غريب فى وطنى

[shazly]

أشعر بالملل و التعب و فى حاجة لتحقيق ذاتى, و فى هذا المكان المسمى "وطن" و هو أقرب لمقبرة جماعية لكل شاب...لا يوجد أى معيار للحصول على وظيفة سوى "الواسطة", فالكفاءة و المهارات الذاتية لا تعنى شيئا و ليست ذات أهمية فى هذا المسمى "وطن". الحصول على وظيفة أصبح كالحصول على الخلاص و الوصول لشاطئ النجاة. فتجد الفرد مستعد للتنازل لأقصى الحدود من أجل البقاء فى وظيفته و هذا ينطبق على كل القطاعات العاملة سواء خاصة أو عامة سواء مدنية أو عسكرية. فالكل مستعد التنازل للبقاء فى الوظيفه لأنه يعلم أنه إذا ما تركها فلن يجد أى فرصة فى الحصول على وظيفة فى هذا المسمى "وطن".

لا يمكن التعبير عن الرأى دون دفع الثمن فى تلك المقبرة. فتجد الصحفى لا يستطيع العمل بالصحف القومية مهما كانت كفائتة و السبب هو إبداء رفضة للفساد و الظلم و القمع فى هذا المسمى "وطن", و الطالب المجتهد لا يستطيع الإنضمام لهيئات التدريس فى الجامعات لإنتمائاته السياسية التى تتعارض مع سياسات الحزب الحاكم فى حين أن الاقل كفاءة يلتحق بتلك الهيئات إذا ما إنضم للحزب الحاكم. لا يمكن للطالبة أن تعبر عن رفضها لسياسات الأوطان الأخرى من خلال ورقة الإمتحان دون أن ترسب و السبب هو تبعية النظام الحاكم و خنوعة لتلك الأوطان.

لقد اصبحنا فى هذا المسمى "الوطن" نعيش فى إنتظار المصائب المتلاحقة, هائمين بلا هدف, فى إنتظار سماع الخبر التالى عن غرق العبارة القادمة و أين سيكون الحدث و كيف سيهرب الجانى تلك المرة تحت سمع و بصر النظام الحاكم, فى إنتظار سماع الخبر عن التصادم القادم للقطارات و أين سيكون المكان و كم سيكون عدد الضحايا فى تلك المرة....لقد أصبح هذا المسمى "وطن" بلا هدف وطنى.

فى ظل القمع المتواصل و الوعود الزائفة على مدار ما يقارب النصف قرن أصبح هناك حالة من التبلد لدى الفرد في هذا المسمى "وطن". فقر و جهل و ظلم أدى فى النهاية لظهور قطعان من البشر تدور فى ساقيه النظام لا ترغب من الدنيا سوى لقمة العيش الشحيحة بالأصل, و إن وجدت فهى فى الغالب غير نظيفة و فى أحيان كثيرة مسرطنة. هذا هو ما يسمى "وطن" و هذا أنا الغريب فى هذا المسمى "وطن"..

المصدر: شاذلى.نت

[إسلام طلعت]

كلامك كله صح ..

اعتقد ان مصر دائما في هبوط مستمر والشعب الآن اصبح واعي جيدا لهذا الموضوع ولكن باتت خطوة وهي ان يقوم الشعب بالتنفيذ بان يفعل اي شئ ايجابي ...

اتمنى ان اعرف شخص واحد فقط في حياتي يؤيد النظام الحالي ويكون يؤيده على اقتناع وليس على نفاق !!!!!

اكاد ان اقسم بالله ان لا احد مقتنع بما تفعله الحكومة وبما وصلت مصر فيه الى انحدار على جميع المستويات الاجتماعي والسياسي والاخلاقي والديني والاقتصادي والبيئي ................ الخ

[مريوم المصرية]

هو الكلام ده صح ومظبوط وكل حاجة،

بس لازم نغير بلدنا للأحسن بأدينا.

مش نعد نندب حظنا وننكد على بعض ولا نستنا لما أمريكا تيجي تصلحهالنا؟!!

واللي بتقول عليها : هدا المسمى وطن!! :blink: تبقى مصر،عارف يعني إييه مصر؟؟يعني مصر يا مصري

حبيت بس أقول رأيي،والخلاف في الرأي لا يفسد للود قضية،واتمنى محدش يدايق من وطنيتي :blink:

بس خلاص.

تم تعديل 15 سبتمبر 2006 بواسطة مريوم المصرية

[shazly]

يعني إييه مصر؟؟

[صفاء]

فى لقطة فى فيلم الناظر صلاح الدين بهلك من الضحك كل ما بسمعها

أما بيكون فى مظاهرة و بيقول

يعيش الوطن واحنا مش مهم ....يعيش الوطن واحنا مش مهم

وقعدت أفكر وقلت .. هو الوطن حتة الأرض اللى عايشين عليها ولا الوطن هما الناس اللى ملهومش غير المكان ده؟

انما الحقيقة ان الوطن ربنا كتب عليك انك تحبه مهما كانت مساوئه

زى الابن اللى تاعبك فى تربيته

او زى الأب القاسى اللى متستغناش عنه

الفرق ان الوطن هنا مظلوم

مظلوم معانا وبينا

متظلمش الوطن لان الناس ساكتة

واللى يسكت برضاه يستاهل الضرب على قفاه

بالناس .. يا يكون الوطن اجمل الأوطان ... أو جحيم الشيطان

[khedr]

وطن

..................

....................

......................

كررها مع نفسك بصوت واطي وهادي

بتحس انها بتطلع من جواك...من داخلك

بتحس بالهدوء والاطمئنان والسكينه

بتحس بالدفء والحب والود

مهما كانت المتغيرات من بره

مهما اختلفت مع النظام او اللا نظام

مهما ذهبت ...مهما غبت ...مهما صغرت اوكبرت

هو....الوطن

...............

...................

بتمر الايام ...بتتغير الناس....بتتغير كل الدنيا

لكن هو الوطن...

هو ناسك...

هو اهلك...

هو دمك...

هو عرضك...

هو شرفك...

هو وطنك

[الطيار]

الاخ شاذلي: انا معاك في كل الي انتا كتبته وحاسس بكل حرف قرأته

وده مش حالك انتا لوحدك ده كمان حالي وحال شباب تانيه كتيـــــــــــــــــر

هو الكلام ده صح ومظبوط وكل حاجة،

بس لازم نغير بلدنا للأحسن بأدينا.

مش نعد نندب حظنا وننكد على بعض ولا نستنا لما أمريكا تيجي تصلحهالنا؟!!

واللي بتقول عليها : هدا المسمى وطن!! -_- تبقى مصر،عارف يعني إييه مصر؟؟يعني مصر يا مصري

حبيت بس أقول رأيي،والخلاف في الرأي لا يفسد للود قضية،واتمنى محدش يدايق من وطنيتي -_-

بس خلاص.

للأسف ده مش ندب ده وصف لحاله شباب مصر بدون اي شعارات حالمه

بالطبع الشباب لا يتمنوا امريكا تيجي تصلحها ,, لان الشباب لن يرضوا بذلك وسيحاربون امريكا

لكن الان هم بيحاربوا مين ؟؟ولا مين الي بيحاربهم ؟؟ولا مين الي ظالمهم ؟؟ ,,,,,,

هل الوطن هو الي بيحاربهم ,,, بيحاربهم حتي في حلم الحصول علي عمل

طيب يحاربوه ازاي ..... غير بتمني فرصه للهرب

للهرب من وطنهم , ده شكله مش وطنا

ولا ده وطنا وانا غلطان

طيب بيحاربنا في ابسط حلم ليه

بيرفع ناس عن ناس بالباطل ليه

بيحفظ كرامتهم وبيهيننا ليه

بيحابيهم علي حساب ابسط احلامنا ليه

بيقلل قيمتنا وبيرفعهم ليه

ليه

ده اكيد وطنهم مش وطنا .

هو أكيد وطنهم مش وطنا ... يبقوا يحاربوا امريكا هم بقي , لما تيجي تلم الكراسي.

تم تعديل 22 نوفمبر 2006 بواسطة الطيار

[أبو زياد]

الوطن هو أنت وأنا يا أخى

سنعيش ونموت وتأتى أجيال بعدنا ويبقى الوطن

هناك أشياء كثيرة نفعلها - وأعداء كثيرة نحاربها

ولنبدأ بمحاربة أنفسنا - نعم أقصد مجاهدة أنفسنا

أليس لنا أعداء من أنفسنا ؟

الكسل - الكذب - سوء الظن - سوء الخلق - السلبية - النفاق -.....

هناك الكثير لنحاربه - وإذا انتصرنا عليه فقد انتصرنا لأنفسنا على اعدائنا من الغير