اذهب إلى المحتوى
محاورات المصريين

هد عايز يشتري هاجه هلوه ؟

se_ Elsyed

بواسطة se_ Elsyed
في موضوعات خفيفة

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

للعام الثاني على التوالي وبنجاح ساحق يحصل معايا نفس الموقف ده ..

بس المره دي حصل تاني يوم بعد ما وصلت

الباب يخبط آلاقي بنوته صيني صغيرة من اللي بنشوفهم في الأفلام بس ناتعه على ضهرها شنطة زي بتاعت الرحلات وماسكه في إيدها شنطة تاني زيها ..

لكن بتتكلم عربي زي السُكر

وما لحقتش أقولها عايزه إيه .. إلا ولقيتها بتقولي " ماما فين ؟ "

ماما !!!!

يعني الحيطه اللي واقفه سده الباب قدامك دي مش ماليه عنيكي فعشان كده عايزه حد كيبر تكلميه ؟

فقولت أخدها على قد عقلها حاكم أنا عارف الصينيين خلقهم ضيق وممكن تتعصب عليه تقوم مدياني واحده كونغ فو تكعورني من على السلم ..

فقلت لها : ماما مش هنا .. أي خدمة ؟

فقالت لي : تشتري هاجات هلوه ؟

فقلت لها : بسبوسه يعني وكنافه وحاجات من دي ؟

فقالت : لأ دي هاجات هلوه .. وخرجت لي مفارش سفرة وقمصان رجالي وحركات وحاجات غريبة وكإن الشنطة دي جراب حاوي وكل ده وأنا واقف فاره الفم عريض المنكبين ومترقب الوقت ده كله عشان قلت هاتعملها وتخرج من الشنطة عربية " تشيري " من اللي بتتصنع في الصين ..

فقلت لها لو كنتي قدمتي شويه كنتي هاتلاقيني جايب كل حاجه معايا من الأراضي الحجازية وأولهم المروحه اللي بتنور ( اللي وصاني عليها زهيري ) والتسجيل أبو روحين ( تصوروا بيشتغل كاسيت وراديو ؟ )

السؤال هنا بقى

مين دول ؟

ولا مؤخذه هي المشرحه ناقصة قُتله لما الصينيين يغزوا البلد ؟

وبعدين الناس دي عايشه معانا بشكل رسمي ولا ضاربين تأشيرات .. ومين اللي بيتابعهم ؟

وبعدين في منهم بنات مأجرين شقة واحد صاحبي مفروش وشافهم بعينه جايبين بضاعة مختلفة مصرية وجايبين تيكتات ماركات عالمية وقاعدين يضربوا البضاعة دي ويبيعوها على إنها أصليه وبأسعار رخيصة .... يبقى فين وزارة التموين ووزارة السحل قصدي الداخلية ؟

إصحي يا حكومة الخطر الأصفر قادم ... ولا أنتوا ما بتتشطروش غير على الغلابة المصريين وبس ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
صبح عضو جديد

صبح

بتاريخ:
بتاريخ:

للعام الثاني على التوالي وبنجاح ساحق يحصل معايا نفس الموقف ده ..

بس المره دي حصل تاني يوم بعد ما وصلت

الباب يخبط آلاقي بنوته صيني صغيرة من اللي بنشوفهم في الأفلام بس ناتعه على ضهرها شنطة زي بتاعت الرحلات وماسكه في إيدها شنطة تاني زيها ..

لكن بتتكلم عربي زي السُكر

وما لحقتش أقولها عايزه إيه .. إلا ولقيتها بتقولي " ماما فين ؟ "

ماما !!!!

يعني الحيطه اللي واقفه سده الباب قدامك دي مش ماليه عنيكي فعشان كده عايزه حد كيبر تكلميه ؟

فقولت أخدها على قد عقلها حاكم أنا عارف الصينيين خلقهم ضيق وممكن تتعصب عليه تقوم مدياني واحده كونغ فو تكعورني من على السلم ..

فقلت لها : ماما مش هنا .. أي خدمة ؟

فقالت لي : تشتري هاجات هلوه ؟

فقلت لها : بسبوسه يعني وكنافه وحاجات من دي ؟

فقالت : لأ دي هاجات هلوه .. وخرجت لي مفارش سفرة وقمصان رجالي وحركات وحاجات غريبة وكإن الشنطة دي جراب حاوي وكل ده وأنا واقف فاره الفم عريض المنكبين ومترقب الوقت ده كله عشان قلت هاتعملها وتخرج من الشنطة عربية " تشيري " من اللي بتتصنع في الصين ..

فقلت لها لو كنتي قدمتي شويه كنتي هاتلاقيني جايب كل حاجه معايا من الأراضي الحجازية وأولهم المروحه اللي بتنور ( اللي وصاني عليها زهيري ) والتسجيل أبو روحين ( تصوروا بيشتغل كاسيت وراديو ؟ )

السؤال هنا بقى

مين دول ؟

ولا مؤخذه هي المشرحه ناقصة قُتله لما الصينيين يغزوا البلد ؟

وبعدين الناس دي عايشه معانا بشكل رسمي ولا ضاربين تأشيرات .. ومين اللي بيتابعهم ؟

وبعدين في منهم بنات مأجرين شقة واحد صاحبي مفروش وشافهم بعينه جايبين بضاعة مختلفة مصرية وجايبين تيكتات ماركات عالمية وقاعدين يضربوا البضاعة دي ويبيعوها على إنها أصليه وبأسعار رخيصة .... يبقى فين وزارة التموين ووزارة السحل قصدي الداخلية ؟

إصحي يا حكومة الخطر الأصفر قادم ... ولا أنتوا ما بتتشطروش غير على الغلابة المصريين وبس ؟

كل اللي قلته معاك حق فيه

ما عدا الجزء اللي بالأحمر (العكس هوا الصحيح)

أنا شغال في شركة اتصالات صيني في مصر

ورجل الناس هنا واخدة على الصين رايحة جاية

لا يمكن أن تتخيل مدى انخفاض اسعار المنتجات هناك

وعلى فكرة هناك أنواع من نفس المنتج بأسعار مختلفة حسب الجودة (ومن نفس الشركة) والمنجات الجيدة منها أسعارها أغلى من الدول الأوروبية وجودتها أعلى

حتى بالنسبة لمنتجات شركات الأتصالات تجد عندنا مثلا أربع أو خمس حلول هندسية لنفس المناقصة بأسماء مختلفة لنفس الأجهزة ويتم تقديم كافة الحلول بمختلف الأسعار

والحل الوحيد عندنا (كمصريين عاملين في الشركة ) حيث أن الفروق بين الأجهزة لا تتاح الآ لكبار الشركة الصينيين هي كماقلت من قبل فرق الجودة

اللذيذ في الموضوع أن العديد من شركات الأتصالات (العالمية مش المصرية) فقست النقطة دي

فمثلا في العملية اخيرة لفودافون مصر كانت أسعار اريكسون أقل من أسعار شركتنا (بعد أن أجبروها على حل واحد معتمد دوليا)

وأيضا تكرر نفس السيناريو في الشبكة الثالثة للمحمول

من هنا نجد أننا بينضحك علينا واحنا عارفين ومطنشين :rolleyes:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
Cleo عضو جديد

Cleo

بتاريخ:
بتاريخ:

الصينيون منتشرون بكيانهم وببضاعاتهم الرخيصة فى كل بلدان العالم وليس فى مصر وحدها.. زيارة واحدة لميلانو وسوف تتأكد من كلامى بنفسك..

بتتكلم عربي زي السُكر

العربى؟ :rolleyes:

:P

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
بتتكلم عربي زي السُكر

العربى؟ :rolleyes:

:P

كليو الوحيده اللي فهماني وعارفه إني بأحب السي فوود :P

ماما الصغيرة كانت جوه الشقة وراميه ودانها يا أختي وسامعه كل حاجه ... إستريحتي دلوقت ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Salwa عضو جديد

Salwa

بتاريخ:
بتاريخ:

هنا بقى بيحصل شئ غير طبيعى بالمرة ....فعلا لايصدقه عقل .

يعنى فى المحلات الكبيرة والمحلات المتخصصة تلاقى اقلام الحبر ( المون بلان ) ب300 يورو و400 واكثر واقل واحد ب150 وطبعا اقلام ( الدانهيل ) ده غير كل الماركات المعروفة ...

تروح بقى فيه محلات ( عند الميناء ) ..كلها بضاعة صينى تلاقى نفس القلم (( ولو مسكت عدسة مش حاتقدر تفرق بين الحقيقى والتقليد ) وب6 يورو ..

زوجى اقسم لى( انه فى خلال زيارته لمعرض فى كانتون وشنغهاى ) ان نفس القلم يباع فى الصين بيورو واحد ...وان الرجل الصينى قال له ده نفس المنتج الالمانى والشركة الالمانية بتصنع فى الصين وفيه اتفاق ان المنتج فقط لالمانيا وفيه فى العقد نقطة بتقول ان الشركة الالمانية من حقها تقاضى المسئولين الصينيين فى حالة تسريب اى بضاعة ...(( الاقلام بالذات اعتقد انهم بيسربوها من ورا الالمان ودى حقيقية ) ..

ساعات الرولكس ....من الاستحالة ان تفرق بين الحقيقية والتقليد ....واحدة بتتباع بعشرين الف يورو ومعاها علبتها والجرانتيا بتاعتها ........والتانية بتتباع عند الميناء بتلاتين يورو ......( حقيقى من رابع المستحيل تفرق بينهم )..

يكفى ان اقول لك ان صاحب محل اقلام كان عنده ذهول فعلا فعلا ...

بالنسبة لاوروبا توجد بضاعة صينى ذات جودة عالية جدا جداااااا....

يعنى عند نزولى مصر رأيت الفرق فعلا ......وعندما سألت علمت ان المستورد المصرى بيهمه فقط السعر ولا ينظر كثيرا للجودة ...لكن ؟؟.....ممكن يعطوك جودة عالية لاتفرق بينها وبين المنتج الاوروبى الاصلى ...( لو لم تفاصل معه ) ....

قدروا يوصلوا لجودة عالية جدا جدا .جدااااااا....خصوصا فى مجال قطع غيار السيارات ...ومجال المنسوجات ..

حتى ان لأول مرة فى تاريخ اسبانيا .......تقفل اكثر مصانع المنسوجات ....حقيقى يعنى .الاسبان ..خسروا خسروا كثيرا جدا ...جدااا.....وتضطر الحكومة لوضع ما يسمى بضريبة اغراق حتى تحمى السوق ...يعنى انت تصنع سلعة تكلفك وتساوى عشرة وهم يبيعوها بتلاتة ...طيب ...جعلوهم يدفعوا ضرائب خمسين فى المائة او سبعين ...........فكيف هرب الصينيون من هذا المأزق ؟؟

فجأة وبالصدفة اكتشفنا انهم اخدوا قرية صغيرة فى الاندلس .......آه والله.....كأنهم احتلوها .

واحد صينى عمل مصنع وبيدفع ضرائب وكل اوراقه سليمة .........لكن ؟؟ بيشغل مائة واحد صينى وعامل لهم اوراق وكله تمام ....(( فى الحقيقة هو بيشغل 400 ))) لان الباقى بدون اوراق .....يعيشوا كل اربعين فى شقة ......عيشة غير آدمية طبعا وممنوع...وايضا فى نفس الشقة تلاقى ستة او سبع ماكينات خياطة ...

يعنى الناس دى بتشتغل 20 ساعة فى اليوم ...

القميص الرجالى يباع فى الصين ب60 سنتيم من اليورو ........هو نفسه اللى بيتباع هنا ب40 يورو ...

وحدث ولا حرج على السيديهات ........والشنط الحريمى الماندارينا والفالنسياجا .....لم يتركوا اى شئ الا وقلدوه ...

حتى الشال الاسبانى المشهور والمطرز على اليد والفستان الفلكلورى ........موجود صناعة صينية وبربع الثمن ..

ونزل قرار حكومى تانى ....

ممنوع ان المحلات الصينية تفتح يوم الاحد طول اليوم ....وفقط ممكن تفتح اربع ساعت صباحا ...

وغيره وغيره....

يعنى فى الحقيقة احتلال بمعنى الكلمة وسيطرة على كل الصناعات وتحكم فى الاسواق ....

زحف رهيب ...

طيب حتى سجادة الصلاة صناعة صينية وحتى السبح ...والمنبهات اللى تؤذن ...

والله العظيم امبارح رأيت فى محل صينى كل منتجات خان الخليلى ...

ربنا يستر ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
Sherief AbdelWahab عضو جديد

Sherief AbdelWahab

بتاريخ:
بتاريخ:

السر كله في الشخص الصيني ، قبل البضاعة الصيني ..

فيه ألف طريقة وطريقة بتدخل بيها البضاعة الصيني مصر .. منها طرق شرعية ومنها طرق غير شرعية .. وكله من بورسعيد وغير بورسعيد على باقي أنحاء المعمورة ..

وساعات تلاقي فيه صينيين بيجيبوا الحاجة بنفسهم من الصين لهنا .. عادي..

الشخص الصيني بيتولى البيع بنفسه ، وبيخلص الصفقات بنفسه ، حاجة بتفكرني من بعيد بعبارة رائعة في فيلم لعادل أدهم قالتهاله رغدة : أخطر عصابة في العالم عدد أفرادها 1!

في معارض الشبان المسلمين في المنصورة بأشوف صينيين كتير بياخدولهم جناح ، غير الصينيين اللي بيبيعوا بنفسهم الحاجة ، وطبعاً حتشوفوهم أكثر في بورسعيد ..

أما ظهور محلات صيني في مصر فدي مسألة وقت .. وإن كنت شايف من كلامكم ومن ملاحظاتي المتواضعة إنهم مش مستعجلين خاااااااااااالص ..

ومش الصينيين بس اللي بأشوفهم ، بأشوف كمان ناس مصريين بيحاولوا السير على النهج الصيني ، وشايلين معاهم بضاعة صيني..

خلص الكلام

Sherief El Ghandour<br /><br />a furious Egyptian

رابط هذا التعليق
شارك
صبح عضو جديد

صبح

بتاريخ:
بتاريخ:

أما ظهور محلات صيني في مصر فدي مسألة وقت .. وإن كنت شايف من كلامكم ومن ملاحظاتي المتواضعة إنهم مش مستعجلين خاااااااااااالص ..

يظهر حضرتك ما عديتش على الدقي والمهندسين والمعادي

المحلات دي باقالها أكتر من 4 أو 5 سنين

أنا مش عارف العنوان بالضبط بس لو حبيت ممكن أجيبهملك

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
Sherief AbdelWahab عضو جديد

Sherief AbdelWahab

بتاريخ:
بتاريخ:

قصدي على الصينيين الغلابة اللي قرروا يبقى ليهم نشاط في المنصورة.. :mellow:

خلص الكلام

Sherief El Ghandour<br /><br />a furious Egyptian

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

منذ حوالي شهرين حضر إلينا نائب رئيس شركة ألمانية هي أحد أكبر موكلينا والتي نمتلك وكالتها والمعدات الحصرية .. وعرض علينا أن يقوم بتوريد كميات هائلة من الموتورات المعدات التي نتعامل فيها بثلث الثمن المعتاد ... على أن تردنا البضاعة من مصانعهم في الصين وتحمل نفس الماركة وبنفس الشكل ونفس المواصفات ... ويشمل العرض أن تضمن لنا الشركة الأم جودة المنتجات وصلاحيتها لمدة سنة .

وطبعا وافقنا ... وبصراحة العرض ممتاز ويحقق لنا أرباح هائلة

لكن بصراحة أنا ضميري غير مرتاح تماما ... أنا حاسس بيني وبين نفسي أن الموضوع مش صح

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
صبح عضو جديد

صبح

بتاريخ:
بتاريخ:

قصدي على الصينيين الغلابة اللي قرروا يبقى ليهم نشاط في المنصورة.. :mellow:

خلص الكلام

الغريبة أنني أعمل مع صينيين بقالي سنة

أقدر أقولك ان فيهم كل العبر

يعني سرقة تلاقي

كذب تلاقي

خديعة موجود

نتانة حدث ولا حرج

يعني من الآخر شعب جزم (آسف على التعبير)

والحاجة الغريبة

هي انعدام مستوى التفكير والذكاء واللغة

مش عارف هما ازاي حققوا اللي هما فيه ده

منذ حوالي شهرين حضر إلينا نائب رئيس شركة ألمانية هي أحد أكبر موكلينا والتي نمتلك وكالتها والمعدات الحصرية .. وعرض علينا أن يقوم بتوريد كميات هائلة من الموتورات المعدات التي نتعامل فيها بثلث الثمن المعتاد ... على أن تردنا البضاعة من مصانعهم في الصين وتحمل نفس الماركة وبنفس الشكل ونفس المواصفات ... ويشمل العرض أن تضمن لنا الشركة الأم جودة المنتجات وصلاحيتها لمدة سنة .

وطبعا وافقنا ... وبصراحة العرض ممتاز ويحقق لنا أرباح هائلة

لكن بصراحة أنا ضميري غير مرتاح تماما ... أنا حاسس بيني وبين نفسي أن الموضوع مش صح

للأسف ضميرك على حق

فرق السعر دايما(جزء كبير منه) بيروح في فرق Tests يعني اختبارات الجودة على التصنيع والباقي فرق العمالة

ولا تصدق من يقول لك أن ما يتم تصنيعه في الصين يكون بنفس الجودة ولكن للأسف ليس الألمان فقط

مثلا ألكاتل قفلت مصنعها في فرنسا وفتحته في الصين

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة صباح الخير] عايز أبقى سعيد
      هذه الحكايات حكايات من وحى خيال الكاتب والرسام وليست لها أى علاقة بالواقع الجميل حكاية أب شايف المصلحة وعارعرض الصفحة

      بواسطة News Bot
      كُتب

    • News Bot
      0
      [مجلة رزو اليوسف] عايز حقى
      منذ أيام أعلنت إدارة نادى لاتسيو الإيطالى عن عزمها تعويض جماهير الفريق التى اشترت تذاكر حضور مباراة فريقها مععرض المقال كاملاً

      بواسطة News Bot
      كُتب

    • News Bot
      0
      [مجلة صباح الخير] «الجمهور» مش عايز كده!
      كان ياما كان فى قديم الزمان وسالف العصر والأوان.. بيت صغيرالحب والحنان ملؤه فيه أب وأميرعان أولادهما يعرض الصفحة

      بواسطة News Bot
      كُتب

    • News Bot
      0
      [مجلة رزو اليوسف] عندما قال الحسن بن الهيثم للحاكم بأمر الله: أنا عايز كتاكيت "الحلقة الثانية"
      وأنا قاعد على القهوة فى انتظار الساعة الثانية عشرة جالى واتس آب من ابن إياس بيقول فيه:والنبى يا ابن البدوى وانعرض المقال كاملاً

      بواسطة News Bot
      كُتب

    • شاعرالرومانسية
      25
      لو عايز تنزل وزنك ..اتفضل وصفات أعشاب
      طبعا محدش عاجبة وزنة ... واللى معدى المائة وعشرون :D بيقول : نفسى بس انزل لتسعين ..واللى وزنها تمانين خمس وتمانين بتقول : اة بس لوابقى خمسة وستين حتى ;) عموما ممكن نحاول ..حنخسر اية يعنى ...يعنى هى جت على دى تعالوا بينا نشوف اهم الاعشاب المهمة لتزيل الوزن ووصفاتها اية .. ولا شك أن هناك الكثير من المعتقدات المتداولة بين الناس والتى نبعت مما يسمى بالطب الشعبى القديم والذى يعتمد فى المقام الأول على استخدام النباتات والأعشاب الطبيعية المختلفة، وأن هذه المعتقدات وما تقدمه من وصفات تساعد على التخ

      بواسطة شاعرالرومانسية
      كُتب

×
×
  • أضف...