حوته رقم 4

[houssin abo habaga]

كان ياما كان فى سالف العصر وألأوان

ملك يحكم بلد الطيبيين الملك كان كبير ومتصابى وعنيد وفكره أن عمره

مديد والظاهر أنه لا بيصوم ولا بيصلى وبالصدفه تولى أمور الحكم

فى يوم جاله أبو هابيل الفاهم فى أمور الغش والتدلييس قدمله تقرير قاله

أن المعارضه زادت ونابها أشتد والنار فى الشعب قادت وفاقت الحد

قاله أيه مقترحاتك ... قاله نركبلك دقن وتصلى ونقول أنك بقيت ولى

قاله الملك مقدرش ظهرى يؤلمنى من العملية

قاله تخطب فى الناس وتوعدهم بالرخاء

رد الملك وقاله ده كان برنامج الأنتخاب ومنفذناش منه حاجه

قاله نعمل شوية تفجيرات نلهى بيهم الناس وفرصة نلم كام واحد من الأخوان

على المعارضيين

رد الملك وقاله دلوقتى الناس بقوا فاهميين

قاله نطلع خبر فى الجرانيين نلهى بيه الناس الست اللى كلت زراع جوزها

رد الملك قال الموضوع ده بقى عادى وبيحصل كل يوم

أبو هابيل قال يا ملك أنا غلب حمارى

فكر الملك شوية وقال جاتنى فكره أعمل معارضه من الناس اللى موالين ليه

علشان نضرب بيها المعارضه وتثير بلبله بين الناس وبكده يبقى ضربنا

عصفورين بحجر عملنا أنشقاق بين المعارضه لأن دول حيعرضوهم وشوشنا على

أفكار الناس علشان ما يتبعهومش وخليهم يعارضوا بعضهم

ضحك أبو هابيل وهمهم فى نفسه وقال دلوقتى عرفت أنت جالس كل المده دى

ليه فى الحكم ومش ممكن حد حيشيلك من الكرسى إلا الموت لأنه يأتيك من عند

ملك الملوك الحى الذى لا يموت

وتوته توته خلصت الحوته الى لقاء آخر

..................................

www.dastor.net

omran55.maktoobblog.com