رمضان فى الحسين..

[houssin abo habaga]

رمضان كريم

كل يوم سهرانيين

بعدالعشا والتراويح

تلاقى ناس كتير للحسين بتروح

من كل أرض الكون

شامى ومغربى

وناس م الفيوم

يجلسوا على القهاوى

يتثامروا

ناس طالبه سحلب

وناس طالبه شيشه

وشاى بالنعنع

وست ماشية

رابطه قويه

ولابسه لف

وسيرك فيه الأكروبات

وتشوف كمان

راجل بينشدالدعاء

وتانى يمدح الرسول

ولا عم صبحى لما قال

عندى ليكم أحلى أكله

فى المقام خدنا دغرى

عند راجل عنده حمص

راح معبى شوب حمص

راح مليه شطه دقه

بقى ولع

والله حمص فى التمام

قلت أبرد بالبليله

أما حلوه

صاحبى أكل بسرعه طبقه

وقام ورايا قلت مالك

قال حياكل قال معايا

رحت شربه مره واحده

من حلاوته

وسبتله لقمه القاضى

والكنافه والقطايف

الكلام خدنى منكم قبل ما أنسى

قبل ما نروح الحسين

خدنا لفه فى الغوريا والفحاميين

ولحد تحت الربع والبوابه

عدنا تانى م الجيوشى

للجمالية والنحاسيين

قبل ما نرجع نزور المقام

كان دا أول المهام

شفنا مصر الحقيقه

ولاد بلد فى الأدب والأحترام

كل ما تلقى السلام

يتردلك مليون سلام

وعليه ألف مرحب وأبتسام

المهم فيه حوارى هناك كتير

قلنا ندخل فى اللى جايه

فيه بمب وبندقيه

قلنا نضرب ولا نهرب

ولا نمشى ورا البنيه

المهم السهرة

تحلى فى الحسين كل ليله

ولما جينا للسحور

كلنا فول وشربنا شاى

فى الفيشاوى

وفى المقام رحت أصلى الفجر حاضر

دى الأصول

ورجعنا مشى لحد بيتنا

وأحنا نحكى أما سهره ولا سهره

ياريت يا رمضان ما تمشى

يا شهر الحب

وتفضل السنه على طول

"""""""""""""""""""" -_- :) :D

www.dastor.net

omran55.maktoobblog.com

تم تعديل 22 سبتمبر 2006 بواسطة houssin abo habaga