النحس راكب البلد ليه ...؟؟؟

[achnaton]

بسم الله الرحمن الرحيم

لا..والنبى ..دى حاجه تخلى المخ يضرب من غير اسباب .. هوإيه اللى بيحصل ..وليه النحس كابس على نافوخ المحروسة بقاله مده .. مش حا اقول ده قدم العمدة الآلى .. رئيس الوزارة الالكترونى .. فالشهادة لله قدمه سعد وهنا على البلد .. وخلصنا من الهم الكبير اللى أسمه عمر أفندى .. صحيح باعوه زى البقرة العيانه .. لكن برضه .. نواية تسند الزير .. ولما نشوف فاض إيه حيبعوه ..ماهو برضه الناس غلابا .. يعنى يسيب الشعب فى رمضان من لاقى القوت ..؟؟ المصيبة بقى فى المصايب التانية اللى كل يوم حادث ..وكل يومين بلوى .. ودى الحقيقةمش ذنبه اللى قبله كان أسخم ..وانيل .. وقول زى ما انت عاوز ..ايوه .. " غراب الخراب " بتاع المنجه السودا ..والايام السوده ..يا ما شوفنا اثناء اقامته بشارع القصر العينى .. دا القصر نفسه اتأثر بجواره .. وبقى خرابه.. لولا المستشفى الفرنساوى ..

النهارده بقى حاجة جديده .. وغريبة ..قرأتها فى جريدة حزب الوفد " الاباظى".. المانشيت الرئيسى وشوفوا معايا بيقول إيه:

الإسماعيلية ـ ولاء وحيد:

في حادث يعد الغريب والأول من نوعه .. غرقت فجر أمس الكراكة »الخطاب « بالكيلو 81 بالتفريعة الشرقية لقناة السويس الذي يضم طاقمها 62 شخصاً. لقي منهم اثنان مصرعهما وفقد اثنان آخران واصيب 13 آخرون بإصابات مختلفة أحدهم في حالة خطيرة .غرقت الكراكة بالكامل تحت سطح المياه في الثالثة إلا الربع صباحاً، ولم يظهر سوي 4 أمتار ظاهرة علي المياه من ساري الكراكة ، ولم تستغرق عملية الغرق سوي 3 دقائق.

استبعد الفريق أحمد فاضل وجود شبهة عمل تخريبي في الحادث ، كما استبعد وجود خطأ شخصي وراء غرق الكراكة .وقال فاضل ان هناك انفجارا وقع في الفلانشة أدي إلي عملية الغرق. واشار فاضل الي ان هذا الحادث يعد الأول من نوعه في تاريخ هيئة قناة السويس .ارجح فاضل انفجار الفلانشة إلي اصطدام الكراكة بلغم من المخلفات المزروعة من ايام الحروب في الممر الملاحي .

ومع احترامى للفريق فاضل .. عاوز بس أسأل .. هى الكركات العملاقه التى حضرت بها بعثات الفنيين اليابانين عند إعادة افتتاح القناه بعد اتفاقية السلام .. كان بتعمل ايه فى القناه .. بتشيل المراكب الغارقة..والمعدات ولا كانت ايضا بتعمق فى القناة عشان تستوعب غاطس النقلات العملاقه ..؟؟ صحيح الحكومة الخايبة دى بتعتبرنا بقر ..وبتخاطبنا كبقر .. ولكن راجل كباره زى الفريق فاضل ما يصحش ينضم لهم .. ويعاملنا زى السمك البورى ..بقى بعد 30 سنه .. وبعد تعميق القناةعدة مرات .. وبعد ما مرت الناقلات العملاقة لسنوات فى أمان .. وغاطسها اضعاف اضعاف الكركة المصرية ..تصدم القشة السابحه على وش الميه بلغم ..والنقلات الضخمه ..لأ .. ليه بقى .. سهم الله ده ؟؟ونشن على الكركه ونشانه رشق ؟؟

لأ.. يا معالى الفريق ..نقول حاجة تانية..ونوضح الحقائق بقى ..كفايةعلينا أكاذيب الوزراء وتصريحاتهم..

وما دمنا بنتفسح على القناه ..خلينا ننزل شويه ونروح السويس .. بلد الشهداء على مر التاريخ .. خبر صغير داخل الجريده المذكورة بقلم مراسل الوفد فى السويس .. بيقول إيه ؟؟؟:

قذائف مدفعية في رسالة خردة 3

السويس ـ عبدالله ضيف:

انقذت العناية الألهية إحدي شركات الحديد والصلب بالسويس من كارثة، عثر علي 3 قذائف مدفعية بها المادة المحطمة في رسالة حديد خردة مستوردة من ألمانيا قبل صهرها. انتقلت الأجهزة المعنية وخبراء المفرقعات وتم تأمين القذائف والتعامل معها واخطرت النيابة وتولت التحقيق. تلقي اللواء أسامة المراسي مدير أمن السويس بلاغاً من غريب عبدالمقصود محمد المسئول الاداري بشركة السويس للصلب بالعثور علي 3 قذائف مدفعية في رسالة حديـد خردة قبل صهرها

انتقلت الأجهزة المعنية وخبراء المفرقعات وتبين أن القذائف بها المادة المحطمة، وتم استيرادها ضمن شحنة حديد خردة من مستورد من ألمانيا عبر ميناء دمياط. تم تأمين القذائف والتعامل معها واخطرت النيابة التي تولت التحقيق.

http://www.alwafd.org/front/detail.php?id=...ef7602e8805b26c

وانا مش عاوز اسبق الاحداث .. واحكى عن تصرفات الالمان فى مثل هذه الاحوال .. يعنى 3 قنابل حيه .. فى رسالة حديد خرده ..تيجى ازاى .. الخرده دى عشان تتجمع فىمخازن الخرده الالمانية ..بتمر علىعدد كبير من المراحل .. وبتتنقل الى ومن أكثر من مكان حتى تصل الى موانى الشحن او شركات صهر وتصنيع الحديد .. ومعظم التحميل بيتم باوناش مزوده بلاقط مغناطيسى قوى جدا ..ومفيش آى مخلفات حربية بيعثر عليها احد فىالاراضى الالمانية الا وعشرات من الفنيين والمسئولين والعلماء بيعملوا منها دراسة .. نعرف بقى .. القنابل دى جت منين ..

والنحس اللى عايشه فيه المحروسة جه منين؟؟؟؟ الله يخرب بيوتكم ياللى فى بالى ..طمعتوا النحس فينا !!