي و تمنياتي بالتفوق للإبنة الغالية و ربنا يوفق أبنائنا جميعاً.

[أبو زياد]

أستاذنا الرافعى

تم المطلوب ولو إن الإحترام واجب

أستاذنا موديست

لا تعطنى سمكة ولكن علمنى كيف أصطاد

السمكة قصدى الرابط اشترك فيه معى بالطبع ابو السيد و ما جصر و حيقوللى صدعتنى

لكن اللى حصل مع أ الرافعى لو قريت المشاركات هنا حتلاقيها بدأت بكيوت و فى رأيى أنها تدور حول كيوت

البنت الأمورة الطيبة اللى اثارت موضوع مهم وهو التعليم وأعلم إن محله فى منتدى التعليم بس هو بدأ بموضوعات خفيفة فلم يعد موضوع البحث عن مدرسة لذلك تمنيت ان يكون الموضوع و الرابط مرتبطين بالأخت كيوت

ولا بأس إنه يكون هنا

شكرا لك مرة ثانية على السمكة

[se_ Elsyed]

بما إن الموضوع قلب على سمك وجمبري وحركات

ممكن أفتكس معكم .. وأرجو أن تقبلوا إفتكاساتي المُفتكسة

- بسم الله الرحمن الرحيم

نقطة ومن أول السطر

من المعروف إن التعليم من الإبتدائي حتى الثانوي هنا في دول الخليج ينقسم إلى عدة أقسام :

1- مدارس حكومية ودي دخولها بالنسبة للأجانب بيبقى بالواسطة - أنا هاتكلم عن السعودية - ومنهجها يا مولاي كما خلقتني والعيل بيتخرج منها بلاموطي وما يعرفش حاجة .

2- مدارس أهلية .. يعني خاصة بفلوس ودي بتدرس المنهج الحكومي برضوا بس على أنضف شوية .

3- مدارس عالمية .. تقوم بتدريس مناهج أمريكية ، إنجليزية ، فرنسية ... إلخ ودي بقى زي مانت عايز .. يعني عندنا هنا في الرياض المدارس بتبدأ من 3000 ريال في الشهر زي المدرسة البنجلاديشية مثلاً .. وخد بقى لحد الشويفات بتبدأ من 12000 إلى أن تصل لمدارس المملكة والملك عبد العزيز الدولية ودي حاجات عاليه قوي ...

السؤال هنا بقى

الناس في الخليج ممكن نفسها يبقى طويل وتصرف على عيالها .. يعني لو أخدنا مدرس عالمية جيدة المستوى هاتلاقي المصاريف السنوية فيها بتتراوح ما بين 7000 إلى 10000 مثلاً .. لكن الطالب بقى لو جه في النص و نزل مصر ... يروح فين ؟

مستحيل أقول له طبعاً إرجع مدرسة حكومي أو خاصة .. لإنه هايُصاب بعته مغولي أكيد .

يبقى ما قدموش إلا حلين :

1- مدارس لغات ودي بتدرس المنهج المصري بس بلغة أجنبية .. ومصاريفها بتبقى معقولة جداً ... وعيال إخواتنا متخرجين منها زي الفُل وألتحقوا بكليات مُحترمة وبقى معاهم لغتين على الأقل بيتكلموهم بطلاقة

2- مدارس عالمية وسمعت إنها ضرب نار وبتبدأ من 15000 ج في السنة للطالب .. يعني أحسن لي أخرج العيل من الدراسة وأشغله حلاق أو ميكانيكي

فأنتو رأيكو إيه

حلاق

ولا ميكانيكي ؟

[فولان بن علان]

فأنتو رأيكو إيه

حلاق

ولا ميكانيكي ؟

طبعا ميكانيكي

سلامو عليكم 50 ريال وعليكم السلام 100 ريال

لكن الحلاق واقف طول النهار 10في 10 لغاية ما يجيله دوالي

عارف يا س س أنا عندي رأي متخلف شوية

الدراسة في الأول لازم تكون عربي وبس

لما يعرف يتكلم ويقرأ ويكتب عربي ويصلي ويقرأ قرآن بالعربي مش ترجمة معاني باللغة السنهالية

وبعدين يا سيدي يتعلم لغة أجنبية ولا اتنين ولا أكتر

أنا كنت طول الصيف في حيرة أودي الواد فين أولى ابتدائي

مش موضوع فلوس وبس وإن كان شئ مهم

لكن تربية وتنشئة صحيحة ولسان معدول وحب للغة الأصل

أنا استقريت على مدرسة أهلية مصاريفها تقريبا نفس مصاريف بعض المدارس العالمية

فيها تدريس انجليزي على خفيف وحاسب

لكن أهم حاجة فيها منهج تحفيظ قرآن

ودمتم سالمين

[cute teen]

في شخص كان معطرض و بيئول الموضوع ملاوش دعوا بيا مع انه يخصني اكتر حاجة لاني ان دلوأتي في المشكلة الاي تكلموا علىها لاني درسة ال IG و حرجع مصر عشان الجمعات فالموضوع مهم نسا لي و افدني كتير

Modest شكراً على المواقع دي

[MZohairy]

في شخص كان معطرض و بيئول الموضوع ملاوش دعوا بيا مع انه يخصني اكتر حاجة لاني ان دلوأتي في المشكلة الاي تكلموا علىها لاني درسة ال IG و حرجع مصر عشان الجمعات فالموضوع مهم نسا لي و افدني كتير

Modest شكراً على المواقع دي

:blink: مفيش شك

واؤكد كلامك

العلمو نورن :blink: