عودة أغبى مسلسل في العالم!

[Sherief AbdelWahab]

تعود إليكم المسابقة الرمضانية القوية الشديدة العنيفة المفترية لتأليف أغبى مسلسل في العالم على الإطلاق..

بطء...

ملل..

شلل..

توليفات مسلوقة ..

أفكار مسلوقة..

غباء مركز..

ورونا التأليف السليم .. يمكن تضرب مع واحد فينا ويبقى مؤلف مسلسلات منتج منفذ أد الدنيا..

خلص الكلام

[Diab]

دعني أقدح زناد فكري عشان ألف مسلسل جديد حصريا علي قناة المحاورات الفضائية

ومش حبيعلك المسلسل يا شريف

تم تعديل 19 سبتمبر 2006 بواسطة Diab

[نانو]

و الله يا اخ شريف

انا شايفه ان في الاتحاد قوه

يعني لو المحاورات انتجت مسلسل من تاليف المبدعين دياب و حشيش بيتهيئلي

هيطلع مسلسل :) ما يعلم بيه الا ربنا ....و هو ده المطلوب

[son of jacob]

معلش حضارتكم عودة إيه اللنتوا بتكلموا عليها المسلسل متقطعش عشان يعود. هو في أغبى من المسلسل اللي الحكومة معيشهلنا في مصر مسا و صباح من عشرات السنين؟؟؟

[Sherief AbdelWahab]

دة مسلسل واقعي يا عزيزي ، إحنا عايزين مسلسل من عينة اللي ينشوفه في التليفزيون .. "صاينص فقشن" يعني!

خلص الكلام

[صفاء]

طيب يا شريف هو فى ساينس فيكشن اكتر من الفضائيين اللى فى الحكم؟

يعنى كله خيال فى خيال

يعنى الراجل مصحصح رغم ان عنده 80 سنة لا وايه العالم كله متوقف على حمامته بتاعة السلام

يعنى لو الحمامة بعد الشر جرالها حاجة ... العالم هاتنزل طحن فى بعضيها

آدى فكشن اهو

[son of jacob]

هو في فكشن أحسن من إن الشارع يترصف بتاع 3 4 مرات في الشهر كل لما طنط سوزي تحب تزور الهلال الحمر و لا منظمة الصحة و الشارع الجنبه مكسر من 3 4 سنين

[إبن مصر]

انا شايف انه لازم نسجل عصابه حساس فى المصنفات ومش بعيد بكره نلاقيها حلقات على الفضائيات

<_<

[Sherief AbdelWahab]

كل الحاجات اللي بنعيشها تهريج ومستفزة .. بس أنا عايز غباء .. غباااااااااااااااء مركز..

تار .. جواز عرفي .. مط وتطويل .. وشوية وعظ ..

أنا عايز مسلسل أطول من كوبري 6 أكتوبر و 7 أكتوبر..

عايز مسلسل يصيب الناس بالحول والبارانويا والانفصام المركب ..

حاجة ميقدرش التليفزيون المتخلف بتاعنا يقول لها لأ..

خلص الكلام

[Sherief AbdelWahab]

أنا شخصياً أنتظر منافسة حامية على كتابة مسلسل أتمنى أن ينافس على الأغبى في العالم..

شاهدت الحلقات الأولى من بعض المسلسلات ، خاصة التي تتكلم في السياسة .. كمية غباء ما حصلتش ..

ورونا الهمة .. :)

خلص الكلام