حدوته لتنمية مدارك الطفل....رقم 6

[houssin abo habaga]

كان ياما كان فى سالف العصر وألأوان

ملك حاكم وفاكر أنه هو لوحده فى هذا الزمان

كان قصره محاط بالبساتيين وكل يوم ياكل عنب وتين وينام فى العسل لكن الملك كان

كل يوم يحلم بأمير يجمع الناس بالملايين علشان يعملوا ثورة ويهزوا كرسى الملك لأن

الملك كان ظالم ومجمع حواليه حاشيه تنهب وتسرق وتنشر الفساد وتسجن كل واحد

يقول الحق أو يتكلم عن حقوق الناس

والناس ساكتيين وكتر فى البلد مساكيين والحقوق بتضيع

لحد ما جه الأمير الصغير كان عادل بيزرع أرضه طول عمره بالخير وعمره ما حط بذره

شر وقف قال للناس علشان يكون فيه خلاص لازم تتجمعوا قالوا نعم داق بينا الحال

وجمعهم الأمير الصغير ومشى بيهم فى طريق قصر الملك فيه ناس ماشيه وراه كتير

الملك بعت فى وصتيهم البصاصيين علشان يبصوا عليهم ولما عرف أنهم متجمعيين

بعت الفتانيين علشان يزرعوا بينهم الفتنه وقعدوا يفرقوا فيهم ويقولوا الملك عنده

جيش كبير بياكل الضفادع والصراصير الناس خافت وبدأوا يتسربوا واحد ورا واحد

لحد الأمير الصغير ما وصل قصر الملك بص خلفه ما لقاش ناس فوقف وسأل نفسه

سؤال أتراجع فجاوبته نفسه على طول أنت أمير مش جبان فقال الأمير الصغير فى

نفسه الحر يموت بالسيف أحسن ما يموت م الخوف

ودخل الأمير على الملك وقاله أنت ملك ظالم والناس من ظلمك بتموت الملك بعد ما

سمع كلام الأمير أعجب بشجاعته ووقف وناده يا حراس

هاتوا الفاس وقطعوه أثنان وعشريين حته وأرمه كل حته فى أماره من أماراتى علشان

يكون عبرة لكل الناس والكل لازم يخاف

بعدها أرتاح الملك وقال الكابوس أنزاح دلوقتى مفيش أحلام دلوقتى أعرف أنام

وعاش الملك فى تبات والناس عاشت فى سكات بعد ما ندموا أنهم أتفرقوا ودلوقتى

عفوا غلطهم وبيفكروا يتجمعوا

أمتى يا راوى علشان ينتقموا للأمير الصغير

الله أعلم بالغيب

وتوته توته خلصت الحدوته .........وألى اللقاء مع حدوته جديده

"""""""""""""""""""""" :P mfb: -_-

www.dastor.net

omran55.maktoobblog.com