يا اهل الله ياللي هنا....!!!!

[نانو]

هو في حد هنا......فين الناس اللي كانوا هنا :angry2:

ياربي ....ما حدش بيرد عليا ليه....؟؟؟؟

و حشتوني اوي يا اهل الدار....الدار ده اللي دخلته من شهر بس

لكن حسه اني اتولدت فيه

بس مش سامعه صوت ليه....ده انا اول ما جيت ما كنتش عارفه اتكلم من كتر الدوشه اللي حواليا

فين...فين الدوشه و الخناق و التهريج ...و الغلاسه ....فين الموضوعات الساخنه...اللي بتستفز

اي حد دخل البيت انه يكتب فيها ...و يبدا الشد والجذب

لا و اللذيذ في الموضوع انه في اول صفحه بلاقي اسمي الناس كلها ماضيه حضور

اصل احنا ما نقدرش نبعد بس يمكن عايزين زقه

يالا ها مين يزق معايا......................و الله بجد ( شكلوكواكيد ما لكوش حل غير كيوتتين هي اللي بتنطقكوم)

فينك يا كيييييييييييييييييييييييييييييييييييييييييييييوت .....تعالي الحقي المنتدي احسن الظاهر كده الناس كلها نامت علي الكي بورد

[مصرية الهوى]

أنا جيت اهوه وهأزق معاكي يا نانو :D

ياااااااااااااااااه وحشتوني وحشتوني جدا اوي كتير خالص مالص بالص :angry2:

بجد بجد بجد ...

اكتشفت اني بعشق المحاورات :wub:

وحشتني الايام الجميلة والمحاورات اللذيذة والناس الحلوة اللي هنا .. حتى الخناقات وحشتني ..

حد يتخانق ؟؟ :P :P

الجميلة نانو انتي من شهر بس .. ده انتي لسه مشفتيش حاجة ..

مشفتيش المحاورات الفظيعة من شدة جمالها ..

غالبا وقت الاجازة والصيف المحاورات بتبقى مش ولا بد ( معلهش بقى ) ..

استني الشتاء يجي والناس تهدأ بقى وتروق وتشوفي الجمااااااااااااال :wub:

مرة تانية ..

بحبكم كلكم ووحشتوني :wub:

[se_ Elsyed]

حمد الله على سلامة الجميع

وها هي الطيور - الجراحة - قد عادت إلى أوكارها .. تحبث عن فرئسها بلونها الزاهي .. وتغريدها الصداح

------------

إنتي يا ست جيجي .. عماله بس تقوليلي القصيم دي ديرتي .. وأنك تملكي نص بريده ومتكلمه على النص التاني وفي طريقك لشراء ثلاث أرباع عنيزة ... وأروح ياختشي هناك أسأل الواد الهندي اللي شغال في البنزينة : فين بيت جيجي يا صديج ؟ الواد يبص لي بإستغراب ويهز راسه ويقولي : أنا ما في معلوم هدا جيجي .. لكن في ديزل وبنزين وغسيل ماكينة ....

[khedr]

وانا كمان جاااااااااااااااااااااااااااااي

أززززززق

[مصرية الهوى]

حمد الله على سلامة الجميع

وها هي الطيور - الجراحة - قد عادت إلى أوكارها .. تحبث عن فرئسها بلونها الزاهي .. وتغريدها الصداح

------------

إنتي يا ست جيجي .. عماله بس تقوليلي القصيم دي ديرتي .. وأنك تملكي نص بريده ومتكلمه على النص التاني وفي طريقك لشراء ثلاث أرباع عنيزة ... وأروح ياختشي هناك أسأل الواد الهندي اللي شغال في البنزينة : فين بيت جيجي يا صديج ؟ الواد يبص لي بإستغراب ويهز راسه ويقولي : أنا ما في معلوم هدا جيجي .. لكن في ديزل وبنزين وغسيل ماكينة ....

الله يسلمك يا س س حقيقي كان ليك وحشة الشهور اللي فاتت ...

الله ملقتش غير كومار تسأله :blush:

انت لو كنت جيت سوق عنيزة للتمور كنت لقيتني هناك ... ومعايا الترولا المليانة " سطول" تمر :wub:

يا عم ده احنا ربنا اكرمنا المدة اللي فاتت اخر كرم .. وفتحها علينا من واسع فضله ..

:)

بس خلاص القصيم باي باي .. رمضان بس وبعدها هأعزل واجي عندك ...

عايزين عزومة كل يوم انا والمستر :rolleyes:

[se_ Elsyed]

عايزين عزومة كل يوم انا والمستر :rolleyes:

إيه اللي أنا سامعه ده ؟!!!!!

يعني بعد 45 سنة إضراب عن الزواج .. أخيراً جيجي هاتعملها وتبقى مدام أبو سريع

وكمان هاتسكني في ديريتنا ؟

يا دي النور يا دي النور .. دي المنفوحه هاتنور يا فندم ..

وعندي ليكي بقى شقة مطرحين وصالة وعفشة ميه في قلب المنفوحة العاصمة .. إنما إيه تررُد الروح .. يعني لا مكتب عقار ولا سعي ولا كلام من ده ...

وبعدين ليكو عندي عزومة ملوكي في مطعم " الشرابية " الهندي اللي بيقدم أكل حراق ومولع والوجبه بخمسة عشر ريالاً ( تكفي 3 أنفار يعني طبق واحد وفي 3 معالق ... وعلبة حاجة ساقعة بتلات شفطات وكثير من الثلج المُثلج )

بجد هاتنوروا الرياض وأهلها .. وإعتبروني مُرشد سياحي مجاني لكم .. وممكن أشرح لكم الرياض حته حته من أول برج المملكة .. لحححححححححححححححححححححد سوق عتيجه

[nancy]

انا معاكى يا نانو

واعتقد انا الوحيدة الى نزلت اجازة ورجعت ولا عرفت تبعد عن المحاورات هناك ولا هنا

ادة يا جيجى حمد لله على السلامة افهم من كلامك انك كنت غطسانة الفترة الى فاتت مش متصيف وانما تجهيز للجواز

[Folana]

السلام عليكم ورحمة اله ....

حمدلله على سلامتك يانانو...عود احمد...( هم بيقولوا كده !)...نورتينا...

بنت بنت بنتىىى...شى شى ...لللوللوووووووللللىىىىىىى....نويتى خلاص ؟ :rolleyes: ..ومن غير ما اخد خبر ...هو ماهو علشان يعنى انا من الفرع الفقير فى العيلة...ومامعيش ولا حتى تُمن بترول... .....

وده مين الفدائى ده اللى شايل رأسه على كفه؟...بس اكيد طيب وابن حلال ..علشان رسى العطا عليه ..

حبة جد...

الفا مبروك ياجىجى والله فرحتيناا كلنااا مرة علشان رجعتى بنا ..والتانية علشان حتتجوزى...ربنا يتم على خير ...وبالرفاء والبنين ..( هى بالرفاء ولا بالوفاء ولا بالوفاق؟؟؟ هه..ايه بقى ؟؟؟).

طنطك فولانة................

[نانو]

الله عليكم

ايوه كده.....هو ده اللي انا كنت عايزاه واكتر

و حشتوني اوي...اوي ....ربنا ما يفرقنا يا جماعه..... مش معقول الواحد بيكتشف انه بيعشق هذا المكان عشق غير طبيعي

مصريه الهوي انت نورتي المحاورات ....شوفتي لما جيتي ا لكل اتلم حواليكي ازاي

و الف مبروك و يارب... و نشوفك احلي عروسه

س س ....خضر.... نانسي ..... فولانه

نورتوا المحاورات والدنيا كلها

(الاخت الغاليه فولانه علي فكره انا ما روحتش في اي حته ....انا و حشني الناس اللي هنا و كنت بدور عليهم

و كتبت الموضوع ده علشان اشوفكم كلمكم جنبي و حواليا)

يارب عقبال الباقي ......في ناس كتير نفسي اشوفهم في الصفحه ديه

[مصرية الهوى]

عايزين عزومة كل يوم انا والمستر :)

إيه اللي أنا سامعه ده ؟!!!!!

يعني بعد 45 سنة إضراب عن الزواج .. أخيراً جيجي هاتعملها وتبقى مدام أبو سريع

وكمان هاتسكني في ديريتنا ؟

يا دي النور يا دي النور .. دي المنفوحه هاتنور يا فندم ..

وعندي ليكي بقى شقة مطرحين وصالة وعفشة ميه في قلب المنفوحة العاصمة .. إنما إيه تررُد الروح .. يعني لا مكتب عقار ولا سعي ولا كلام من ده ...

وبعدين ليكو عندي عزومة ملوكي في مطعم " الشرابية " الهندي اللي بيقدم أكل حراق ومولع والوجبه بخمسة عشر ريالاً ( تكفي 3 أنفار يعني طبق واحد وفي 3 معالق ... وعلبة حاجة ساقعة بتلات شفطات وكثير من الثلج المُثلج )

بجد هاتنوروا الرياض وأهلها .. وإعتبروني مُرشد سياحي مجاني لكم .. وممكن أشرح لكم الرياض حته حته من أول برج المملكة .. لحححححححححححححححححححححد سوق عتيجه

(ما بعد التخرج إلا العرس) مثل محلي من انتاج كليات البنات :P ...

شفت بقى يا س س وقعت ولاحدش سمى عليا ..

اصل بيني وبينك فكرت قلت قبل ما اوصل للخمسين الحق اخلف لي حتة عيل اطلع بيه من الدنيا دي :rolleyes: ...

ويا عم كنت فين من زمان انت وخدماتك المجانية دي .. الشهر اللي فات كله لفينا لحد ما حفينا ندور لنا على حتة شقة ان شاء الله ربع اوضة وربع حمام وملقيناش .. لحد ما قررنا "نطق " لنا خيمة في الثمامة :D لحد ما ربنا يفرجها ... والحمد لله فرجها ربنا ولقينا شقة الاسبوع اللي فات ربنا يطرح فيها البركة ...

يا سيدي الرياض منورة بخطيبي وبأهلها كمان B) أصله بقاله سنين شغال هناك ...

وبعدين عرفت من فين ان المستر بيحب اكل الهنود المولع انت مكشوف عنك الحجاب والا ايه ...

ادة يا جيجى حمد لله على السلامة افهم من كلامك انك كنت غطسانة الفترة الى فاتت مش متصيف وانما تجهيز للجواز

الله يسلمك يا نانسي والله تقدري تقولي كده ...

فعلا كنت مشغولة جدا الشهر اللي فات بالتجهيز ... والشهر الجاي هأنشغل بتجهيز الحفلة ... ربنا يعين ويتمم بخير يا رب .....

واعذريني يا حبيبتي على التقصير من زمان مكلمتكيش :blush: .. بس اكيد عارفه البير وغطاه ..

بنت بنت بنتىىى...شى شى ...لللوللوووووووللللىىىىىىى....نويتى خلاص ؟ :) ..ومن غير ما اخد خبر ...هو ماهو علشان يعنى انا من الفرع الفقير فى العيلة...ومامعيش ولا حتى تُمن بترول... .....

وده مين الفدائى ده اللى شايل رأسه على كفه؟...بس اكيد طيب وابن حلال ..علشان رسى العطا عليه ..

حبة جد...

الفا مبروك ياجىجى والله فرحتيناا كلنااا مرة علشان رجعتى بنا ..والتانية علشان حتتجوزى...ربنا يتم على خير ...وبالرفاء والبنين ..( هى بالرفاء ولا بالوفاء ولا بالوفاق؟؟؟ هه..ايه بقى ؟؟؟).

طنطك فولانة................

الله يبارك فيكي يا تيته :P .. كنتي فين حبايبي هنا في المحاورات " ما جصروا" وعملوا لي حفلة كبيرة كلفتهم شي وشويات ....

والله يا ستي تقدري تقولي ان الفدائي ده اتدبس وهو مش واخد باله

او ان مامته داعياله ليلة القدر عند الكعبة :P .....

ربنا يخليكي يا رب همتك معايا بقى واديني حبة من نصايحك الجميلة عشان مش عايزين نخش المعركة على عمانا ...

ومتنسيش الفرح بقى .. انتي بركتنا ونورنا وحضورك أهم حاجة .. امال .. دنتي تيته فلانة ... مش أي حد ....

مصريه الهوي انت نورتي المحاورات ....شوفتي لما جيتي ا لكل اتلم حواليكي ازاي

و الف مبروك و يارب... و نشوفك احلي عروسه

الله يبارك فيكي يا نانو ...

دول اهلي وحبايبي وحتة من قلبي :wub: .. اللي مستغناش عنهم ابدا ..

[khedr]

مصرية الهوى

ما ينفعش تدخلي موضوع جوازك كده

من تحت لتحت....

اطلعي بره واكتبي موضوع منفصل

اعتبريه عزومه...اعتبريه وداع من حياه الي اخري

اعتبيريه زي ما انت عايزها.....بس اكتبي

علشان العبره والعظه في مستقبل الايام

ياللا ....... مستنينك وموضوعك .

وطبعا اخواتنا المحترمات اول المدعوات

في المشاركه والفرح والذكريات