رسالة من جورج الثاني إلى هشام الثالث

[se_ Elsyed]

تخيلوا إن الرسالة التالية قرأتها إمبارح وأنا أتناول طعام الغداء في أحد المطاعم .. والراجل مبروزها ومعلقها على الحيط على شكل سجادة يدوية

رسالة من ملك إنكلترا والسويد والنرويج إلى خليفة المسملين هشام الثالث

إلى صاحاب العظمة/ خليفة المسلمين/ هشام الثالث الجليل المقام...

من جورج الثاني ملك إنجلترا والسويد والنرويج إلى الخليفة ملك المسلمين في مملكة الأندلس صاحب العظمة هشام الثالث الجليل المقام...

بعد التعظيم والتوقير، فقد سمعنا عن الرقي العظيم الذي تتمتع بفيضه الضافي معاهد العلم والصناعات في بلادكم العامرة... فأردنا لأبنائنا اقتباس نماذج من هذه الفضائل... لتكون بداية حسنة في اقتفاء أثركم؛ لنشر أنوار العلم في بلادنا التي يحيط بها الجهل من أركانها الأربعة وقد وضعنا ابنة شقيقنا الأميرة «دُوبَانت» على رأس بعثة من بنات الأشراف الإنجليز، لتتشرف بلثم أهداب العرش والتماس العطف؛ وتكون مع زميلاتها موضع عناية عظمتكم، وفي حماية الحاشية الكريمة، والحدب من قبل اللواتي سوف يقمن على تعليمهن.

وقد أرفقت الأميرة الصغيرة بهدية متواضعة لمقامكم الجليل، أرجو التكرم بقبولها مع التعظيم والحب الخالص

من خادمكم المطيع

جورج الثاني

[روميو]

يا عزيزى سي السيد احنا كلنا عرفين ان العرب هم اهل المعرفة من قديم الزمان بس ماينفعش اننا نتكل على زمان لازم نطور من طرق تعليمنا وبسرعة

[se_ Elsyed]

بالتأكيد أخي روميو

أنا لم أنشر تلك الرسالة للبكاء على الأطلال الذي لا يُفيد

ولكنني قصدت منها مناقشة أسباب هذا الإنهيار والتراجع للحضيض كما هو حالنا الأن

لدرجة إننا بمجرد سماع إن فلان ده متعلم بره يبقى كده خلاص أخد ختم الجودة .. حتى لو كان متعلم هندسة المراجيح

لما الواحد يبقى متخلف أو متأخر ويتقدم .. لا أحد يستعجب من ذلك .. وهو ما حدث للغرب

أما أن يكون على القمة ويكون هو مثار حديث وإنبهار العالم ثم يتراجع بسرعة الصاروخ ليصبخ مسخ وملطشه كما هو حالنا .. فهذه هي المصيبة بعينها ...

[لخبطه]

لأ كمان كتير اوي متهيأ لهم أننا لما بنقول العرب كانوا هم نور الحضارة و العلم بيتصوروا ان دا مبالغة واننا بنقول دا على طريقتنا في مدح نفسنا لكن الوثيقه الجميله دي دليل دامغ لا تخطئه العين

ايه السبب في اللى حنا فيه بقا القلب ولا العين الظاهر الاتنين ؟؟؟

[se_ Elsyed]

ايه السبب في اللى حنا فيه بقا القلب ولا العين الظاهر الاتنين ؟؟؟

لا القلب ولا العين

لكنه

القفا

بجد

من ساعة ما سلطحنا قفانا لكل من هب ودب وما بقيناش قادرين نقول آي حتى .. بقينا مطية للدنيا كلها

طب وبقينا مطيه ليه ؟ .. عشان إتخلينا عن ديننا ومباديئنا وهمتنا الدنيا وبقينا نتكالب عليها حتى إضطرينا إننا نبيع الأندلس على سبيل المثال بأبخس الأثمان ومن هنا العقد إنفرط وبيعنا البقية الباقية من الإمبراطورية الأسلامية .. وأنعدمت النخوة والرجولة من حكامنا اللي ما بقوش شايفين غير الكراسي وبس .. والحاكم المفروض إنه قدوة لشعبه .. فالشعب لما يشوف الحاكم بتاعه مسلطح قفاه ليل نهار ( أنا ما اقصدش حد مُعين .. وأي تشابه مع قفوات لأشخاص موجودين دلوقت فهو غير مقصود .... وكل واحد يخلي باله من قفاه ... آه مش عايزين مشاكل مع اي قفا ) فالشعب كمان قفاه بيكبر وبيتبلد وبيبقى ما عندوش دم .. ويوم ما ربنا ينفخ في صورته ويبقى عنده شوية دم يحس بهم فلازم يرمي الحاكم ده في أقرب صندوق زبالة ويبتدي يبني من جديد .