مغترب حديثا - أطلب نصائحكم

[إسلام طلعت]

أرجو ان يجيب احد

[إلى متى الغربة؟؟؟؟

قبل أن أسافر ...

والدي قال : روح يبني ربنا يوفقك ... وابقة ارجع بعد ما حسني مبارك يموت !!!

.

.

فمتى العودة ... موضوع جديد الآن مفتوح للنقاش ....... :blink:

.

.

اسلام كتب

يعني مثلا لما يكون متوسط المرتبات الحكومية 180 لتعيين الشباب .. آسف .. اقصد عقود سنتين ... فمن المسئول

ولما يكون متوسط القطاع الخاص للشباب الخريجيين 500 جنيه ... وفي نفس الوقت ثمن الشقة مش اقل من 80 الف جنيه !!!!

لما اكون انا بشتغل في قطاع خاص وآخد 500 جنيه ... وفي ظل الاسعار السائدة ... اشعر كأنني مستعبد لا آخد حقي ... ولا اتكلم هنا عن اني عبد عند احد غير الله واعوذ بالله من الشرك ... ولكن الشعور ذاته أنني لا آخذ حقي لم اجد تعبيرا لدي غير هذه الكلمة القاسية ...

على فكرة ..إحنا كده بنعطي إنطباع وصورة غير حقيقية عن مصر وخصوصاً لإخواننا غير المصريين اللي بيقرأوا الكلام ده

يا أخي الكريم إسلام .. لما تيجي تتكلم عن موضوع ما .. يستحسن أن تتكلم عنه من جميع جوانيه

فخلينا نقول إن الحكومة ما بتشغلش حد دلوقت - على فكرة معظم دول الخليج كده .. وكل واحد بيتخرج بيبقى مع نفسه وهو وشطارته - وخلينا نقول إن متوسط المرتب 500 ج للخريج الجديد ... فمشكلتنا هنا بقى إن كل شاب وأنا طبعاً كنت خريج حديث من وقت ليس ببعيد .. فكل شاب عايز يبدأ من أخر السلم ويفكر زي ما حضرتك قلت في الشقة أم 80 ألف جنيه .. ليه لإن شاء الله ؟ هو عايز يبدأ بشقة تمليك على طول كده وهو لسه عوده أخضر ولا يملك شيء سوى شهادته ؟

مع إن الجانب اللي إنت ما أتكلمتش عنه هو شقق الإيجار الجديد .. يعني بيأجر شقة قانون جديد لمدة 5 سنوات بإيجار ممكن يكون 200 إلى 300 ج .. ومش لازم يا سيدي يسكن في بداية حياته في المعادي أو شارع جامعة الدول ...

كذلك الشباب في مصر بيُتاح لهم ما لا يُتاح في الغربة وهو فرصة العمل لفترة ثانية .. ولي أصدقاء كثيرين كانوا بيشتغلوا 3 شغلانات في اليوم في بداية حياتهم لمدة عامين أو تلاته لحد ما يقف على رجليه وأهو لسه مش مرتبط أو متزوج وبصحته وممكن يستحمل .. ومنهم الأن من يملك شقة ممتازة مع سيارة أنا ياللي مغترب لا أملكها ...

وأعرف العديد من زملائي خريجي تجارة مثلي إشتغلوا عند حازم حسن في بداية حياتهم عشان يتعلموا بمرتب 150 ج شهرياً .. ودلوقت بعضهم أصبح لديه مكتب محاسبة ومراجعة عشان صبر وكافح وما مدش رجليه أكثر من اللحاف الذي يملكه .. وأعرف محاميين شباب عملوا لعدة سنوات لدى مكاتب محاماه كبيرة يكاد لا يأخذون مرتب شهري وبرضوا إستحملوا لحد ما وصلوا

يبقى في حاجة إسمها إمكانيات .. وحاجة تانية إسمها طموح

أنا خريج جديد إمكانياتي هي الشهادة بس ما عنديش لسه خبرة عملية كافية

طموحي بقى لازم يتوافق مع تلك الإمكانيات .. ولو تعداها وإبتديت قبل ما أبدأ أتطلع للشقة التمليك والسيارة المكيفة يبقى فعلاً هاحس إني مش آدمي وهاتبقى في الأول والأخر غلطتي ...

إنت عارف إن في كثير من الشباب الجامعي السعودي الآن يعمل بمرتب 1500 ريال شهرياً أول عن أخر .. وده مستحيل كان يحصل زمان .. لإن ده تقريباً مرتب عامل الشاي أو القهوة ... لكن الظروف حكمت بكده ولازم الناس تتقبل الواقع وإلا هايتجنن ويمشي يكلم نفسه ...

انا مش هقدر اناقشك في التفاؤل اللذيذ جداً اللي حضرتك فيه لانك مبسط الموضوع جدا ...

لكن خلينا نتكلم بالحساب والمنطق :

لو افترضنا افتراضاً (مجرد افتراض مع أنه غير موجود في الواقع) أنني استأجرت شقة بـ 300 جنيه في الشهر في منطقة شعبية أو عشوائيات مش مشكلة .. ولنفترض أن أهل البنت وافقو أن يتم الزواج بدون شبكة وبدون مهر وبدون حتى توضيب الشقة ... هفترض اني هعيش في شقة بـ 300 جنيه في الشهر على الطوب الاحمر كمان ...

تقدر تقولي لما يكون مرتبي 500 واصرف 300 ايجار ... طب كده هيتبقة 200 ... هركب مواصلات بكام ... افطر الصبح بكام ... ادفع كهربا للبيت منين .. ....... اكمل باقي المصاريف ... الخ (تكفي الخ)

هتقولي انت لسا متخرج وبتاخد 500 استنة بعد 6 سنين يكون مرتبك زاد .. اقول لحضرتك مرحبا بزيادة المرتب مع زيادة الاسعار ... مع الوضع في الاعتبار ان المرتبات لا تتناسب مع مستوى المعيشة ...

الحقيقة لم اقتنع بحرف واحد مما كتبته مع كامل احترامي وتقديري لحضرتك

.

.

تحياتي

[بنت النيل]

أرجو ان يجيب احد

[إلى متى الغربة؟؟؟؟

الى ان يأذن الله لنا ويكتب لنا العيش مره اخرى فى بلدنا

فكل شىء بامر الله

كنت اسمع جدتى زمان تقول مثل ( اخدنا ايه من الغربه غير عوجت الضبه ) :blink:

اما عن الاخ اسلام فواضح انه متشائم وملوش علاج

ايه يابنى مالك اومال ياناس يا عالم الناس اللى عيشة فى مصر فى اى محافظة من محافظاتها كل الشعب المصرى ده عايش اذاى يابنى ربنا قال اسعى ياعبد وانا اسعى معاك ومش كل شىء بيبدء كبير انت شكلك كدا غاوى ركوب الاسانسير مش بتحب طلوع السلم :D :D

بس نفترض بقى ان الاسانسير عطلان وانت ساكن بالدور الاخير هتعمل ايه هتفضل بشارع ولا هتطلع السلم عشان توصل

ادينى فرضتها لك بابسط صورة واللى اماله وتوكله على الله ربنا بيفرجها عليه

( ان بعد العسر يسر )

وكلمة اخيرة يا اخ اسلام لو انت بتكره مصر فتاكد ان عمر مصر ما هتحبك ;)

[مريوم المصرية]

3- الاجازة : مواجهه ساخنه مع كل ما هربت منه و تذكرة للهدف الاصلى للغربة .. غالباً بتبقى محبطة - للاسف- لكن مفيدة لاعادة صياغة سيناريو حياتك

4- بعد الاجازة : الغريب انك ح تحس و انت راجع الغربه انك راجع بلدك .. و ح تقاوم الشعور ده و ح تحاول ما تعترفش بيه لكن بيبقى حقيقي .. طبعاً في اكتئاب ما بعد الاجازة :) و ده يأخذ بتاع شهر .. و بعدين تندمج .. و خلاص ..

وممكن تعريف تاني للأجازة :)

مواجهه ساخنة مع كل ما هرب منه والداي :blink: ،للأسف حجات غريبة أوي.حتى من بعض القرايب

في حين إن الاجازة بتديني فرصة أتفسح في بلدي وأشوف فيها حجات حلوه كتير.

وحكاية بعد الاجازه بتحس انك راجع بلدك وتقاوم الشعور ده...إلخ

أنا لسه راجعة 3/9 .كنت فعلا مدايقة جدا من الاحساس البايخ ده

وكان عندي اكتئاب،ازاي يعني.بس كويس ان ده طلع طبيعي مش انا اللي مخي ساح

بحبك يامصر يا بلدي يا أحلى مكان في الدنيا.ربنا يعينك.ويساعدك :D :D

وأحييكي يا بنت النيل ياللي نورت الدنيا :) على روحك الوطنية الجميلة ;)

وأكيد أنا زيك بالظبط

وكلنا بنحب مصر :wub: مهما كان فيها من سلبيات

تم تعديل 6 سبتمبر 2006 بواسطة مريوم المصرية

[إسلام طلعت]

أرجو ان يجيب احد

[إلى متى الغربة؟؟؟؟

الى ان يأذن الله لنا ويكتب لنا العيش مره اخرى فى بلدنا

فكل شىء بامر الله

كنت اسمع جدتى زمان تقول مثل ( اخدنا ايه من الغربه غير عوجت الضبه ) :blink:

اما عن الاخ اسلام فواضح انه متشائم وملوش علاج

ايه يابنى مالك اومال ياناس يا عالم الناس اللى عيشة فى مصر فى اى محافظة من محافظاتها كل الشعب المصرى ده عايش اذاى يابنى ربنا قال اسعى ياعبد وانا اسعى معاك ومش كل شىء بيبدء كبير انت شكلك كدا غاوى ركوب الاسانسير مش بتحب طلوع السلم :D :D

بس نفترض بقى ان الاسانسير عطلان وانت ساكن بالدور الاخير هتعمل ايه هتفضل بشارع ولا هتطلع السلم عشان توصل

ادينى فرضتها لك بابسط صورة واللى اماله وتوكله على الله ربنا بيفرجها عليه

( ان بعد العسر يسر )

وكلمة اخيرة يا اخ اسلام لو انت بتكره مصر فتاكد ان عمر مصر ما هتحبك ;)

لو الاسانسير عطلان هطلع السلم .. اللهم لا اعتراض ... وبعدين انا طول عمري كنت بطلع السلم ... من ايام الجامعة وانا بدأت بأول سلمة ... لكن السلم في مصر مش زي أي سلم في العالم ...

اما الشعب المصري وانا يعني منه طبعا فالله يكون في عونه بجد ويكون في عوننا احنا كمان اللي بره مصر ... فده قدرنا .. واللهم لا نسألك رد القضاء ولكن نسألك اللطف فيه ...

والله انا متوكل على الله ... هعمل ايه يعني ... مفيش اي حاجة بايد اي انسان ....

بس بلاش بقة نوعد نقول بنحبك يا مصر بعشق ترابك ونفضل نهتف ونقول مصر مصر تحيا مصر ... لان ده شئ عادي اي انسان في الدنيا بيحب وطنه ... والوطن كمكان النشأة ... بس مش لازم نهتف ...

وانا لما بقول بكره مصر ... يعني بكره حسني مبارك وكمال الشاذلي وصفوت الشريف والنظيف واللي مش نظيف وبكره جمال وعلاء وكل الحرامية ولاد الـ ...... اللي هما مخليين الشعب على طول عايش في ضغوط مستمرة وما بنسمع منهم الا كلام جميل ولكن فعل مفيش ..... اقصد فعل فيه ولكن كله في مصلحتهم الشخصية فقط ....

ولك الله يا مصر ويا شعب مصر ..

فبلدنا ليست بفقيرة ... ومواردنا ليست محدودة ... وعقولنا ليست ببسيطة ... ولكن حكامنا فراعنة ... بلطجية ... لصوص ...

لك الله يا مصر ...

.

.

[أبو زياد]

شكرا لك أخى إسلام على واقعيتك

أهلا بالجميع

هل الأوضاع فى مصر أسوأ أم فى الخارج

بالنسبة لنا و لأبنائنا؟؟؟

لقد عدلت السؤال إلى متى الغربة ؟

متى يحين اتخاذ القرار

لقد اتينا لنتزوج ونكون شقة و قد تم هذا

و أولادنا بدأوا يكبروا و يرون العالم من حولهم

فما هى الصورة الأفضل لهم

أن كانت الردود من نوع حسب كل إنسان و الوضع مختلف

فشكرا لكم مقدما

ناقشوا الموضوع بصفة عامة

تم تعديل 7 سبتمبر 2006 بواسطة أبو زياد

[MIMO]

أخي اسلام طلعت:

أنا مغترب مثلك ولكن منذ أربعة أعوام ، وشعرت بما تشعر به في بداية سفري وأكثر وتشهد علي شوارع الرياض لو نطقت كم كنت أمشي فيها على قدمي هائماً أبحث عن شئ فقدته في الغربة ولا أعرفه، إلى أن وفقني الله بالصحبة الطيبة وبدأت أتعود على الحياة وأقسم لك أنه لم يكد العام الأول ينتهي إلا وكنت أرجع بيتي في الثالثة بعد منتصف الليل من كثرة المواعيد والأرتباطات مع أصدقائي الجدد .

وأوصيك إذا ذكرت مصر أمام الغرباء فلا تذكرها بسوء ، وإذا ذكرتها في نفسك فادع الله لها أن يفرج عنها كربتها لنعود إليها جميعاً نحيا فيها حياة كريمة ، واعلم ان لأهل مصر عليك حقاً في مالك إذا رجعت – بقدر استطاعتك – وادع الله أن يفرج كربتهم ويطعم جائعهم ويكسو عاريهم آمين .. آمين .

واحفظ هذه الأبيات للإمام الشافعي وهو من أعلام المغتربين:

ما في المقام لذي غقل وذي أدب من راحة فدع الاوطان واغترب

سافر تجد عوضاً عمن تفارقه وانصب فإن لذيذ العيش في النصب

إني رأيت وقوف الماء يفسده إن ساح طاب وإن لم يجر لم يطب

والأسد لولا فراق الأرض ما افترست والسهم لولا فراق القوس لم يصب

والشمس لو وقف في الفلك دائمة لملها الناس من عجم ومن عرب

والتبر كالترب ملقى في أماكنه والعود في أماكنه نوع من الحطب

فإن تغرب هذا عز مطلبه وإن تغرب ذاك عز كالذهب

أخوك محمد - مكة المكرمة

[El-Masri]

مش عارف أعراض الإغتراب عندكو غير عندنا، هنا لا آذان للصلاة ولا تعرف الجمعة من الخميس ولا إمتى رمضان ييجى، وفى التلفاز يوميا تشوف تعرض الصليبيين والصهاينة و البغايا والشواذ للإسلام والمسلمين.

على العموم ربنا معاك ويسهل غربتك.

تم تعديل 10 سبتمبر 2006 بواسطة El-Masri

[mmm]

انا واحدة من المغتربين اللى بتدعى كل يوم ان يرجعها مصر تانى

مهما طال الفراق و البعد عنك يا مصر بحبك لانك بلدى حتى و لو كانت الحياة فيك صعبة

بحبك و بحب كل شارع وحاره فيك

بحبك و بادعى لك ان ربنا يصلح حالك

مهما كنت مرتاحة بعيدة عنك فراحتى منقوصة ببعدى

لك الله يا مصر يا ام الدنيا

مغتربة بالرياض

[se_ Elsyed]

أرجو ان يجيب احد

[إلى متى الغربة؟؟؟؟

الرد هنا

موضوع دسم ومليان بروطين

سبب غربتنا وحوافز غربتنا وحلاوة لمتنا وشقاوة طلتنا واللي يحبنا ما يسيبش بلده

[أبو زياد]

شكرا سيد الكل و أقابلك هناك

[El-Masri]

طب تحب نبدل، إنت تعالى كندا وأنا حروح قطر. والله صادق

كفاية يا عم إنك بتسمع الإذان للصلاة كل يوم، من ساعة ما جيت هنا وأنا بسمعه بس على الكمبيوتر.

ولازم أطلع على النت برضه علشان أعرف رمضان إمتى، ولازم أسكت لما لازم أتكلم وإلا أرسلونى لجوانتامو فى كوبا.

تم تعديل 10 سبتمبر 2006 بواسطة El-Masri

[أبو زياد]

نرجو سرعة الإنتقال من جميع العضاء للرابط الذى ذكره سى السيد

مصر حلوة قوى بس هنا أحلى و الصراحة راحة

[El-Masri]

وهنا دى تبقى فين، حضرتك متوقع إننا عارفين حضرتك شخصيا، لا فيه معلومات فى الملف الشخصى ولا التعليق. إضرب الودع يا بو شنتوت.

[إسلام طلعت]

أخي اسلام طلعت:

أنا مغترب مثلك ولكن منذ أربعة أعوام ، وشعرت بما تشعر به في بداية سفري وأكثر وتشهد علي شوارع الرياض لو نطقت كم كنت أمشي فيها على قدمي هائماً أبحث عن شئ فقدته في الغربة ولا أعرفه، إلى أن وفقني الله بالصحبة الطيبة وبدأت أتعود على الحياة وأقسم لك أنه لم يكد العام الأول ينتهي إلا وكنت أرجع بيتي في الثالثة بعد منتصف الليل من كثرة المواعيد والأرتباطات مع أصدقائي الجدد .

وأوصيك إذا ذكرت مصر أمام الغرباء فلا تذكرها بسوء ، وإذا ذكرتها في نفسك فادع الله لها أن يفرج عنها كربتها لنعود إليها جميعاً نحيا فيها حياة كريمة ، واعلم ان لأهل مصر عليك حقاً في مالك إذا رجعت – بقدر استطاعتك – وادع الله أن يفرج كربتهم ويطعم جائعهم ويكسو عاريهم آمين .. آمين .

واحفظ هذه الأبيات للإمام الشافعي وهو من أعلام المغتربين:

ما في المقام لذي غقل وذي أدب من راحة فدع الاوطان واغترب

سافر تجد عوضاً عمن تفارقه وانصب فإن لذيذ العيش في النصب

إني رأيت وقوف الماء يفسده إن ساح طاب وإن لم يجر لم يطب

والأسد لولا فراق الأرض ما افترست والسهم لولا فراق القوس لم يصب

والشمس لو وقف في الفلك دائمة لملها الناس من عجم ومن عرب

والتبر كالترب ملقى في أماكنه والعود في أماكنه نوع من الحطب

فإن تغرب هذا عز مطلبه وإن تغرب ذاك عز كالذهب

أخوك محمد - مكة المكرمة

شكرا يا ميمو على كلامك الجميل ده

وشكرا على نصايحك الغالية وواضح انك انسان كويس وربنا يوفقك ... وفعلا احنا في اموالنا حق لاهلنا ولجيراننا واصدقائنا .. وربنا يقدرنا على فعل الخير وما يجعلنا من اللذين غرتهم الحياة الدنيا ... وادعوا الله ان يفرج على المصريين همومهم لان المصريين ايضا غرباء في اوطانهم لكن بشكل آخر !!! وقد كنت امثل مصر دائما في حديثي قبل السفر انها كالحجر الضخم اعلى منحدر جبل وهذا الحجر الآن يهوى الى اسفل بقوة كبيرة .. ولكي يقف هذا الهبوط لابد من معجزة الاهية ......

وشكرا لجميع الاعضاء على مشاركتكم معي .. فوالله مشاركتكم اضافت لي شئ في حياتي الآن ... فشكرا للجميع بلا استثناء ...

تحياتي

[dr/alfa]

السلام عليكم ورحمة الله

انا بقي مقبل على الاغتراب

بفكر جديا فى السفر .. لاسباب مادية وليست مادية

فانا هنا فى مصر مرتاح جدا ... ماديا .

بس مش مبسوط من نفسي .. عاوز اغير الجو اللى انا عايش فيه .

بس بيني وبينكم .. ان الكلام فى باب المغتربين اثر فيا كثيرا جدا وشكلي هغير رايي واستحمل

الاوضاع اللى مش عاجباني هنا فى بلدي

أحسن من مهانة الغربة التى رايتها فى كلام الكثير منكم .

مشكورين .

او على الاقل سوف ارجيء فكرة السفر لما بعد الماجيستير .

[shawshank]

وبدايه كلامى اود ان اوجه عتاب شديد للاخ شواشنك ولا شواشكنى يارب يكون الاسم كدا صح المهم عندما قال فى كلامه للاخ اسلام ( انك من الصعب ان تحيا حياة ادميه فى مصر الا اذا انعزلت عن الناس ولم تتعامل مع احد )

اسمح لى ان اقول ان هذه العبارة تعتبر اهانه للشعب المصرى،،، من هم الناس من هى مصر ؟؟؟ هى امى وامك والدى ووالدك اخوانى واخوانك ،،، ياترى دول عايشين فى مصر اى نوع من الحياة ؟؟؟ عيب

الأخت العزيزة بنت النيل

الرجا قراءة مقال فهمي هويدي الذي وضعه الفاضل صبح هنــــا ، و لتعتبريه ردًا مقتبسًا على عتاب حضرتك .

[Lembic]

طب تحب نبدل، إنت تعالى كندا وأنا حروح قطر. والله صادق

كفاية يا عم إنك بتسمع الإذان للصلاة كل يوم، من ساعة ما جيت هنا وأنا بسمعه بس على الكمبيوتر.

ولازم أطلع على النت برضه علشان أعرف رمضان إمتى، ولازم أسكت لما لازم أتكلم وإلا أرسلونى لجوانتامو فى كوبا.

[

معلش خللينا نتكلم بصراحة: بتشتكى من عدم سماع الأذان فى كندا وإنك بتسمعه بس على الكمبيوتر ! بس فى مصر بنسمع صوت الكلاكسات والدوشة والكلاب بالليل والصلاة اللى بالميكروفون وهما بس عشرة اللى بيصلوا فى المكان بس برضه لازم يشغل الميكروفون! وطبعا خمسين أذان فى نفس الوقت ! والله أنا لا أعيش حالة من الهدوء النفسى الدينى إلا فى خارج مصر الآن وللعلم نحن نصلى الظهر والعصر فى الشغل وجماعة كمان وبنصوم وبنعيد وبنصلى التراويح كمان. ومعرفة رمضان أسهل من معرفة الآيام العادية!]

السلام عليكم ورحمة الله

انا بقي مقبل على الاغتراب

بفكر جديا فى السفر .. لاسباب مادية وليست مادية

فانا هنا فى مصر مرتاح جدا ... ماديا .

بس مش مبسوط من نفسي .. عاوز اغير الجو اللى انا عايش فيه .

بس بيني وبينكم .. ان الكلام فى باب المغتربين اثر فيا كثيرا جدا وشكلي هغير رايي واستحمل

الاوضاع اللى مش عاجباني هنا فى بلدي

أحسن من مهانة الغربة التى رايتها فى كلام الكثير منكم .

مشكورين .

او على الاقل سوف ارجيء فكرة السفر لما بعد الماجيستير .

الغربه فى مصر أكثر منها خارج مصر! هذه حقيقة! والمهانة فى مصر أكثر منها خارج مصر كمان! وهذا عن تجربة.

[الحازم حسن]

أنا عن نفسي سعيد جداً لاني خرجت من مصر

تم تعديل 31 أكتوبر 2006 بواسطة الحازم حسن