ليست فضيحة .. ولكن جريمة ... !!

[achnaton]

[font="Arial"]بسم الله الرحمن الرحيم

هى إيه الحكاية .. خلاص البلد دى إستسلمت للتتار ..والله العظيم ده حرام .. وحاجه فعلا تصيب الواحد بالغثيان .. مفيش ولو عرق واحد بيجرى فيه دماء .. فى " المنحوسة " اللى الواحد بيتشرف بالانتماء اليها .. ولغاية فين حيستمر مسلسل الخراب .. ؟؟ قرأت اليوم بطريق الصدفه .. موضوع فى جريدة " العربى " يقول بالحرف الواحد :

فضيحة لحكومة البيزنس تكلف الدولة 100 مليون جنيه

نظيف يهدم فندق أنشأه عبدالناصر لإرضاء المغربي

أصدر أحمد نظيف رئيس الوزراء قراراً بهدم فندق انتر بالاس الجديد الذى يحجب رؤية نيل الأقصر عن فندق البافيون الذى أنشأته شركة اكور المملوكة لأحمد المغربى وزير الإسكان الحالى والسياحة سابقاً وتديره مقابل 55% من إيراداته.

عملية هدم فندق ونتربالاس جاءت تحت زعم تحويل أرضه إلى حديقة لفندق ونتر بالاس القديم علماِ بأنه يقع على حديقة مساحتها 400 متر مربع.

وقالت مذكرة أعدتها شركة إيجوت المالكة للفندق والتابعة للشركة القابضة للسياحة والسينما أن هدم الفندق -يعود بخسائر على الدولة تقدر مالياً بنحو 100 مليون جنيه بخلاف الخسائر المعنوية.

وتتضمن قائمة الخسائر تشريد نحو 200 عامل وأسرهم بعد دفع تعويضات معاش مبكر 16 مليون جنيه وحرمانهم من دخل سنوى يصل إلى 3.7 مليون جنيه بالإضافة إلى 34 مليون جنيه كقيم تقديرية لمبانى الفندق الذى أنشأه عبدالناصر عام 1963 فى إطار خطة الارتقاء بالأقصر سياحيا ويصل عدد غرف الفندق إلى 136 غرفة ويوفر صافى أرباح سنوية تتجاوز 5،2 مليون جنيه بخلاف ضخ أكثر من 5 أنواع من الضرائب منها ضرائب المبيعات وشركات وكسب عمل واتعاب مهنية وغيرها وأشارت المذكرة إلى أن خسائر الأقصر سياحيا سوف تصل إلى 5% من الموارد السياحية بالأقصر وفقدان طاقة فندقية من فئة ال5 نجوم. والتى لا تتجاوز 2600 غرفة بالإضافة إلى إلزام شركة إيجوث بإنشاء مطعم لفندق بافيون شبه المملوك لأحمد المغربى بديلاً عن مطعم ونتربالاس الذى كان يستخدمه البافيون فى تلبية احتياجات نزلائه طبقا لعقود وتصل تكلفة إنشاء المطعم حسب التقرير إلى 10 مليون جنيه فى حين انتقدت اللجنة النقابية لشركة إيجوث دور الحكومة فى عملية الهدم للفندق الجديد لإضاء مستثمر بدرجة وزير واتهم مصدر نقابى بالشركة أعضاء مجلسى الشعب والشورى الذين انشغلوا بإرضاء الوزير على حساب مصلحة الأقصر السياحة وأضاف المصدر أن هناك مخطط لشركة أكور المملوكة للوزير لشراء فندق انتر بالاس القديم وبالتالى تعفى -الشركة من دفع تكاليف فندق انتر بالاس الجديد وتحصل على أرضيته المزمع تحويلها إلى حديقة كأرض مرافق وبالمجان!!

http://www.al-araby.com/articles/1024/060903-1024-fst02.htm

واود أن أصحح بعض ما جاء به ..

أولا - دى مش فضيحة .. دى جريمه ..مكتملة الجوانب .. مش كفاية " فندق مارديان وفندق النيل وغيره وغيره وعمر افندىوالشركات الاخرى .. يا غجر ... ما شبعتوش !!

ثانيا - الفندق لم ينشأه عبد الناصر .. والصحيح ان الذى أنشأه شعب مصر بفلوسة وعرقه وحرمانه .. فى عهد عبد الناصر .. فلم يكن عبد الناصر مستثمرا ولا كان حرامى قطاع عام .. ولا كان يملك مليما زياده عن مرتبه ..

ثالثا - رئيس الوزارةالالكترونية .. العمده الآلى .. لا يعلم شيئا عن هذا الفندق ..ولا عن الفندق الاصلى " الاولد " الذى يعتبر ونتر بلاس الجديد إمتدادا له ..

رابعا - حديقة ونتر بلاس القديم " الاولد " ليست بحاجة للتوسع .. واذا كنت عاوز توسعها يا عمدتنا الآلى .. فانقل من الحديقة ما تم من بنائه من ملحقات ..ممكن تيسير أماكن لها بالبدرومات .. مثل الغسالةومخازن " الخرده " ..

خامسا - ونتر الجديد ..أربعة نجوم .. وبيحل مشكله ضخمه للسياح الغير قادرين على السكن فى ونتر القديم .. لأسعاره العاليه .. رغم أنه يستحقها ...

سادسا - عندما بنى احمد المغربى فندقه أيام أن كان رئيسا لمجلس إدارة " أكور " كان ونتر بالاس الجديد يقف شامخا يخرق عين آى ضعيف النظر .. وقد تبناه مع الفندق القديم الدكتور ممدوح البلتاجى واجرت الوزارة فى عهده تجديدات شاملة للفندقين ..

سابعا - لسه من عشرين شهر فقط إنتهى تجديد كل غرف وملحقات الفندق الجديد رغم محاولات احمد المغربى المستمره لتدميره واسألوه .. عين كام مدير للفندق اثناء وجوده فىوزارة السياحة ..

إنها مؤمراة مكشسوفه لأحمد المغربى .. ومن يسانده ..وضحكوا على العمده الآلى .. والمفروض أن يكون عندنا ممثلين للشعب فى المجلس إياه .. يدافعوا عن أموال الشعب .. وإذا كان هذا الفندق يحجب رؤية النيل عن فندق المغربى ..المسمى فندق بافيون .. فأنقلوا فندق المغربى الى مكان آخر ليرى النيل .. إننى زبون دائم لونتر بلاس القديم والجديد منذ أكثر من 30 عاما .. وحاليا افضل الاقامة بالجديد ومنذ سنوات .. وشهادة لوجه الله والوطن .. رغم أن معظم العماله من عمالة القطاع العام .. ولكنها من أفضل واكفأ العماله بالفنادق المصرية ..

كفاية كده يا وزارة الهم والغم والكساد ..كل واحد حول وزارته الى عزبة خاصه ..آملا فى وفاة المحروسة ... المحروسة لن تموت يا غجر ..وبكره نشوف .. يا مثقفى مصر المحروسة ..ويا نواب شعب مصر الاحرار المخلصين ..دافعوا عن المريضة حتى تشفى قريبا بإذن الله ..وطالبوا باقاله هذه الوزارة .. و يارب العالمين ..نستجير بك من أعمال الافاقين .. [/color]

تم تعديل 24 أكتوبر 2007 بواسطة achnaton

[achnaton]

بسم الله الرحمن الرحيم

أحببت أن أستعرض رأى اخوانا السياح الالمان .. واشوف موضع النيو ونتر بلاس .. اللى العمده الآلى ربنا يسامحه .. ويوقف كل برمجته .. وموضع فندق المغربى " البافيون " .. ودخلت على صفحات السياحة الالمانية أستعرض أقبال المان على آى فنادق فى الاقصر .. وممكن حضراتكم تعملوا زى ما عملت .. خشوا الاول على

www.freenet.de

وبعدين Suche فوق مكان البحث وهى تعنى بحث أكتب

HOTEL AEGYPTEN

ثم تفرج على المعروض فىالاقصر واليك بعض صور النيو ونتر بلاس الذى صدر قرار العمده الآلى بهدمه

[Sherief AbdelWahab]

لو كان الفندق كذلك يبقى اللي بيقوله صديقي اللي بيشتغل في السياحة صحيح .. عندنا أزمة فنادق وبنزودها بحركات الهدم غير المبرر دي..

أعتقد جه الوقت اللي نسمي فيه الأشياء بأسمائها الحقيقية بدون دلع ، التخبط والتضارب والبيروقراطية الزائدة عن الحد جرائم بحق وحقيق ..

ترفق بنفسك يا عمنا الكبير..

خلص الكلام

[achnaton]

لو كان الفندق كذلك يبقى اللي بيقوله صديقي اللي بيشتغل في السياحة صحيح .. عندنا أزمة فنادق وبنزودها بحركات الهدم غير المبرر دي..

أعتقد جه الوقت اللي نسمي فيه الأشياء بأسمائها الحقيقية بدون دلع ، التخبط والتضارب والبيروقراطية الزائدة عن الحد جرائم بحق وحقيق ..

ترفق بنفسك يا عمنا الكبير..

خلص الكلام

العزيز شريف ..

مع تقديرى .. الموضوع ليس تخبط أو بيروقراطية .. ولكنه فى الحقيقة والواقع " شغل حرامية " .. ورغم أنى لست متخصصا فى صناعة السياحة .. ولكنى متخصص فى حب مصر .. هذا الحب الذى يدفعنى الى العدو وراء كل جمله تتضمن إسم مصر ..وقد أسعدنى رب الخلق بالاستمتاع بمصر السياحية أكثر بكثير وكثير جدا من آى عامل بهذا الحقل بها

وانت لو قضيت سهرة مع محبوبتك ..تختلف كثيرا عن سهرة تقضيها مع صديقتك ..فالليلة الاولى تجعلك تتمعن فى محبوبتك بكل ما اتاك الله ووهبك من حواس ..فتكتشف فيها كل جوانب الجمال دون أن تتعمد أو تثار .. وتنطبع تلك الشعور والاحاسيس فى أعماقك .. بعكس ما يحدث مع الصديقة .. سهرة تلتهمها الذكريات التالية لها دون آى أثر يذكر ..

ومصرنا الحبيبة تستحق من كل من أنعم عليه الخالق بالانتساب اليها .. أن يضعها الى جوار نن عينه ..وداخل أحكم مكان داخل قلبه ..والمحب الولهان يعطى ..وعطاء بلا حدود.. دون أن تتحرك داخله أحاسيس الربح .. حلال كان أم حرام

وشوف يا شريف ..فى مصرنا السياحية عدة فنادق ..تعتبر عند المحبين .. تماما مثل أهرامات الجيزة .. ومعابد الاقصر ..وآثار تونه الجبل والاشمونين .. من هذه الفنادق خمسه .. على سبيل المثال ..لا الحصر .. فى اسوان أولد كتاركت ..وفى الاقصر ونتر بلاس ..وفى القاهرة مينا هاوس - الذى شوهه الهنود - ..وشبرد - الذى شوهه الجرسون المعروف بجهله واللحللوح - وفى الفيوم فندق الأوبرج ..

أنا دخلت البدروم فى كتاركت اسوان من سنوات .. وسالت دموع عيناى لما وجدت به من تحف تذكارية مهمله آخر إهمال .. نمت ليله باللحلوح فى " سويت آجاتا كريستى " .. وبعدها قلبت الدنيا .. واليوم حان الوقت .. لأسهم بقليل القليل ..لنضئ كل الكشافات .. ولنفتح ملفا للسياحة .. منجم الذهب لعصابة على بابا ..وكيف يشربون فى المنجم دم الشعب ..ومعونات الخيرين للشعب المسكين.. الذى كان يوما ما أعز شعوب العالم .. أتلم بس على نفسى بعد قراءتى لهذا الخبر .. فلن يتم هدم ونتر الجديد .. رغم قرار العمده الآلى ففى مجلس الشعب نوابا شرفاء يحفظون كتاب الله الكريم ..ويخافون رب العالمين ..وعليهم باذن الله أن يقفوا أمام تيار الفساد ولو بأجسادهم .. ونشوف ..وربنا يعين ...

تم تعديل 7 سبتمبر 2006 بواسطة achnaton

[achnaton]

يا خسارة .. كان نفسى اقلد طلعت السادات ..واعمل أزمه .. ولكن للأسف رجلاى وارمه .. !! كل يوم والتانى يطلع علينا مسئول بتصريح فيه إذلال غريب لكل مواطن شريف .. الحكومة حتدعم الدقيق بكام مليار .. الحكومة حتدعم السكر ..بكام مليار .. 2 كيلو سكر مدعوم لكل بطاقة تموين .. الحكومه حتستورد اللحمه .. والفراخ .. من اجل طبقة الكادحين محدودى الدخل .. ونفسى أعرف الحكومة دى بتسبهل .. ولا بتعتبرنا احنا الهبل .. نصف تلك المواد يا حكومة الخراب الالكترونى بيروح مباشرة لحيتان .. فنادق الارض وفنادق البحر ..وقد يقول احد اعضاء الحكومة الالكترونية .. طبعا طبقا للبرمجه النظيفة .. يقول كلام فارغ .. كل العم بيروح للشعب .. ومش مكفى عشان الزيادة المطرده للسكان .. !!!

طيب لو سمح السيد رئيس وزارة الخراب الالكترونى يعمل كده مسح الكترونى من اختراعاته وينزل الى الاسواق فى المناطق المتوسطة والشعبية .. ويسأل آى جزار .. فين القطع الممتازة ..او الفخده الخلفية .. حيقوله إذا كان مطمئن له .. بتأخدها الفنادق بضعف الاسعار .. وحتى لا نطيل فى الموضوع هذا الرد ينطبق على كل السلع الاساسية وغير الاساسية .. الفندق الخمس نجوم بيقدم الغذاء بحوالى 16 – الى 30 دولار .. نقول المتوسط 20 دولار X 6 جنيه = 120 جنيه وهو مبلغ بسيط للسائح الاجنبى .. ولكن من يتكلف ؟؟ والى أين تذهب الارباح .. ؟؟ ده السؤال اللى عاوزين السيد وزير السياحة صبى وزير الساحة السابق فى الشركات الخاصة وهى كثيرة بالنسبة للأثنين .. وتبقى مصيبة لو قال ان الفنادق تشترى مستلزماتها من الشركة العامة لمستلزمات الفنادق ..

70 % من احتياجات الفنادق يشتريها مندوبوا الفنادق مباشرة من الاسواق .. والموردين معروفين .. للجميع .. وخاصة بالنسبة للفنادق العائمة .. اللى لمعظم الوزراء مركب أو اثنين من ال 230 فندق عائم فى النيل .. ومركز التجمع والشراء فىمدينة إسنا ..إنزلوا هناك وشوفوا ..دا حتى الألبان والخضار .. فيه هناك فى اسواق ومحلات اسنا من تخصص فى تجميع كل ما تحتاجه الفنادق العامة وبزياده معقوله فى الاسعار .. بيلموا الطازج والممتاز .. والباقى للشعب العدمان .. حنخبى دماغنا فى الرمل ليه .. ما تشوفوا الدعم بيروح فين ؟؟ وكفاية إذلال للشعب المسكين .. بكلام وتصريحات كلها كذب فى كذب .. من فتره قرأت فى جريدة المصرى اليوم خبر عن مشاكل انتاج السكر فى مصر وتكالب البعض على الاستيراد .. والخبر بعنوان نكبه .. وبالفعل هى نكبه بعد ما قطعت الحكومات من ايام التسعينيات وحتى الان الاف الافدنه من زراعات قصب السكر بحجة اختباء الارهابيون داخلها .. ونشوف الجريد كاتبه ايه : [/size]

نكبة مزارعي قصب السكر في قنا وسوهاج

كتب محمد حمدي ومحمد السمكوري وعبدالعال طلعت

يتهم مزارعو القصب في قنا وسوهاج وأسوان الحكومة بتعمد الإضرار بالمحصول، وتدميره عن طريق الإهمال وتجاهل المشكلات، وهو الأمر الذي جعل المزارعين يشنون هجوماً حاداً علي مسؤولي الري والجمعيات الزراعية، بعد أن أصبحت الأسمدة والمبيدات الخاصة بالحشرة القشرية لاتوجد إلا في السوق السوداء، بخلاف زيادة نفقات المحصول.

http://www.almasry-alyoum.com/article.aspx?ArticleID=29501

نفهم من كده .. يا مستر" اومدا " أقصد العمدة الألكترونى النظيف .. نفهم يعنى أن ربنا حيفتحها من اوسع الأبواب ..على الحيتان المستوردة للسكر على العيد إن شاء الله .. ؟؟ ولا حتكتفىالحكومة الالكترونية بفتح الباب لإستيراد لحوم البهايم اللى عامله رجيم .. ؟؟ اللى بيحكى عنها محرر جريدة المصرى اليوم .. :

صدق أو لا تصدق: كيلو لحم في مصر بـ٢٣٠ جنيهًا والحيوانات تخضع لريجيم قبل الذبح بشهرين

كتب هشام علام ومني نادر

في مظاهرات ١٨ و١٩ يناير ١٩٧٧، هتف المتظاهرون ضد سيد مرعي رئيس مجلس الشعب وقتها: «سيد بيه.. يا سيد بيه.. كيلو اللحمة بقي بجنيه» وبعد مرور قرابة ثلاثين عاما علي ما سماه المصريون «انتفاضة الخبز»، وما سماه الرئيس الراحل أنور السادات «انتفاضة الحرامية»، تجاوز سعر كيلو اللحم ٤٠ جنيها، وأصبحت هناك عائلات لا تزورها اللحوم إلا مرة واحدة شهريا، وعائلات لا يعرف أطفالها طعم اللحم أصلا، وفي المقابل ظهرت طبقة من الأثرياء الجدد، بإمكانها أن تشتري لحوما بمواصفات خاصة، يصل سعر الكيلو منها إلي ٢٣٠ جنيها ..

الحمد لله .. من يوم ما بطلت سجاير .. حولنا ميزانية السجاير لتموين اللحم الاحمر والابيض .. الفرختين بعلبه سجاير

وكيلوا اللحمه البقرى المشفى بعلبه ونص ..

وربنا يخرب بيوتهم اللى فى بالى .. مش مسطعم الاكل وانا بعيد عن اهلى وبلادى .. وربنا معاهم ..

تم تعديل 12 سبتمبر 2006 بواسطة achnaton

[mohameddessouki]

يا خسارة .. كان نفسى اقلد طلعت السادات ..واعمل أزمه .. ولكن للأسف رجلاى وارمه .. !! كل يوم والتانى يطلع علينا مسئول بتصريح فيه إذلال غريب لكل مواطن شريف .. الحكومة حتدعم الدقيق بكام مليار .. الحكومة حتدعم السكر ..بكام مليار .. 2 كيلو سكر مدعوم لكل بطاقة تموين .. الحكومه حتستورد اللحمه .. والفراخ .. من اجل طبقة الكادحين محدودى الدخل .. ونفسى أعرف الحكومة دى بتسبهل .. ولا بتعتبرنا احنا الهبل .. نصف تلك المواد يا حكومة الخراب الالكترونى بيروح مباشرة لحيتان .. فنادق الارض وفنادق البحر ..وقد يقول احد اعضاء الحكومة الالكترونية .. طبعا طبقا للبرمجه النظيفة .. يقول كلام فارغ .. كل العم بيروح للشعب .. ومش مكفى عشان الزيادة المطرده للسكان .. !!!

طيب لو سمح السيد رئيس وزارة الخراب الالكترونى يعمل كده مسح الكترونى من اختراعاته وينزل الى الاسواق فى المناطق المتوسطة والشعبية .. ويسأل آى جزار .. فين القطع الممتازة ..او الفخده الخلفية .. حيقوله إذا كان مطمئن له .. بتأخدها الفنادق بضعف الاسعار .. وحتى لا نطيل فى الموضوع هذا الرد ينطبق على كل السلع الاساسية وغير الاساسية .. الفندق الخمس نجوم بيقدم الغذاء بحوالى 16 – الى 30 دولار .. نقول المتوسط 20 دولار X 6 جنيه = 120 جنيه وهو مبلغ بسيط للسائح الاجنبى .. ولكن من يتكلف ؟؟ والى أين تذهب الارباح .. ؟؟ ده السؤال اللى عاوزين السيد وزير السياحة صبى وزير الساحة السابق فى الشركات الخاصة وهى كثيرة بالنسبة للأثنين .. وتبقى مصيبة لو قال ان الفنادق تشترى مستلزماتها من الشركة العامة لمستلزمات الفنادق ..

70 % من احتياجات الفنادق يشتريها مندوبوا الفنادق مباشرة من الاسواق .. والموردين معروفين .. للجميع .. وخاصة بالنسبة للفنادق العائمة .. اللى لمعظم الوزراء مركب أو اثنين من ال 230 فندق عائم فى النيل .. ومركز التجمع والشراء فىمدينة إسنا ..إنزلوا هناك وشوفوا ..دا حتى الألبان والخضار .. فيه هناك فى اسواق ومحلات اسنا من تخصص فى تجميع كل ما تحتاجه الفنادق العامة وبزياده معقوله فى الاسعار .. بيلموا الطازج والممتاز .. والباقى للشعب العدمان .. حنخبى دماغنا فى الرمل ليه .. ما تشوفوا الدعم بيروح فين ؟؟ وكفاية إذلال للشعب المسكين .. بكلام وتصريحات كلها كذب فى كذب .. من فتره قرأت فى جريدة المصرى اليوم خبر عن مشاكل انتاج السكر فى مصر وتكالب البعض على الاستيراد .. والخبر بعنوان نكبه .. وبالفعل هى نكبه بعد ما قطعت الحكومات من ايام التسعينيات وحتى الان الاف الافدنه من زراعات قصب السكر بحجة اختباء الارهابيون داخلها .. ونشوف الجريد كاتبه ايه : [/size]

نكبة مزارعي قصب السكر في قنا وسوهاج

كتب محمد حمدي ومحمد السمكوري وعبدالعال طلعت

يتهم مزارعو القصب في قنا وسوهاج وأسوان الحكومة بتعمد الإضرار بالمحصول، وتدميره عن طريق الإهمال وتجاهل المشكلات، وهو الأمر الذي جعل المزارعين يشنون هجوماً حاداً علي مسؤولي الري والجمعيات الزراعية، بعد أن أصبحت الأسمدة والمبيدات الخاصة بالحشرة القشرية لاتوجد إلا في السوق السوداء، بخلاف زيادة نفقات المحصول.

http://www.almasry-alyoum.com/article.aspx?ArticleID=29501

نفهم من كده .. يا مستر" اومدا " أقصد العمدة الألكترونى النظيف .. نفهم يعنى أن ربنا حيفتحها من اوسع الأبواب ..على الحيتان المستوردة للسكر على العيد إن شاء الله .. ؟؟ ولا حتكتفىالحكومة الالكترونية بفتح الباب لإستيراد لحوم البهايم اللى عامله رجيم .. ؟؟ اللى بيحكى عنها محرر جريدة المصرى اليوم .. :

صدق أو لا تصدق: كيلو لحم في مصر بـ٢٣٠ جنيهًا والحيوانات تخضع لريجيم قبل الذبح بشهرين

كتب هشام علام ومني نادر

في مظاهرات ١٨ و١٩ يناير ١٩٧٧، هتف المتظاهرون ضد سيد مرعي رئيس مجلس الشعب وقتها: «سيد بيه.. يا سيد بيه.. كيلو اللحمة بقي بجنيه» وبعد مرور قرابة ثلاثين عاما علي ما سماه المصريون «انتفاضة الخبز»، وما سماه الرئيس الراحل أنور السادات «انتفاضة الحرامية»، تجاوز سعر كيلو اللحم ٤٠ جنيها، وأصبحت هناك عائلات لا تزورها اللحوم إلا مرة واحدة شهريا، وعائلات لا يعرف أطفالها طعم اللحم أصلا، وفي المقابل ظهرت طبقة من الأثرياء الجدد، بإمكانها أن تشتري لحوما بمواصفات خاصة، يصل سعر الكيلو منها إلي ٢٣٠ جنيها ..

الحمد لله .. من يوم ما بطلت سجاير .. حولنا ميزانية السجاير لتموين اللحم الاحمر والابيض .. الفرختين بعلبه سجاير

وكيلوا اللحمه البقرى المشفى بعلبه ونص ..

وربنا يخرب بيوتهم اللى فى بالى .. مش مسطعم الاكل وانا بعيد عن اهلى وبلادى .. وربنا معاهم ..

متنساش فى الزحمة دى - حديد عـز - هذا الشاب اللى مكنش لاقى 300 الف جنية علشان يشترى ارض مصنعه فى مدينة السادات ايام الوزير المحترم حسب الله الكفراوى .

لما رمتنا العين .. شوف انت فين وانا فين

مع الاعتذار للفنانة الكبير سعاد مكاوى

تم تعديل 12 سبتمبر 2006 بواسطة mohameddessouki

[صفاء]

كفاية كده يا وزارة الهم والغم والكساد ..كل واحد حول وزارته الى عزبة خاصه ..آملا فى وفاة المحروسة ... المحروسة لن تموت يا غجر ..وبكره نشوف .. يا مثقفى مصر المحروسة ..ويا نواب شعب مصر الاحرار المخلصين ..دافعوا عن المريضة حتى تشفى قريبا بإذن الله ..وطالبوا باقاله هذه الوزارة .. و يارب العالمين ..نستجير بك من أعمال الافاقين .. كفاية ؟؟؟؟؟؟؟؟؟؟؟

انت بتقول كفاية ؟

يبقى انت اللى قتلت بابايا آآآآآآآآآآآه يا بابايا

:P

أنا بضحك معاك بس يا أستاذنا عشان يمكن تبتسم قبل ما ننسى نبتسم ازاى فى بلد متفصلة على مقاسنا

انصحك بانك تهاجم أى غلط بسخرية بدل ما دمك كل يوم يتحرق

انت زعلان على الفتدق اللى هايهدوه؟

يعنى هى جت على دى ؟

الناس لا يمكن تتكلم لانها أصيبت بحالة من البرود والتناحة لم يسبق لها مثيل

والفضل لأبو الفضل

بالعكس انا بيتهيألى ان عامة الشعب اللى هما بقوا تحت خط الفقر هايأيدوا القرار ده ويقولوا"ان شالله تتهد على روسهم الأغنيا دول

ماحنا اهو قاعدين بيهدوا بيوتنا على روسنا وبيسيبوتنا فى الشارع ولا فى خيام ولا مساكن عشوائية اذا رأفوا بحالنا"

يا سيدى الفاضل..

البلد ضاعت وانتهت خلااااااااااااااااااااااااص

واللى عنده بصيص من الأمل ده بيكون متفائل زيادة عن اللزوم وانصحه يعالج نفسه

طول ما بنغنى ونرد على نفسنا .. عمرنا ما هانفلح

[ahm_ali_baba]

ابتسم انت فى المملكه العربيه المباركيه حيث أصبح فيها كل شىء جائز

:P

تم تعديل 13 سبتمبر 2006 بواسطة ahm_ali_baba

[Unconquerable]

المشكلة قبل ما نتكلم عن الفضيحة والجريمة دلوقتي

هوا ان احنا فعلاً نستحق أي حاجة ممكن تحصلنا

وليه لأ طالما كل الي بنعمله ان احنا عاملين زي جهاز المخابرات

كل الي بنعمله اننا نبحث عن الفضيحة بس

لكن رد فعلنا ولا كإننا متبنجين

نسمع الخبر وندفنوا بعد ما يظهر خبر غير

كدا مينفعش والله

اذا احنا مكناش ايد واحدة وصوت واحد وروح واحدة يبقى عمرنا ما هنعمل حاجة

مجهودنا محتاج تنظيم

والتنظيم محتاج قائد

والقائد فينا محتاج فرصة

والفرصة احنا الي نقدمهالوا

وساعت ما نعمل كدا

جايز نعمل حاجة يفتكرنا بيها الجيل الي جاي

آآآه يابلد

**

.

[achnaton]

بسم الله الرحمن الرحيم

بعد سهرة مسائية مع الاستاذ اخناتون اليوم شاهدنا سويا برنامج " البيت بيتك " وكانت احد فقراته موضوع هدم فندق " ونتر بلاس الجديد بالاقصر " وضحك الاستاذ كثيرا واستحضر

اجندة العام الماضى .. ثم امسك القلم وكتب التالى :

انقله اليكم مع خالص تحياته ..

وائل عبد الحميد جار الاستاذ اخناتون

---------------------------

غريبة امر بلدنا والله .. وعندما تصر حكومتنا الرشيدة على استخدام كل وسائل الاعلام بالبلد لتسويق سياسة الاستهبال التى تصر على تطبيقها فى زمن تنتقل فيه المعلومة بسرعة البرق فى كل انحاء العالم .. الاستاذ محمود سعد ناقش اليوم اللواء سمير فرج محافظ الاقصر فيما نشرته جريدة الاخبار اليوم عن هدم فندق ونتر بلاس الجديد .. والموضوع كتبنا فيه فى هذا المنتدى منذ اكثر من عام .. وفى رد سيادة اللواء تبريرا لقرار الهدم أن الشكل الجمالى للمبنى الاشتراكى – كما اطلق عليه سيادته – يتعارض مع جمال مبنى الفندق القديم .. وأعتقد ان ما قلناه سالفا فى المداخلات السابقة كافى للرد عليه .. وسؤالى اليوم لسيادته .. متى قرر سيادته استصدار موافقة رئيس الوزارة الالكترونية لهدم الفندق .. أيام ما كان السيد الوزير احمد المغربى وزيرا للسياحة أم عندما اصبح سيادته وزيرا للأسكان ؟؟

ومن قام ببناء مبنى " البافليون فى حديقة ونتر بلاس خلف المبنى الجديد .. ؟؟ واذا كان منظر المبنى الجديد الذى بنى فى الستينيات وكان ايامها صحيح النظام عندنا اشتراكى ..

وكان نظام البناء فى ذلك الوقت له طراز آخر .. فى نفس الوقت قامت الحكومة المصرية الاشتراكية ببناء عدة فنادق بنفس النظام .. بداية بهلتون النيل وكتاركت الجديد باسوان وفلسطين بالاسكندرية والنيل القاهرة و...و... والغريب ان نفس الطراز موجود فى اسوان واسكندرية ملاحق للفناق القديمة .. بعد اربعين عام واكثر فاقت الحكومة على الظراز المتخلف الذى يتسم به فندق ونتر بلاس الجديد ؟؟؟ ايامها كان 90 % من اهالى الاقصر يتمتعون فى الجلباب البلدى الجميل والعمه الصعيدى اربعة متر ملفوفة على الراس .. والكثيرين واكب النهضة وغير ولبس بنطلون وتى شيرت امريكانى .. والباقى لسه بالجلابية .. نعدمهم يعنى .. ولا نقنعهم بلبس ينطلون وقميص ؟؟؟

سيادة اللواء فى حديثه بيدعى ان الفندق مبنى على اثار ..!! فاذا كان فعلا .. فلماذا سيبنى سيادته فندق جديد مكانه لنفس طراز المبنى القديم ؟؟؟

واذا كان الشكل مش عاجب معاليه .. ولكن عاجب اهالى مصر صاحبة البلد .. وهو حاكم البلد .. ليه عاوز يهد ويبنى فندق اقل ارتفاعا .. امتداد لمبنى البافليون اللى بناه رئيس محلس ادارة شركة اكور مستأجرة الفندق ؟؟ وخصما من القيمة الايجارية ؟؟ هى البلد دى ملهاش صاحب ؟؟ ولو فرضنا وحدث تغيير وانتقل سيادة اللواء الى وحدة اخرى هل سيوافق خلفه فى تنفيذ فكرته .. او بمعنى ادق فكرة شركة اكور لبعث الحياة فى مبنى فندق البافليون الذى يطل على حمام السباحه ؟؟

السيد اللواء قال للآستاذ محمود سعد أن ايجار الغرفة فى الفندق القديم 1200 يورو .. وفى الجديد 120 يورو .. نريد ان نعرف .. بالمرة قيمة ايجار الفندق الذى تدفعة شركة احمد المغربى سابقا للدوله ..

سيادة اللواء سمير فرج .. ارجوك ارفع يدك عن مبنى ونتر الجديد .. واذا كان شكله مش عاجب سيادتك .. ولا يتناسب من التجديدات والردنجوت والبابيون .. خلاص لبس المبنى ردنجوت حديث وعندنا فى مصر مئات من الاساتذه المهندسين الذين يستطيعون فى لا وقت تغير الشكل العام للمبنى وباقل التكاليف .. اثابك الله

[om marawan]

الاخ الفاضل اخناتون ..........

انا مقدر جدا غيرتك على بلدنا وعلى فندق الونتر بالاس وكأن الفندق اهم مشكلة فى مصر وطبعا دى غيرة محمودة جدا ولكن انت مش شايف معايا ان اول مرة اتكلمت حضرتك عن الفندق كانت فى سبتمبر السنة اللى فاتت ... والحقيقة انا ماعرفش اذا كان الفندق اتهد ولا لسه بس واضح من كلامك انه لسه .....

عموما اللى انا عاوز أقوله ان قضية الفساد قضية هامة لكن صدقنى عمر مافى حاجة فى الدنيا هتتصلح لو فضلنا نستخدم نفس أسلوب الحوار والهجوم والالفاظ فى كل خلافاتنا ( زى حكومة بتستهبل والعمدة الالى وبلد مالهاش صاحب ) .....عشان الناس تسمعنا مش لازم يكون صوتنا عالى بالعكس لو بطلنا نزعق هنتسمع أكتر ..

وصدقنى صدقنى الاصلاح عمره مابيكون من فوق لتحت ..الاصلاح لازم يبتدى صغير من القاعدو ويعلى لحد القمة ...

خلينا أحسن نتبدى بأنفسنا وكل واحد يهتم بالعيلة الصغيرة وبعدين الاكبر فالأكبر وصدقنى هتلاقى كل حاجة مع الوقت بقت للأفضل

ده مش تفاؤل ده يقين التاريخ بيقول كده والأهم انه الدين كمان بيقول كده ................

ابدأ بنفسك ومن حولك ....وانا كمان هبتدى

ولك خااااااااااااااااااااااااااالص تحياتى

[مصر عشقى]

الاخ الفاضل اخناتون ..........

انا مقدر جدا غيرتك على بلدنا وعلى فندق الونتر بالاس وكأن الفندق اهم مشكلة فى مصر وطبعا دى غيرة محمودة جدا ولكن انت مش شايف معايا ان اول مرة اتكلمت حضرتك عن الفندق كانت فى سبتمبر السنة اللى فاتت ... والحقيقة انا ماعرفش اذا كان الفندق اتهد ولا لسه بس واضح من كلامك انه لسه .....

عموما اللى انا عاوز أقوله ان قضية الفساد قضية هامة لكن صدقنى عمر مافى حاجة فى الدنيا هتتصلح لو فضلنا نستخدم نفس أسلوب الحوار والهجوم والالفاظ فى كل خلافاتنا ( زى حكومة بتستهبل والعمدة الالى وبلد مالهاش صاحب ) .....عشان الناس تسمعنا مش لازم يكون صوتنا عالى بالعكس لو بطلنا نزعق هنتسمع أكتر ..

وصدقنى صدقنى الاصلاح عمره مابيكون من فوق لتحت ..الاصلاح لازم يبتدى صغير من القاعدو ويعلى لحد القمة ...

خلينا أحسن نتبدى بأنفسنا وكل واحد يهتم بالعيلة الصغيرة وبعدين الاكبر فالأكبر وصدقنى هتلاقى كل حاجة مع الوقت بقت للأفضل

ده مش تفاؤل ده يقين التاريخ بيقول كده والأهم انه الدين كمان بيقول كده ................

ابدأ بنفسك ومن حولك ....وانا كمان هبتدى

ولك خااااااااااااااااااااااااااالص تحياتى

معاك حق يا اخ مروان .. اخونا اخناتون ده أصله بيكره المماليك جدا .. وأيام الاحتلال التركى العثمانى لمصر كان المماليك ايامها بيقولوا للشعب " عشان ما تعلى ..وتعلى .. وتعلى .. لازم تطاطى تطاطى تطاطى .. " ولو كان فعلا الاصلاح فى الاقصر لازم يبدأ من القاعده .. كان المجلس المحلى هناك واهالى الاقصر هم اصحاب القرار والهدم والبناء .. وقرار هدم الفندق حكايته معروفه .. والذى اصدر القرار بناء على طلب سيادة اللواء الدكتور الوزير المحافظ .. رئيس الوزراء .. فى الوقت اللى ممكن فيه زى ما بيقول الاستاذ اخناتون ممكن تعديدل الشكل الخارجى بما يوافق ذوق معالى الوزير اللواء المحافظ .. وخلاص يا سيدى نوشوش بعض وبلاش نزعق ونصوت .

[Salwa]

انا بس حبيت اقول ..

الف حمدلله على السلامة ..للاساتذة ..اخناتون ومصر عشقى ..

اخى مصر عشقى ..

لاداعى لاى محاولة لتبرير ..(( كلمات اخونا واستاذنا اخناتون ))..

كلام اخناتون كله .......(( تاريخ )).

يا...يقبلوا الكلام .....يا....ينسوه....

فى الحالتين ......هو تاريخ ....وثابت.

و..

اخناتون ...رجل مؤدب جداااااا....

ولا يحب الغلط فى الكلام ....

لكنه يصف ....مجرد وصف...صادق...

سلام...

[om marawan]

واضح ان فيه سوء تفاهم

انا باعتذر يا جماعة اذا كان حد اخد كلامى عن تغيير اسلوب حوارنا بشكل حساس

انا طبعا ماقلتش انه بيخرج عن حدودو الادب لا سمح الله

لكن كل رأيى ان الكلام يكون على مستوى المشكلة

وبصراحة البلد فيها مشاكل اكتر بكتير من فندق ونتر بالاس وان كنت اشكر الجميع على التنويه على اى فسااد