حد عايز اكل يمني؟؟(عمايل ايديا وحياة عنيا)

[shahd]

المعصوبة

المكونات

كبايتين دقيق بر( دقيق احمر)

من 2لـ 3 كبايات ميه

رشة ملح

سكر

زيت

الطريقـــــة : -

تضيف الدقيق للمية والملح والسكر وتخلطهم مع بعض

تحط الخلطة مرة واحدة في الطاوة او أي حلة مخصصة للقلي

وترش شوية زيت في الطاوة وانت بتقليها ( شوية مش كتير )

وتسيبه على النار من غير ما تقلب لحد مايبتدي يحمر يعني يبقى بني محمر ويبتدي يتماسك في الجزء الي تحت بس الي فوق لسه عجينه

ابتدي قلبها واخلطها بمعلقة كبيرة لحد ما ياخد شكل الكتلة

تفضل تقلب لمدة ربع ساعة لحد ما تستوي ولونها يبقى احمر

حطها في طبق وادهن بالسمن وجمعها من الأطراف واقلبها في الطبق( بس يكون غويط وبلغة اخرى عميق)

اعمل فتحة في الوسط وحط فيها زيت وعسل او سمن وعسل ..ويفضل زيت السمسم والعسل

وعيدكم سعيد :D

تم تعديل 28 أكتوبر 2006 بواسطة شهد

[shahd]

المسمن( كعك بيضاني)

المقادير

علبة سمن قمرية ( صغير) او سمن ثاني بس يفضل سمن القمريه

7بيضات

ملح

كباية سكر ونص( تذوق العجينة لو حلو خلاص لو لسه تزود نص كباية

بنفس علبة السمن 3 مقادير دقيق( يعني تضيف بنفس العلبة 3 مرات دقيق)

3 ونص معالق بكينج باودر كبيرة مليانة( معلقة اكل)

كباية لبن ( حليب)

الطريقة:

تحط الدقيق في طبق عميق ( الي حتعجن فيه)

تضيف البيض

وتضيف البيكنج باودر

وبعد كده السكر

وتحط ميه حسب العجينة (لا تكون طرية ولا ناشفة .. تكون متماسكة وما تلزقش في الأيد)

بعد ما تخلص تعجن تبتدي تكورها وتقلبها في ايدك

(زي ما تكون بتضرب كف بكف )

شكلها بيكون دواير وممكن تضفر الأطراف

وتدهنها بالبن من فوق وترش عليها حبة البركة وسمسم وتدخلها الفرن

صحتين وعافية :closedeyes:

تم تعديل 31 أكتوبر 2006 بواسطة شهد

[shahd]

المطيط

المقادير :

كباية زبادي

كباية ميه

معلقتين دقيق

معلقة صغنونة ملح

معلقة صغنونة زعتر

ثوم مطحون

شوية فلفل احمر

الطريقه

تحط اللبن والمية في حلة وتصب الدقيق شوية شويه ونخلطه لحد ما

يدخل في بعضه

تحط الحلة على النار وتحط عليها الملح والزعتر والثوم والفلفل الأحمر

وتخليه على نار عاليه لحد ما يبتدي يغلي بعد كده تهدي النار وتسيبه يغلي 5 دقائق او اقل من كده

وبالهنا والشفا -_-

بقالي 500 قرن بسمع عن الأكلة دي بس عمري ما شفتها ولا عملتها -_-

تم تعديل 21 نوفمبر 2006 بواسطة شهد

[shahd]

المرقة(مرقة اللحمة)

المقادير

اللحمة

1 بطاطس

2جزر

1كوسة

ثوم

نص بصلايه

نص طماطميه

كبزرة

ملح

بهارات(كمون وهيل و قرفة فلفل قرنفل وهرد وكبزرة حبوب)(تتخلط كلها مع بعض )

الطريقة

تغلي اللحمة في المية كويس

تخلط الجزر والبطاطس والثوم البصل والكزبرة والطماطم والكوسة في الخلاط وبعد كده تضيفها على المية الي فيها اللحمة

وبكده تتكون مرقة اللحمة بس استنى عليها لما تستوي :P

[Folana]

السلام عليكم ورحمة الله ...

تيتا شهد يا تيتا....اولا تسلم ايديك يا جميلة ..ثانيا ..لو اللى بيتكلم يمنى فالمستمع مصرى يا تيتا...بالراحة على كده شوية علشان انا نسيت الطبيخ وشغالة دليفرى اليومين دول...

مرقة دى يعنى شوربة صح؟...ماتحضرونا ياجماعة..

طيب أمنا بالله...دلوقت احنا خنغلى اللحمة على النار...كويس..يعنى نسيبها تستوى ولا تغلى بس؟

الخضار ده ..حينضرب كده افترا...وهو صاحى يعنى ..ولا حنسلقه الاول وبعدين نضربه علشان نضمن صعود الروح؟

ممكن توضيح ياتيتا يارب يخليك ...علشان انا باجرب الحاجات دى ..وسى الاستاذ بيزعل جدا لما ابوظ طبخة...اصله عسبى ..عسبى جدن....

وشكرا نينة الحاجة

فولانة

[shahd]

السلام عليكم ورحمة الله ...

تيتا شهد يا تيتا....اولا تسلم ايديك يا جميلة ..ثانيا ..لو اللى بيتكلم يمنى فالمستمع مصرى يا تيتا...بالراحة على كده شوية علشان انا نسيت الطبيخ وشغالة دليفرى اليومين دول...

مرقة دى يعنى شوربة صح؟...ماتحضرونا ياجماعة..

صح المرقة هيا الشوربة

طيب أمنا بالله...دلوقت احنا خنغلى اللحمة على النار...كويس..يعنى نسيبها تستوى ولا تغلى بس؟

لاتخليها تستوي

الخضار ده ..حينضرب كده افترا...وهو صاحى يعنى ..ولا حنسلقه الاول وبعدين نضربه علشان نضمن صعود الروح؟

هههههههه حلوة صعود الروح دي وعهد انا عسللللللللل

بصي ياست الكل الخضار حتسلقيه مع اللحمة بعد ما يستوي بس ما يتهريش قوي يعني بمجرد ما تلاحظي انه بقى طري ومكن يتخلط تطلعيه من المرقة تضربيه في الخلاط وترجعيه تاني في المرقة

وممكن كمان عشان المرقة تبقى جامدة تحطي معاها شحمايه او لو كانت اللحمة فيها شحم تخلي الشحمة تستوي في المرقة وبعدين تطلعهيا من بعد ما تستوي وتضربيها في الخلاط وترجعيها في المرقة

ممكن توضيح ياتيتا يارب يخليك ...علشان انا باجرب الحاجات دى ..وسى الاستاذ بيزعل جدا لما ابوظ طبخة...اصله عسبى ..عسبى جدن....

وشكرا نينة الحاجة

فولانة

نينا فولانة كل سنة وانت طيبة ياست الكل ومعلش على الوصف السريع

شوفي كده لو مش واضحه اوضح اكثر حضرتك تأمري :unsure:

[عبده بيه]

تسلم الايادي لكن عندي سؤال الطعم اخباره ايه لاني فعلا عمر ما جاه في دماغي الاكل في اليمن عامل

وشكرا

[shahd]

تسلم الايادي لكن عندي سؤال الطعم اخباره ايه لاني فعلا عمر ما جاه في دماغي الاكل في اليمن عامل

وشكرا

المسألة مسألة اذواق اخي الفاضل .. فهناك من يحب الأكل الصيني... واخر الأكل الشامي وغيره اليمني وهكذاا.. فلولا اختلاف الأذواق لبارت السلع..

شكرا على مرورك وعيدك مبارك :wub:

[Folana]

السلام عليكم ورحمة الله ....

تسلم ايديك يا شهودة يا جميلة.....كل اكلاتك تجنن...كده تمام واضحة جدا ...ويالا بقى منتظرين وصفات لخروف العيد ...

نينة فلانة

[shahd]

قرررررررررررررررب وشوف

طبق يمني لزيز

وصفة جميلة

الذموووووووووووول

المقادير

سبع بيضات ..

كبايتين زبدة ..

اربع كبايات دقيق

اربع كبايات حليب

معلقة خميرة. معلقتين حبه البركة

معلقتين ملح

معلقتين سكر

الطريقه

تحط كوباية الحليب الدافي في صينيه وتضيف لها معلقة الخميرة والسكر والملح وتخلط الكل لحد مايذوب

تحط الزبدة في حلة وتسخنها فوق الفرن لحد ما تغلي ولونها يحمر وتسيبها لحاد ما تبرد

بعد كده تكسر البيضات كله واحده لوحدها وتضيف بياض البيض في الصينيه الاولانيه وتسيب صفار البيض في صينيه صغيره وتحط عليه حبه البركة عشان تدهن بيها الذمول بعد كده

تضيف الدقيق والزبدة وتخلطهم كلهم وتعجن العجينه كويس وتسيبها تتخمر

بعد ما تشوف ان حجم العجينة العجينه الطرية ابتدى يتضاعف

تقطعها في اطباق مدهونه بزبدة وتسيبها تتخمر مرة تانية

بعد ما حجمها يتضاعف تاني في الأطباق

تسخن الفرن في درجة حرارة 400

تخبز الذمول لحد ما يحمر من الجهتين..

تطلعها من الفرن وتسيبها تبرد

والف هنا وشفا مع كباية شاي وفنجان قهوة

عمري ما جربت اعملها بس لزيززززززززززة

جربوها وعلى ضمانتي :blush2: :lol:

تحيااااااااااااتي

تيتا شهد

تم تعديل 2 فبراير 2008 بواسطة شهد

[shahd]

العقــــــــــدة

المكونات والحاجات والمحتاجات

لحم رضيع كجم واحد

بصلايه متوسطة

بطاطساية كبيرة

طماطمايه متوسطة

فص ثوم

1/2 معلقة اكل كمون

حبايتين هيل

1/4 حزمة كبزرة

معلقة فلفل احمر عدني مطحون ( المعلقة اللي بناكل بيها)

4 كبايات ميه دافيه

ملح

3 معالق اكل صلصة طماطم

الطريقة

هات مقلاة( حلة اللي بتقلي فيها) وحط فيها البصل المقتطع وشوية زيت وتحمره لحد ما يذبل.

حط اللحمة بعد ما تتتغسل كويس وقلبها لحاد ما تحمر بعد ما تتقطع قطع متوسطة .

حط البطاطس المقطعة على شكل دواير وقلبها لما تحمر وضيف بعدها الطماطم المقطعة و الثوم المهروس والكمون والهيل وصلصة

الطماطم والفلفل الأحمر العدني والميه وخليه على نار هاديه.

بعد كده قطع الكبزرة اقطع صغنونة وحطها فوق الخلطه وتتقدم سخنة

وبالهنا اوالشفا

مش عمايل ايديا وحياة عنيا :lol:

[amrhoras]

ربنا مايوقفلك عقده ابدا

اسمها غريب بس شكلها لذيذ الطعم

العيوب حاجه واحده بس دورى ع البديل من الان

الـــــــــــــــــــــــــــــــــــــــــــــــــــــــبصـــــــــــــــــــــ

ـــــــــــــل هو مفيش حد فى الدنيا دى يعمل طبخه من غير بصل ليه كدى

موضوع جميل دخل ع سنه وشهرين ماشا الله

وكل اكله واكله تفتح الشهيه انا جعت خلاص :blush2:

قريت 6 صفحات لوحدى اه وربنا لسالى 4 صفحات :blink: بس ياريت اعمل طبخايه واحده من الوصفات الجميله دى

ونجرب اكل اليمن بدال الكبسه اللى خلاص قربت اكاكى منها دى :lol: كل يوم كبسه فراخ فراخ فراخ مبتخلصشي :sad:

تسلم ايديكى يا شيف تيته شهد اول مره اقابل طباخ روائي شاعرى :lol: لا ماشا الله عليكي نمسك الخشب wst::

تحياتى ونقول بسم الله الرحمن الرحيم ناكل بقى ونتابع mc(:

حلو انزل مصر احكى لياره حدوته والوالده وصفه :blink:

:blink:

[zizetta]

إيه يا شهد .. لحم الرضيع ده .. إحنا حناكل عيالنا يعني ... بجد إتخضيت لما قريت الكلام ده ...

لكن لما هديت كده وقعدت مع نفسي وفكرت ان مفيش اي سبب للخضة لأني معنديش حد رضيع .. قلت أكيد تقصدي اللحم البتلو .. مش كده .. بس الكلمة دي تخلي الواحد يعيط وهو بياكل علي الرضيع اللي حيندبح يا عيني قبل ما يفطموه ...

ياللا جو أهيد في عيش السرايا بالقشطة وحياتك ...همممم نممممم.

تحياتي

زيزيتا

[zizetta]

وحياتك يا شهد بالمرة بقى والنبي غيري صورة اللوجو بتاعك أحسن خفت أكتر .. :lol:

[shahd]

إيه يا شهد .. لحم الرضيع ده .. إحنا حناكل عيالنا يعني ... بجد إتخضيت لما قريت الكلام ده ...

لكن لما هديت كده وقعدت مع نفسي وفكرت ان مفيش اي سبب للخضة لأني معنديش حد رضيع .. قلت أكيد تقصدي اللحم البتلو .. مش كده .. بس الكلمة دي تخلي الواحد يعيط وهو بياكل علي الرضيع اللي حيندبح يا عيني قبل ما يفطموه ...

ياللا جو أهيد في عيش السرايا بالقشطة وحياتك ...همممم نممممم.

تحياتي

زيزيتا

ههههههههههه عسولة ضحكتيني ياقمر ما تتخضيش ..هو البتلو على ما اعتقد اصل انا ماليش في مواصفات اللحمة

انا بطبخ باللي الاقيه قدامي .. :lol:

هما في البيت يجيبوا اللحمة وباقي الحاجات والمحتاجات وانااشمررررررررررر عن ساعدي .. حلوة الحتة الفصحى دي :lol:

اخلص التموين واعمل الأكل لما يبقى ليا مزاج

وعينك ما تشوف الا النوووووووووووور :sad: :D

اتفضلي معانا بسم الله :D

عيش السرايا مش تبع اليمن ده ما اعرفوش :wub:

[shahd]

وحياتك يا شهد بالمرة بقى والنبي غيري صورة اللوجو بتاعك أحسن خفت أكتر .. :lol:

حاااااااااااضر ياجميل اغيره ان شاء الله بس لما افوق من عنيا :sad:

[shahd]

ربنا مايوقفلك عقده ابدا

اسمها غريب بس شكلها لذيذ الطعم

العيوب حاجه واحده بس دورى ع البديل من الان

الـــــــــــــــــــــــــــــــــــــــــــــــــــــــبصـــــــــــــــــــــ

ـــــــــــــل هو مفيش حد فى الدنيا دى يعمل طبخه من غير بصل ليه كدى

موضوع جميل دخل ع سنه وشهرين ماشا الله

وكل اكله واكله تفتح الشهيه انا جعت خلاص

قريت 6 صفحات لوحدى اه وربنا لسالى 4 صفحات :) بس ياريت اعمل طبخايه واحده من الوصفات الجميله دى

ونجرب اكل اليمن بدال الكبسه اللى خلاص قربت اكاكى منها دى :unsure: كل يوم كبسه فراخ فراخ فراخ مبتخلصشي :sad:

تسلم ايديكى يا شيف تيته شهد اول مره اقابل طباخ روائي شاعرى :sad: لا ماشا الله عليكي نمسك الخشب :blink:

تحياتى ونقول بسم الله الرحمن الرحيم ناكل بقى ونتابع mc(:

حلو انزل مصر احكى لياره حدوته والوالده وصفه :ninja:

bv:-

أخي الفاضل عمرو أشكرك على الكلام الجميل الأكثر بكثير مما استحق

بارك الله فيك ولك خالص تقديري

تحياتي تيتا شــــــهد

[واثق الخطوة]

أنا عن نفسي عاشق للمطبخ اليمني

وأرى أنه مظلوم عربياً

عموما

ولأنك ذكرتيني بالماضي الجميل

أريد أن أعرف طريقة عمل

- المضبي

-المندي

-الحنيذ

-المرقوق

-المثلوثة عموما

-المضغوط ...

وشكرا لك

[shahd]

أنا عن نفسي عاشق للمطبخ اليمني

وأرى أنه مظلوم عربياً

عموما

ولأنك ذكرتيني بالماضي الجميل

أريد أن أعرف طريقة عمل

- المضبي

-المندي

-الحنيذ

-المرقوق

-المثلوثة عموما

-المضغوط ...

وشكرا لك

مرحبا بك استاذي الفاضل واثق الخطوة في المطبخ اليمني نورت وشرفت

دي وصفة المندي

المندي

حتلاقيها في مشاركة رقم 32

وعدنا بوصفة المندي

المقاديــــــر :-

مقادير يا مندي الهنا

مقادير لزيز طعمي اناااااا

ايه يا شهد انت حتغني

الناس عايزة تاكل

طيب خلاص اهيه

مااااااااااااااااقدييييييييييييييير

نص خروف ( أو خروف كامل ) على حسب عدد الأشخاص

الا لو كان في حد ممكن ياكل خروف كامل لوحده

فلفل أسود / ملح / بهرات مشكلة

عجيـــــن

الطريقـــــــة :-

هيييييييييييييييييييه تعددت الطرق والمندي هو هو من عهد جدي قرطاس السابع عشر

دنيااااااااااااااااااااااااا

خلاص خلاااااااااااص

خدو الوصفة

تسخن التنور) بالحطب والفحم لمدة نص ساعة لحد ماالجمرات تحمر

تعمل تتبيلة اللحم اشي ملح على شوية بهارات وفلفل

ويعلق بواسطة قطبان حديدية مرصوصه على فوهة التنور ويعلـق بها اللحم .

تحطها في حلة غويييييطه وواسعه في قعر التنور ( الموفأ ) لحد مالميه الطالعه من اللحمة

تنزل في الحلة

تقفل التنور بغطا حديد وتاخد العجين الجاهز وتطلي بيه به أطراف التنور كويس عشان الهوا والبخار ما يطلعش بره وتسيبه بتاع ساعتين ولا ثـــلاثه

حسب كمية اللحم

المرقة الي فاضلة من اللحم ممكن تتشرب او ممكن تطبخ بيها الرز بدل الميه الصافيه والرز يطلع الز بالطريقة دي ( بمرقة اللحمة )

الي ما عندوش تنور يعملها في الفرن وياصابت يا خاااااابت

لا بعون الله حتصيب

وبالهنا والشفا

تحياتي تيتا شــــــــــهد

من قدام باب الفرن

وان شاء الله اجيبلك كل الوصفات اللي حضرتك طلبتها

[واثق الخطوة]

خلاص اعطيت الوصفة لخالتك (ام بيكو)

وعماله تذاكر فيها اهه قدامي

ووعدتني بالتجربة ! بعد الدراسة والقراءة المتأنية!!!!!!!!!!

شاكر لك أسلوبك المرح في العرض !