مرتب الزوجة من حق مين؟

[MIMO]

يثير موضوع العلاقة المالية بين الأزواج بعض الحساسية خاصة عند الرجال منهم الذين يعتبرون أن الاستعانة براتب الزوجة يعتبر نقيصة بل ويفتخر أنه لا يمد يده لراتب زوجته أبداً ( وإن كان نفسه فيه ) ، فهل من حق الزوج أن يأخذ راتب زوجته باعتبار أن وقت عملها هو ملك للبيت وعليها أن تعوض البيت عن ذلك ، وهل إذا فعل الزوج ذلك فتعتبر عيبه في حقه ، أم أنه من الأفضل أن تحتفظ الزوجة براتبها لا تصرف منه مليماً ، ويتحمل الزوج كل الأعباء المترتبة على خروج المرآة للعمل ، علماً بأن تكدس الأموال في يد الزوجة قد يخيل لها بعض النفوذ داخل البيت.

أرجو معرفة أراءكم خاصة المتزوجين والمتزوجات منكم نظراً لما تحمله من خبرة دراية.

[Salwa]

موضوعك اسمه.........مرتب الزوجة من حق مين ؟؟

من حقها طبعا...والزوجة لها ذمة مالية منفصلة ...والزوج ملزم ان ينفق عليها حتى لو كانت موسرة ولديها اموالا طائلة ....وديننا واضح فى هذه النقطة بالذات ..

من الأفضل لو كان الزوج موسر الا يطالب او يشعر الزوجة انه يحتاج لراتبها .( لأنه فى هذه الحالة لن يكون احتياج مالى لكن مجرد حصول على مورد لها حتى تظل خاوية الوفاض لاقتناعه ( كما تقول عاليه ) ان بعض النساء يغرهن كثرة المال ويصبحن اكثر نفوذ ...او ما معناه.

اما ان كان البيت يحتاج لهذا المبلغ مثلا ...او يوجد اولاد ومتطلباتهم كثيرة ....فيجب على الزوجة بدون ان تحرج زوجها ان تضع مرتبها فى المنزل ......وهى بهذا تحسن من دخل اسرتها وتعمل لصالح ابناءها وتخفف عن زوجها اعباء كثيرة لا يستطيع تحملها وحده..

يجب ان نعلم ان ارهاق الرجل وتحمله كل المصروفات ( مع احتفاظ الزوجة بكل المرتب مدخر او كوديعة ) ...هى بهذا ضمنت المرتب لكن لن تضمن الزوج...ويكفى ان يشعر فى يوم من الايام ان هذه السيدة تأكل وتعيش من ماله وتراه فى حيرة ولا تعبأ به..

ويكفى انه يتحمل خروجها للعمل بما فيه من اهدار لوقت اولى به بيتها واولادها ....( انا اتحدث عن زوجة تعيش لنفسها فقط )...ثم عودته مرهق من عمله وهى ايضا .....لكن هو كأنه معاقب وهى كأنها تأخذ جائزة ...( سوف يشعر بالظلم الواقع عليه ).....فى احيان كثيرة يصمم الرجل على بقاء زوجته فى المنزل ....والنتيجة ؟؟

فى حالة احتياج البيت لمرتب الزوجة وامتناعها عن ذلك .............

اعتقد انه شئ غير انسانى بالمرة فى هذه الحالة ...

لايوجد اجبار ........لكنها عملية مشاركة ضرورية....مادية ووجدانية ... لنجاح اى زواج..

[Eldisel]

الحياة الزوجية ماهي الا مشاركة بين فردين ... مشاركة في الحياة ... وفي بناء الاسرة الساليمة ... مش عشان واحد ياخد مرتب التاني

الزوجة مسؤلة من الزوج والبيت كذلك مرتب الزوجة من حقها .... ولو الرجل ليس قادر علي تحمل اعباء الحياة وحدة فممكن ان تشاركة في ذلك بدون اجبارها علي ذلك وان امتنعت عن المشاركة( تبقى الست دي مش بتاعت عِشره - بشد العين وكسرها -) ... لكن مهما كان انت لاتستطيع ان تجبرها وتاخد مرتبها بالقوة اما لو كان الزوج ميسر الحال فطبعن لايطلب منها شئ ومرتبها ليها تفعل بة ماتشاء

وكل شيء يجي بالاتفاق .. يعني ممكن تتفقوا ان كا واحد فيكوا يساهم في مسروف البيت ودة الي ماشية بي معظم بيوتنا المصرية لكن بالاتفاق

والله اعلم

[nancy]

مرتب الزوجة من حق الزوجة ومشاركتها فى البيت بما تملك راجع لها ولاحساسها بالمسؤلية ناحية اولادها وبيتها

انما مش من حق الزوج المطالبة بة كاحد حقوقه

[MZohairy]

قطعا حق الزوجه

اذا كانت تعرف حق بيتها عليها

[متمردة]

طبعا مرتب الزوجه من حقها وبدون شك وهيه اللى بتحس بعائلتها وباحتيجها للمال من شغلها فبتعطيه لاسرتها بدون احراج من الزوج وده مش معناه ابدا الاستباد

لكن للاسف الشديد

بنجد الزوجه هيه اللى بتروح تشتغل وبتدوى الدروس وبتجيب الاكل وهيه جايه من الشغل وتودى النوادى وتجيب الاولاد وطبعا وظيفتها كربه بيت فى المنزل ونجد بعض الازواج بكل برود يروح يقعد على القهاوى ويشرب السجاير ويشرب قهوة وشيشه كل ده من مرتبه لا وكمان لما يجى اخر الشهر ممكن ياخد من زوجته علشان يروح القهوة او يتفرج على الماتش

مش عارفه بجد مين المستبد هنا ؟ حد يقولى

[Alshiekh]

بدون حساسيات

السؤال بيقول :

مرتب الزوجة من حق مين

وبما ان السؤال يشير الى الزوجة ، فهو يشير الى عضو فى اسرة ، وبما اننا نقول ان الحياة الزوجية هى شركة تبدأ بالزوج والزوجة ثم ينضم اليها الصغار الى حين ثم ينسلخ منها الصغار لتبقى على الزوج والزوجة مرة أخرى ، وجرى العرف على ان يبحث الانسان عن شريك حياته ، فاعتقد ان الاجابة هى ان مايحصل عليه اى فرد فى اعضاء الاسرة التى تعيش تحت سقف واحد هو حق للجميع.

وأنا لاأعترف بوجود مال خاص للزوج او الزوجة الا اذا كان ناتج من ميراث او كان مصدره العائلة ، او ماتحصل عليه الزوجة من اداء وظيفى فاعتقد انه نتاج عمل مقتطع من وقت مملوك للاسرة ، تماما كما الحال مع الرجل. ورايى أن الثروة التى تحدث بعد الزواج من اداء وظيفى هى ملك للزوجين.

أما الاراء التى ترى ان مرتب الزوجة من حقها فقط ، فأرى أنها اراء تتسم بالانانية ، وتضع المرأة فى صورة الشخص الانانى الجشع الذى يأخذ ولا يعطى ، مع العلم ان العكس صحيح ، فالمرأة معطاءة بلاحدود كما الرجل تماما .

اتمنى الا تفسدوا العلاقة بين الزوجين بآراكم التى لاتطبقونها على انفسكم ، وأعتقد ان كل السيدات الفضليات هنا يساهمن قدر استطاعتهن فى توفير حياة كريمة او رغدة لاسرهن سواء كان المصدر هو وظيفة أو ميراث أو مساعدة من الاهل ان كانوا موسرين.

بنجد الزوجه هيه اللى بتروح تشتغل وبتدوى الدروس وبتجيب الاكل وهيه جايه من الشغل وتودى النوادى وتجيب الاولاد وطبعا وظيفتها كربه بيت فى المنزل ونجد بعض الازواج بكل برود يروح يقعد على القهاوى ويشرب السجاير ويشرب قهوة وشيشه كل ده من مرتبه لا وكمان لما يجى اخر الشهر ممكن ياخد من زوجته علشان يروح القهوة او يتفرج على الماتش

مش عارفه بجد مين المستبد هنا

لا ياست متمردة أنا أختلف معاكى ، معظم الازواج يعملون فى وظيفتين لتدبير احتياجات اسرهم ، أما من تتحدثين عنهم من رواد المقاهى والماتشات فهم قلة قليلة ولا يمكن اعتبارها هى الاساس

[MIMO]

بالطبع أثمن جميع المشاركات في الموضوع وإن كان هناك جملة لاحظت تكرارها في معظم المشاركات وهي (مرتب الزوجة من حق الزوجة ) بالطبع الكل يعلم ذلك لكن ما لم يقال أن أيضاً ترك البيت لمدة تزيد عن ثمان ساعات ليس من حق الزوجة وحرمان البيت (الزوج والأبناء) من الأم ليس من حق الزوجة.

كما أن ما حذرت منه عند طرحي للموضوع من استعلاء الزوجة واستقوائها بسبب تكدس الأموال بين يديها يجعل كثير من ضعيفات النفوس تعاير زوجها بين الحين والآخر بنفس الكلام الذي ذكرته الأخت (متمردة) حين قالت:

(بنجد الزوجه هيه اللى بتروح تشتغل وبتدوى الدروس وبتجيب الاكل وهيه جايه من الشغل وتودى النوادى وتجيب الاولاد وطبعا وظيفتها كربه بيت فى المنزل ونجد بعض الازواج بكل برود يروح يقعد على القهاوى ويشرب السجاير ويشرب قهوة وشيشه كل ده من مرتبه لا وكمان لما يجى اخر الشهر ممكن ياخد من زوجته علشان يروح القهوة او يتفرج على الماتش).

ولذلك أنا أفضل طالما أن الزوجة لن تشارك في مصروف البيت أفضل أن تجلس عن العمل وتقوم بكل الاشياء التي ذكرتها الأخت (متمردة) من تربية للأبناء واعطاء الدروس والنوادي وخلافه ، دون مَن أو تفضل منها.

أما إذا كان البيت في حاجة إلى عملها فلها أن تعمل بشرط أن تعوض البيت عن الساعات الثمانية (ثلث اليوم) التي تقضيها خارج البيت وفي هذه الحالة يكون:

( ثلثي مرتب الزوجة فقط من حق الزوجة).

وهذا اجتهاد مني أعتقد أنه الصواب

مش كده ولا أيه؟؟؟

[ahm_ali_baba]

أما إذا كان البيت في حاجة إلى عملها فلها أن تعمل بشرط أن تعوض البيت عن الساعات الثمانية (ثلث اليوم) التي تقضيها خارج البيت

افهم من كدة ان الزوج متزوج خدامه

:wub: :wub:

يا جماعه الخير

...

الزوجه تعمل لان دخل زوجها لا يكفى احتياجات البيت ............ وهى هنا لا تتمنن على زوجها بقدر ما تشاركه فى توفير حياة افضل لهما ولأولادهم

او لانها تعيش فى فراغ كبير لو كان دخل زوجها عالى ............. وهى هنا تعمل ليس من اجل المال بل من اجل تحقيق الذات

وفى كلا الحالتين

الزوجه انثى وتحتاج الى ابراز انثوتها لزوجها ولنفسها قبل زوجها

لذلك عيب جدا ان يفكر الزوج فى سؤال ( مال الزوجه من حق مين ) اللهم الا اذا كان الزوج طماع

والزوجه التى ترى زنقه زوجها الماليه ولا تتطوع بمساعدته هى أمرأة عمياء البصر والبصيرة ولا تستحق ان تكون زوجه

[nancy]

لا معلش بقى

ان الست تشتغل لما يكون البيت محتاج انا مش مع دة خالص الست مش بتتعلم علشان فى الاخر تعرف تربى الولاد وبس

هى بتتعلم علشان تكون عضوا عامل فى المجتمع ولاها كيان مستقل ودة بيحققة شغلها برة البيت

ومن راى من حق الراجل طبعا انة يقبل او يرفض انة يتجوز واحدة شخصيتها مستقلة او يتجوز واحدة تكون تابع امين

انما البنت بتتعلم علشان تشتغل وتستفيد بعلمها مش يبقى الحال

ان ياما تشتغلى وتساهمى ياما متشتغليش وتبقى شغالة وبس

عمل الزوجة حق لها ومرتبها حق لها مسهمتها دة احساس منها بالمسؤلية .. مش اكتر

[صفاء]

ربنا سبحانه وتعالى خلق الزوجة وخلق معاها الصبر والعطاء والتضحية

وده متوفر فى سيدات كتير

فاذا كانت الزوجة بتشتغل لاهداف كثيرة معروفة .. فأكيد من ضمن الأسباب دى رفع المستوى المعيشى للأسرة وإعانة الزوج على مصاعب الحياة

يعنى بيكون تكرما منها وتفضل انها تساعد وأكيد ربنا سبحانه وتعالى سيؤجرها خير على عملها

مرتب الزوجة تتحكم فيها على حسب طبيعتها وتكوينها

هى بالطبع حرة فيه

ان كانت أنانية هيكون لها وحدها حتى لو رأت ان زوجها لا يوفر احتياجات البيت الكاملة

وان كانت متسامحة هاتساعد بالقدر اللى تراه مناسب

انا طبعا مع ان الزوجة تعطى وتظل تعطى .. وتساهم بمرتبها او على الاقل بجزء منه لكن بشرط ...

ان الزوج ميتنحش فيها ويعتبر ان ده إلزاما عليها

وييجى سبع البرومبة أول كل شهر ويقوللها إبّى بالمعلوم

فين المرتب وعملتى بيه ايه

كده يبقى لامؤاخذة تناحة وغتاتة

ولا ايه !!!

[Lembic]

ربنا سبحانه وتعالى خلق الزوجة وخلق معاها الصبر والعطاء والتضحية

وده متوفر فى سيدات كتير

فاذا كانت الزوجة بتشتغل لاهداف كثيرة معروفة .. فأكيد من ضمن الأسباب دى رفع المستوى المعيشى للأسرة وإعانة الزوج على مصاعب الحياة

يعنى بيكون تكرما منها وتفضل انها تساعد وأكيد ربنا سبحانه وتعالى سيؤجرها خير على عملها

مرتب الزوجة تتحكم فيها على حسب طبيعتها وتكوينها

هى بالطبع حرة فيه

ان كانت أنانية هيكون لها وحدها حتى لو رأت ان زوجها لا يوفر احتياجات البيت الكاملة

وان كانت متسامحة هاتساعد بالقدر اللى تراه مناسب

انا طبعا مع ان الزوجة تعطى وتظل تعطى .. وتساهم بمرتبها او على الاقل بجزء منه لكن بشرط ...

ان الزوج ميتنحش فيها ويعتبر ان ده إلزاما عليها

وييجى سبع البرومبة أول كل شهر ويقوللها إبّى بالمعلوم

فين المرتب وعملتى بيه ايه

كده يبقى لامؤاخذة تناحة وغتاتة

ولا ايه !!!

أظرف حاجة : إبّى ، ميتنحش فيها ، تناحة وغتاتة ! :P مش ناقص إلا حنصيع على بعض ، إدفعى بالتى هى أحسن، بلاش الطناش بلاش ياحبيبى (مع الإعتذار للعندليب) :lol:

[Lembic]

لا معلش بقى

ان الست تشتغل لما يكون البيت محتاج انا مش مع دة خالص الست مش بتتعلم علشان فى الاخر تعرف تربى الولاد وبس

هى بتتعلم علشان تكون عضوا عامل فى المجتمع ولاها كيان مستقل ودة بيحققة شغلها برة البيت

ومن راى من حق الراجل طبعا انة يقبل او يرفض انة يتجوز واحدة شخصيتها مستقلة او يتجوز واحدة تكون تابع امين

انما البنت بتتعلم علشان تشتغل وتستفيد بعلمها مش يبقى الحال

ان ياما تشتغلى وتساهمى ياما متشتغليش وتبقى شغالة وبس

عمل الزوجة حق لها ومرتبها حق لها مسهمتها دة احساس منها بالمسؤلية .. مش اكتر

أنا مع عمل الزوجة 1000% بس مش على أساس شخصية مستقلة وعضو عامل والكلام ده إنما علشان عملها خارج البيت حيكسبها خبرة عملية وإن الحياة مش وردية وتكون شريك واعى وعلى دراية بالدنيا ومتاعبها وبالتالى تغرز ده فى أبنائها وبناتها لكن يجب أن تعلم بأن حياتها أصبحت مش ملكها لوحدها يعنى مش على حساب بيتها وأبنائها اللى مسؤلين منها هى وزوجها معا.

إنما موضوع مرتبها فهذا شيئ خاضع لتفاهمها مع زوجها ويعيب الزوج أن يأخذ منه بغير رضاها.

أنا رايح أجرى أحسن أضرب! :P