إحنا بجد بنعرف نسوق يا مصريين؟

[lonly in cold night]

انا الحمد لله طول عمري باسوق في مصر و عمرى ما اخدت مخالفة كسر اشاره ولا مخالفة من اي نوع

بس كل مره باجدد الرخصة بالاقى المخالفات 1000 جنيه او اكتر

و لما باسال عن اماكن وجود هذه الاماكن افاجئ انها في مناطق لم ازورها اساسا

طب ده مره من المرات جاتلى مخالفة كسر اشارة ب خمسميت جنيه وهى الحد الاقصى للعقوبه

و لما دخلت لوكيل النيابة قرا لى المكتوب فى الايصال

"كسر الاشارة عامد متعمد بالاطه"

سالته يعني ايه بالاطه دى؟ يعنى بعد ما كسرت الاشاره وقفت و طلعت لساني للعسكرى ولا ايه بالظبط ؟

المهم لما بصينا على المخالفات اللى عندى لاقيناها كلها تم التعديل في ارقام السيارة

يعنى حشر رقم صفر بين رقمين

او واحد ينقلب - ( ببركة خمسه جنيه في ايد العسكري ) - الى رقم سته

او خمسه الى تسعه وهكذا

طب يا محترم لو واحد زيي اللي بيقفوا الساعة اتنين بالليل لو الاشارة قلبت حمرا يعني بيحترم الاشارات حتى فى ظل عدم وجود العسكرى

لو واحد زيي كده وجاله مخالفات بالف جنيه متخيل انه ممكن يحترم المرور تاني ؟

عموما انا بقيت اركن العربيه واركب مترو الانفاق او تاكسي علشان اهدى اعصابي من السواقه

[darker19]

برضه مش فاهم... ينعرف نسوق ولا لأ؟

عزيزي ليمبيك إحنا أجدع ناس بتسوق الهبل عالشيطنة....

عليه العوض