ام البنات بتاريخ: 7 أكتوبر 2006 تقديم بلاغ مشاركة بتاريخ: 7 أكتوبر 2006 (معدل) السلام عليكم ورحمة الله وبركاته ايه يا ستات محدش كتب وصفه لاخونا اللى هيفطر لوحده لو انت فى مصر يبقى اللحمة مشكلتها بس بس الفلوس يعنى اذا كانت الاشيه معدن ممكن تجيب كيلو لحمة واسترخص روح لجزار بيبيع كيلو اللحمة ب40 جنيه بس واذا كنت عايش فى دول اللحمة الكاوتش مش هاعرف افيدك عموما شوف الافطار فته ودى حاجه سهله جدا" بتجيب اللحمة وتغسلها كويس وتقطعها قطع مكعبات وبعدين تسلقها فى مايه مع بصله مقطعه اربع تربع وشوية فلفل وملح وتوابل وتيجى للارز هتعمل كوبايتين ارز بنفس الكوب تعاير الميه ومعلقة سمنه كبيرة وملح حسب الرغبه وتسيبها تغلى ( المية تتشرب) وبعدين تقلبها بالشوكه بلاش المعلقة وبعدها تحط الحلة على نار هاديه وتحت الحله صاج من بتوع علبة السمنه أو الشياطه المخرمه اللى دايما ايديها محروقه ومش فى مكانها المهم تسيب الارز متقلبش فيه كل شويه احسن هيعجن وبعد كده تجيب فصين توم وتدقهم فى الهون او قطعهم مكعبات صغيرة او فتافيت وتجيب معلقة سمن وتحطهم فيها لغايه ما الريحه تطلع ويشمعها الجيران بلاش الجيران احسن تحرقهم ويشمهم الجيران طيب لغاية ما لونها يصفر وتجيب 3طماطم وتبشرهم بمبشرة البصل اذا كنت بتعرف تستخدم الخلاط اضربهم فيه وبعدبن حطهم على التوم المصفرة ووطى النار لغاية ما تلاقى الخليط بقى سميك اوعى تنسى تضرب الطماطم بالميه كوباية ميه ونص بعدكده تجيب العيش وتحمره او تسيبه من غير تحمير وتجيب طبق غويط وتحط العيش المقطع وبعدين تسقيه بشوية شوربه وتحط الارز وبعدين تسقيه بالصلصه وتاكل اللحمه مسلوقه او تحمرها فى السمنه بس اوعى تحط الارز وهو نىء هيبقى عندك شوربه بتاعة اللحمة وعندك الفته والسلطه هات زبديه وابشر فيها خيار وبالهنا والشفا :wub: فولانه هانم بنت افندينا :wub: نونا بنت النيل :wub: اخواتى الستات المحترمات طبعا ان شاء الله هارد عليكم بس ااقوم اسحر العيال واذا كان فى عمر ارد او ارد بكرة برضه اذا كان فى عمر بيتهيألى انا عملت وصفه صعبه لاخونا وليد ومش هيدخل مطبخنا تانى طيب ممكن حد يكتب له وصفه سهله ااقوم اسحر العيال تم تعديل 7 أكتوبر 2006 بواسطة ام البنات يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Folana بتاريخ: 7 أكتوبر 2006 كاتب الموضوع تقديم بلاغ مشاركة بتاريخ: 7 أكتوبر 2006 السلام عليكم ورحمة الله ........ ام البنات ..بونجور عليك...تسلم ايديك على الفتة ..والله فكرة جميلة ..بس تعرفى انا مرة اكلت فتة عند ناس وكانوا ضايفين لحمة مفرومة بالطماطم فوق الوش ..والله كانت فكرة جديدة وطعمها جميل كمان... وليد.. انا قريت موضوعك امبارح بس كل ما ادخل غرفة الكهربا دى اللى بنكتب منها..واجى أفن فى الوصفة ..يجى لى تليفون..يجى لى زائر...بنتى تكون عايزانى اشرح لها حاجة ..كده يعنى ... وانا بافطر بقى ..افتكرتك..وقلت ياعينى يا وليد..اعتمد علينا وتلاقيه بيفطر على مائدة الرحمن دلوقت....معلش ملحوقة... بنت النيل....هاتى الفرخة بمستلزمتها يعنى الاوركة والالصدرة والاجنحة..وسيبى الغشيم وتعالى ناكلها كلنا هنا سوا ..ومعانا نانو كمان... نانو ..ماقلتيش عملتى ايه فى الفراخ المشوية نفعت الطريقة ولا لأ....عايزين ندوق وصفة حلوة من ايديك.... وليد تانى ..حاقولك على حاجة سهلة تعملها بسرعة ..بسرعة ,,لو لسه مغضوب عليك وحتاكل لوحدك... اصباع الموتزريلا المقلية عارفينها طبعا ..اللى بتتقدم فى تشيللز وسبيكترا والحتت البلدى دى :wub:......انا فضلت وراهم لحد ماعرفت بتتقلى ازاى.. :wub: حنجيب كيس موتزاريلا من السوبر ماركت..بس يكون قطعة واحدة مش مبشور يعنى ...... نقطعها اصابع مش سميكة جدا ومش رفيعة ...يعنى تكون فى حجم ابع اليد كد او اسمك قليلا... - نكون محضرين برضه بيضتين ..مخفويين وعليهم شوية فلفل اسود وشوية ملح نونو .. - ومحضرين بقسماط مطحون...وكوب دقيق مثلا او حسب الكمية ..ونضيف عليهم ملعقة نشا ...( والنشا بتخلى الحاجة مقرمشة وماسكة..) حنضع اصابع الموتزريلا فى البيض....ثم البقسماط...ثم الدقيق والنشا ...لحد ما الكمية تخلص وتتغطى اصابع الموتزريلا كلها ... ونسيب الكلام ده فى التلاجة شوية .. وبعد كده نقليها فى زيت غزير مقدوح كويس ومانحطش الكمية كلها فى الطاسة ..علشان دى جبنة وممكن تلزق فى بعضها..... طبعا هى بتتقدم معاها ديبينح..اللى هو غموس يعنى :)....ممكن كاتشب..وممكن صوص مخصوص لها ...بيتعمل من الطماطم والفلفل الحامى والريحان الناشف ...وملح وفلفل بقى ..وترفع على النار لحد قوامها ما يغلظ ..وتتقدم معاها .. وعلى فكرة ممكن تلاقوه بيتباع فى السوبر ماركت ... كنت عايزة اكتب لك ياوليد..طريقة القطايف باللحمة المفرومة...دى برضه سهلة جدا...بس بعد شوية علشان جالى حول خلاص...... ( ام البنات ..انت بتخلى كلامك متنصص وخطك حلو ازاى كده ..هه ..ازاى بقى :wub: ) { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
وليد صفوت بتاريخ: 7 أكتوبر 2006 تقديم بلاغ مشاركة بتاريخ: 7 أكتوبر 2006 مدام ام البنات ميرسى على الوصفة الحلوة دى الله اعلم اذا كنت هعرف اعملها و لا لأ ربنا يستر شكلى هولع فى البيت النهاردة :wub: مدام فولانة صباح الخير و الياسمين .. الفطار النهاردة ان شاء الله و انا قريت الوصفة بتاعت مدام ام البنات و كمان وصفتك و مش عارف بصراحة اصل امكانياتى المطبخية اقل من كده بكتير ربنا يستر ..... انا هحاول ابدأ و لو لقيت العملية اقل من امكانياتى يبقى عليا و على محل عمو رجب اللى على اول الشارع بتاع الفول و الفلافل :wub: :wub: رابط هذا التعليق شارك المزيد من خيارات المشاركة
ام البنات بتاريخ: 7 أكتوبر 2006 تقديم بلاغ مشاركة بتاريخ: 7 أكتوبر 2006 (معدل) حبيبتى فولانه هانم شوفى بالنسبه لموضوع الفته فى كمان اختراع سمعته وبيخليها رائعه انا عملته وتقطعى اللحمة على العيش ووعلى وش الفته كمان بتحطى الصلصه على العيش قبل الشوربه بيديها نكهه جميله اخونا وليد ربنا معاك وفى أكلات سهله تسلق مكرونه وبدل الصوص باللحمة المفرومة تحط كاتشب وبالنسبه للمكرونه بعد ما تسلقها تقلبها فى معلقة سمنه وممكن حل بسيط جيب الحله وبعدما تسلق المكرونه حطها فى المصفى واشطفها كويس وبعدين افتح التلاجه تلاقى فيها زيتون اسود واخضر وجبنه رومى وطماطم تقطعهم قطع صغيرة وتشوحهم فى السمنه وتقطع عليهم بصلة صغيرة ولوفى بسطرمة برضه وبعدين تحط عليه المكرونه وهتيقى أحلى مكرونه وجيب كفته ثرى شيفس او حلونى وحطهم على النار فى صينيه فيها شوية زيت ونص كوب ماء وغطيهم وعلى ما تخلص تقطع السلطه هتلاقى الكفته استوت وبالهنا فولانه يا حبيبتى روحى على لوحة التحكم واختارى الوجهه المتطورة وعند الكتابه اكتبى فى إضافة رد مش الرد السريع وبعدين بتظللى النص كله وتحطيه فى النص وتكبرى وتصغرى الخط على مزاجك وتظللى ازاى؟ عن طريق كليك يمن سليكت اوول هيظلل النص وبعدها كملى بقولك ايه موضوع الموتزيريللا هارجع له ان شاء الله :wub: :wub: تم تعديل 7 أكتوبر 2006 بواسطة ام البنات يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
نانو بتاريخ: 7 أكتوبر 2006 تقديم بلاغ مشاركة بتاريخ: 7 أكتوبر 2006 بنت النيل و حشتيني جدا جدا انت فين من زمان عاش من شافك يارب تكوني بخير و صحه و كل الاسره ياربو تسلميلي يا حبيبتي علي الفراخ اللي بعتيهالي في الموقع و صلت و زياده كمان :wub: و بعدين والله اللحمه كاوتشوك.... و وصلت للحمه المصري بس برضه مش طريه و حلوه زي البتلو المصري المحترم بتاعه شهاب فولانه حبيبتي مش عارفه اشكرك ازاي علي صوابع الموتزاريلا لاني فعلا كنت هاموت واعرف بتتعمل ازاي لاني بحبها جدا... يا جماعه مش قادره ادخل هنا و انا ايدي فاضيه فقولت اكتب لكم حاجه سهله اوي هي كنافه بالموز طبعا الاكله ديه مش محتاجه مقادير هي بس الفكره انه الحشو فيها مكون من كاستر و يقطع عليه موز دوائر فوق الكاستر و علي مساحه الصينيه كلها ثم يوضع باقي كميه الكنافه علي الوش و طبعا عليها سمنه سايحه (زي بتاعه عبد الفتاح القصري كده) و اهم شئ انك تضغطي كويس اوي علي الكنافه بس من غير ما تفعصي الموز :wub: و طبعا ما تنسيش تحطي العسل علي الوش و ياريت لو حد عملها يقولي ايه الاخبار :wub: there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
Folana بتاريخ: 8 أكتوبر 2006 كاتب الموضوع تقديم بلاغ مشاركة بتاريخ: 8 أكتوبر 2006 (معدل) السلام عليكم ورحمة الله ..... ياجماعة ..سامحونى بالنسبة للموتزريلا..بنخلى البقسماط اخر حاجة...معلش اتلخبطت وانا باكتب ..كمان ياريت تكون اصابع الموتزريلا نصف مجمدة علشان ماتسحيش مننا على النار...وطبعا يادوب تاخد لون دهبى فى القلية ونطلعها على طول.....وجل من لا يسهو..... :wub: وليد..انا مش عارفة انت امكانياتك ايه بالظبط يعنى علشان نكون بنشتغل على نور..وتقصد امكانيات مادية يعنى و لا تقصد ايه ..تكلم...تكلم وخليك صريح...ماتخافش... طيب شوف حاقولك على شوية حاجات سريعة... القطايف باللحمة المفرومة المقادير :blush: نصف كيلو لحم مفروم عدد 2 بصلة مبشورة عدد 2 وحدة فلفل اخضر - رومى يعنى - حزمة بقدونس مغسولة كويس بالخل ومخرطة ملح - فلفل اسود - بهار صنوبر ..( اختيارى)... مافيش حاجة بتخنقنى الا كتب المقادير دى ..وحتلاقينى نسيت نص الوصفة.....ايوه صحيح نسيت القطايف ... نصف كيلو قطايف ...الحجم الى يعجبك.. برضه ركزوا فى الطريقة يمكن اكون نسيت حاجة فى المقادير... الطريقة... اول حاجة حنحط اللحمة المفرومة على البصل المبشور ..ونرفعهم على النار ..وممكن طبعا نضيف عصير طماطم ..على اللحم المفروم علشان يستوى فيها ..يجى طماطميتين او تلاتة بس... ونضيف الفلفل الاخضر بعد تقطعيه الى شرائح رفيعة وصغيرة او نضربه فى خلاط البصل على طول ..ونضيفه على اللحمة مع الملح وافلفل والبهار...ولو حد بيحب طعم القرفة ..ممكن يضيف نصف ملعقة .. بعد كده ولما اللحمة تستوى نطفى عليها ونضيف البقدونس المخرط..ونضيف الصنوبر بعد تحميره على خفيف فى السمن او ملعقة زيت .. الكلام ده معناه اننا بنعصج الحمة...وكل واحد وطريقته..يعنى فيه الى بيحب يحمر البصل الاول وبعدين يضيف اللحمة ..او يضيف سمن على العصاج..انا باحب الاكل خفيف وصحى علشان كده مش باضيف سمن على العصاج... نجيب بقى القطايف ونحشيها باللحمة ونقفلها كويس من الاطراف علشان ماتفتحش مننا ..وبعد كده نحمرها فى الزيت ..ونقدمها .... الوصفات دى بقى لوليد.. الشكشوكة ... المقادير....(اووف) 5 او 6 بيضات ........ حزمة بقدونس متخرط رفيع ومغسول بالخل ومشطوف كويس.........3 فصوص ثوم ..........3 قرون فلفل اخضر حامى ..........بصلة كبيرة..........نصف كيلو طماطم......ملح وفلفل وسمن طبعا الطريقة:.... حنقطع البصل حلقات ونحمره فى السمن لما يدبل بس شوية ..نضيف عليه الثوم اما مدقوق او متخرط برضه ..ونقلب لحد لونه مايصفر... نقطع الطماطم والفلفل قطع صغيرة ونضيفها للبصل ونقلب لحد الطماطم ماتتسبك... نضيف نصف كوب ماء ونتبل بالملح والفلفل ..ونسيبها تاخد غلوتين... نصب الخليط ده فى صينية تيفال ونكسر البيض بعد عمل فتحات له بالملعقة ..وندخلها الفرن ..ولما البيض يستوى نرش على الوش البقدونس وبس كده.... السخينـــــــــــــــة... المقادير.....(موجودة فى الطريقة) :o الطريقة.....(راجع المقادير) B) حنجيب برضه حوالى خمس او ست بيضات...وبصلة كبيرة ...وملح وفلفل وكمون وملعقة صغيرة كراوية ونصف كوب ارز حنقطع البصل مكعبات ونحمرها فى الزيت لحد ما لونها يصفر نضيف عليها كوبتين ميه والملح والفلفل والكمون والكراوية ونسيبها تغلى... نغسل الارز ونضيفه للميه المغلية ونسيبه لما يستوى يتسلق يعنى ..بعد كده حنضيف البيض واحدة واحدة لحد مايجمد (نكسرها فيه يعنى)...وبتتقدم على شكل شوربة سميكة بالارز والبيض المسلوق... (ومش عايزة ضرب )......... عصــــــــــــــــــــــــائر.... الخــــــــروب حنضع كوب سكر على النار ونقلبه لحد مالونه يغمق - كراميل يعنى 9 وبعدين نضيف الخروب ونقلب وبعد كده نضيف الماء ونسيبه يغلى خمس دقايق ..وبعد كده نسيبه منقوع حوالى اربع ساعات ونصفيه ونشيله فى الثلاجة.. الدوم ..نفس طريقة الخروب تمر هندى......... نغسل التمر هندى ونغطيه بالماء ونرفعه على النار يغلى وبعد كده نسيبه منقوع لمده اربع او خمس ساعات ...نضربه فى الخلاط كويس وبعد كده نصفيه بمصفاة ضيقة..زى بتاعة الشاى كده بس الكبيرة...وبعد كده نصفيه بشاشة ..ونحليه حسب الرغبة ونشيله فى التلاجة نلتقى بعد الفاصل ...... [ تم تعديل 8 أكتوبر 2006 بواسطة folana { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
وليــد صفـــوت بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 مدام فولانة :D صوابع الموزاريلا ادت على عجة مسلوقة :blush: .. و فى الآخر فطرت عند واحد صاحبى قهراً يعنى غصباً عنه :D اصلى حطيتهم على طاسة متوسطة الحجم و ماعرفتش انهم بيجروا على بعض و يحضنوا بعض جوا الطاسة :wub: الا بعد ما عملتهم B) .... بس تصدقى طعمهم حلو برضو رغم كل اللى حصل :o ميرسى يا مدام ام البنات على الوصفات الحلوة دى انا هحاول اعملهم save عندى على الجهاز عشان لو اهلى عملوها فيا تانى و سابونى ابقى جاهز :D ميرسى لكل سيدات المطبخ على الخدمة الجليلة دى :o Cowards die often Human nature gone wrong,... When circumstances themselves have gone wrong رابط هذا التعليق شارك المزيد من خيارات المشاركة
MZohairy بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 ممكن المغات لو سمحتم؟ :blush: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
نانو بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 و بعدين بقه في البلبله اللي انت عاملها يا ابو اياد مش كفايه اياد يعملها ولا ايه انا كتبت هناك في موضوع اي وصفه وبعدين لقيت فلانه بتكتب هنا روح هناك وتعالي هنا و خير انشاء الله there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
Folana بتاريخ: 8 أكتوبر 2006 كاتب الموضوع تقديم بلاغ مشاركة بتاريخ: 8 أكتوبر 2006 (معدل) السلام عليكم ورحمة الله .... :blush: الله .....!!!!!!!!!! :wub: الله الله....ايه ده ياجدعان...ايه اللى جرى لك ياوليد....لا حول ولا ائوة الا بالله....ما انت كنت كويس....انت اتفصلت من الاشراف ولا ايه؟...وبعدين هو علشان اهلك رموك قصدى سابوك يومين تقوم تصغر تانى كده وتعيط.... طمنى عليك يابنى...طب ده انت كده بقى تبقى عايز وصفة للرضعة او السيريلاك...اقولك ..خلى عمو زهيرى يأخدك ..ماهو لسه جايب بيبى وهو جاى المحاورات اهو برضه القمة تكفى اتنين ... بجد بقى ..ليه كده ؟...انت متخفى؟...فيه حد مطلوب القبض عليه هنا فى المنطشئة دى ؟.... طبعا الموتزريلا بتسيح ما انا قايلة الكلام ده النهاردة..يعنى كان لالالالازم تستنى شوية اما افتكر انا نسيت ايه...قول انت عايز تعمل ايه وانا اقولك ... امرؤ الزهيرى عندنا ...يامرحبا يا مرحبا......اهو جه ياولاد اهو جه ياولالالالالالالاد .... المغــــــــــــــــــــــــــات هات ربع كيلو مغات ..كفاية كده لانى مش باحبه ومش حاشرب منه... وهات تمن كيلو سمسم....خد منهم خمس ملاعق بس...وسمن بلدى حُر..مش سمن نباتى هه واخد بالك... وسكر الطريقة.....حمر السمسم فى السمن وضيف له المغات وقلب وبعدين ضيف المية مع التقليب المستمر وبعدين ضيف السكر...... وقلب لحد ماقوامه يغلظ ....وتكون محضر بقى المكسرات المحمصة ..انت ومقدرتك يعنى ..يعنى بندق ولوز وصنوبر...او سودانى ..حسب الحالة المادية . :o ..وترش المكسرات فوق الوش....وفيه ناس بتضيف نص ملعقة سمن بلدى فوق الوش ( ييعع )...امعانا فى الوجاهة... الحلبة المحوجـــــــة نفس مقادير وطريقة المغات بس بدل المغات حلبة محوجة.. الحلبة بالعسل الاسود.... تجيب الحلبة الحصى وتنقيها وتغسلها ..وتغليها لحد ماتقول حقى برقبتى..وتحليها بالعسل الاسود....ودى للمدام مش لك... ( انا مش حافطر النهاردة...) اى خدمات يا استاذ امرؤ....عايز كوافيل ...كراوية ..ماء غريب ..اى حاجة ممكن نكتبها باذنك يارب............. تم تعديل 8 أكتوبر 2006 بواسطة folana { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
MZohairy بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 اى خدمات يا استاذ امرؤ....عايز كوافيل ...كراوية ..ماء غريب ..اى حاجة ممكن نكتبها باذنك يارب............. ياااااااااه ماء غريب....... فكرتيني بالذي مضى :blush: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
وليــد صفـــوت بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 السلام عليكم ورحمة الله .... B) الله .....!!!!!!!!!! :o الله الله....ايه ده ياجدعان...ايه اللى جرى لك ياوليد....لا حول ولا ائوة الا بالله....ما انت كنت كويس....انت اتفصلت من الاشراف ولا ايه؟...وبعدين هو علشان اهلك رموك قصدى سابوك يومين تقوم تصغر تانى كده وتعيط.... طمنى عليك يابنى...طب ده انت كده بقى تبقى عايز وصفة للرضعة او السيريلاك...اقولك ..خلى عمو زهيرى يأخدك ..ماهو لسه جايب بيبى وهو جاى المحاورات اهو برضه القمة تكفى اتنين ... بجد بقى ..ليه كده ؟...انت متخفى؟...فيه حد مطلوب القبض عليه هنا فى المنطشئة دى ؟.... طبعا الموتزريلا بتسيح ما انا قايلة الكلام ده النهاردة..يعنى كان لالالالازم تستنى شوية اما افتكر انا نسيت ايه...قول انت عايز تعمل ايه وانا اقولك ... لأ يا مدام فولانة انا اصلى واخد اجازة من الإشراف :D عاوز استمتع برمضان مش عارف... فقولت اسلم نمر و اريح و استريح :wub: بس انا فعلاً ما اخدش بالى من موضوع الجبنة اللى بتسيح دى :D ،... و ده درس اتعلمته انى لما اجى اقرأ الوصفات ابقى اقراها كويس و اركز مش قراية ورق مذاكرة يعنى ... لأ ده طبيخ :D يعنى لازم نركز :blush: انا حجزت مع ابيه احمد محمود خلاص و هروح اعيش مع نور الدين احمد محمود كام يوم كده لحاد لما اهلى يفتكرونى :D :D عن قذنكوا ..... معاد الرضعة :o Cowards die often Human nature gone wrong,... When circumstances themselves have gone wrong رابط هذا التعليق شارك المزيد من خيارات المشاركة
مصرية الهوى بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 احم احم .. يا أهل الله يا اللي هنا -_- والله وجه اليوم اللي تخشي فيه المطبخ يا جيجي mfb: ما علينا .. المهم يا سادة يا كرام .. انا عندي اكلات تجنن .. عشان تعرفوا اني مش فاشلة اوي اوي :wub: هابقى اكتبها لكم بعدين ... بس عايزه الاول اطلب من فطاحلة ( يعني ايه ؟؟ :sad: ) المطبخ ... انهم يلحقوني بطريقة مجربة وحلوة للقطايف .. لاني النهارده عملت قطايف وفشلت وعكيت الدنيا ... واهم سؤال .. القطايف تقلى بزيت غزير والا قليل ؟؟ وشاكرة لكم مقدما .. وهأقوم أحضر لكم الاكلات اللي قلتلكم عليها .. بس من دلوقتي بأقول اهه ماليش دعوى بأي مضاعفات او تسممات او نقل للمستشفى وخلافه :) وقد اعزر من انزر :huh: جيجي ... سعودية الجنسية ... مصرية الهوى ... رابط هذا التعليق شارك المزيد من خيارات المشاركة
نانو بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 العروسه..!!!!!!!!!!!!!!!!!!! حمدلله علي السلامه........... وحشتينا اوي اوي اوي اخيرا جيتي عندنا.....و بعدين بعد الغيبه ديه كلها ...تيجي علي المطبخ عدل... mfb: سبحان مغير الاحوال........... نفسنا نشوف الجندي المجهول الي ورا التحول ده من باب الادب و الشعر.......... لباب المطبخ -_- و بعدين ايه يا جيجي الاكلات الحلوه اوي اللي ممكن تعمليها فينا.... :sad: اقصد تعمليهالنا و انتي مش عارفه تقلي :wub: القطايف حبيبتي القطايف كالتالي: طبعا بتكوني محضره مكسرات مطحونه شويه و بعدين تحشي بيها القطايف و تقفليها كويس من بره و علي فكره لازم تكون القطايف طازه علشان تقفل كويس ....لانها لو بايته عند الراجل هتفتح منك وقت القلي لازم تتقلي في زيت غزير جدا و ساخن جدا و الا هاتفتح منك و تلهلط ( عارفه تلهلط ازاي) :) لغايه ما تبقي لونها احمر شويه علشان تبقي مخرفشه ( فاهمه مخرفشه ازاي ...و لا ايه) و تكوني محضره عسل من قبل كده.....علشان يبقي بارد و تطلعي القطايف و تصفيها كويس من الزيت في مصفاه و تحطيها علي طول في العسل و هي ساخنه و هو بارد و تقلبيها فيه و بعدين تطلعيها تاني في مصفاه و تصفيها من العسل وبعدين تقدميها بالهنا و الشفا وحشتينا يا جيجي :huh: there is a miracle called friendship,that dwells in the heart you donot know how it happens or when it gets its start رابط هذا التعليق شارك المزيد من خيارات المشاركة
ام البنات بتاريخ: 8 أكتوبر 2006 تقديم بلاغ مشاركة بتاريخ: 8 أكتوبر 2006 (معدل) ماشاء الله ماشاء الله مطبخك بقى عامر ياست منى عامر ااقصد يافولانه هانم بنت أفندينا مصرية الهوى منورة يا جميله طبعا ممكن تقلى القطايف فى زيت غزير لو عاوزاها مقرمشه وزيت قليل لو عاوزاها مش ناشفه وبالهنا والشفاء طيب انت يا جى جى بتسألى على على القطايف الحادقه ولا الحلوة؟ وبعدين محدش كبير على المطبخ يا ست الكل استاذ زوهيرى منور مائدة الرحمن ربنا يبارك لك فى النونو استاذ وليد الاسرة بتفطر من غيرك علشان حضرتك مش عاجبك الاماكن وبتزهق من التجمعات صح عموما احنا تحت أمرك بس برضه روح افطر مع الاهل رمضان بيحب اللمة نانو وصفتك رائعه وانا عملتها قبل كده بس المشكله مش كل الناس بتحب غير التقليدى بس انا عاجبتنى قوى استاذ زوهيرى فى طريقه للمغات علشان يتخزن فى التلاجه مش كل ما يجى حد نحمرونشوى لو عاوزها ابقى ااقولك عليها تم تعديل 8 أكتوبر 2006 بواسطة ام البنات يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Folana بتاريخ: 9 أكتوبر 2006 كاتب الموضوع تقديم بلاغ مشاركة بتاريخ: 9 أكتوبر 2006 السلام عليكم ورحمة الله.... دى بركة دعائك ياست الكل..الناس شافوا ام البنات هنا فحضروا ...معلش بقى انا مش باعرف ادخل هنا بعد الفطار..يادوب بارجع من المسجد مش شايفة...فمش بارد عليك بسرعة ... طبعا اكتبى طريقة حفظ المغات ...اهو نستفاد كلنا...ومنتظرة وصفة جميلة منك.كالعادة.... يانهار ابيض..يانهار ابيض....جيجى عندنا...يادى النور ياولاد..دى زيارة غالية قوى.....الا صحيح ماتدوقينا الاكل السعودى ...اهو برضه يبقى عندنا مطبخ يمنى ومطبخ سعودى.... شوفى ياحبيبتى ياغالية يا أم الغالى (س.س.):sad:..القطايف دى من اكلاتى المفضلة...فيه منها حادق باللحمة المفرومة ودى انا لسه كاتبة طريقتها من محطتين فاتوا... وفيه كمان قطايف حادقة بتتحشى جبنة ونعناع ناشف وبقدونس مفروم .. وفيه اللى بالمكسرات او بالبودنج او بالقشدة اول حاجة طريقة عمل الشربات ... كوبيتن ونصف سكر....مع كوب ماء ..ونصف ليمونة كبيرة ..الاول تغلى الماء مع السكر وبعد كده تضيفى الليمون ..ويغلى لمدة عشر دقايق كده حسب ماتشوفيه قدامك...وبعد كده ممكن تضيفى عليه فانيليا..او ماء الورد (وده الاجمل)...او قرفة ..او قرنفل ..بس لو قرنفل يبقى حطيه يغلى من الاول ....وتسيبه يبرد..( ام البنات ...راجعى ورايا الله يخليك ..انا عارفة انك استاذة ماتسبنيش لوحدى ) [size=4]القطايف بالمكسرات.......... زى ماقالت لك نانو بالظبط...بتجهزى خلطة المكسرات بانواعها بقى..وانت عايشة فى السعودية ومش عايزة افسر اكتر من كده...المهم المكسرات ماتبقاش حادقة ولا بملح الليمون طبعا... وتفرميها بس ماتخليهاش ناعمة قوى وتضيفى عليها زبيب وجوز هند وممكن شوية سكر كمان ... وتحشى القطايف وتحمريها وبعدين تغمسيها فى العسل ...وبعد ما تطلعيها من العسل تحطيها فى مصفاة تحتها طبق علشان تتخلصى من العسل الزائد وترصيها فى طبق التقديم وترشى عليها فستق مطحون ...( ما انت عايشة فى السعودىة بقى ومش عايزة افسر ..كلاكيت تانى مرة :wub: ) قطايف بالبودنج........... تحضير البودنج...هاتى كيس بودنج جاهز ودوبيه فى اللبن وحليه بالسكر..وارفعيه على النار لحد قوامه مايغلظ ..وسيبيه يبرد وضيفى عليه جوز هند مع التقليب ... بعد كده احشى القطايف واقلى الى اخر السطر ........ قطايف بالقشدة والمكسرات .... حضرى القطايف ..وكمان حضرى قشدة طازجة وفستق مطحون..... حتعملى القطايف على شكل قرطاس..وتقفلى لفة القرطاس من تحت كويس عن طريق بلها بالماء على خفيف واضغطى عليها.. كده عندك قرطاس قطايف....ابدأى اقلى الكمية اللى عندك فى الزيت ...وشيلى من الزيت ..حطيها فى العسل .. لما الكمية تخلص ..ابدئى بحشو القراطيس دى بالقشدة وبعد كده اغمسيها فى الفزدق المطحون... ومايهمكيش كمية الفزدق ..ما انت عايشة فى السعو....الى اخره... قطايف بالمهلبيــــــة.... اول حاجة حنحضر المهللبية.. نجيب لبن وسكر وملعقتين نشا او حسب الكمية المستخدمة .يخلط اللبن و السكر و الفانيليا و النشا فى حلة متوسطة. تسخن علي نار متوسطة مع التقليب المستمر حتى يغلى المزيج. ترفع عن النارو تترك جانبا.لحد ماتبرد ..وممكن تضيفى جوز هند برضه يوضع1-2 ملعقة صغيرة من المهلبية في منتصف كل واحدة من القطايف حسب حجمها تقفلى القطايف كويس جدا علشان ماتخردش منها المهلبية اثناء القلى. . يقدح الزيت على نار عالية وتقلى فيه القطائف حتى تتحول الي اللون البني الذهبي. تغمس القطايف وهي ساخنة فى الشربات وتقلب لبضع ثواني وتكملى الى اخر السطر برضه... وممكن تعملى القطايف على شكل قرطاس ..وتتبعى الطريقة السابقة ..وبعد كده تضيفى جبنة ريكوتا على المهلبية وتحشيها القراطيس دى...وتغمسيها فى جوز هند.....بلاش فستق علشان الميزانية... وممكن تحشيها جبنة ريكوتا برضه ... ونلتقى بعد الفاصل.... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
MZohairy بتاريخ: 9 أكتوبر 2006 تقديم بلاغ مشاركة بتاريخ: 9 أكتوبر 2006 استاذ زوهيرى فى طريقه للمغات علشان يتخزن فى التلاجه مش كل ما يجى حد نحمرونشوى لو عاوزها ابقى ااقولك عليها ياريت والله ينوبك ثواب :sad: Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
shahd بتاريخ: 9 أكتوبر 2006 تقديم بلاغ مشاركة بتاريخ: 9 أكتوبر 2006 من تيتا شهد .. الى تيتا فولانة تسلم الأيادي وربنا يزيد ويبارك :wub: من تيتا شــــــهد الى حفيدي وليد ... مش مهم تفطر عادي قضيها كورن فليكس تحب اديك الوصفة :sad: طـــــــفولــــة شــــــهـــد رابط هذا التعليق شارك المزيد من خيارات المشاركة
Folana بتاريخ: 9 أكتوبر 2006 كاتب الموضوع تقديم بلاغ مشاركة بتاريخ: 9 أكتوبر 2006 [من تيتا شهد .. الى تيتا فولانة تسلم الأيادي وربنا يزيد ويبارك :sad: السلام عليكم ورحمة الله .... نورتى ياشهد يا زٌمل ..وزُمل دى يعنى دفعتى..... اهو كده التيتيهات يرحبوا ببعض...انا حاستناك فى دار المسنين اللى قدام المحاورات بس بعد صلاة التراويح.... باقى العصـــــــــــــــائر.... العرقسوس.... ربع كيلو عرقسوس...وملعقتين بيكربونات الصودا....( اللى هى الكربوناتو يعنى) ندعك العرقسوس مع البيكربونات كويس جدا ..ونكون مجهزين لترين ميه..ونبدأ نرش شوية ميه نونو ..على العرقسوس...وبعد كده نسيبه حوالى نصف ساعة... حنلاحظ ان لونه تحول للون الاسود ...ولو حنعرضه للشمس يكون افضل .... بعد كده نضيف اللترين ميه ونقلبه كويس ونسيبه برضه ساعة او اكتر... ثم نصفيه بشاشة نظيفة ..ونحفظه فى الثلاجة... وعند التقديم بقى ...انتم عارفين طبعا بنصبه ازاى...يعنى نراعى رفع اليد شوية عن الاكواب علشان يعمل رغوة على الوش... ونمسك فى الايد التانية الصاجات بتاعة الرجل اللى بيبع العرقسوس..ونقول شفا وخمير ياعرقسوس..... الكركــــــــــــــديه......... ربع كيلو كركديه او حسب الكمية برضه حنغسله الاول غسلة خفيفة ..وبعد كده فيه طريقتين ..اما يتنقع فى الماء من قبلها بيوم او من بدرى...او يتغلى على النار وبعد كده يتساب منقوع ..يجى ساعة ..ونصفيه ونحليه بالسكر حسب المذاق.. وممكن عند التقديم..نضربه فى الخلاط ونصبه فى الاكواب..وبكده يعمل لنا رغوه فوق الوش ..زى الرمان كده... وممكن نضيف عليه تمر هندى .... السوبيــــــــــــا... حنحضر كوب جوز هند مبشور ...كيلو لبن ...نصف كوب نشا الارز او ممكن ماء الارز المغلى ...ملعقة فانيليا وسكر.. ننقع جوز الهند فى اللبن ونسيبه ساعة او اتنين ..وبعد كده نضربه فى الخلاط ونضيف السكر والنشا ..ونحفظها فى التلاجة ...بس خلوا بالكم ماتستناش كتير .... ونلتقى بعد الفاصل.......... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
ام البنات بتاريخ: 9 أكتوبر 2006 تقديم بلاغ مشاركة بتاريخ: 9 أكتوبر 2006 بس خلوا بالكم ماتستناش كتير .... مش تقولى السبب ولاتروحى تصلى التراويح وتسبينا منعرفش يا جماعة ميتشبش كتيير علشان ميتخمرش ويبقى شئ مسكر فولانه بنت افندينا حاضر عملم وسينفذ انا النهارده معزومة خارج الديار والتالى عندى وقت اكتب ولما ارجع من العزومة أجيب لكم وصفة من هناك وبالنسبه للتراويح ربنا يتقبل وشوية عصير واقعدى اكتبى كلمتين بقولك ايه هانزل علشان العزومة ولما ارجع ابقى اعلق على وصفاتك اللى تجنن تسلم الايادى يرضينى الهواء الذى تتنفساه يحيينى يسعدنى الكون الذى يحتويكما يحتوينى انتما كل شئ وانا من دونكما لا شئ رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان