معلومات عن مدينتى

[osa]

الاخت الفاضله زهره الجبل

وعليكم السلام ورحمه الله وبركاته

انا لسه شايف رسالتك الان وفعلا بقالى فتره مش بادخل المنتدى بشكل منتظم كويس انك بعتى رساله ، انا بقالى فتره مش متابع مدينتى لانى بصراحه اتعقدت وجالى حاله غم من اسعار العقار والهبل اللى بيحصل فيه فى مصر بس انا هاحاول اجاوب على اللى اعرفه واللى مش هاعرفه انا نازل مصر اخر الاسبوع بإذن الله هاكملك باقى المعلومات ولما ارجع هاقولك عليها

بالنسبه لسؤالك

(هل معنى كلامكم ان في شقق خلصت واتسلمت وساكنه؟ يعني فيها سكن وخدمات ومرافق مناسبه؟

أم إن اي حد بيتعاقد مبيستلمش قبل الخمستاشر سنه؟ )

الاجابه

(المدينه كلها لسه بتتبنى وماحدش سكن فيها لانها صحراء جرداء واول تسليم ليها هايكون كمان 3 سنين ، الكل بيتعاقد الان والاستلام على حسب المرحله اللى انتى هاتتعقدى فيها واخر حاجه سمعتها ان المرحله الاولى خلصت تعاقد واللى هايروح هايتعاقد فى الثانيه وده معناه استلام متأخر بسنه على الاقل يعنى كمان 4 سنين ، بالنسبه للاسعار كل ما تتعاقدى بدرى كل ماتاخدى سعر اقل لانه فيه مدينه اعمار اللى فى المقطم وصل السعر فيها ل 8000 جنيه وطبعا ده هايرفع باقى الاسعار!!!!)

بالنسبه لسؤالك

(وعاوزه اعرف معلومات عن أسعار الشقه في العمارات نموزج 600 ونموزج 700 بحيث تكون دور تاني او تالت بعد الارضي يعني مساحات من 200 ل 250متر وتاني اوتالت دور بعد الارضي )

الاجابه

الجدول اللى انتى قرأتيه هوا ده الاسعار المعلنه لما نشرت الموضوع هاجبلك التحديث لما ارجع من مصر باذن الله وبالنسبه للادوار المميزه بيكون الرضى علشان بتاخدى معاه حديقه خاصه على حسب مساحه الحديقه بتدفعى فرق سعر المتوسط 50 الف فوق الشقه ده غير ان الصيانه السنويه بتزيد عليكى ، من الالول للثالث برض مميز بس اقل من الارضى والاخير اقل تمييز فيهم

بالنسبه لسؤالك

(و هل انا لما اتعاقد على شقه بمساحه معينه أقدر أختار موقعها؟ ولا الموقع بيتحدد على اساس المساحه ؟ يعني مثلا كل فئة مساحه في مكان محدد ولا ممكن الاقي المساحه اللي انا عاوزاها في المكلان اللي انا عاوزاه حسب اختياري؟)

الاجابه

تخطيط المدينه انهم بيجمعوا العمارات اللى مساحات متشابهه فى نفس المكان علشان يكون فيه هارمونى فى المبانى انما لما بتحددى المساحه بتلاقى فى المنطقه الخاصه بالمساحه الموقع اللى يريحك داخل المساحه المحدده وصدقينى كلها جميله جدا

بالنسبه لسؤالك

(وأكيد السعر بيفرق لو انا اللي هشطب داخلي مش كده؟ ممكن اعرف الفرق؟)

الاجابه

طبعا هايفرق بس لصالح الشركه دايما :unsure: لانهم بيشطبوا بسعر المجموعات وفى الاغلب بيكون ارخص بس نصيحه لو مالكيش حد ثقه يقف على تشطيب الشقه وانتى مسافره بلاش خليهم هما يشطبوا احسن والاسعار اللى قلتلك عليها فى الموقع بتاع المصريين دى بالتشطيب وانت بتختارى من درجات والاوان وخامات قبل ما يشتغلوا وممكن تطلبى خامات معينه وتدفعى الفرق وهم بيجبوها يعنى كله على حساب صاحب المحل;)))

[زهرة الجبل]

أخي الفاضل osa

عاجزه عن الشكر ولو ان الاسعار المولعه دي محبطه جدا

اتمنى منك تفاصيل اكتر عن طريقة السداد في الشقه من نموزج 500 دور تاني او تالت بعد الارضي

لان شكلها كده نموزج 600 و700 كتير اوي علينا

يا ريت تفاصيل اكتر عن السعر والمساحات بس يا ريت السعر منغير جدول يعني كم مبلغ الحجز وبعد مدة اد ايه بدفع تاني كم تعاقد

والقسط الشهري اد ايه والسنوي اد ايه

انا كنت فاكره الاول ان النظام بيبقى يا قسط شهري يا قسط سنوي مش الاتنين مع بعض

انما الظاهر كنت فاهمه غلط

بإنتظار ردك والف شكر

والسلام عليك ورحمة الله وبركاته

اختك زهرة الجبل

[د محمد على]

يا جماعة اريد معلومات عن اخر اسعار مدينتى مساحة معقولة 100-130 متر

طريقة السداد و مدته

ارجو من لديه معلومات يخبرني بها و اكون شاكر مقدما

[ziad]

كان فيه إعلان النهارده عن مدينتى فى الأخبار

أنا عايش بره وسمعت عنه

ممكن حد من الأخوه الى عايشين فى مصر يقولى التفاصيل

[ABO ADAM]

سلام عليكم

مافيش اخبار جديدة؟؟؟؟ ,,,,سمعت انهم هايسرعوا الاستلام عشان يبينوا ان موضوع هشام مالوش تأثير

[ahmos1]

يا جماعة حد وصلة اى معلومات عن استلامات مدينتى

[Mohamed Zahran]

انا صاحبي استلم شقته في المرحله 12

دفع دفعه الاستلام و الصيانه بالاضافه هو مبسوط جدا من تشطيب شقته و خلصوا كل الجناين حوالين عمارته يعني اطمنوا يا جماعه باذن الله شقا الغربه مش حيروح علينا

[ahmos1]

انا صاحبي استلم شقته في المرحله 12

دفع دفعه الاستلام و الصيانه بالاضافه هو مبسوط جدا من تشطيب شقته و خلصوا كل الجناين حوالين عمارته يعني اطمنوا يا جماعه باذن الله شقا الغربه مش حيروح علينا

يمكن تقصدمحموعة 12 لانة مفيش مرحلة 12 عموما حيبقى جارى لانى 13

[ahmos1]

تم اخطارى اليوم للتوجة لاستلام الشقة و الحمد للله

[أبو العز]

تم اخطارى اليوم للتوجة لاستلام الشقة و الحمد للله

أنت حاجز فى اى مرحلة ، ومتى تاريخ الحجز بالظبط

وياريت تحكى لنا تجربتك بعد الاستلام ، المساحات ، التشطيب ، الخدمات العامة فى المدينة ، النادى إلخ

وألف مبروك مقدما وان شاء الله يكون تمنها فيها

[Mohamed Zahran]

انا اعرف واحد استلم شقته في منطقة العمارات 13 وهو مبسوط جدا من تشطيب شقته ومن الجناين حوالين العمارات

انا سامع ان سوبر ماركت مترو حيشتغل اول مايو وكمان النادي جزء منه حيشتغل

[amrgoda]

http://www.facebook.com/home.php#!/gro...112202622137123

ده جروب انا عامله علي الفيس بوك علشان نتبادل اخبار مدينتي

اهلا وسهلا بكم

وياريت تشتركوا