من غيرة الواحد.......

[mohameddessouki]

أنا الذى مشيت ادور باشتياق وحنين

على مصر.. والمشى خدنى سنين

لحد ماسنينها وسنيتى يفم واحد

وعاصرتها يوم بيوم لم فاتنى يوم واحد

وحضرت شاهد عيان مولد وموت ملايين

مازعلت من كلمة قد البركة فى الجايين

مين هم دول ياجدع؟..ماتوحد الواحد

البركة فينا وفى السامعين بالواحد

انا قلتها بنرفزة....من عيرة الواحد

على اسم مصر

مصر الرمال العتيقة وصهدها الجبار

والنيل كخرطوم حريقة وحيد وسط النار

فى ايدين بشر نمل رايحة وجاية ع الضفة

فيهم مطافى وفيهم كدابين زفة

وفيهم اللى تعالى وقال انا حكمدار

وكل باب م البيبان مقفول على اسرار

زوكل سر بحريقة عايزة تتطفا

من اهلى تندهلى وتقوللى تعا اندفا

انا اللى عمرى انكتب الى يوم ما اتوفى

على اسم مصر