حدوته فبل النوم

[houssin abo habaga]

كان ياما كان فى سالف العصر والأوان

ملك بيحكم بالظلم بين الناس والمعروف أن أساس الحكم العدل

الملك كان يزرع الفرقه بين البشر وكل يوم يصدر فرمان وأذا عرف أنك بتوحد الرحمن يجيله على طول فوران

وينده يا حراس أمر أمسكوه وحطوه فى الليمان ( السجن ) وفى يوم من الأيام نادا الوزير طرطور وقاله يا وزير خد هذا الفرمان ونفذه فورا

الوزير قرأ أوله نام فطيص ووقع فى حيصة بيص

وقال الملك مش دارى بعيشه الناس

وسأل نفسه أزاى أغلى البرسيم بعدين كل حاجه حتغلى

فكر الوزير ورجع للملك وقاله يا ملك ولسه مكملش

نادا الملك بأعلى صوته وقال يا سياف أكل الوزير ثلاث أيام عيش حاف وبعدين فى اليوم الرابع أقطع رقبته

الوزير لقى نفسه فى ورطه وعلشان كان هو الأخر وزير لئيم

قال يا ملك أنت ما فهمتش كلامى أنت عايز تزود البرسيم عشريين لكن أنا بقترح عليك تزيده ثلاثيين علشان الدولار غليناه

ضحك الملك وقال أنت أحسن وزير نعم أنت لئيم لكن وزير ذكى

الوزير قاله يا ملك أنت تعلم حبى ليك لكن أنا خايف عليك من الناس

تعمل ثورة

رد عليه الملك وقاله متخفش يا وزير أحنا مش فى روما حيطلع لنا سبارتاكوس

يحررهم هناك الناس كانوا بيكلوا بيتزا باللحمه لكن هنا الناس بتاكل بتزا بالفول ولازم تعرف يا وزير نظام حكمى مبنى على ثلاثه

جوع الناس يفكروا أزاى ياكلواا

عرى الناس يفكروا أزاى يتكسوا

عطل الناس يسيبوا البلد ويمشوا

توته توته... الأطفال لسه ياراوى الملك لسه عايش والشعب ما عملش حاجه

رد الراوى توته توته خلصت الحدوته ..ألى اللقاء فى حدوته أخرى

"""""""""""""""

www.dastor.net

omran55.maktoobblog.com

تم تعديل 5 سبتمبر 2006 بواسطة houssin abo habaga