الدكاتره عقدوها

[achnaton]

]بسم الله الرحمن الرحيم

أثناء الاجازة الاجبارية اللى فرضها علينا أحد عد يمى الضمير .. حاولت أفك العقدة .. بتاعة الاستاذ فاروق العقده !!

فقد كنت إنتهيت من جريدة " حزب الوفد الأباظى " وشدنى خبرين .. الأول كان عن تصريح لمحافظ البنك المركزى ..عن الاحتياطى النقدى للمحروسة.. والحقيقة اللى يجب أن تقال .. أن الاستاذ العقده .. كما أعلم عقده فعلا فى الاقتصاد ولكن تصريحه الاخير ده عقدنى من كل الدكاتره ..وناوى إن شاء الله أرفع قضية فى محكمة العدل الدولية بعد أن رحلت العدالة عن المنحوسة بلدنا .. أطالب فيها بالغاء درجات الدكتورهات.. من قاموس الدرجات المصرية .. ولعلكم تذكرون .. مفيش دكتور واحد مر على محطة المحروسه .. الا وعمل بكل جهده على ترويج الاكاذيب والاخر نلاقى القطارات بتضرب فى بعضها .. بدأها الدكتور على .. وكان العالمين بالامور يطلقون عليه " الدكتور على نشف زيت " كلامه حلو وسهل ومفهوم .. لكن بعد كل تصريح تلاقى الدنيا الحلوه اللى رسمها بكلماته ملأت الدنيا غيوم ..وهو أول رئيس وزاره حرم الشعب الطيب الغلبان .. من شرب قمر الدين أو أكل الكنافة بالمكسرات فى رمضان .. وبعده ..اتفتحت الحنفية .. وبدء الدكاتره يتسابقون .. على تخريب إقتصاد البلد ..كده بدون عيون .. وربنا يرحمه بقى الدكتور" تيزة " آهو ده بقى لغى من النقد المصرى مصطلح "البريزة ".. أصبحت لا تساوى شيثا ..مجرد مصطلح للمرتشين ..حط فى الدرج بريزه لتسليك الامور .. بتعنى حط عشرة جنيه ..!! وبعده.. ومن علامات السخط الربانى علينا .. مسك الدكتور غراب الخراب .. ودى صفته مش أسمه .. فقد كان غرابا للخراب فعلا .. وبدء حتى وهو وزير يبيع ميراث البلد .. وقد كسرنا وراه 70 مليون قله.. و.. زير .. وجاء الدكتور الآلى بقى .. غير دول كلهم .. ده جاب عاليها واطيها ..بالميكنه الألكترونية .. يعنى كده حاجة أتوماتيكية ..وفى لا وقت .. كل يوم يفرقع كام إحصائية ..تخلى الواحد يعتقد أن الحكومة دى .. حتوصلنا للقمر الجمعة الجاية .. ولما توصل فبركة الاحصائيات .. من رئيس الوزارة الى الوزارات .. يبقى ده تنشيط للمبيعات .. ويستمر البحث بهمه عن مصانع وشركات .. يقلبيوها فى سوق النخاسة بتلاثة مليم .. المهم الدكتور العقده بيقول إيه .. شوفوا الوفد فى اول صفحة كتبها .. :

الاحتياطي النقدي لمصر

يتجاوز 23 مليار دولار

أكد الدكتور فاروق العقدة محافظ البنك المركز أن السياسات النقدية حققت تقدما كبيرا حيث بلغ صافي الاحتياجات الدولية لدي البنك المركزي بنهاية يوليو الماضي 1،23 مليار دولار تغطي واردات سلعية لمدة 6و9 شهور. وأضاف ان ميزان المعاملات الجارية حقق فائضا بلغ 1،2 مليار دولار كما حققت الصادرات السلعية 5،13 مليار دولار نظرا لزيادة الصادرات البترولية بمعدل 6،94 % لتصل إلي 5،7 مليار دولار من اجمالي الصادرات.

http://www.alwafd.org/front/detail.php?id=...b553dbadad1b1de

طب تيجى ازاى دى .. إذا كنا كلنا عارفين .. الوضع اللى احنا فيه غرقانين .. نقوله بلاش فبركة كده حرام ؟؟

قالتها له الأستاذه جيهان موهوب المحررة بجريدة " حزب الوفد الاباظى " فى نفس العدد ولكن فى صفحة داخلية مختصه بالشئون الاقتصادية .. جيهان قالت إيه ..؟؟

" عبء الديون الخارجية

في عهد مبارك.. ارتفعت الديون إلي 45 مليار دولار

جيهان موهوب

إذا كان »السادات« أورث ازمة ديون بلغت 35 مليار دولار فرنها في عهد »مبارك« وصلت الي 45 مليار دولار خلال 10 سنوات فقط! حتي انه أطلق علي عقد الثمانينيات من القرن الماضي عقد »المديونية الخارجية«.

وإذا كانت الديون انخفضت الي 26 مليار دولار عام 1991 فلم يكن هذا نتيجة سياسات اقتصادية صائبة أو تخطيط علي درجة عالية من الكفاءة ولكنه جاء نتيجة منحة من الخارج عندما تنازلت دول الخليج والولايات المتحدة عن ديونها لمصر مكافأة لها لدخول حرب الخليج الثانية وإخراج القوات العراقية من الكويت. ومنذ ذلك الحين لم تنخفض المديونية المصرية الخارجية جنيها واحدا ولكنها أخذت تزداد بشكل مستمر حتي وصلت الي 29،5 مليار دولار حاليا. "

طب بعد كده نقول إيه ؟؟ وياترى الديون الداخلية وصلت كام مليار جنيه .. قول لنا بقى يا محافظ البنك المركزى

تيجى تاكل منجه عبيدى .. المنجه السوده .. بناكل فيها من أيامه اللى كانت زى المنجه

تم تعديل 11 سبتمبر 2006 بواسطة achnaton

[otaka]

DATA REQUESTED

SOURCE ECB ON 09.09.06

Domestic Debt of Government & Economic Authorities Debt

تم تعديل 9 سبتمبر 2006 بواسطة otaka