mohameddessouki بتاريخ: 14 سبتمبر 2006 تقديم بلاغ مشاركة بتاريخ: 14 سبتمبر 2006 انغام سبتمبرية وقف الشريط فى وضع ثابت دلوقت تقدر تفحص المنظر مفيش ولا تفصيلة غابت وكل شىء بيقول وبيعبر من غير كلام ولاصوت اول ماضغط الموت بخفة وبجبروت فى يوم اغبر على زر فى الملكوت وقف الشريط فى وضع ثابت دلوقت نقدر نفحص الصورة انظر تلاقى الراية منشورة متمزعة لكن مازالت فوق بتصارع الريح اللى مسعورة وانظر تلاقى جمال رافعها باستبسال ونزيف عرق سيال على القورة وف عنفوان النضال وقف الشريط فى وضع ثابت انظر اليه شوف قبضته السمرة وعيونه ثورة مكحلة بثورة وصدره عرض الارض حاضن مصر والشام وليبيا وتونس الخضرة والقصبة وفلسطين والاردن المسكين والبحر والبساتين والصحرا وف عز طحن السنين وقف الشريط فى وضع ثابت انظر وشوف ع المهل بالراحة الشمس وسط القبة قداحة وناس بعيد فى الظل مرتاحة ومصر واقفة صبية قلاحة على كتفها بلاص فيه الف تقب رصاص والمية منه خلاص شلالها فى الرمل غاص صبية حلوة كأنها تفاحة لكنها م الحزن دابت وسط السواد نداية نواحة ولما هل بطلها فى الساحة بالحب والاخلاص وقف الشريط فى وضع ثابت خلى المكنجى يرجع المشهد عايز اشوف نفسى زمان وانا شب داخل فى رهط الثورة متنمرد ومش عاجبنى لاملك ولا أب عايزأشوف من تانى واتذكر ليه ضربة من ضرباتى صابت؟ وضربة من ضرباتى خابت وضربة وقفت بالشريط فى وضع ثابت ؟ قال المكنجى : رجوع مفيش عيش طول مافيك انفاس تعيش وبص شوف.. ركن الشباب صفوف صفوف ركن الشباب فى السينما بيصفر مفيش وقوف ركن الشباب فيه الف مليون شب ومش عاجبهم لا ملك ولا أب انظر اليهم وانت تتذكر {الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ }آل عمران173MOHAMEDDESSOUKI رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان