حد عايز اكل يمني؟؟(عمايل ايديا وحياة عنيا)

[shahd]

يعني انت بدئتي بأكلة مش عارف اقرأ اسمها

هو ايه الشفوت ده

حاضر حقول لحضرتك ايه الشفوت :mellow:

الشفوت

المقادير:

نعناع

كزبره نص ربطه

ثوم

فلفل اخضر واحدة او نص

معلقة كمون صغيرة

نص طماطمايه

كرات( نبات اخضر عامل زي البصل الأخضر )

مشوية ملح

زبادي

نص كباية حليب

كباية زبادي

لحوح( ده نوع من انواع الخبز موجود في اليمن وفي اثيوبيا بس في اختلاف في الطريقه)

وعلى فكرة هو بيتاع عادي ما اعرفش موجود عندكم ولا لأ

عموما لو مش موجود ممكن تستخدم بداله عيش توست

الطريقة

كل الي حتعمله انك تحط الحجات الي فوق دي في الخلاط مع الزبادي واللبن

وتخلطهم كويس

وتحط اللحوح او عيش التوست او ممكن عيش عادي ( بلدي مثلا او شامي في طبق وترش عليها الخلطه

لو حسيت انها نشفت ممكن تزود الكمية زي ما تحب

وفي ناس بتحط مع الخلطة دي شوية لوز على فول سوداني على شوية بهارات خفيفة خااااااااااالص

بس قبل كده حتتخلط في خلاط البهارات

وبس اكله سهلة وما فيهاش لا نار ولا بوتجاز

احترماتي تيتا شـــــــــهد

تم تعديل 18 سبتمبر 2006 بواسطة شهد

[shahd]

فول قلابة عشان خاطر جدو سين سين

:mellow:

المقادير :

كباية فول مسلوق.

كباية فول أبيض مسلوق ومقشر

كباية عصير طماطم.

بصلايه مفرومة

معلقة صلصلة طماطم.

ربع كباية طحينة مع شوية ليمونوملح وبهارات وشوية كمون.

الطريقة:

تحط البصل في طاوة وفي رواية قدر وفي مقولة اخرى طاسة :excl:

وتحط عليه معلقة زيت

وتقلب لحد ما يذوب

تحط عليه عصير الطماطم والصلصة

تحط كبايتين فول الي قلناهم في الأول مع الخلطة د

وبالنفس المقادير الي فاتت

وتسيبه على نار هاديه

لحد ما يدخهل كله في بعضه وتحط الملح والبهارات والكمون وتقلب لمده دقيقه

واخر حاجه تحط الطحينة على الوش

لمتا تغرف ترش على الوش زيت وكزبرة مفرومة

اتفضل يا سي السيد بالهنا والشفا :blink:

احترماتي تيتا شـــــــــــهد من قدام محل عمو بتاع الفول

تم تعديل 13 سبتمبر 2006 بواسطة شهد

[se_ Elsyed]

لازم أخدها على قد عقلها عشان ما جبلهاش إنحباط نفساوي متقعر .. ومن هنا لحد ما أجيبلها أنا الوصفة زي تذكرة داود ما بتقول .. في صفحة الفول ... لازم أجاريها وماحسسهاش بأي غدر

ياه تصدقي هو ده فول الطاوه يا تيتا وأنا كان عندي ميكسيد ما بين الجلابه والطاوه

صحيح يا ولاد الناس بتوع زمان بيبقوا خبره .. وتاخد منهم الحاجة صح صح

[shahd]

لازم أخدها على قد عقلها عشان ما جبلهاش إنحباط نفساوي متقعر .. ومن هنا لحد ما أجيبلها أنا الوصفة زي تذكرة داود ما بتقول .. في صفحة الفول ... لازم أجاريها وماحسسهاش بأي غدر

ياه تصدقي هو ده فول الطاوه يا تيتا وأنا كان عندي ميكسيد ما بين الجلابه والطاوه

صحيح يا ولاد الناس بتوع زمان بيبقوا خبره .. وتاخد منهم الحاجة صح صح

بقى كده ماااااااااااااااااشي ياجدو :angry2:

كنت ناوية اعملك اكله معتبرة

مش طابخة هه وحسيب المطبخ يضرب يقلب mfb:

سيبونييييييييي ما حدش يتحايل عليا :lol:

تذكرة داود مين ياجدوووووووووو

ده احنا الي اخترعنا الفول .. واحنا الي حبشناه.. mfb:

تم تعديل 14 سبتمبر 2006 بواسطة شهد

[MZohairy]

اهيه صورة الزربيان يا عمو زهيري

اعمل ايه هيا الي لاقيتها .. طلعت روحي وانا عماله ادعبس في اي موقع عشا ن ارويك الصور

هيا اي نعم الصورة بالفراخ بس انا باعملها باللحمة .. بس ولا يهمك تخيل الفرخة دي خروف :lol:

يا سلام سلم :angry2:

تسلم ايدين اللي طبخ واللي صور

[shahd]

'mzohairy'

يا سلام سلم :angry2:

تسلم ايدين اللي طبخ واللي صور

ميرسي ياعموووووووو زهيري :lol:

[shahd]

المقلقل

لحم غنمي يتقطع قطع متوسطه تسيب العظم بعد ما تطلع للحم منه

تقطع بصل وثوم ويحمر بالزيت

تحط فلفل رومي مع البصل وبعدين تحط اللحم والعظم ةوتقلبه لحد 10 دقائق .

_تحط البهارات (ملح ،قرفه ،هيل ) ولو في البهارات الخاصة بيها يبقى احسن وتقلب

لمده عشر دقائق كمان

وتسيبه على لحد ما لما يستوي ا وعى تاكله ني mfb: .

وبالهنا والشفا

واشفكو في الطبخة الجايه

تم تعديل 5 مارس 2007 بواسطة شهد

[shahd]

الباجية

تنقع الفول لمدة يوم كامل

ثاني يوم تفرمه لحد ما يبقى زي اللحمة المفرومة

وتحط عليه بهارات

وبعد كده تفرمكزبرة وبقدونس اخضر وبصل وفلفل اخضر

وبعدها تقليه

تحياتي تيتا شــــــــهد :)

[shahd]

الســــلــــــته

تسخن الحرضة كثيييييير وتكسر عليها بيضه

تحط عليها مرقة اللحمة او الفراخ زي ما تحب

تعمل مرقة بطاطس قرديحي من غير لحمة(تحمر شوية بصل و وبعدين تحط شوية ثوم على بهارات وملح وفلفل وتخليها جامدة شوية) وتحطها على المرقة

تطبخ باميه وبرضه تحطها على المرقة

واخر حاجة لما تنزل الحرضة من على النار تحط الحلبة من فوق

ملحوظة: كميات طبيخ البامية والبطاطس مش ضروري تبقى كثير

لا بالكمية الي تحبها وفي ناس تحط عليها شوية رز

والف هنا وشفا

[shahd]

العشار

تقطع ليمون

تحط عليه فلفل اخضر

حبة البركة

تخليه في الشمس لحد ماالليمون يستوي كويس

وبعد كده تحط عليه فلفل احمر مخلوط(سائل) ( فلفل احمر قرون ناشف ) الي هو نفس الفلفل بتاع المطفايه ولو حبيت تحط خل بعد كده براحتك

اصحاب قرحة المعدة يمتنعون

وانا اولهم :)

تحياتي :)

[shahd]

حليب باللوز

تنقع اللوز من الليل

وبعد كده يتقشر ويدق

وتغلي لبن

وتدخل اللوز يغلي معاه

احترماتي

تم تعديل 18 سبتمبر 2006 بواسطة شهد

[shahd]

اكلات رمضانيه يمنيه

شربة البر

المقادير

بُر

لحمة

1 بصل

1 طماطم

بهارات

ثوم

هيل

ملح

الطريقة

تغلي اللحمة في ميه

وتحط عليها 1 طاطم وبصلايه

وتخليها تغليييييي

وبعدين تحط البُر يغلي معاها

كمية البُر تكون على حسب كمية اللحمة

يعني لاتبقى ثقيلة ولا خفيفة ( وسط)

وبعد ما تغلي تحط ثوم مطحون ( مخلوط) وشوية هيل

ملحوظة: (ممكن من غير طماطم)

دي اول اكلة وعلى فكرة الشفوت يعتبر من اهم الأطباق في رمضان مكتوب قبل كده

تحياتي تيتا شـــــهد

[shahd]

القهوة البيضاني او القشر البيضاني

المقادير

بن مش البن العادي لا ده القشر ( ما اعرفش موجودة في غير اليمن ولا لأ؟؟)

ذرة

هيل

زنجبيل

سمسم

لوز

الطريقة:

تخلي الميه تغلي كويس

وبعد كده تحط القهوة

وتحرك عشان البن ما يتكلكعش معاك

وتوطي النار خااااالص

تبص عليها لو حسيت ان ريحة القهوة ابتدت تطلع تطفيها

وتحط هيل, زنجبيل, سمسم والذرة, والوز بس( اللوز يدق على خفيف ممكن تخليه 4 ارباع )

على فكرة لو الذرة ناشفة حتخليها تغلي مع القهوة من البدايه

ولو طريه حتعملها بالطريقة الي قلنا عليها

وبالهنا والشفا

احتراماتي تيتا شــــــــهد

تم تعديل 21 سبتمبر 2006 بواسطة شهد

[ام البنات]

شهد

تصورى اول مرة اعرف الاكل اليمنى عن قرب

طبعا لسه مقرأتش الموضوع بس هاقرأه ان شاء الله

طيب هو يختلف عن الاكل الخليجى والسعودى

عموما ان شاء الله اجرب أكله بس اشوف أخفهم

مممممممممم تسلم ايدك

[shahd]

شهد

تصورى اول مرة اعرف الاكل اليمنى عن قرب

طبعا لسه مقرأتش الموضوع بس هاقرأه ان شاء الله

طيب هو يختلف عن الاكل الخليجى والسعودى

عموما ان شاء الله اجرب أكله بس اشوف أخفهم

مممممممممم تسلم ايدك

ام البنات في المطبخ اليمني يا حياااااااااابك وفوق العين والراس زي ما بنقول عندنا في اليمن :blink:

اكيد يختلف عن الأكل الخليجي وان كان في تشابه في بعض المأكولات

منوراني وكل سنة وانت طيبة

احتراماتي تيتا شــــــــهد

[Folana]

السلام عليكم ورحمة الله .........

تيتا شهد ياجميلة...انا قريت موضوعك كله من قبل رمضان ..بس للاسف انا طاقتى فى الكتابة محدودة ..يعنى اكتب رد ولا اتنين وخلالالالاص ..الحبر يخلص....ف ماكنتش عارفة اكتب لك...سامحينى..

أولا انا باشكرك على وصفاتك الهايلة دى...وسلمت أناملك..( على رأى المثل)..

ثانيا ..احب اقولك انى جربت الزربيان ده اول يوم رمضان ...صدقاً...وكان نفسى ادخل اقولك على النتيجة واشكرك بس زى ماقلت لك بقى ..انت عارفة السن ..ما انت تيتا وفاهمة الحاجات دى..

عايزة اقولك انه نال اعجاب الجميع.....وانا بقى قلت لهم دى اكلة يمنى وحركات كده...بس انا لما بادخل المطبخ.بيحضر عفريت الطبخ بتاعى ولازمن حتمن ..اضيف شوية ابتكارات....

يعنى مثلا..قللت من البطاطس ..خلتها ثمرة واحدة وقطعتها مكعبات علشان تناسب الارز.....تانى حاجة ..وضعت البهارات زى القرفة العيدان والحبهان والقرنفل فى قطعة شاش صغيرة وربطتها ..وبعد الاكل ما استوى شلتها تانى ..علشان تعطى النكهة بس ...

عملت كمان حاجة تانية ..بس ماتزعليش منى...أضفت بسلة وجزر مبشور..قبل ما اضيف الارز...

عملت كمان حاجة تالتة..سامحينى..سويت الارز فى الفرن ...يعنى بعد ماعملت الخلطة دى...البصل والخضار والزبادى والذى منه ..اضفت الارز وقلبته ..وبعد كده دخلته الفرن لمده سبع دقايق تقريبا ..وبعدين خرجته ودلقت عليه الشوربة وهى بتغلى ..وبعدين غطيته وسبته يستوى فى الفرن...

معلش بقى بوظت لك الطبخة...لكن تسلم ايديك بجد ...

أم البنات ..جربى الزربيان ده طعمه يجنن ....ايوه نسيت اقول انى اضفت عليه بهار كبسة ..وماكانش عندى لون ارز فأضفت شوية كركم نونو خالص....

تسلمى لنا ياجميلة ويارب تأكلينا دايما اكل جميل كده..............

طنط (سابقا..)..تيتا حاليا...فلانة............ :P

[shahd]

السلام عليكم ورحمة الله .........

تيتا شهد ياجميلة...انا قريت موضوعك كله من قبل رمضان ..بس للاسف انا طاقتى فى الكتابة محدودة ..يعنى اكتب رد ولا اتنين وخلالالالاص ..الحبر يخلص....ف ماكنتش عارفة اكتب لك...سامحينى..

أولا انا باشكرك على وصفاتك الهايلة دى...وسلمت أناملك..( على رأى المثل)..

ثانيا ..احب اقولك انى جربت الزربيان ده اول يوم رمضان ...صدقاً...وكان نفسى ادخل اقولك على النتيجة واشكرك بس زى ماقلت لك بقى ..انت عارفة السن ..ما انت تيتا وفاهمة الحاجات دى..

عايزة اقولك انه نال اعجاب الجميع.....وانا بقى قلت لهم دى اكلة يمنى وحركات كده...بس انا لما بادخل المطبخ.بيحضر عفريت الطبخ بتاعى ولازمن حتمن ..اضيف شوية ابتكارات....

يعنى مثلا..قللت من البطاطس ..خلتها ثمرة واحدة وقطعتها مكعبات علشان تناسب الارز.....تانى حاجة ..وضعت البهارات زى القرفة العيدان والحبهان والقرنفل فى قطعة شاش صغيرة وربطتها ..وبعد الاكل ما استوى شلتها تانى ..علشان تعطى النكهة بس ...

عملت كمان حاجة تانية ..بس ماتزعليش منى...أضفت بسلة وجزر مبشور..قبل ما اضيف الارز...

عملت كمان حاجة تالتة..سامحينى..سويت الارز فى الفرن ...يعنى بعد ماعملت الخلطة دى...البصل والخضار والزبادى والذى منه ..اضفت الارز وقلبته ..وبعد كده دخلته الفرن لمده سبع دقايق تقريبا ..وبعدين خرجته ودلقت عليه الشوربة وهى بتغلى ..وبعدين غطيته وسبته يستوى فى الفرن...

معلش بقى بوظت لك الطبخة...لكن تسلم ايديك بجد ...

أم البنات ..جربى الزربيان ده طعمه يجنن ....ايوه نسيت اقول انى اضفت عليه بهار كبسة ..وماكانش عندى لون ارز فأضفت شوية كركم نونو خالص....

تسلمى لنا ياجميلة ويارب تأكلينا دايما اكل جميل كده..............

طنط (سابقا..)..تيتا حاليا...فلانة............ :wub:

طنط فولانة كفاية عليا طلتك الجميلة

هييييييه انت حتقوليلي على السن واحكامه دنياااااااا ;)

ياست الكل بوظيها زي ما تحبي المهم عجبتك .. خلاص دي اهم حاجة

تعرفي حضرتك بتفكريني بطريقة ماما لما تدخل معايا المطبخ

تقولي طب حطي عليها مش عارف ايه

اقلها ماماااااااا ما ينفعش :) ... تقلي يابنت انت حتعلميني ... :)

المهم اني انا ا لي بنتصر في الأخر .. وبتروح سايبالي المطبخ وماشيه

منوراني ومنورة المطبخ اليمني

احترماتي تيتا شـــــــهد

[se_ Elsyed]

ثانيا ..احب اقولك انى جربت الزربيان ده اول يوم رمضان ...صدقاً...وكان نفسى ادخل اقولك على النتيجة واشكرك بس زى ماقلت لك بقى ..انت عارفة السن ..ما انت تيتا وفاهمة الحاجات دى..

عايزة اقولك انه نال اعجاب الجميع

تيتا فولانه

آنا شهد

إنتو متأكدين إن لو الواحد عزم ناس أو طبخ لهم أكله وقالهم : تعالو أنا عازمكو على زربيان مش هايفهمو غلط أو يقولوا إنت بتشتمنا .. طب والله ماحنا واكلين ولا دايقين أي زربيانه في بيتك :)

معليش يا شهوده أصل بيني وبينك الأسامي صعبه قوي ... أو زي ما قالت المرحومه ذكرى في قصيدتها الشهيرة " الأسامي هي هي والوجوه متغيرين "

يعني أنا عندي عزومه بكره .. أروح أقول لمراتي

عايزك بقى يا حبيبتي تدخلي عليه بالزربيان ويبقى هو المين ديش في القعدة دي ... بس قبلها تسخني لنا شوية شوربة بُر مانتي عارفه رمضان بيحب الشوربة والشوربة بتحب رمضان .. وبعدها هاتي لي شوية " سلت " من النملية أشق بيهم ريقي .. تكوني بقى محضره لي شوية عشار .. يعني مش كتير 3 أو 4 حبات عشان أعرف أصلي التراويح ... وبعد ما أقضي عليهم تجيبي لي بقى أنجر مليان " باجيه " عشان أنا بأموت فيه والباجيه في حياتك ...

وبعد الأكله دي طبعاً الواحد بيبقى خرمان ولازم يعدل دماغه بفنجان مسكوفيه أو شاي من أبو فتله مدلدله لكن النهاردة عايزك تعمليلي فنجان " قهوة بيضاني " أو القشر البيضاني " حاكم النهاردة كان عندي شوية ضغط في الشغل ومزاجي متعكر على الأخر ومش هايعدل دماغي غير القشر البيضاني ...

تفتكروا بعد الكلام ده كله : مراتي مش هاتلم هدومها وتروح عند أهلها ومش بعيد ترفع عليه قضية خُلع عشان جرحت مشاعرها ؟

[shahd]

ثانيا ..احب اقولك انى جربت الزربيان ده اول يوم رمضان ...صدقاً...وكان نفسى ادخل اقولك على النتيجة واشكرك بس زى ماقلت لك بقى ..انت عارفة السن ..ما انت تيتا وفاهمة الحاجات دى..

عايزة اقولك انه نال اعجاب الجميع

تيتا فولانه

آنا شهد

إنتو متأكدين إن لو الواحد عزم ناس أو طبخ لهم أكله وقالهم : تعالو أنا عازمكو على زربيان مش هايفهمو غلط أو يقولوا إنت بتشتمنا .. طب والله ماحنا واكلين ولا دايقين أي زربيانه في بيتك :)

معليش يا شهوده أصل بيني وبينك الأسامي صعبه قوي ... أو زي ما قالت المرحومه ذكرى في قصيدتها الشهيرة " الأسامي هي هي والوجوه متغيرين "

يعني أنا عندي عزومه بكره .. أروح أقول لمراتي

عايزك بقى يا حبيبتي تدخلي عليه بالزربيان ويبقى هو المين ديش في القعدة دي ... بس قبلها تسخني لنا شوية شوربة بُر مانتي عارفه رمضان بيحب الشوربة والشوربة بتحب رمضان .. وبعدها هاتي لي شوية " سلت " من النملية أشق بيهم ريقي .. تكوني بقى محضره لي شوية عشار .. يعني مش كتير 3 أو 4 حبات عشان أعرف أصلي التراويح ... وبعد ما أقضي عليهم تجيبي لي بقى أنجر مليان " باجيه " عشان أنا بأموت فيه والباجيه في حياتك ...

وبعد الأكله دي طبعاً الواحد بيبقى خرمان ولازم يعدل دماغه بفنجان مسكوفيه أو شاي من أبو فتله مدلدله لكن النهاردة عايزك تعمليلي فنجان " قهوة بيضاني " أو القشر البيضاني " حاكم النهاردة كان عندي شوية ضغط في الشغل ومزاجي متعكر على الأخر ومش هايعدل دماغي غير القشر البيضاني ...

تفتكروا بعد الكلام ده كله : مراتي مش هاتلم هدومها وتروح عند أهلها ومش بعيد ترفع عليه قضية خُلع عشان جرحت مشاعرها ؟

هههههههههههههههههههههههههههههههههههههههههههههه

ضحكتني يا جدوووووووو سي السيد

هههههههههههههههههههههههههه

امال لو شفت اسامي الأكلات التانيه حتقول اييييييييه

ده كله لسه تصبيرة :)

تم تعديل 6 أكتوبر 2006 بواسطة شهد

[Folana]

السلام عليكم ورحمة الله ......

انا عاملة نفسى عاقلة ..وعمالة اقرأ كلام س.س. وابتسم ابتسامة خفيفة..واذ فجأتن لقيت نفسى عمالة اضحك يصوت عالى ...حلوة قوى الباجيه فى حياتك دى ... :wub: ..

طب والله عنده حق...بس انا كنت عازمة ولادى وجوزى بس ..يعنى ستر وغطى ..واللى نافع بقى ..ان زوجى يموت فى الاسماء الغريبة بتاعة الاكل..والاكلات الغريبة بتاعة الاسماء:wub:.....يعنى اقوله ده هندى يقولى اوكى..اقوله ده يمنى يقولى وماله..ولو اتحرق الاكل منى اقوله ده سودانى ...يصدق برضه.....فالحمدلله لسه لى عيش معاه...

طب ماتيجى نطلق على الوصفات دى اسماء حركية....ايه رأيك ياشهودة.....علشان بس سى السيد يكمل رمضان فى البيت مش عايزين مشاكل ....

تم تعديل 7 أكتوبر 2006 بواسطة folana