نظرة على الوطن

[houssin abo habaga]

يا وطنى ودى آخر زيارة

شفت بعيون قلبى

وشوش الناس

متعفره بالحزن

ناس سكاره م الأسى

من غير كاس

تنظرلهم ينظرولك

تبص فى عيونهم

يندهولك

وكأن غرقان

فى بحر الخطر

عايز أيدين تدمدله

تنشله قبل ما يضيع

فى متاهات الزمن

شفت مدينتى

متغبره بالتراب

كأنها مدينه سراب

مصبوغه بلون الضباب

شفت بعيونى صورة صنم

متشعلقه على الحيطان

فى وسط الميدان

مرسومه على كل البيبان

مطبوعه كل يوم

فى الجرنان

وسمعت خفقان

صوت المؤذن فى الآذان

كأن شبح غطى المكان

وبقت مدينتى خراب

عايش فيها الغراب

أنسرق منها الأيمان

سألت أيه سرها

سمعت من أهلى وأهلها

حكاوى تقشعر الأبدان

عن راجل صلى وصام

وعرف طريق ألأيمان

فى الليل جالوا الظنايا

جروه على المعتقل

والتهمه أخوان

وناس زيه كتير

من غير أتهام

سألت على صحابى

أيام زمان

على وحسين وأمام

قالوا على الله يرحمه

مات مكبوت

وحسين مريض

بالكبد والفيروس

وأمام أعترض

بقاله سنه محبوس

من كتر ما أتغميت

طلبت منهم يصمتوا

قلبى من الحسرة

جاله هبوط

وعرفت أن مدينتى تقطعت بيها

السبل من كتر السكوت

قررت آخذ قرار

من غير فرار من الموت

أحمل راية الوطن

وأبطل سكوت

أنده بصوت عالى

الوطن قرب يموت

قبل ما تطول الحكاية

شيل علم وأمشى معايا

أخرج من صمت السكوت

على صوتك بالحق

قبل الوطن ما يموت

أيدك فى أيدى نمسك النبوت

نكسر حواجز الخوف

ونرفع راية الوطن قبل الوطن ما يموت

الوطن لازم يحيى

وأحنا فداه ونموت

"""""""""""""""""""""""

www.dastor.net

omran55.maktoobblog.com

[GUMANJY]

فعلا وصلت الصوره كامله !

قصيدتك عبرت عن احساس كل المغتربين لما يزورو بلدهم الغاليه!

انا وكل الزملاء احسوا نفس المراره خلال زيارتهم!

ربنا يخفف عن اهلنا!

[houssin abo habaga]

هذا هو حال الوطن الآن

ولا تعليق .... فهذه القصيده كتبت بعد المشاهده وهى حال الوطن

كان الله فى العون