حدوته قبل النوم رقم 2

[houssin abo habaga]

الحدوته الثانية

كان ياما كان فى سالف العصر والأوان

ملك جالس فى وسط جيشه نافش ريشه ولابس ملابس عسكرية فى وسط حاشيته بيتفرج على الأستعراض

لمحه الأسود من السيارة العسكرية قالوا بلادنا بقت وسية وكل ظالم له نهاية

قفزوا ومعاهم كام بندقية وفى وسط حراسه ضربوه الضربه اللى هيه قضت عليه فى الحال

ومات الملك العنيد وجه ملك جديد من بعد ما كان نائب أول ما ركب الكرسى قال للناس عليكوا بمسى أنا مش ناسى

أنا حخلى البلد دى حكاية رخاء وأصلاح وحرية الناس طيبه صدقت طبخه الملك وقالوا نستنى ونأكلها مستوية

لكن الملك كان لئيم بعد ما أتمكن ومسك الحزام ركب الحصان وشد اللجام قال الكلام بالليل طلع عليه النهار ساح

زى الأيس كريم وقال للناس أنا الملك وأبنى من بعدى ملك

وأصدر فرمان قال جيبوا أبو كلام وقصوله اللسان علشان يبطل كلام وأصدر كمان فرمان قال جيبوا أبو الأقلام

وأقطعوا أيده علشان يبطل كتابه

وجمع حواليه حاشيه تهيص وتسقف فى الفارغه والمليانه ولو قال الغلط يقولوا ألله كله لصالح البلد

محدش يتكلم دا الملك شوية يطبلوا شوية يزمروا وشوية ينهبوا البلد ويقولوا بند مصالح وزاد الفساد عن حده

والناس بقت مكبوته تدعى المولى ييجى للملك وحاشيته شوطه

لحد ما جه راجل عابد وبيصلى فى المحراب عمره عن الحق ما حاد قدوته العدل المنزل فى الكتاب جمع الناس

ووحدهم وشال الملك من الحكم وهرب أبن الملك فى بلاد بعيده تسمى فى التاريخ أمريكا أكتشفها راجل أسمه كلومبس

لكن شوفوا حكمت ربنا الملك اللى قص لسان أبو كلام وقطع أيد أبو الأقلام أنخرس لسانه وأتشلت أيده ودى نهاية

الظالم وتوته.......ألأطفال سألوا الراوى...... الحاشيه عملوا فيها أيه.....رد عليهم الراوى

ألحاشيه بميت وش وبارعة فى الغش على طول قالوا كان ملك ظالم وكله عيوب وأهلا بالملك العادل أيوب أحنا

كنا صابريين لحد ما تيجى وتخلصنا من أيده

وتوته توته خلصت الحدوته ألى اللقاء فى واحده جديده

""""""""""""""""""""""""""""""

www.dastor.net

omran55.maktoobblog.com

تم تعديل 4 سبتمبر 2006 بواسطة houssin abo habaga

[محمد عبدالعزيز]

جميلة جدًا يا أستاذ حسين, بس بلاش قبل النوم عشان العيال تعرف تنام من غير كوابيس الله يخليك.

لا بجد جميلة, وهاتبقى أجمل فى رأيى لو اللغة بتاعتها بقت أبسط شوية تناسب الأطفال.