اذهب إلى المحتوى
محاورات المصريين

النموذج المثالي لمن أحبه أن يكون جاري

صبح

بواسطة صبح
في موضوعات شخصية

 مشاركة

Recommended Posts

صبح عضو جديد

صبح

بتاريخ:
بتاريخ:

والله من فرحتي مش قادر أكتب

لأول مرة أجد نفسي في موقف عظيم بمعنى الكلمة لرجل لم أره حتى الآن ولكن ان شاء الله سأراه اليوم

لم أتخيل أنه ما زال يوجد الى الآن مثل هذه النماذج من الشهامة والرجولة والجيرة الحسنة

كنت قد ظننت أنها اندحرت مع اندحار الأخلاق وسيطرة المادة على الناس

أجد في نفسي فخر كوني جار لمثل هذا الرجل

كان هذا استهلالا لازمن ولابد منه :D

هابدأ القصة من الأول علشان تتابعوها معايا لحظة بلحظة

الفصل الأول

كنت أتكلم مع زوجتي على التليفون واذا بالمحمول بتاعي.... ترن ترن ترن ترن

ولأني في انتظار فرج ربنا بعمل جديد قفلت معاها ورديت

أنا : ألو

الطرف الآخر: أيوة معاك بنك (.....)

أنا : أهلا وسهلا أي خدمة ( وش واحد محبط انها مش انترفيو :D )

البنك: كنا عايزين نعرف عنوان سعادتك ايه بالضبط علشان نبعت عليه كشف الحساب

أنا : ماشي .. عنواني هو (............)

البنك: شكرا مع السلامة.

الفصل الثاني (بعد 3 دقائق من الفصل الأول)

ترن ترن ترن (المحمول ... وبرضه نمرة غريبة)

أنا : (يا فرج الله ) ألو مين؟

الطرف الآخر: أنا من البريد :) يا أفندم وكن عايزين نعرف عنوان سعادتك بالظبط علشان نوصلك جواب البنك

أنا : أنا عنواني (......) ...بس هو البريد بيكلم الزبون دلوقتي......وجبت النمرة ازاي؟؟

البريد : (طناش لأسألتي) فين القطعة دي بالظبط ؟؟

أنا : يمين .... في شمال .... في...............ز

البريد : بس احنا كنا هناك وما فيش غير شقة واحد ساكنة في العمارة ومافيش حد هناك؟

أنا : :D ما هو أنا في الشقة دي والبواب اسمه......

البريد: شكرا......تراك

أنا : مع السلامة

الفصل الثالث والأخير (بعد الفصل الثاني بدقيقتين)

ترن ترن ترن (برضه المحمول ونفس النمرة السابقة (بتاعة البريد))

أنا : أيوة فيه حاجة تاني؟

الطرف الآخر : أنا جار سعادتك في المنطقة واسمي .....

أنا : أهلا وسهلا تحت أمرك بس أنا بيتهيألي النمرة دي....

الجار : أيوة كان الراجل بتاع البريد بيكلمك من موبايلي وأنا طالب حضرتك دلوقتي علشان انت اللي في ايدك انك تعفو عنه

أنا : :D مش فاهم ؟

الجار : أنا ظبطته امبارح وهو بيقطع جواب لسعادتك وبيرميه في صندوق الزبالة المجاورة للمنزل (بجاحة) ولقيت انه كشف حساب من البنك (...ابنك اياه في الفصل الأول...) رحت واخد الجواب وذهبت للبنك وعملتلهم مشكلة وهما قالوا هيبعتوا لسعادتك جواب آخر. وأخدت الراجل دة ورحت عامل شكوى فيه في هيئة البريد وهو في طريقه لفصل الآن وسيجازى مديره ان لم أسحب الشكوى

أنا : حضرتك عملت كل دة؟؟ :D علشاني؟

الجار : طبعا احنا جيران, أنا قلت لهم أنني لا أستطيع أن أسحب الشكوى لأنها من حق جاري وأنا لا أتنازل عنه قامو قالولي ان هما يكلموك علشان يستسمحوك في سحب الشكوى والراجل معاك أهو على التليفون

(كل دة وهو اللى طالب)

أنا : أيوة ... ليه عملت كدة؟

البريد: كلام أهبل وعبيط ما يخشش عقل واحد صغير مصحوب ببكاء لقطع عيشه وتوسلات لأسامحه

أنا : طب لو أنا سامحتك .... الباقيين اللي انت عملت معاهم كدة يسامحوك الزاي؟؟

البريد: أول مرة والله ... وبرضه كلام أهبل وعبيط (مش عارف ان الله لا يفضح عباده أبدا من أول مرة)

أنا : طب اديني الأستاذ اللي جنبك

الجار: أيوة حضرتك قررت ايه؟

أنا : قررت اني لازم أتعرف على حضرتك بأي شكل... مش عارف أوفيك حقك من الشكر

الجار : تشرف في أي وقت بس بالنسبة للرجل دة ؟

أنا : بالنسبة لي أنا مسامح ومفوض حضرتك في التصرف بس المهم ما يكونش عملها مع كل المنطقة !

الجار : طيب أنا هاتفاهم معاه واشوف هانوصل لأيه

أنا : اسمحلي بس اني لازم أتصل بحضرتك وأنا راجع وأعدي على سعادتك علشان أشكرك وجها لوجه

الجار : تشرف في أي وقت .. أنا فيلتي :D رقم ..... والمكتب بتاعي :D ...فوقها

أنا : جزاك الله خيرا... وفي حفظ الله.

-------------------------------------------------------------

انتهت

الحمد لله أن جعل من جيراني مثل هذا الرجل

لقد فرحت من يومين أن من بين جيراني اثنين من أعظم الشخصيات الموجودة هنا وهما عصام شوقي (جاري من بعيد شوية) وأحمد محمود (وأنا عارف اننا لما هانتقابل هانطلع زي ما بيقول لو نده هاسمعه :D )

وصدقوني

فعلا صدق رسول الله صلى الله عليه وسلم عندما أوصى بالجار

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

شامم ريحة غريبة في الموضوع ده

ريحة ايه بس...

أنا مش فاهم؟

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
عصام عضو جديد

عصام

بتاريخ:
بتاريخ:

شامم ريحة غريبة في الموضوع ده

بيتهيألى جانبك الصواب فى تعليقك أخى الكريم .. فهو بالتأكيد فى المكان الخطأ !!

الأخ صبح واضح إن كلامه جاد جدا .. وبيحكى موقف شخصى حصل له .. ولا علاقة له بأى روائح من قريب أو بعيد .. اللهم إلا إذا توفر لديك نية مقصودة لشم تلك الروائح !!

أخى العزيز صبح .. لسا عند وعدى .. ربنا بس يكرمنى واخلص من اللى انا فيه .. وهاكلمك لأنى والله منتظر المقابلة دى بفارغ الصبر ..

ومش عايز حركات نص كم .. ما ابصش ألاقيك ربطت مع احمد وعملتوها من غيرى !!

قسما عظما أمنعك من استخدام المحور <_<

خالص احترامى

[وسط]!Question everything

[/وسط]

رابط هذا التعليق
شارك
محمد عبدالعزيز عضو جديد

محمد عبدالعزيز

بتاريخ:
بتاريخ:

بارك الله فيك وفى جارك, هذا الرجل المحترم الذى يندر وجوده فى مثل هذا الزمان.

نفسى أبقى جاركم والله عشان أستمتع بالجيرة الحسنة دى. أو على الأقل جيران المستقبل يبقوا زيكم كده.

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

أنا حكيت لزوجتي وأبدت تخوفها من أن يكون الموضوع عبارة عن عملية نصب أو احتيال

فكان أن كلمت فرع البنك في المهندسين وأخدت نمرة فرع أكتوبر

وكلمت فرع أكتوبر وسألت في خدمة العملاء ان كان فيه حد كلمني من البنك اليوم صباحا بخصوص كشف الحساب

وحولوني لمدير البنك الذي أحضر الموظف الذي تكلم معي

واعتذروا جميعا عما حدث

وأخبروني أن الموضوع حقيقي وأن(جاري) عميل محترم جدا في البنك ومن أكبر عملاءه

وأنه أصر ألآ يتنازل عن حقي الا اذا تنازلت أنا وأن يتحمل العامل مصاريف كشف الحساب الجديد عقابا له

وأخير كلمت جاري ووعدته اني سوف أمر عليه لأشكره وحها لوجه

مع العلم أنني لا أعرفه على الأطلاق

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
نانو عضو جديد

نانو

بتاريخ:
بتاريخ:

موضوع جميل جدا يا اخي صبح

و احب اضيف هنا تجربتي

اولا انا بحس ان الجار ده بيقي هديه من عند ربنا او ...بليه

لان غالبا مش بيكون لك يد في اختياره....و يمكن الواحد بيجتاج للجار الكويس في كل وقت و بيزيد شويه الاحتياج ده في الغربه

و الحقيقه انا هنا في الكويت اول ما جيت كنت حاسه بغربه شديده لاني ما كنتش اعرف حد فعلا...لكن الغربه ديه ما استمرتش غير ايام

خصوصا بعد ما تعرفت علي جارتي...و هي كويتيه ...و حقيقي المعادن بتبان و قت الشده...و اتعرضت كتير لاكتر من مره لمواقف صعبه اوي و اضطريت اروح المستشفي و اتحجز فيها لساعات و كانت هي بتتولي اولادي بدون ما اطلب منها و مره حصل ده وقت الفجر و عمرها ما ابدت اي تذمر

بالعكس كنت باحس انها اخت ليا و مش بس في اوقات الضيق...لا حتي كمان في اوقات الفرح

وكان يوم عيد ميلادي بالصدفه و انا طبعا ما اهتمتش و ما عملتش اي حاجه

و لقيتها هي جابت ليا تورته و جاتوهات واصرت نحتفل العائلتين معا....و طبعا كنت في نص هدومي ....مش علشان التورته ..لا علشان ..السن <_<

و حقيقي ما كنتش متوقعه

ده غير اني بلاقيها جنبي قبل ما احتاجها في اي وقت و كل وقت و اكيد انا طبعا ببادلها نفس الشعور و التصرفات

و سبحان الله اللي واصانا علي الجار اللي احيانا بيكون اقرب من الاهل

و لو حطيت نموذج لجار اتمناه هتكون هي النموذج ده

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

هذا بالضبط ما أردته من هذا الموضوع

أن نذكر بعض الأيجابيات التي ما زالت موجودة عند بعض الجيران

والتي نسيناها من قلتها

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
أبو محمد عضو جديد

أبو محمد

بتاريخ:
بتاريخ:

أحييك يا أخ صبح على هذا الموضوع الذى يأتى وسط بحراليأس الذى نصارع أمواجه (ربنا يجازى اللى بيرموا الناس فى البحر الغويط ده) ..

موضوعك بيمثل طوق نجاة فى بحر الظلمات (يالطيف اللطف يارب) .. وبيفكرنى بجيران مسيحيين لى فى بداية حياتى الزوجية .. خاصة وموضوعك جاى واحنا بنستعد لاستقبال شهر رمضان المعظم ..

كنت أنا وزوجتى نسكن بجوار هذه العائلة المسيحية .. وعندما رزقنا بابنى محمد (البكرى) .. كانت هذه العائلة " الأم والبنات" خير عون لزوجتى فى تلك الأيام الصعبة .. وكانوا يصرون فى شهر رمضان أن يأخذوا محمد قبل موعد الإفطار بساعة حتى نتمكن من الإفطار برواقة بعيدا عن صراخه ونكد العيال المعروف .. واستمروا على هذا المنوال إلى أن رزقنا الله بطفلنا الثانى .. فكانوا يأخذون الولدين (واحد منهم كان ما بيبطلش تنطيط والتانى بيبى يحتاج إلى العناية فى كل وقت) ..

فى الحقيقة جيران مثل هؤلاء لا يمكن أن ننساهم .. وما زلنا نتزاور .. بناتهم اتجوزوا وخلفوا .. وأبنائى على وش جواز .. وما زلنا أصدقاء لا يحمل أحدنا للآخر إلا كل ود ومحبة حتى فى أحلك الأيام التى تتعرض فيها العلاقة بين المسلمين والمسيحيين لأزمات محزنة ..

صدق المثل القائل .. "الجار قبل الدار"

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة
تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

صدق المثل القائل .. "الجار قبل الدار"

للأسف يا أخي هذا المثل لايطبق الآن

حاليا كل واحد بيدور على الدار ويقفل بابه عليه ويقول وانا مالي

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

أسعدني الحظ بتعرفي على جار آخر في اعتقادي أنه أفضل من الأول :)

جار يسعى لخدمتك بدون أن يعرفك

جار يسعى للقائك والتعرف عليك حتى وان قصرت أنت في حق التعرف عليه

جار على أعلى مستوى من الدين والخلق الرفيع وبحر من بحور الأدب والثقافة

جاري الجديد هو الأستاذ أحمد محمود (غرانديزر كما يحب أن يطلق على نفسه ;) )

جمعنا الله تحت ظل عرشه في الآخرة كما جمعنا في الدنيا وليس بيننا إلا المحبة في الله

سيدي الفاضل

إني والله لأفخر بكوني جار لك

إني والله أحبك في الله

(منقولة من الموقع الجديد للمحاورات ... :) :) )

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
eltayer عضو جديد

eltayer

بتاريخ:
بتاريخ:

لماذا هذا التحامل المفاجئ

الريحة الغريبة هي ان مفيش جيران اليرمين دول

انا لا اقصد ان اقلل من شأن جارك ولا اقصد سوء من جهتك

الموضوع كله انه لا يوجد جيران بمثل هذه النوعية

وأأسف لسؤء الظن

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

لماذا هذا التحامل المفاجئ

الريحة الغريبة هي ان مفيش جيران اليرمين دول

انا لا اقصد ان اقلل من شأن جارك ولا اقصد سوء من جهتك

الموضوع كله انه لا يوجد جيران بمثل هذه النوعية

وأأسف لسؤء الظن

:blink: :blink: :blink:

:) :) :angry2:

;) :) :)

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

أسعدني الحظ بتعرفي على جار آخر

......

كما جمعنا في الدنيا وليس بيننا إلا المحبة في الله

;)

:)

:)

بس خلاص

:)

:blink:

:angry2:

:)

بس خلاص

ما هو انت اللي مختفي يا عم عصام

نعمل لك ايه بس

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

كل هذه الوجوه لمحاولة اصلاح سوء الظن

امال لو كنت قاصد هذا السوء

كم عدد الاوجة

بسم الله الرحمن الرحيم

الإجابة هي

أربع أوجه !! ..... لأ ده المربع ;)

ثلاث أوجه !! ...... لأ مش دي ده المثلث :)

بس عرفتها .... :)

ولا وجه....

لو كنت قاصد هذا السوء ما كنتش رديت عليك أصلا

:) :) :angry2:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
eltayer عضو جديد

eltayer

بتاريخ:
بتاريخ:

الجابة الصحية خمسه اوجة يخساره تخسر

علي فكره انا لو كنت زعلت مكنتش برده رديت علي الرد

والخلاف في الرأي لا يفسد للود قضية

صح ولا اية

وعلي رأي المثل

ثلاثة مشين قابلوا واحد بقوا اربعة

عادي يعني

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...