ميلودى تتحدى الملل

[صفاء]

السلام عليكم ورحمة الله وبركاته

الحقيقة ان الموضوع الذى أطرق بابه اليوم ليس بجديد انما تحدث عنه الكثيرون . ولكن تختلف الزاوية التى ننظر منها إليه

لطالما خدعنا من الثعلب المكار " وزير الإعلام سابقا " وأعوانه عن أننا أصحاب الريادة الإعلامية ونمتلك أفضل إعلاميين على وجه الكرة الأرضية

وأجمل البرامج وأكثرها تشويقا ومرحا ..

وأجمل المسلسلات التاريخية " التى صورت أغلب مشاهدها داخل الإستوديو الحقير

" بأفخم الملابس " المتهالكة الرثة"

وأجمل الممثلات والمذيعات

ويوم أن أطلق القمر الصناعى المصرى " ويا ريته اتحرق قبل ما ينطلق" الذى كشف المستور وتعرت على يديه قتامة وبؤس وفقر إعلامنا الشديد ...

أفقنا من الغيبوبة !!!

بالتأكيد مررتم ولو صدفة على قنوات النيل التى تصيب مشاهدها بالتعاسة والاكتئاب وحرق الدم

الذى يؤدى فى النهاية الى مرض السكرى

وارتفاع فى ضغط الدم ... برامج رتيبة .. مملة لا صلة لها بالواقع

مذيعو النشرة الإخبارية الذين ان سمعت أصواتهم دون مشاهدتهم .. حسبتهم نساء يتمايعن فى الحديث ويخضعن فى القول حتى ينجذب ضعاف النفوس إلى

رقتهم" يا 100 ندامة عالرجالة واللى عنده ضهر يشتغل مذيع"

أما المذيعات فى نفس النشرة التعيسة....

.. فلولا أنى رأيتها رؤية عين ... لكنت على سابق اعتقادى وقت سماعها دون رؤيتها ,أن" رجالتك لسه بخير يا مصر "يمتلئون فحولة ورجولة.

أما عن نوعية الأخبار .. فكلها تدور حول صاحب الفخامة ودوره الفظيع كحمامة " حمامة السلام طبعا :angry2: " ودوره فى احلال السلام

فى شتى انحاء العالم , ولولا دوره لكان على الدنيا السلام.

وان الرئيس الفلانى والعلانى والملك المعظم والمفخم والمسخم جميعهم يتصلون بفخامته وشخامته لمساعدتهم فى تدبير أحوال بلادهم يا عينى .

وانتظرت أن أرى خبر واحد فقط لا يذكر فيه الاسم المباركى !! فلم أجد

ويوم لعب الشيطان بعقلى و وسوس لى .. " ماذا لو تأخذين فكرة عن القنوات المحلية المصرية ... ربما وجدت ما يرضيك

وبالفعل تتبعت الوسواس والهاجس ورحت أشاهد برنامج على قناة الصعيد .. القناة السابعة mfb:

لم أميزها عن القناة الأولى أو الثانية .. فجميعهم يتميز بذات القتامة والإضاءة الخافتة والديكورات البدائية وكأننى أشاهد قناة إرتريا المحلية

وصادف أن أشاهد برنامج تقدمه مذيعه تتميز بالعته والبلاهة والغباء .. وكان موضوع الحلقة يدور حول تطوير القناة الرهيبة

وصعقت عندما شاهدت المذيعة تستضيف سائق عربة كاررو " عربجى " وتسأله عن اقتراحاته لتطوير القناة وبرامجها!!!!

وكل ما أتذكره .. ابتسامته البلهاء ثم قال : كتروا من الأغانى :lol:

وننتقل معا أعزائى إلى كارثة أخرى تدعى ميلودى أفلام mfb:

ما هذا السخف والخلاعة والدعوة إلى الاستغناء عن المبادىء والقيم والمثل والأخلاق ؟؟؟

ومن هذا الغبى المتخلف الذى يضع أفكار إعلانات الدعاية لقناة ميلودى والتى تحمل عنوان :

ميلودى تتحدى الملل

ورأييى أن ميلودى تجلب الشلل

على سبيل المثال .. اعلان من اعلانات ميلودى تتحدى الملل .. ترى مدرس يعلم التلاميذ وهم يشعرون بالملل الشديد كحال كل تلميذ كسول وليس عنده

استعداد للفهم ... وفجأة يهبط المخلص من السماء " اخصائى كسر الملل " الذى يرتدى البدلة الصفراء والتى كانت تميز قاطنى مستشفى الأمراض العقلية

ثم يبدأ فى ضرب المعلم الذى كاد أن يكون رسولا .. ويحذو الأطفال حذو هذا الخرتيت الأصفر وينهالون على معلمهم ركلا ورفسا !!!

اعلان آخر لميلودى :

الفرجة على ميلودى تؤدى الى الفتور فى العلاقة الزوجية .. ثم تظهر فتاة شبه عارية ومثال للفتنة والأنوثة الكاملة .. وتبدأ فى اغراء زوجها المتنح أمام

ميلودى أفلام وتقول له بعد التمايل والتحايل : يا سبعى

فيجيب هو ببلاهة : حطى عليه صبغة يود

اعلان ثالث من البلاهة :

رجل عجوز فى ملعب الجولف يطيل فى ركل الكرة ... فيأتى المخلص ويبدأ فى ضرب الرجل العجوز

ثم يشتمه العجوز قائلا : انا هاوريك يابن الكذا !!!

ما هذا ؟

ولا خلونى أقولها بالبلدى ...

ايه ده يا عااااااااااااااااااااااااااااااااالم

يا لهوتاااااااااااااااااااااااااااااااااااااااااااااااااااااااااااااااااااااااااى

تم تعديل 14 سبتمبر 2006 بواسطة صفاء

[لخبطه]

مازال اعتقد يا استاذه صفاء أن من يتحمل المسئولية ليس موليدي ولا معدي إعلاناتها فالقائمين عليها يريدون جذب المشهد وأن بلغ الامر ان قطعوا ملابس هذا المشاهد من الجذب ولولا بعض الرقابة - وليس الحياء - لكانت موليدي في مصاف قنوات لنشر الرزيله ولكن المسئولية لمن سمح بهذه الحثالة بدخول بيته .........زمان كان رب البيت لا ينظر متعجب لصديق السوء وينتقد تصرفاته ولكن كان حله البتار منذ أن يرى هذا الصديق مع ابنه هو قطع العلاقه فورا مع هذا المخرب

يعلم الله أنى ما قاطعت تلك القنوات غير الخوف من اضغط أو السكر

[nancy]

صفاء انا بقالى عشر سنين مش بشوف قنوات مصر

لانى اول ما بجيب عليها بحس اننا اتاخرنا 100 سنة

وخصوصا انى من دراستى ديكور الاستوديو التلفزيونى

فديما اعقد مقارنات واتخيل تركيبة ديكورات الام بى سى معمولة ازى وحركة الكاميرا منين وحاجات كدة

فالديكور فى قنوات مصر ضايع

نيجى للملابس

تحسى ان المذيعة شارية عشر بلوزات وبتغيرهم على جيبة سودة حاجة فقر وكان مافيش فى العالم اى موضه بتتغير ولا الوان جديدة وتسريحات الشعر الى ضربة اصفر على شعر خشن ومخشب ومكياج على طريقة البلياتشوا

كل دة فى الجزء الخارجى نيجى للداخلى اعداد البرامج مفيهوش فكر جامد والمذيعة طالعة بس خيال ماتة ومفيش اى حضور والموضوعات مسح دماغ مفيهاش معلومة جديدة

المشكلة فى اية .. اقولك

اولا معظم المزيعين المخززين دول جيبين ولادهم واقاربهم وبقوا مستقرين على كدة فالى جاى معندوش حماس اثبات الذات لانة خلاص داخل داخل وبابا حيجبة برنامج وماما حتوصى علية يتعب دماغة لية( ينفضلها وهى شغالة ) دة على حسب لغة الايام دى

مخازن الاكسسوارت والموبيليا الخاصة بالتليفزيون سيئه جدا وكل حاجة بتتعامل بكل الاهمال الممكن

الى بيعمل الديكور معندوش كارت بلانش فى انى يجب ويتحرك ويجدد والفكر الى بيحرك كل الامور متحجر اصلا

فى الاخر التليفزيون ميختلفش عن اى شركة زى شركة الكهرباء او المياة مثلا

مجرد موطفين نايمين وبس

لو طلع حد وحب يعمل تجديد الكل يخنقة على اعتبار هو المفعوص دة الى حيجى يقلب الدنيا علينا

فالخلاصة ان الرتابة والتخزيزز مالى التلفزيون من زماااااااان

عوزه تجديد لازم كلهم يترفدوا ونجيب دم جديد يعملوا فرق فى المستوى

ودة من المستحيلات اكتر من وجود العنقاء

[الرافعي]

هممت أكثر من مرة أن أكتب عن موضوع الدكاكين الخاصة (أقصد القنوات الخاصة)، وكان قرفي يمنعني .. لكن بما أنه قد فتح بالفعل

فدعوني أقول إن هناك فرق كبير بين التفاهة أو السطحية أو الضحالة ... إلخ تلك الأوصاف التي تصف حالة التردي الإعلامي التي يتسم بها إعلامنا البئيس .. فرق كبير بين كل ما سبق .. والســــــــــــــفــالـــــــة

ما تعرضه قناة ميلودي من إعلانات كتلك التي تتحدث عن العلاقات الزوجية بهذا الشكل الموصوف أعلاه ... لا تسمى إلا سفالة

وكنت قد قرأت حديثاً منذ سنوات قليلة مع السيد صاحب القناة ومؤسسها الثوري بالوراثة ابن العبقري أشرف مروان .. لكن الثورة هنا كانت ثورة في عالم الفيديو كليب، وقد أخذ السيد المذكور يرد على اتهامات الصحفي للقناة بأنها تعرض مشاهد فاضحة في الفيديو كليبات الأجنبية التي كانت يعرضها، بأن الإعلام أصبح مفتوحاً ... إلخ الاسطوانة المشروخة ...

لكن الفكرة أن الطبيعة الثورية (على الأخلاق فقط) لا تقف عند حد معين .. بل تتمادى وتمدد .. حتى تأكل الرجعية الأخلاقية

وسلام للتطور والحداثة والقرية الواحدة

.. حقاً إن من كلام أهل النبوة .. (إن لم تستح فاصنع ما شئت) :lol:

تم تعديل 14 سبتمبر 2006 بواسطة الرافعي

[صفاء]

مازال اعتقد يا استاذه صفاء أن من يتحمل المسئولية ليس موليدي ولا معدي إعلاناتها فالقائمين عليها يريدون جذب المشهد وأن بلغ الامر ان قطعوا ملابس هذا المشاهد من الجذب ولولا بعض الرقابة - وليس الحياء - لكانت موليدي في مصاف قنوات لنشر الرزيله ولكن المسئولية لمن سمح بهذه الحثالة بدخول بيته .........زمان كان رب البيت لا ينظر متعجب لصديق السوء وينتقد تصرفاته ولكن كان حله البتار منذ أن يرى هذا الصديق مع ابنه هو قطع العلاقه فورا مع هذا المخرب

يعلم الله أنى ما قاطعت تلك القنوات غير الخوف من اضغط أو السكر

يا استاذ لخبطة ياللى اسم على مسمى

هههههههههههه

أولا اسمها ميلودى مش موليدى

ده بادىء ذى بدأ

ثانيا بعد الكلام الكبير اللى قلته ولكن المسئولية لمن سمح بهذه الحثالة بدخول بيته .........زمان كان رب البيت لا ينظر متعجب لصديق السوء وينتقد تصرفاته ولكن كان حله البتار منذ أن يرى هذا الصديق مع ابنه هو قطع العلاقه فورا مع هذا المخرب

افتكرتك هاتقاطعها خوفا من الله وليس من الضغظ والسكر

هههههههههههههههههه

انا بهزر معاك طبعا

ومعاك حق فى رأيك

[صفاء]

نيجى للملابس

تحسى ان المذيعة شارية عشر بلوزات وبتغيرهم على جيبة سودة حاجة فقر وكان مافيش فى العالم اى موضه بتتغير ولا الوان جديدة وتسريحات الشعر الى ضربة اصفر على شعر خشن ومخشب ومكياج على طريقة البلياتشوا

هههههههههههههههه

واللهى انك فطستينى من الضحك على العشر بلوزات والجيبة السودا

وبعدين هما يا عينى معذورين .. قصدى معذورات .. مذيعات لبنان هبلوهم بالعيون الملونه والشعر الأصفر وفاكرين ان هى دى الفلاحة انها تسلخ جلدها وتصبغ أصفر وتبقى عاملة زى القرد ابو صديرى

وكله كوم ومذيعات النشرة الإخبارية فى روتانا المصريات كوم تانى

اللى حاطة عدسات زرقا واللى قالعة عريانه ومركبه عدسات رمادى وشعر اسود

حاجة تقرف

ليه ميكونش لينا طايعنا الخاص؟

ليه فقدنا هويتنا فى كل شىء؟

حتى بقينا بنغير جلدنا!!!

كل دة فى الجزء الخارجى نيجى للداخلى اعداد البرامج مفيهوش فكر جامد والمذيعة طالعة بس خيال ماتة ومفيش اى حضور والموضوعات مسح دماغ مفيهاش معلومة جديدة

المذيعة اللوزعية الألمازية سهير شلبى كانت وما زالت بتقدم برنامج عن السياح

وهما جملتين مفيش غيرهم واللى مش عاجبه يشرب من البحر

ويلكم تو كايرو

وات ديد يو سى ان ايجيبت؟

وباقى حوارها بيكون :

اووووووووه ... اهااااااا ... ريلى؟.... هاهاهاها

ويخلص البرنامج

تم تعديل 14 سبتمبر 2006 بواسطة صفاء

[Sherief AbdelWahab]

سترايك ألعن وأضل سبيلا.. برامج فوازيرها دي حكاية .. عاملة زي برامج الأطفال في جزر الماو ماو..

خلص الكلام

[رمضان]

السلام عليكم ورحمة الله وبركاته

انا مش هعلق على الموضوع اسمحوا لي ان اعلق على مستوى النقاش

لاحظت ان الموضوع والردود يتخللها الكثير من الالفاظ البذيئة والغير لائقة

احنا بنعيب على قلة الذوق وبننتقدهم بقلة ذوق

[Diab]

ميلودي تتحدي الملل

عنوان مثير و جذاب بتحاول القناة تعمل نيولوك بيه لنفسها

في الكمبيوتر بنسميه refresh

القناة بتجيب أفلام قديييييييييييييييييمة جدا وتكتب عليه " حــــــــــــــصـــــــــــريا "

زي فيلم الناظر مثلا :blink: طب تيجي أزاي

دي أمة لا إله إلا الله شافته علي كل القنوات

[صفاء]

لا يا شريف ... سترايك دى عاوزالها موضوع لوحده

يا ربى على طريقة الكلام والفوازير واللبس اللى من دوكان قميص حماده بجنيه ونص وبووووووووص بوووووووووووص

ويا ترى حاجة زرقا وفيها نقطة حمرا تبقى اييييييييييييييييييييييييييه؟

نملة حامل والعيل مش عاوز ينزل يا ترى لييييييييييييييييييييييييه؟

واحد راح يشترى جوافة .. غير رأيه وجاب مانجه يا ترى لييييييييييييييييييييييييه؟

لو جاوبت هاديك مصصاصة وطبعا ده لما تشوف حلمة ودنك

الأدهى من كده اللى بيتصلوا بقى

لا يا لهوى بجد بقى

السلام عليكم ورحمة الله وبركاته

انا مش هعلق على الموضوع اسمحوا لي ان اعلق على مستوى النقاش

لاحظت ان الموضوع والردود يتخللها الكثير من الالفاظ البذيئة والغير لائقة

احنا بنعيب على قلة الذوق وبننتقدهم بقلة ذوق

كل سنه وحضرتك طيوعليكم السلام ورحمة اله وبركاته

طيب يعنى حضرتك يا فندم بس ممكن أشهد عليك الناس هنا

والنبى يا جماعة حد هنا استخدم الألفاظ البذيئة المنحلة المنحطة ؟

يعنى أنا بينى وبينك ربنا يا رمضان

:blink:

بس اقول ايه ؟

رمضان كريم

السلام عليكم ورحمة الله وبركاته

انا مش هعلق على الموضوع اسمحوا لي ان اعلق على مستوى النقاش

لاحظت ان الموضوع والردود يتخللها الكثير من الالفاظ البذيئة والغير لائقة

احنا بنعيب على قلة الذوق وبننتقدهم بقلة ذوق

وعليكم السلام ورحمة الله وبركاته

طيب يعنى حضرتك يا فندم بس ممكن أشهد عليك الناس هنا

والنبى يا جماعة حد هنا استخدم الألفاظ البذيئة المنحلة المنحطة ؟

يعنى أنا بينى وبينك ربنا يا رمضان

:blink:

بس اقول ايه ؟

رمضان كريم وكل سنه وحضرتك طيب

ميلودي تتحدي الملل

عنوان مثير و جذاب بتحاول القناة تعمل نيولوك بيه لنفسها

في الكمبيوتر بنسميه refresh

القناة بتجيب أفلام قديييييييييييييييييمة جدا وتكتب عليه " حــــــــــــــصـــــــــــريا "

زي فيلم الناظر مثلا :blink: طب تيجي أزاي

دي أمة لا إله إلا الله شافته علي كل القنوات

انا كمان طبعا لاحظت الموضوع ده واعتقد ده نابع عن عدم فهمهم يعنى ايه كلمة حصريا :blink:

[MZohairy]

انا عن نفسي بفضل القناه الرابعه والسادسه و السابعه والثامنه المصريه الأرضيه

و لهم مني كل الحب :blink:

[متمردة]

والله فعلا يا اخت صفاء كتير من كلامك صحيح

بس انا عندى وجه نظر مختلفه شويه

امكانيات محدوده + جيل مش متمرس + رواتب لاتكفى الاحتياجات الاساسيه = النتيجه الاعلاميه فى التلفيزون المصرى المحلى

امكانيات متوسطه + خبرة تعاون الاجيال الصاعده + مرتبات تكفى الاحتياجات الخاصه وتفيض = قنوات مثل دريم والمحور واقرا وغيرها

لما بتكلموا على المذيعات اللى بتلبس بلوزات بالوان وتغيرها على جيبه سوده

ممكن اعرف مرتب المذيعه كام - سعر البلوزة كام- وايه هيه الامكانيات المتوفرة

بامانه انا شايفه رغم الامكانيات المحدوده ده فى ناس بتتفوق على نفسها وعلى حدود امكانياتها

لو حضرتك كنت عايشة فى الخليج كنت ممكن تشوفى التفاهه فى البرامج الااعيه والاشراف والتبير والعمليات التجميلية الفاشله المتمثله فى المذيعات

[نانو]

ميلودي تتحدي الملل...و تجيب الشلل...و العلل....و الفشل

معاكي يا صفاء في كل كلمه قلتيها

[صفاء]

انا عن نفسي بفضل القناه الرابعه والسادسه و السابعه والثامنه المصريه الأرضيه

و لهم مني كل الحب :angry2:

وماله مش عيب :wub:

[صفاء]

والله فعلا يا اخت صفاء كتير من كلامك صحيح

بس انا عندى وجه نظر مختلفه شويه

امكانيات محدوده + جيل مش متمرس + رواتب لاتكفى الاحتياجات الاساسيه = النتيجه الاعلاميه فى التلفيزون المصرى المحلى

امكانيات متوسطه + خبرة تعاون الاجيال الصاعده + مرتبات تكفى الاحتياجات الخاصه وتفيض = قنوات مثل دريم والمحور واقرا وغيرها

لما بتكلموا على المذيعات اللى بتلبس بلوزات بالوان وتغيرها على جيبه سوده

ممكن اعرف مرتب المذيعه كام - سعر البلوزة كام- وايه هيه الامكانيات المتوفرة

بامانه انا شايفه رغم الامكانيات المحدوده ده فى ناس بتتفوق على نفسها وعلى حدود امكانياتها

لو حضرتك كنت عايشة فى الخليج كنت ممكن تشوفى التفاهه فى البرامج الااعيه والاشراف والتبير والعمليات التجميلية الفاشله المتمثله فى المذيعات

يا استاذة متمردة واضح ان حضرتك مش عايشة فى مصر

مين قاللك انه مفيش اعتمادات وامكانيات ؟

وان المذيعات غلابة ومش لاقيين ؟

دول بياخدوا بدل ليس ومكياج وبلا ازرق

وفى فلوس كتير قوى بتخصص لتجديد الديكورات وشراء اجهزة ومعدات جديدة للتصوير لكن كله بيتسرق ويتصرف مكافآت

بيوزعوا الفلوس على بعض والدنيا تخرب مش مهم

بعدين انا اتكلمت عن قنوات النيل اللى هى واجهة البلد يعنى أولا لازم ميكونش فيها كوسة فى اختيار المذيعات والمذيعين

دول حتى مبيعرفوش يتكلموا عربى

طيب هاتى مذيع أو مذيعة مصرية بقدر يتكلم لغة عربية فصحى سليمة لمدة 10 دقايق بس !!!

اتحدى انه لا يمكن يحصل

حضرتك مسكتى فى القشور وافتكرتى انى بتكلم عالموضة ؟؟؟؟؟؟

بعدين زى ما حضرتك بتقولى على انه فى برامج هيافة خليجية ... انما فى برامج احنا منعرفش ومنقدرش نعمل زيها

لان الكفاءات فى مصر مهملة انما القنوات الخليجية بتعرف تستغلها كويس زى مثلا :

حمدى قنديل وأحمد منصور وحافظ المرازى ويسرى فودة وعماد أديب وغيرهم ....

كمان مننكرش انه فى برامج خليجية على أعلى مستوى من كل النواحى

يكفى ان قناة الجزيرة الخليجية هى رائدة القنوات الإخبارية فى العالم العربي والغربى كمان

يعنى فضيحةاما مصر يكون كل نشراتها الإخبارية تسد النفس من كذبهم وبخلفهم وقتامة القناة وفقرها

يعنى فضيحة على اعلى مستوى

يا ريت تكونى فهمتى قصدى