قال عامل بيبوس أتاريه بيهدي النفوس

[MZohairy]

:)

الكل يعلم حبي لتهدئة النفوس المستثاره و خصوصا بعد المواضيع الأخيره

واخدين ايه من الدنيا؟

محدش واخد منها حاجه :D

يبقى لازم كلنا نهدي النفوس

رزقني الله سبحانه خبره واسعه في هذا الشأن :D

و لن ابخل بها عليكم

شوفوا بقى.....

أول حاجه

نشوف نقاط الضعف في الشخصيتين المستثارتين و المتنازعتين و نحاول نذكرهم للطرفين عشان يصعبوا على بعض و يرجعوايتصالحوا

تاني حاجه

ننتقي الكلمات التي تحث على الحب و عدم الفرقه مثل (شطه و فلفل للتشويق - صبار من الصبر - دم لربط الأواصر..... وكده يعني)

تالت حاجه

التركيز على اسباب الخلاف و اعادتها و تكرارها الاف المرات عشان المتنازعان يزهقوا خالص ويرجعوا يحبوا بعض

دي مقدمة النصائح واللي عنده حاجه يحب يضيفها يتفضل لغاية مارجعلكم تاني

الحمدلله ان اهتدينا وما كنا لنهتدي لولا ان هدانا الله :D

[أبو زياد]

نسيت نقطة مهمة اخى الحبيب :

أن تهيء الجو المناسب لتهدئة النفوس

يعنى مثلا لو تكييف والع تطفيه

لو الدنيا برد تفتح شباك :)

ياسلام بقة لو فيه كاسيت أو فيديو كليب جديد تعليه عالآخر <_<

لو فيه اطفال جمال يلعبوا حواليهم صلح :o

وهكذا يعنى

والموضوع حلو و ف وقته بمناسبة رمضان كل عام وانتو بخير

[MZohairy]

<_<

[صفاء]

اللهم قوى ايمانك

اللهم كتر من أمثالك

انا من هنا ورايح هاسميك الاستاذ ابو الخير

وخللى الصورة دى تبقى الشعار بتاعك

تم تعديل 20 سبتمبر 2006 بواسطة صفاء

[الرافعي]

:)

مش عارف ليه يا محمد كل ما باقرأ العنوان باحس إنك قاصدني <_< :

ماذا تقصد يا زملة الحصيل .. أفصح أبن أوضح :o

[MZohairy]

:)

مش عارف ليه يا محمد كل ما باقرأ العنوان باحس إنك قاصدني <_< :

ماذا تقصد يا زملة الحصيل .. أفصح أبن أوضح :o

انا مستغناش عنك بالدنيا مستغناش

انا في الحب ياحبك انت ياأما بلاش

سمعت حد يستغنى عن كبده او عن قلبه ؟

[Folana]

)

الحمدلله ان اهتدينا وما كنا لنهتدي لولا ان هدانا الله :o

السلام عليكم ورحمة الله ...

استاذ مسيو زهيرى ...كنت عايزة اسالك من فترة هى دى صورتك؟.....وان كان ايوه ..طب انت حتفضل حارم كده كتير...ولا الصورة دى لزوم تهدئة النفوس برضه..يعنى تعتبر عدة الشغل. <_<

طب تصدق بايه ..انا عندى واحد قريبى بس من ناحية زوجى...بيحب يهدى النفوس كده برضه ...ياساااااتر..تفضل النفوس تهدا ..وتهدا ..وتهدا ...لحد مانقوم نمسك فى بعض ونطلع على القسم....

بس انا حامشى على الخطط بتاعتك يارب اعرف ارد له ولو جزء من جمايله علينا...أزيدنا يا استاذ ..فتح الله عليك.... :)

[إبن مصر]

بصراحه كده يا زيزو يا اخويا ولا لك على حلفان انا اتعلمت تهديه النفوس فى اليومين الى فاتوا بس قد الى شوفته فى عمرى كله خصوصا منك ومن بعض الغائبين الحاضرين ربنا يجعل كلامهم فى ميزان حسانتهم يا رب.

ومن اهم الدروس التى توطدت فى وجدانى وداخل أريحتى.

اذا كان هناك خلاف فى بدايه النشوب فاختار الجانب المظلوم وطنشه خالص وسيبه يهوبص ويخبط راسه فى الحيط وانضم بكل قوه الى الجانب الاخر وشد من أزره ولما تلاقى الجانب الضعيف خلاص جاله شلل رعاش وبركنسون ديزيز .

قوم علطول مطبطب عليه وخده فى حضنك واختم كلامك ليه ب..... اوعى تعمل كده تانى.. <_<

بس وهو هايهدى خالص

للأبد

[MZohairy]

بصراحه كده يا زيزو يا اخويا ولا لك على حلفان انا اتعلمت تهديه النفوس فى اليومين الى فاتوا بس قد الى شوفته فى عمرى كله خصوصا منك ومن بعض الغائبين الحاضرين ربنا يجعل كلامهم فى ميزان حسانتهم يا رب.

ومن اهم الدروس التى توطدت فى وجدانى وداخل أريحتى.

اذا كان هناك خلاف فى بدايه النشوب فاختار الجانب المظلوم وطنشه خالص وسيبه يهوبص ويخبط راسه فى الحيط وانضم بكل قوه الى الجانب الاخر وشد من أزره ولما تلاقى الجانب الضعيف خلاص جاله شلل رعاش وبركنسون ديزيز .

قوم علطول مطبطب عليه وخده فى حضنك واختم كلامك ليه ب..... اوعى تعمل كده تانى.. :)

بس وهو هايهدى خالص

للأبد

:P :D :D :D :D

يانهار اخبر

فعلا

يوجد في النهر ما لا يوجد في البحر!!!!!!

تخيل ياأحمد ده درس جديد عليا و مكنتش اعرفه!

و فوق كل ذي علم عليم :P

)

الحمدلله ان اهتدينا وما كنا لنهتدي لولا ان هدانا الله :P

السلام عليكم ورحمة الله ...

استاذ مسيو زهيرى ...كنت عايزة اسالك من فترة هى دى صورتك؟.....وان كان ايوه ..طب انت حتفضل حارم كده كتير...ولا الصورة دى لزوم تهدئة النفوس برضه..يعنى تعتبر عدة الشغل. <_<

طب تصدق بايه ..انا عندى واحد قريبى بس من ناحية زوجى...بيحب يهدى النفوس كده برضه ...ياساااااتر..تفضل النفوس تهدا ..وتهدا ..وتهدا ...لحد مانقوم نمسك فى بعض ونطلع على القسم....

بس انا حامشى على الخطط بتاعتك يارب اعرف ارد له ولو جزء من جمايله علينا...أزيدنا يا استاذ ..فتح الله عليك.... :o

اولا دي صورتي يا فولانه

وانا في احرام دائم للحصول على الثواب الدائم

ثانيا دي مش عدة الشغل بس عشان الناس تقتنع و تهدى نفوسها بسهوله

ثالثا قوليلي قريب جوزك مشكلته ايه و انا اهديلك نفوسه و نفوس نفوسه (نفوسه ترجع لكلمة النفس مش اسم واحده)

[Folana]

السلام عليكم ورحمة الله .......

ياسلالالالالام يا أستاذ مسيو زهيرى ...ده انت تبقى خدمتنى خدمة العمر............... <_<

[ahm_ali_baba]

سؤال خارج الموضوع

هل يجوز التصور بملابس الاحرام اثناء قضاء العمرة او الحج

مجرد سؤال

[الرافعي]

سؤال خارج الموضوع

هل يجوز التصور بملابس الاحرام اثناء قضاء العمرة او الحج

مجرد سؤال

الأخ الحبيب أحمد علي بابا

كنت أود أن توجه هذا السؤال في رسالة خاصة ... النصيحة على الملأ فضيحة

مجرد تذكرة

[صبح]

سؤال خارج الموضوع

هل يجوز التصور بملابس الاحرام اثناء قضاء العمرة او الحج

مجرد سؤال

الأخ الحبيب أحمد علي بابا

كنت أود أن توجه هذا السؤال في رسالة خاصة ... النصيحة على الملأ فضيحة

مجرد تذكرة

بارك الله لك أخي الرافعي

وأنا وان كنت لا أعلم هل يجوز أم لا ولكن والدي ووالدتي تصوروا بملابس الأحرام فوق عرفة وهما يدعوان لنا

وما زلت أعلق صورتهما بجانبي (أطال الله في عمرهما)

وعلشان ما تزعلشي يا علي بابا هابق أشوفلك فتوى تريحك

أسيبك دلوقتي تستلقى وعدك من زوهيري :sad:

[Folana]

السلام عليكم ورحمة الله ..............

لا يوجد مايمنع من التصوير بملابس الاحرام......الا اذا بدأنا بقى نناقش هل التصوير عموما حرام ولا حلال....والله تعالى اعلى واعلم.......

يالا يا زهيرى جالك شغل .....ابدأ فى تهدئة النفوس والله معك..:sad:

[الرافعي]

السلام عليكم ورحمة الله ..............

لا يوجد مايمنع من التصوير بملابس الاحرام......الا اذا بدأنا بقى نناقش هل التصوير عموما حرام ولا حلال....والله تعالى اعلى واعلم.......

يالا يا زهيرى جالك شغل .....ابدأ فى تهدئة النفوس والله معك..:sad:

مدام فلانة

بالنسبة لقريبكم ... إحنا في الخدمة ... يعني بنفكر نعمل شركة خدمات للأعضاء فقط .. زهيري يهدي النفوس، وهانشوف حد مناسب يقوم بدور الخط بن عم الخط ويقوم بخدمات التصفية .. ممكن أحمد محمود مثلاً بحكم الصورة اللي حاططها ... بس قلبه طيب .. مش عارف هاينفع ولا لأ..

محمود الشاعر وصبح (وزهيري برضه) وحضرتك .. خدمات شعرية ..... بحسب الطلب ... يعني ... وتينة غضة الأطراف باسقة .. قالت لأترابها والصيف يحتضر ... وكده يعني

عصام مثلاً ... يشوف الفوانيس اللي بتعمل إشارة واللي ما بتعملش وهكذا

نفتش عن الإمكانيات المدفونة ونطلعها

[MZohairy]

اهم علي بابا في الدنيا :wub:

الراجل اللي صورني الصوره دي هو امام و خطيب المسجد اللي بنصلي فيه كل جمعه و صورهالي لما طلعنا نحج مع بعض

وانا صورته صوره زيها فقط للعلم :wub:

بص يا رافعي ياخويا

لازم خطه محكمه للقضاء على قريب فولانه ده :sad:

لازم ندرس نشأته و بيئته واعداؤه مين و ايه اللي بيزعله و حساس من ايه و ايه اللي بيحرجه و كده

عشان نعرف نهدي نفوسه صح :blush:

[إبن مصر]

لا يا زيزو الموضوع أسهل من كده بكتييييييييييير..

وصدقنى طريقه مجربه وباب عظيم من ابواب الفوائد

فقد ذكر المسخن ابن أبى ولعه(انظر ترجمه المؤلف فى مجموعه الدخان فى اتيان البيان) فى كتابه وصف العروس فى تهدئه النفوس باب الاشعال الذاتى.

افترى عليه وسيبه يدافع عن نفسه وكل ما الناس تيجى تصدقه قوله :

(اعذرنى بس انا مش مصدق الحته دى )

يقوم هو يتبط وينهد ويشرح من الاول وفى الاخر برضه هايجيله شلل رعاش وباركنسون ديزيز تقوم واخده فى حضنك وقايله:

( ولا يهمك بس ما تعملش كده تانى )

يموت علطول بعدها..

أحمد محمود

دكتوراه التهدئه المقارنه من جامعه السوربون بالقليويه

وسحلاج فرن بلدى

[MZohairy]

لا يا زيزو الموضوع أسهل من كده بكتييييييييييير..

وصدقنى طريقه مجربه وباب عظيم من ابواب الفوائد

فقد ذكر المسخن ابن أبى ولعه(انظر ترجمه المؤلف فى مجموعه الدخان فى اتيان البيان) فى كتابه وصف العروس فى تهدئه النفوس باب الاشعال الذاتى.

افترى عليه وسيبه يدافع عن نفسه وكل ما الناس تيجى تصدقه قوله :

(اعذرنى بس انا مش مصدق الحته دى )

يقوم هو يتبط وينهد ويشرح من الاول وفى الاخر برضه هايجيله شلل رعاش وباركنسون ديزيز تقوم واخده فى حضنك وقايله:

( ولا يهمك بس ما تعملش كده تانى )

يموت علطول بعدها..

أحمد محمود

دكتوراه التهدئه المقارنه من جامعه السوربون بالقليويه

وسحلاج فرن بلدى

:)

يابوحميد أهو انت كده وريتنا الفرق بين المهندس الميكانيكي المتخرج من كلية المهندسخانه و بين الميكانيكي اللي بقى اسطى بعد ماتمرمط في الشغلانه من ايام ما كان بليه

الطريقه اللي انت بتقولها دي متنفعش فقط الا مع الناس الحساسه واللي الكرامه عندهم عاليه أوي

الدنيا يابوحميد مليانه جبلات واللي لو حتى رزعته على قفاه مش بيهمه و حتى مبيدورش وشه يشوف مين اللي رزعه

دول مينفعش معاهم الأسلوب الراقي بتاعك ده (بالرغم من جدواه الكبيره مع بعض الناس العاليه)

ده عايز شغل حلل واطشاط و كيد نسا عشان تهديله نفوسه و نظام ابره مصديه على الكوم مرميه و كده :D