مطلب منطقى ان تسمح الحكومة للمغترب ان ينزل سيارته بدون جمارك بدل ان تكرهو فى حكومته

[kaldalsh]

السلام عليكم

انا لاافهم ولا اصدق ولا اتصور انه حتى الان لم يصدر قرار من حكومة الحزب الوطنى خلال مؤتمرهم اللى تكلمو فيه عن التسهيل على المصريين وهو مطلب منطقى جدا وهو السماح للمغترب ان ينزل سيارته الوحيدة بدون جمارك لان كل المغتربين يضطرو يبيعو سيارتهم بالتراب والخسارة الفادحة بسبب جمرك السيارة مما يكرهم فى حكومة بلدهم بكل صراحة

يا جماعة تكلمو فى هذا الموضوع حتى نجد من ربما يسمع مطلب طبيعى جدا

[ahmos1]

:P يا عم هو حد بيسال فى المغتربين الحكومه ملهاش مصلحة\---- ياريت يسمعوا دة ابسط حق وابسط طلب

[بندر]

يا عم بسهو اجراءات الدخول .. لازم اربع ساعات.. في ميناء الغردقه . وخمس ساعات في سفاجا

ولا السويس لو شاحن سيارتك شحن .. عايز لك يوم عشان تعرف فين المكتب والي تخلص لك الورق ..

اجمل ما في ميناء السويس ان الاغراض والعفش اللي ف السياره ما تتجمرك ..

مش هتلاقي حاجه ..وبكدا توفر مصاريف الجمرك

[eltayer]

يعني الحكومة لما تعفي سيارة المغترب من الجمرك هتاخد الجمرك من مين

وبعدين هي الحكومة هتفكر في المقيمين ولا في المغتربيين

وهو عشان كل واحد عنده عربيه بره وعاوز يوفر يقوم يخسر البلد كلها

ولا ايه

[Hammer]

و هل هذا عدل من وجهه نظرك يا عزيزي

فالمقيم بمصر يشتري سيارته بعد دفع الجمارك كاملة عليها سواء مستوردة أو حتي مصنعة في مصر ... فحتي المصنعة في مصر مكوناتها مستوردة غير معفية الجمارك .

فلماذا تري من وجهه نظرك ان المغترب يستحق إعفاء لا يحصل عليه المقيم بالبلد ؟؟!!

[ahm_ali_baba]

السلام عليكم

انا لاافهم ولا اصدق ولا اتصور انه حتى الان لم يصدر قرار من حكومة الحزب الوطنى خلال مؤتمرهم اللى تكلمو فيه عن التسهيل على المصريين وهو مطلب منطقى جدا وهو السماح للمغترب ان ينزل سيارته الوحيدة بدون جمارك لان كل المغتربين يضطرو يبيعو سيارتهم بالتراب والخسارة الفادحة بسبب جمرك السيارة مما يكرهم فى حكومة بلدهم بكل صراحة

يا جماعة تكلمو فى هذا الموضوع حتى نجد من ربما يسمع مطلب طبيعى جدا

اين المنطقيه فى طلب تميز المغترب عن غيرة من المصريين

هل تعتقد بأن السفر للخارج لابد وان يعطى المغترب التميز على المطحون فى الدخال

يعنى بعد ما ربنا فتحها مع المغترب ورزقه بالمال الحلال

بدل ما يعاون الحكومه على الصرف على الغلابه اللى ماسافروش للخارجه

عايز تميزة كمان بحجه انه ح يبيع سيارته ببلاش

طيب يشترى سيارة ليه ما يركب الاتوبيسات زى غيرة من المصريين على الاقل الاتوبيسات فى دول المهجر اتوبيسات ادميه

عموما انا اتفق معاك بشرط واحد وهو

اعفاء المغترب من الجمارك لو أثبت انه دفع ما عليه من ضرائب على الدخل للحكومه

[بندر]

اليس المغترب المصري اولا بالعفاء من اعضاء البعثات الدبلوماسيه .. الغير مصريين ..

يسمح لهم كل كل كل كل سنه بسياره معفاه من الضريبه.

[ahm_ali_baba]

البعثات الدبلوماسيه تخضع لقوانين المعامله بالمثل

اعفاء سيارتهم من الجمارك فى مصر يقابله اعفاء سيارتنا من الجمارك فى السعوديه والبرازيل وجزر القمر

ولكن يمكن التسائل عن

كيف يمكن للدبلوماسى المصرى ادخال عفش منزل كامل وسيارة بعد انقضاء مهمه عمله فى الخارج بدون جمارك .... كل 4 سنوات ..... ولا يحق ذلك للمغتربين

مع ملاحظه ان الدبلوماسى يدفع ضرائب على راتبه ولا يدفعها المغترب

تم تعديل 26 سبتمبر 2006 بواسطة ahm_ali_baba

[نصر]

بلاش اعفاء من الجمارك علشان اللى قاعدين فى البلد مايزعلوش :wub: و دول حبيبنا برضه :) بس على الأقل يسمح بدخول سياره للمقيمين بالخارج :unsure: مع الأعفاء من شرط سنة الصنع يعنى ممكن أنزل سياره لو موديل 2000 و مش أول مالك لها

تم تعديل 26 سبتمبر 2006 بواسطة نصر

[قديم]

مشكور علي الموضوع

تم تعديل 26 سبتمبر 2006 بواسطة قديم