مغترب حديثا - أطلب نصائحكم

[إسلام طلعت]

انا عندي 23 سنة

ذهبت الى قطر منذب شهرين فقط

اريد نصائح لاني تعبااااااااااااااااااااااااااااااااااان

بداخلي خواطر كثيرة

اتسائل لماذا انا هنا

هل كل هذا حتى استطيع الزواج

واين التي ساتزوجها

لماذا احرم نفسي من اهلي واصدقائي

اقسم بالله انني كلما عشت يوما خارج مصر كلما ازدت كرها لمصر

فهي السبب

مرتبات غير مناسبة لمستوى المعيشة تماما

اريد ان ارجع لمصر فقط من اجل اهلي واصدقائي وليس من اجل عيون مصر

كنت اعيش في مصري وادعو الله ليلا ونهارا ان يخلصني من هذه البلد وان اسافر

لا اريد مال لاني لست انسان مادي

ولكن اريد حياة هنيئة

بمعنى

في مصر اعمل ولكن بغير كرامة فاشعر انني مستعبد عند صاحب العمل

حيث انه لا يعطيني حقي

كأنه استعبدني

وكنت عندما اركب المواصلات اشعر ايضا انني مستعبد

فهذه المواصلات الرديئة للعبيد اما السيارات الفارهة فهي للاسياد

وكنت عندما اركب تاكسي اشعر ايضا انني مستعبد

فسائق التاكسي ياخذ حقه واكثر لانه اعطاني فرصة ان اكون شبه انسان لدقائق معدودة

وحتى عندما كنت اركب سيارتي

اشعر بانني امشي في غابة

القوي ياكل الضعيف فكله بالدراع

والحياة الهنيئة التي كنت اسعى اليها

عمل يقابله مقابل يجعلني اشعر انني آخذ حقي ولست مستعبدا

حياة هادئة وليست حياة غابة

ولكن

هنا بالرغم من انني لم احتك باحد

ولكن تأثير مصر لازال بداخلي

اشعر انني هنا وارى في اعين المواطنين انهم ينظرون الي بنظرة المجبر على شئ

وانه يجب علي ان اصمت ولا اتكلم

فلو تكلمت سيأخذو مني الراحة التي اسعى اليها وسيعيدونني الى بلدي لاذل هناك

.....

وللحديث بقية

تم تغيير العنوان ليعبر أكثر عن محتوى الموضوع

[khedr]

الغربه والبعد عن الاهل والاصدقاء هو اقسي ما يمكن ان يتعرض له الانسان في حياته

ولكن الحياه دائما كفتين ولا بد من ان تكونا متساويتين

واذا اعطاك الله المال لابد من ان يكون هناك نقص في موضع آخر

واذا اخذت الصحه...لا بد من المعاناه في شكل من اشكال الحياه

وهكذا تسير الحياه بنا جميعا

الحياه عباره عن تجارب وممارسات وعلاقات وخبره

ولن تجد كل ذلك وانت في مكانك...لا بد من الحركه ولا بد من السير

الايام لن تعود ..واستفد بالمكان الذي انت فيه

كون صداقات...حاول تنميه قدراتك ومواهبك...استغل وقتك

لا تترك نفسك لنفسك ولا تنظر خلفك....امامك الدنيا والعالم بأسره

لا تقصر نظرتك...ولا تضيقها ...عش ..وتمتع بالجديد وابحث عنه واستفيد

مصر...هي انت وانا وابوك وامك وشارعك وحياتك

مصر ...هي مكانك وذكرياتك وحنينك وحبيبتك

لا تقسو علي نفسك ولا تقسو عليها حتي في غربتك وفي تعبك

وان كان اليوم علي غير ما ترجو فالايام الأتيه ستكون احلي بك قبل كل شئ

[MZohairy]

الغربه هي غربة نقص الرزق و بالذات بين الأهل

[shawshank]

الأخ العزيز إسلام

الغربة في أول 6 شهور إلى سنة تكون صعبة ، و كثيرون من لم يطيقوها و عادوا إلى بلادهم هربًا من جحيم العالم الجديد . و من طبيعة الإنسان الألفة ، فيألف كل ما تعود عليه ، و ينفر من كل جديد و يتخوف منه . لذلك تكون الغربة في بدايتها صعبة ، لكن بالصبر ، شيئًا فشيئًا تصير الأمور أفضل ، و يهون الأمر تدريجيًا . و من نعم الله علينا "التكيف" . فلتتكيف مع الوضع الجديد ، و اصبر و تحمل . و أنصحك بما يلي في أول 6 شهور :

1. الاتصال المستمر بمصر (مرة أو مرتين أسبوعيًا على الأقل) . ليس بالأهل فقط ، لكن بالأصدقاء أيضا .

2. عمل صداقات جديدة ، ليس بالضرورة مع مصريين . و أنا واثق أنك ستجد من يصلحون أصدقاء لك ، و ربما أكثر من أصدقائك في مصر .

3. اهتم بعملك و اتقنه و ابدع فيه .

4. اقرأ القرآن و حافظ على الصلاة في جماعة .

5. تذكر هواياتك في مصر ، ركز عليها و اهتم بتنميتها في أوقات فراغك .

6. تعرف على البلد التي تعيش بها . زر كل ما يمكن زيارته بها . زر مدنًا أخرى ، و دولاً أخرى إن أمكن ، تعرف على ثقافة المحيطين بك . اخرج للمطاعم و زر المكتبات ... الخ .

7. لا تهتم كثيرًا في أول فترة بتوفير المال بقدر اهتمامك بالتأقلم مع حياتك الجديدة .

و تذكر أنك من الصعب أن تحيا حياة آدمية في مصر ، إلا إذا انعزلت عن الناس و لم تتعامل مع أحد !

و أنا واثق أن الفترة الأولى هي الأصعب و أنك لن تلبث إلا أن تتحسن .

أدعو الله لك بالتوفيق إلى ما فيه رضاه .

[cute teen]

بصراحا في قطر حاساس انك حر

ولا برضو مستعبد

و بعدين افتكر لو كنة مستعبد من اهل بلادك احسن من الاغراب

و بعدين في قطر انتا وافد يعني ممكن تتفنش (طرد من العمل)

فاحسنلك ترجع مصر فدل بهدلت الغربة

تم تعديل 1 سبتمبر 2006 بواسطة cute teen

[basmaaa]

انا كمان مغتربة منذ سنه تقريبا . كل يوم اتوق شوقا الي مصر وأهلي وصديقاتي.. متي العودة؟؟؟ ولكن كلما تذكرت عدم النظام والزحام و الموظفيين اللي بيعقدوا كل الاجراءات وتكشيرة الناس وووو.... أجدني ضائقه الصدر واشعر بأنني سأندم اذا رجعت ل مصر نهائيا .. هذا الشعور يؤلمني بس بجد هواده اللي انا حاساه..

الي اختي الصغيرة كيوت احب برائتك جدا ربنا يحميكي

[إسلام طلعت]

الغربه والبعد عن الاهل والاصدقاء هو اقسي ما يمكن ان يتعرض له الانسان في حياته

ولكن الحياه دائما كفتين ولا بد من ان تكونا متساويتين

واذا اعطاك الله المال لابد من ان يكون هناك نقص في موضع آخر

واذا اخذت الصحه...لا بد من المعاناه في شكل من اشكال الحياه

وهكذا تسير الحياه بنا جميعا

الحياه عباره عن تجارب وممارسات وعلاقات وخبره

ولن تجد كل ذلك وانت في مكانك...لا بد من الحركه ولا بد من السير

الايام لن تعود ..واستفد بالمكان الذي انت فيه

كون صداقات...حاول تنميه قدراتك ومواهبك...استغل وقتك

لا تترك نفسك لنفسك ولا تنظر خلفك....امامك الدنيا والعالم بأسره

لا تقصر نظرتك...ولا تضيقها ...عش ..وتمتع بالجديد وابحث عنه واستفيد

مصر...هي انت وانا وابوك وامك وشارعك وحياتك

مصر ...هي مكانك وذكرياتك وحنينك وحبيبتك

لا تقسو علي نفسك ولا تقسو عليها حتي في غربتك وفي تعبك

وان كان اليوم علي غير ما ترجو فالايام الأتيه ستكون احلي بك قبل كل شئ

شكرا لك استاذ خضر ... كلامك جميل فعلا ...

الغربه هي غربة نقص الرزق و بالذات بين الأهل

أفهم جيداً ما تعنيه ...

أسأل الله أن يرزقك رزقاً حلالاً طيباً ويجعلك تعيش عيشةً هنيئة بين أهلك ...

نعم يا صديقي نحن أيضاً أغراب في أوطاننا ...

خارج مصر تعرف أن المواطن له قيمة عند بلده ...

وأن قيمة المواطن المصري عند بلده لا تساوي شيئاً ...

ولكن ...

أنا كنت مثلك تماماً كنت دائماً انظر إلى الطائرات التي تحلق فوق سماء القاهرة وكنت ادعو الله ان اركب مثلها واسافر ابتغاءً للرزق والكرامة ...

والآن ثبتت لدي مقولة أن القناعة كنز لا يفنى ...

وأن الحياة الدنيا هي دار تعب وشقاء ...

أسأل الله أن يخرجنا من هذه الدنيا سالمين مسلمين له .. وأن يأتينا في الدنيا حسنة وفي الآخرة حسنة ويقينا عذاب النار ...

تحياتي لك مع دعواتي لك بالتوفيق ... فأنا متفهم لمقصدك جيداً ...

الأخ العزيز إسلام

الغربة في أول 6 شهور إلى سنة تكون صعبة ، و كثيرون من لم يطيقوها و عادوا إلى بلادهم هربًا من جحيم العالم الجديد . و من طبيعة الإنسان الألفة ، فيألف كل ما تعود عليه ، و ينفر من كل جديد و يتخوف منه . لذلك تكون الغربة في بدايتها صعبة ، لكن بالصبر ، شيئًا فشيئًا تصير الأمور أفضل ، و يهون الأمر تدريجيًا . و من نعم الله علينا "التكيف" . فلتتكيف مع الوضع الجديد ، و اصبر و تحمل . و أنصحك بما يلي في أول 6 شهور :

1. الاتصال المستمر بمصر (مرة أو مرتين أسبوعيًا على الأقل) . ليس بالأهل فقط ، لكن بالأصدقاء أيضا .

2. عمل صداقات جديدة ، ليس بالضرورة مع مصريين . و أنا واثق أنك ستجد من يصلحون أصدقاء لك ، و ربما أكثر من أصدقائك في مصر .

3. اهتم بعملك و اتقنه و ابدع فيه .

4. اقرأ القرآن و حافظ على الصلاة في جماعة .

5. تذكر هواياتك في مصر ، ركز عليها و اهتم بتنميتها في أوقات فراغك .

6. تعرف على البلد التي تعيش بها . زر كل ما يمكن زيارته بها . زر مدنًا أخرى ، و دولاً أخرى إن أمكن ، تعرف على ثقافة المحيطين بك . اخرج للمطاعم و زر المكتبات ... الخ .

7. لا تهتم كثيرًا في أول فترة بتوفير المال بقدر اهتمامك بالتأقلم مع حياتك الجديدة .

و تذكر أنك من الصعب أن تحيا حياة آدمية في مصر ، إلا إذا انعزلت عن الناس و لم تتعامل مع أحد !

و أنا واثق أن الفترة الأولى هي الأصعب و أنك لن تلبث إلا أن تتحسن .

أدعو الله لك بالتوفيق إلى ما فيه رضاه .

شكراً لك على النصائح الغالية والتي شعرت أنها جاءت من شخص له خبرة .... ودائماً أحب أن استفيد من تجارب الآخرين وخبراتهم واتعلم منهم ..

تحياتي لك مرة أخرى ..

بصراحا في قطر حاساس انك حر

ولا برضو مستعبد

و بعدين افتكر لو كنة مستعبد من اهل بلادك احسن من الاغراب

و بعدين في قطر انتا وافد يعني ممكن تتفنش (طرد من العمل)

فاحسنلك ترجع مصر فدل بهدلت الغربة

بتتكلمي كده ليه ؟..

انتي قطرية ولا ايه ...

انا كمان مغتربة منذ سنه تقريبا . كل يوم اتوق شوقا الي مصر وأهلي وصديقاتي.. متي العودة؟؟؟ ولكن كلما تذكرت عدم النظام والزحام و الموظفيين اللي بيعقدوا كل الاجراءات وتكشيرة الناس وووو.... أجدني ضائقه الصدر واشعر بأنني سأندم اذا رجعت ل مصر نهائيا .. هذا الشعور يؤلمني بس بجد هواده اللي انا حاساه..

الي اختي الصغيرة كيوت احب برائتك جدا ربنا يحميكي

انا بقالي بالظبط كده شهرين لاني وصلت هنا يوم 1-7-2006

كل يوم اقول امتى ارجع

وبقول بالظبط نفس اللي انتي بتقوليه ... هرجع اعمل ايه في مصر ... عدم نظام ، زحام .... الخ

انتي متأكدة ان كيوت ردها كان بريء :lol:

بصراحة ردها معجبنيش :sad:

[احمد هادي]

عزيزي اسلام

الدنيا يا صديقي هي مجموعة من الاختيارات

وأحدث تعريفات الذكاء هي أنه القدره علي الاختيار

وانت قد اخترت طريقك

فتحمل نتائج اختيارك بشجاعة الرجال

لقد قررت يا صديقي قرارا تعتقد انه الصواب

حاول إذا ان تواصل الطريق الذي بداته

هل تصدق مثلا انني عندما سافرت - وأنا الشاب المرفة إبن مصر الجديده- والذي قضي جزء من طفولته في الخليج لم يكن احد يصدق المبلغ الزهيد الذي قبلت السفر لأحصل عليه رغم أن وضع أسرتي المادي في مصر أكثر من ممتاز لدرجة ان والدي عرض علي ان يخصص لي مرتب شهري يعادل مرتبي حتي انتهي من دراسة الماجستير الذي كان يريدني أن اتفرغ له لأن ظروف العمل كانت تمنعني من مواصلته . لكنني رفضت

بل وتوقع الجميع ان لا اتحمل ساعات العمل التي كانت تفوق ال 15 ساعة يوميا في البداية

ولم يتوقع احد ان استطيع الاستمرار في ذلك لمدة عام كامل لم أوفر فيه إلا أقل القليل

لكنني تحملت وتحملت ونزعت فكرة الرجوع دون تحقيق هدفي من رأسي تماما

حتي جاءت الفرصة التي كنت انتظرها ......

مؤسسة كبري كنت أطمح في الوصول اليها

ولكي أحصل علي تلك الفرصة اضطريت ان ابقي في الغربة ولا أحصل علي اجازة حتي أنهي الاجراءات

وانتهت الاجراءات لأجد نفسي أبدأ عامي الثاني من العمل دون أجازه

700 يوم مروا عليا بلا أهل ولا أصدقاء

لكني تحملت

لماذا ؟

كان عندي هدف .....قررت الوصول إليه رغم كل الصعاب

والآن أتذكر أيام ما كنت أخرج في السادسة والنصف صباحا وأعود في العاشرة مساء

وأتعجب ....

كيف احتملت ذلك كله لمدة عام كامل

وهل استطيع تحمل ذلك مره أخري _ اذا تغيرت الظروف - وهي دائما تتغير ؟

يا عزيزي

إذا عرفت هدفك فحاول الوصول إليه

لا تضع وقتك في أسئلة لا طائل من ورائها

اما بالنسبة لقطر

فهي البلد الصاعد الآن في الخليج

بل ويتنبأ لها الجميع بأن تنافس دبي خلال سنوات قليلة

بل وأعتقد انها بدأت تنافسها بالفعل

وخطفت عدد كبير من الكفاءات الموجوده هنا

يعني البلد عندكم ستصبح مثل دبي

مجتمع عالمي - cosmopolitan - لا تمييز فيه بين جنسية وأخري غير الكفاءة

يعني انت في مكان فرصه علي المستوي المهني

فلا تضيع تلك الفرصه

أما عن نظرة الناس لك علي أنك مجبر علي العمل

فذلك لقصور في تفكيرهم

اذكر في أحد الاجتماعات مع واحد من كبار المديرين - الذين يتسطيعون انهاء خدمات أي موظف بجرة قلم - قال الرجل اثناء الاجتماع ( هناك بعض الموظفين يرتكبون أخطاء تستوجب العقاب ولكننا لا نحب ان نقطع رزق احد)

فرد عليه أحد المصريين - والعادة في مثل هذه الاجتماعات ان يكون الكلام بحساب - ولا يتكلم أحد إلا إذا طلب منه ذلك تجنبا للمشاكل

قال المصري الشجاع

يا طويل العمر - لي ملاحظه علي كلامك - وهي انك لا تملك قطع رزقي - فأنت لا ترزقني والذي يرزقني هو الله وبالتالي الوحيد الذي يستطيع ان يقطع رزقي هو الله وليس انت

انت مجرد سبب لا أكثر ولا أقل - وأنا أكلمك من وجهة نظر الشرع والدين الذي ننتمي جميعا اليه

ولم يعقب طويل العمر علي كلام الرجل - لأنه محق في كلامة ولم يؤذيه

يا إسلام - هؤلاء المواطنون لا يملكون لك نفعا ولا ضرا

فإذا ظنوا غير ذلك فتلك مشكلتهم هم وليست مشكلتك

المهم ان تقتنع انت بذلك أولا لترتاح

والسعي علي الرزق ليس عيبا ولا مدعاة للخجل

بل نحن مأمورون بذلك - ان نسعي في أرض الله الواسعة ونهاجر اليها - كما ذكر في القرآن - لو كنا مستضعفين في بلادنا كما هي الحالة الآن .

وانت في سن العشرينات وهو أفضل مرحلة يمكن ان تبدأ فيها حياتك العملية وتحقق أهدفك

انا مثلا سافرت وعمري 29 سنه - وعندما رأيت من هم مثلي وقد سافروا وهم في سنك شعرت بأن كثيرا من الوقت قد فاتني وان علي العمل علي تعويضة

وأخيرا يا عزيزي

جرب هذه الفكرة فقد تساعدك علي الاختيار الصحيح

احضر ورقة وقلم

أكتب كل مميزات بقاءك في قطر وكل عيوبها

وبعدها بفتره كافيه - لتنسي كل ما كتبت - 48 ساعة مثلا

اكتب كل مميزات العودة الي مصر وعيوبها

ثم زن الخيارين كليهما بالمميزات والعيوب

وخذ قرارك وتحمل تبعاته

وتذكر ان القضية ليست مجرد المال

لكنه أسلوب حياة

وفقك الله

وتحياتي

تم تعديل 1 سبتمبر 2006 بواسطة احمد هادي

[cute teen]

انا اسفا اذا ردي معجبكش بس السبب اني عشة في الغربه طول حياتي انا اتولت في الامارات

سبب ردي انك في قطر احضيع نص عمرك من غير فايدا لان بعد عمرين طويل و كام سنة حترجع مصر بس اسفا اني هقول كده بس هتبقا ولا حاجا

لان الغربه بتسحب سنين العمر

و لاما ترجع مصر احتقول يارتني ما سفرت

بتاسف تاني اذا ردي مش عجبك

[مصريه بالكويت]

اخى العزيز اسلام

بكلامك ده انت فتحت جروح ناس كتير متغربين ويمكن انا واحده منهم انا بقالى 10 ايام راجعه من مصر وربنا اعلم انى

لازلت فى حالة عدم اتزان مع ان الاجازه مرت والحمد لله بعكس ما كنت متوقعه لكنها مرت

لاخر لحظه ف المطار كنت مش قادره ابطل بكاء بس ايه فى ايدينا

صدقنى يا اسلام مصر مش وحشه والله فعلا هى احسن بلد ف الدنيا بس يمكن فيها ظروف بتخلينا نشوفها وحشه

بصراحه انا بحبها بتمتع وانا ماشيه فيها ووالله ماهو كلام شعارات

انا بحب محافظتى بس لما بنزل القاهره بحس ان النداهه ندهتنى ليها مع انى حافظه معالمها بس بمشى اتفرج ويمكن

ساعات بخرج راسى من العربيه علشان اكمل فرجه؟

صدقنى مصر حلوه بس الظروف

وصدقنى انت لو كنت مرتاح مديا ( ملياردير مثلا ) كانت نظرتك لمصر افضل

وربنا يوفقك ويكرمك

ونصيحه بجد الغربه صعبه جدا واكتر شيئ هيفرج الكرب هو قراءة القران والتقرب الى الله

:lol:

[لخبطه]

حد عارف دوار البحر :lol: اكيد كلكم عارفينه الاخ اسلام عنده حالة زي دوار البحر حاجه كدا بتيجي للكل في أول ما يركب البحر ويخاف ويكره البحر لكن كلها ساعه ويفوق ويحب البحر ويدمنه كمان ياجماعه كلام أسلام لا يأخذ على محمل الشكوى دي حاله بسيطه خالص كلها كام اسبوع أو كام شهر وهتروح وانا واثق اننا كلنا مرينا بدا الواحد بيحس بمرار في حلقه وعدم قدره على الاكل او المعيشة والضعيف هو اللى بيستسلم للرغبه دي وينزل لكن العادي أو القوي خلاص بتمر الظروف .......... حالة مؤقته يا سيد أسلام اتبع النصائح العظيمة اللى قالها الناس هنا وانا اتحداك أنى افتح المشاركه دي بعد فتره واسالك على شغلك وحياتك في قطر هتضحك على الكلام اللى انته كتبته دلوقتى ......... انته راجل فخليك قد الكلمه دي واتحمل ( مع الاحتفاظ بحق الاقتباس من الغائب القبطان )

[بنت النيل]

انا اول ما دخلت وقراءت اللى كتبه اسلام فكرت انه بكلم على بلد بتعانى من قله الغذاء ومن الجفاف والموت جوعا من بلد يتم فيها عمليات انتحاريه كل يوم يقتل بها عدة اشخاص :sad:

ايه ياجماعة خير فى ايه ؟؟؟؟؟؟؟

الكل متحمل على مصر ليه مصر ام الدنيا وستظل ام الدنيا رغم انف الحاقدين

وبدايه كلامى اود ان اوجه عتاب شديد للاخ شواشنك ولا شواشكنى يارب يكون الاسم كدا صح المهم عندما قال فى كلامه للاخ اسلام ( انك من الصعب ان تحيا حياة ادميه فى مصر الا اذا انعزلت عن الناس ولم تتعامل مع احد )

اسمح لى ان اقول ان هذه العبارة تعتبر اهانه للشعب المصرى،،، من هم الناس من هى مصر ؟؟؟ هى امى وامك والدى ووالدك اخوانى واخوانك ،،، ياترى دول عايشين فى مصر اى نوع من الحياة ؟؟؟ عيب

لقد خلق الله الناس طبقات فيها الغنى وفيها المتوسط الحال وفيها الفقير وبكل الدنيا خلقت الناس هكذا وليس بمصر فقط

عيب المغترب فى اول ايامه مع الغربه بس يطلع من مصر يفضل يقولك دى بلد معرفش ايه وفيها ايه وناس ايه ليه ليه

ليه كدا كفاينا بقى تشوية فى صورتنا :lol:

اللى تقولك هرجع للزحام تعالى شوفى فى الكويت بيعملو ايه بالطرق لحل مشكلة الزحام وبرده مفيش فايده رغم ان مفيش وجه مقارنه بين عدد السكان

هنقول ايه الناس مطحونه عشان لقمه العيش وياريت بيكفى مش فى مصر بس فى كل الدنيا وفى كل حته انا مغتربه بالكويت من 11سنة اعرف كويته عايشين على المساعدات لدرجه انهم وصلو لعمل الاعلانات لطلب المساعدة ومش عيب

يا اخ اسلام لما الواحد يحب يقارن نفسه بغير اوعشان يعرف نعم ربنا عليه يبقى يقارن نفسه بالى اقل منه مش بالى اعلى منه وساعتها يحمدربه على النعمه اللى هو فيها غيرك مش لاقى اللى عندك ومش عاجبك وغير ك عنده اللى يفوقك

دى ارزاق ومتقسمه من عند الخالق ،،،،

وبعدين ايه حكايه مستعبد ليه مستعبد كلناعبيد عند الخالق وليس المخلوق ،، لوانت مؤمن بان رزقك عند صاحب العمل تبقى انت مستعبد ولكن اذا كنت مؤمن بان رزقك عند الله يبقى مفيش حاجه اسمها استعباد

وتاكد انك لو روحت بلاد الواء الواء عشان تعيش عيشه هنيه غير رزقك عند ربنا مش هتلاقى

ممكن ان الواحد يكون بيشكى من اللى بيشوفه ماشى انا معاك بس اشتكى من اللى يستهلو الشكوة ( من الراعى ) وليس من الراعيه

ناس بخير واهلها بخير

مهما قالو عنك بحبك يامصر ......... وبحب اهلها ........ وبعشق ترابها

[إسلام طلعت]

:wub: بجد شكرا شكرا شكرا شكرا شكرا ..

انا شعرت انني اخدت دش من النصائح جعلني افوق لنفسي

وعجبتني جدا كلمة دوار البحر :D

عشان فعلا هيه كلمة معبرة جدا ... وانا متأكد اني فعلا هاخد على البحر بعد كده ...

وشكر خاص جدا للاخ احمد هادي ... واتمنى ان اكون مثلك .. فانا مؤمن بمبدأ الكفاح من أجل النجاح ... ومبروك عليك النجاح واتمنى لك مزيد من النجاح ... ولكن سيحتاج لمزيد من الكفاح :)

اما الاخت بنت النيل ... سورري في اللفظ والله انا هقوله بس عشان ماشي مع القافية بس متزعليش مني ... (بنت النيل .. نيلت الدنيا) :D

لانك مش فاهمة احنا نقصد ايه لما نتكلم عن مساوئ مصر ... فهو ليس غرورا منا او تكبراً على شعب مصر الطيب فنحن منه وسنظل منه .. وليس شماتة فيه ..

ولكن نحن نتكلم عن مساوئ موجودة بالفعل ونتمنى ان نعالجها او حتى نبدأ في معالجتها .. ولكننا لسنا بحاقدين ..

وعموما انا مش زعلان من اللي قلتيه ربما يكون التعبير خانك ... لكن الاهم انك متزعليش من جملة (بنت النيل ........ الدنيا) :D .. هزار مش اكتر والله

اما مصرية بالكويت ... فكنت اتمنى ان يكون ردها بعد رد بنت النيل التي نيـ...... الدنيا ... لان رد مصرية بالكويت كان بمثابة بلسم مرطب لما قالته بنت النيل التي ............ :D

واعتقد ان مقصد الاثنين واحد ولكن مصرية بالكويت اجادت التعبير ... وانا اتفق معها في كل ما قالته وخصوصا لما نطلع راسنا من شباك العربية :)

وشكرا شكرا شكرا للجميع مرة اخرى :)

انا اسفا اذا ردي معجبكش بس السبب اني عشة في الغربه طول حياتي انا اتولت في الامارات

سبب ردي انك في قطر احضيع نص عمرك من غير فايدا لان بعد عمرين طويل و كام سنة حترجع مصر بس اسفا اني هقول كده بس هتبقا ولا حاجا

لان الغربه بتسحب سنين العمر

و لاما ترجع مصر احتقول يارتني ما سفرت

بتاسف تاني اذا ردي مش عجبك

اسفك مقبول طبعا .. انا مش زعلان

وانا اتفق معك في ما قلتيه ... بل وفكرت فيه كثيرا قبل ان اسافر .. ولكن المقارنة كانت في صالح السفر رغم التمن ... ولكن سأحاول ان اقلل التكلفة كثيرا .. لان تمن الغربة كتير ... وانا لا أؤيد فكرة ان اتزوج وان اكون بعيد عن زوجتي واهلي .. فإما سأرجع مصر وأتعايش مع ظروف المعيشة هناك (بس ثواني بس اكون نفسي الاول زي مبيقولو) أو إذا وجدت ان زوجتي ستستريح في الغربة معي سأكمل غربتي معها ولكن وقتها اعتقد انني لن اكون غريب لان سيكون لي وطن وهو زوجتي !!!

[بنت النيل]

الاخ اسلام

طبعا انا فاهمه القصد من الكلام لكن برده مش بطريقه دى

وكمان انت بتقول بنت النيل ني......... الدنيا " اصل هو دايما كدا كلمة الحق بتوجع او اللى يقول الحق ياخد على ايه ؟؟؟؟ :)

واحب اوضح لك شىء مهم اننى عندما قلت ستظل ام الدنيا رغم انف الحاقدين طبعا لم اقصد اى احد من اللى داخلين معنا بالكلام والردود لاء طبعا

ولعلمك بقى عمر مافى مصرى مهما شاف من تعب وقسوة وشقاء ومساوء فى مصر يقدر يحقد عليها

ولما تيجى تكلم عن مساوء مصر ذى مابتقول يبقى تكلم بقى عن الحاشية الكبيرة عن اللى حكمها وعن اللى تابعين له لان هما دول اللى عاملين فيها المساوء مش ناسها

ولا انت تخاف تقولها صراحتنا وتتكلم عن النوعية دى :) :D

عموما ياسيدى بكره تتعود واذا احتجت اللى اى شىء احنافى الخدمه برده احنامصرين جدعان اوى هههههههه

وانتى ذى اخويا الصغير مع انى مش كبيرة اوى يعنى لكن تمشى برده :wub:

سلام ياعم اسلام

[سيزيف]

الاخ العزيز اسلام

لم تضطرنى الظروف للاغتراب لذا فلن يمكننى ان ادرك مشاعرك تمام الادراك و ان كنت اتفهمها و اتعاطف معها

لا اصدق انك كنت تعنى ما قلته انك تكره مصر وان كنت تحب اهلك و اصدقائك

فما هى مصر ؟

اوليست هى اهلنا و اصدقاؤنا و جيراننا و مواطنينا

ان احوال مصر نحن المسئولين عنها جميعا

ليس الحاكم فقط - وان كان نصيبه فى المسئوليه اكبر -

و انما الحاكم و الحكومه و الموظفين و الشعب بكل فئاته

ومن لم يشترك فى صناعه الظروف السيئه فعلى الاقل سكت عنها

كل منا مسئول بشكل او باخر

-----

قبل ان اقرأ ما كتبه العزيز هادى

كنت انوى ان احدثك عن ذات المضمون

الاختيار

نعم يا صديقى الاختيار

كن مسئولا عن اختيارك و اصمد قدر ما تستطيع

اعلم ان الكلام سهل و ان " اللى ايده ف الميه 000000000 "

ولكن هذا كل ما استطيع ان اقوله لك

--------

العزيزه بنت النيل

تحياتى لمشاعرك الوطنيه المتقده

لو كان لدى المصريين جميعا هذا الشعور بالانتماء لراينا بلدا مختلفا

[إسلام طلعت]

الاخ اسلام

طبعا انا فاهمه القصد من الكلام لكن برده مش بطريقه دى

وكمان انت بتقول بنت النيل ني......... الدنيا " اصل هو دايما كدا كلمة الحق بتوجع او اللى يقول الحق ياخد على ايه ؟؟؟؟ ;)

واحب اوضح لك شىء مهم اننى عندما قلت ستظل ام الدنيا رغم انف الحاقدين طبعا لم اقصد اى احد من اللى داخلين معنا بالكلام والردود لاء طبعا

ولعلمك بقى عمر مافى مصرى مهما شاف من تعب وقسوة وشقاء ومساوء فى مصر يقدر يحقد عليها

ولما تيجى تكلم عن مساوء مصر ذى مابتقول يبقى تكلم بقى عن الحاشية الكبيرة عن اللى حكمها وعن اللى تابعين له لان هما دول اللى عاملين فيها المساوء مش ناسها

ولا انت تخاف تقولها صراحتنا وتتكلم عن النوعية دى ;) :lol:

عموما ياسيدى بكره تتعود واذا احتجت اللى اى شىء احنافى الخدمه برده احنامصرين جدعان اوى هههههههه

وانتى ذى اخويا الصغير مع انى مش كبيرة اوى يعنى لكن تمشى برده :)

سلام ياعم اسلام

انا عارف والله ان قصدك كويس وعشان كده قلت بنت النيل نيـ ..... الدنيا ... هههههههههههههههههههه

على فكرة انا كل المساوئ اللي قلتها في الاول الحكام هما المسئولين عنها

يعني مثلا لما يكون متوسط المرتبات الحكومية 180 لتعيين الشباب .. آسف .. اقصد عقود سنتين ... فمن المسئول

ولما يكون متوسط القطاع الخاص للشباب الخريجيين 500 جنيه ... وفي نفس الوقت ثمن الشقة مش اقل من 80 الف جنيه !!!!

لما اكون انا بشتغل في قطاع خاص وآخد 500 جنيه ... وفي ظل الاسعار السائدة ... اشعر كأنني مستعبد لا آخد حقي ... ولا اتكلم هنا عن اني عبد عند احد غير الله واعوذ بالله من الشرك ... ولكن الشعور ذاته أنني لا آخذ حقي لم اجد تعبيرا لدي غير هذه الكلمة القاسية ...

والأدنى من ذلك أن فرص العمل في جميع المجالات متوفرة للبنات حسنة المظهر ... وأقولها في جميع المجالات .. طب - هندسة - محاسبة - مدرسين - سكرتارية طبعا ... والله حتى المدراء ... الخ

وبعدين انا مبخفش من امن الدولة ... الجدع يجبني ...

امن الدولة دي عاملة زي متكون اسرائيل في ارضنا ... اللي يتمسك كأنه خلاص بقة أسير عند الأعداء ...

شفتي فيلم عمارة يعقوبيان ؟؟؟

.

.

وعموما برده انتي زي اختي الصغيرة .. مع اني مش كبير اوي بس تمشي برده :D

سلام يا عمة بنت النيل التي ...... نورت ..... الدنيا .... :)

.

.

[أبو زياد]

أخى إسلام صاحب الموضوع

تحية طيبة الإخوة و الأخوات المشاركين

لقد قرات جميع مشاركتكم و قبل ان اشارك ادون ملاحظاتى

و اهمها ان الأخ إسلام يهدف للزواج كما سعينا من قبل ولا يوجد طريق أخر سوى الغربة يا اخى فتصبر بالله

مشاركتى ... متزوج و اعيش مع اولادى بالغربة اعيش صراعا

هنا أستطيع ان اتمسك بدينى جيدا على الأقل غض البصر هذه نقطة

والثانية هى فتنة دول الخليج ليس فقط بالنسبة للمصرى اظن بالنسبة لجميع دول العالم فقيرة او غنية ماذا تعنى دول النفط ؟

الثراء الفاحش الإسراف فى كل شىء الغنى الجاهل الحماقة

التعامل مع جهلاء او جهلاء أخرون يتعاملون معهم

ثم ماذا لابد من العودة لوطن الأم ما هو افضل توقيت للعودة؟

السؤال النهائى:

هل مياه الخليج مثل ماء النيل لابد لمن شربها ( بملحها!) ان يعود إليها مهما فارقها

متى العودة بل كيف؟ كيف يمكن اللا عودة ؟

معذرة اخى إسلام لتغييرى نطاق حديثك أملا ان يكون للأشمل

ارجو المشاركة من الجميع

[se_ Elsyed]

اسلام كتب

يعني مثلا لما يكون متوسط المرتبات الحكومية 180 لتعيين الشباب .. آسف .. اقصد عقود سنتين ... فمن المسئول

ولما يكون متوسط القطاع الخاص للشباب الخريجيين 500 جنيه ... وفي نفس الوقت ثمن الشقة مش اقل من 80 الف جنيه !!!!

لما اكون انا بشتغل في قطاع خاص وآخد 500 جنيه ... وفي ظل الاسعار السائدة ... اشعر كأنني مستعبد لا آخد حقي ... ولا اتكلم هنا عن اني عبد عند احد غير الله واعوذ بالله من الشرك ... ولكن الشعور ذاته أنني لا آخذ حقي لم اجد تعبيرا لدي غير هذه الكلمة القاسية ...

على فكرة ..إحنا كده بنعطي إنطباع وصورة غير حقيقية عن مصر وخصوصاً لإخواننا غير المصريين اللي بيقرأوا الكلام ده

يا أخي الكريم إسلام .. لما تيجي تتكلم عن موضوع ما .. يستحسن أن تتكلم عنه من جميع جوانيه

فخلينا نقول إن الحكومة ما بتشغلش حد دلوقت - على فكرة معظم دول الخليج كده .. وكل واحد بيتخرج بيبقى مع نفسه وهو وشطارته - وخلينا نقول إن متوسط المرتب 500 ج للخريج الجديد ... فمشكلتنا هنا بقى إن كل شاب وأنا طبعاً كنت خريج حديث من وقت ليس ببعيد .. فكل شاب عايز يبدأ من أخر السلم ويفكر زي ما حضرتك قلت في الشقة أم 80 ألف جنيه .. ليه لإن شاء الله ؟ هو عايز يبدأ بشقة تمليك على طول كده وهو لسه عوده أخضر ولا يملك شيء سوى شهادته ؟

مع إن الجانب اللي إنت ما أتكلمتش عنه هو شقق الإيجار الجديد .. يعني بيأجر شقة قانون جديد لمدة 5 سنوات بإيجار ممكن يكون 200 إلى 300 ج .. ومش لازم يا سيدي يسكن في بداية حياته في المعادي أو شارع جامعة الدول ...

كذلك الشباب في مصر بيُتاح لهم ما لا يُتاح في الغربة وهو فرصة العمل لفترة ثانية .. ولي أصدقاء كثيرين كانوا بيشتغلوا 3 شغلانات في اليوم في بداية حياتهم لمدة عامين أو تلاته لحد ما يقف على رجليه وأهو لسه مش مرتبط أو متزوج وبصحته وممكن يستحمل .. ومنهم الأن من يملك شقة ممتازة مع سيارة أنا ياللي مغترب لا أملكها ...

وأعرف العديد من زملائي خريجي تجارة مثلي إشتغلوا عند حازم حسن في بداية حياتهم عشان يتعلموا بمرتب 150 ج شهرياً .. ودلوقت بعضهم أصبح لديه مكتب محاسبة ومراجعة عشان صبر وكافح وما مدش رجليه أكثر من اللحاف الذي يملكه .. وأعرف محاميين شباب عملوا لعدة سنوات لدى مكاتب محاماه كبيرة يكاد لا يأخذون مرتب شهري وبرضوا إستحملوا لحد ما وصلوا

يبقى في حاجة إسمها إمكانيات .. وحاجة تانية إسمها طموح

أنا خريج جديد إمكانياتي هي الشهادة بس ما عنديش لسه خبرة عملية كافية

طموحي بقى لازم يتوافق مع تلك الإمكانيات .. ولو تعداها وإبتديت قبل ما أبدأ أتطلع للشقة التمليك والسيارة المكيفة يبقى فعلاً هاحس إني مش آدمي وهاتبقى في الأول والأخر غلطتي ...

إنت عارف إن في كثير من الشباب الجامعي السعودي الآن يعمل بمرتب 1500 ريال شهرياً أول عن أخر .. وده مستحيل كان يحصل زمان .. لإن ده تقريباً مرتب عامل الشاي أو القهوة ... لكن الظروف حكمت بكده ولازم الناس تتقبل الواقع وإلا هايتجنن ويمشي يكلم نفسه ...

[Tafshan]

العزيز اسلام ..

بما انى راجل مغترب بقالى حوالى 5 سنين فممكن اقول لك التطور الطبيعي للغربه :

1- اول 6 شهور : كئابة فظيعة و احساس بالاضطهاد و عدم الاتزان مصحوب بحب او كره شديـــــد لمصر .. لانها السبب في وجودك في الغربه ..

العلاج : البحث عن اصدقاء و اماكن مصرية صميمة .. يعنى قهوة بلدى .. محل فول .. بياع فطير .. و هناك ح تلاقى اللى حوليك كلهم مصريين و ح تحس بألفة تساعدك على الاعراض الانسحابية لادماننا لبلدنا العجيبة ..

2- ثانى 6 شهور او الفترة الباقية على اول اجازة في مصر : و دى لو قصيرة ح تقضيها بتجيب في هدايا لاخواتك و مامتك و ابوك و اصدقائك اللى تعرفهم و اللى ما تعرفهمش و بتكون نفسياً احسن شوية .. اما لو طولت ل 3 سنين زيي .. ح تبقى نسيت حاجات كثير في مصر و تبقى مشكلتك كبيرة .. لانك مش ح تفتكر غير الحاجات الحلوة بس و بتبقى صدمه حقيقية لما تنزل اجازة و بالتالى بانصحك انك تنزل مصر بعد سنه بالكثير - اجازة يعنى ..

3- الاجازة : مواجهه ساخنه مع كل ما هربت منه و تذكرة للهدف الاصلى للغربة .. غالباً بتبقى محبطة - للاسف- لكن مفيدة لاعادة صياغة سيناريو حياتك

4- بعد الاجازة : الغريب انك ح تحس و انت راجع الغربه انك راجع بلدك .. و ح تقاوم الشعور ده و ح تحاول ما تعترفش بيه لكن بيبقى حقيقي .. طبعاً في اكتئاب ما بعد الاجازة :unsure: و ده يأخذ بتاع شهر .. و بعدين تندمج .. و خلاص .. بتبقى الغربه جزء من حياتك سواء في مصر او في الخارج .. ده اختيارك يا صديقي و مش اختراع جديد .. ده اللى عايشين فيه كلنا ..

بس خلاص

[أبو زياد]

حبيبى سى السيد

احنا شكلنا مع بعض عالخط

ولكنى ارجو منك رجاء حارا ان تقرا المشاركات

و تشمل فى ردك اخر مشاركة

ولك جزيل الشكر و الإمتنان على تواصلك