حصل لي في رمضان

[Sherief AbdelWahab]

إيه هو أطرف موقف حصل ليك خلال الرمضانات اللي عدت عليك؟

خلص الكلام

[Folana]

السلام عليكم ورحمة الله ...

كل سنة وحضرتك طيب يا أستاذ شريف..........ممكن ابدأ انا لحد اللى بيفطر مايخلص افطار واللى بدأ يتسحر من دلوقت ..يخلص برضه....

أنا ام المواقف الطريفة ..يعنى ممكن تسمونى مواقف وطرائف...باتكعبل كده وانا ماشية فى المواقف ..(من الذكاء طبعا )

لكن بجد فعلا اطرف واجمل واسقع واشهى موقف حصل لى فى رمضان واللى جه على بالى دلوقت ...كنت فى السعودية للعمرة..وغالبا بنسافر فى رمضان ..ولكن السنة دى (اللى باتكلم عنها يعنى ) سافرنا اخر خمس ايام من شعبان وقضيناها فى المدينة ونزلنا اول يوم رمضان مكة ..وبعد اداء مناسك العمرة نزلت انا والصحبة اللى معايا وبناتى زمزم ..للوضوء...افتكر بقى ان كان معايا زجاجة فارغة ..مليتها ..ورحت قلبااها على بُقى ...وفضلت اشرب اشرب ..وصاحبتى تزقنى فى ايدى ..وانا مطنشة ..( ماتصبر شوية ماانا عطشانة)..وبعدين سبت لها شوية وقلت لها ايه فيه ايه عايزة تشربى؟...قالت لى انت مش صايمة؟...طبعا قلت لها يانهار اسود وبابص للستات حواليا لقيتهم كلهم واقفين بيبصوا لى باندهاش ...او حسد الله اعلى واعلم :o ...وفضلوا يهدوا فى بقى على اساس انى منهارة يعنى ..ويطمنونى ان صيامى مقبول باذن الله لانى كنت ناسية والله اسقانى ...

الطريف فى الموضوع ان اليوم التالى كان حر جداااا....وكم تمنيت ان انسى مرة اخرى ...:)...

رمضان كريم....

[مصرية الهوى]

من أحرج المواقف اللي حصلت لي في حياتي كان في رمضان اللي فات ...

كنا رايحين مكة في اول رمضان .. وكان الوقت ظهر وحر ورجعت من الحرم عشان ارتاح .. وراحت عليا نومة

وصحيت وهو بيأذن العصر .. عقبال ما صحصحت وتوضيت ونزلت الحرم .. اقام الصلاة ..

وصلت الحرم ودخلت في قلب الزحمة والناس بدأت تصلي .. لقيت الطرق كلها مقفولة .. يعني لامجال للتراجع ..

والناس كانت بتصلي في السلالم ..

ووجدت نفسي في وسط صفوف الرجال :wub:

لا والادهى والامر اني كنت لسه مقلعتش جزمتي :P مكانش فيه مكان ..

الله اكبر .. الناس ركعت .. وقفت بين دماغين :P

بصراحة كان موقف في منتهى الاحرااااااااااااااااج :o لو تحركت حركة وحدة هاخبط في الراجل اللي عن يميني او اللي عن شمالي .. رفعوا من الركوع وكملت .. سجدوا ووقفت .. وكان فيه راجل يخبط على الجزمة .. يعني بيقولي ازاي داخله فيها الحرم .. ورفعوا كمان .. وانا لسه ماشية في السكة ..

وصلت قسم النساء لقيت راجل ساجد عن المدخل .. نطيت من فوقه :)

ووصلت بسلام .. بس كان موقف محرج جدا .....

[شاب_نوبى]

فى سنة من السنين فى نهار رمضان كنت ماشى فى السوق باشترى بعض الاشياء لوالدتى ووقع نظرى على مقلة لبيع الب والفول السودانى رحت اشتريت بنص جنية لب وطول ما انا ماشى فى السوق عمال اقزز وحاسس ان نظرات الناس ليا مش طبيعية بس مش عارف لية وبعد ما قربت اخلص كيس اللب اللى معى حسيت بالعطش الشديد فرايت كولدير فاقتربت منة لكى اشرب ثم تذكرت انى صائم ثم مشيت واستمريت فى قزأزة الب ثم فجأة فقت لنفسى وقلت اية دة لما انا مشربتش مية علشان صايم باكل لب ازاى وقعدت اتف وامضض. بس اليوم دة ريقى نشف من كتر اللب وفضلت عطشان لحد المغرب ومن يومها حرمت اكل لب وانا صايم.

ومرة بردة فى رمضان فتحت الثلاجة لقيت عسل اسود وطحينة قمت حاطط عسل على طحينة وقعدت فى الصالة اكل اختى خرجت من حجرتها لقيتنى باكل قعدت تاكل معى وكل واحنا ناسيين اننا فى رمضان وبعد ما اكلنا وشبعنا وقربنا نخلص طبق العسل خرجت والدتى من المطبخ لقتنا قاعدين بناكل صرخت فينا انتو بتعملوا اية انتو مش صايمين وقمنا جرى نمضض ونغسل ادينا وبقنا بس بصراحة كان احلى طبق عسل بطحينة

[Eldisel]

كنت في المدرسة الثانوية وفي احد ايام الصوم فوجئت بواحد صحبي معاة كيس شبسي كبير وعمال ياكل فية فجريت علية وقلتلة احنا فرمضان انت مش صايم؟! رد وبكل بجاحة لأه

يبني حرام عليك انت تعبان ؟! رد وبكل بجاحة تاني لأة

ادغصط منة اوي عشان انا كنت بحب الولد دة ومصحبة لفترة كام شهر رحت شادد منة كيس الشبسى وجرة من قفاة ومودية لوكيل المدرسة عشان يتخذ معاة الاجراء المناسب

ووالواد يعيني يصوت .. وانا اجرجر فية لغاية موصلنا للوكيل

ولسة هكلم الوكيل واشرحلة الكارسة الي وقع فيها الولد دة

لقيت الوكيل بيسألني باستغراب ودهشة ( اية يا محمد انت عامل في مينا كدا لية ) :) ( مـــيـــنــا ):wub:

قلت لة وانا مسبهل ومصدوم ( مينا مش صايم يا أستاذ ) وخدت الحمد لله اربع خرظنات علي ...:o

ودة نتيجة انك متعرفش اسامي اصحابك

[بندر]

من أحرج المواقف اللي حصلت لي في حياتي كان في رمضان قبل اللي فات ...

كنا رايح مكة في منتصف رمضان .. وكان الوقت ظهر وحر ورجعت من الحرم عشان ارتاح .. وراحت عليا نومة

وصحيت وهو بيأذن المغرب .. عقبال ما صحصحت وتوضيت ونزلت الحرم .. اقام الصلاة ..

وصلت الحرم ودخلت في قلب الزحمة والناس بدأت تصلي .. لقيت الطرق كلها مقفولة .. يعني لامجال للتراجع ..

والناس كانت بتصلي في السلالم ..

ووجدت نفسي في وسط صفوف النســاء

لا والادهى والامر اني كنت لسه مقلعتش جزمتي مكانش فيه مكان ..

الله اكبر .. الناس ركعت .. وقفت بين دماغين

بصراحة كان موقف في منتهى الاحرااااااااااااااااج لو تحركت حركة وحدة هاخبط في الست اللي عن يميني او اللي عن شمالي .. رفعوا من الركوع وكملت .. سجدوا ووقفت ..

وكان فيه ست تخبط على الجزمة ..

يعني بتقولي ازاي داخل فيها الحرم .. ورفعوا كمان .. وانا لسه ماشي في السكة ..

وصلت قسم الرجال لقيت ست ساجده عن المدخل .. نطيت من فوقها

ووصلت بسلام .. بس كان موقف محرج جدا .....

[نانو]

ايه يا بندر اللي بتعمله فينا ده :o .....؟؟؟؟؟؟؟؟؟

هو الواحد يعني ناقص حول :) خليتنا نظلم الصيام و نقول هو السبب

و انا قولت يااااااربي انا قريت الكلام ده قبل كده بس ما كانش كده :wub:

بس حلوه وملعوبه في الجون.....تسلم ايديك

[النسر المصري]

عندي شعور واحساس بان بندر له علاقه بجيجي :o

اصل انا عارف بندر.....وطبعا عارف ست الكل جي جي :P

لكن هنا انا بدأت أشك. :) ....يا أما بندر ده اخوك يا جيجي...يا إما ده بقى هو عريسك بس انت مخبياه عننا. :wub: ..يا إما حد تعرفيه....المهم ان بندر ده مجاش المحاورات لوحده...

اعرفي يا جي جي لاسلط عليك الحيه ام سبع قرنيات :P

[بندر]

ايوا نانو ويانسر

انتو ما سمعتو في تهافت الخواطر .

ولا انتو حاسديني علي الي جرا لي ......

شفتو انا زعلان منك وهدعي عليكم

الهي تروحو مكه عمره ............ والا قول ..يارب خليها حج عشان الزحمه تبقي اكثر واكثر .

. ونشوف يمكن هيحصل معاكم زي ما حصل معاي... واكثر

علي فكره مصريه بتقلدني وتغش مني . ونا مش هسكم لها .. لازم موضوعها يتحذف .. ولا ايه مش كدا الصح..

[مصرية الهوى]

أقول بندر وش عندك يا الاخو :)

العلاقة اللي بيني وبين بندر يا عمرو ان احنا اولاد بلد واحد ...

وكلنا امبارح احتفلنا باليوم الوطني -_-

الا لو كان طلع قريبي والا جاري وانا مش عارفه ده في علم الله :blink:

[شاب_نوبى]

لو سمحت يا اخت جيجى ممكن اسال سؤال

يعنى سعودية الجنسية مصرية الهوى

لية مش مغربية الهوى او لبنانية الهوى او يمنية الهوى

تقدرى تقوليلى اية مدى علاقتك بمصر وشكرا

وعلى فكرة انا لا اقصد سخرية بالعكس احنا يشرفنا ان تكونى مصرية الهوى

بس توقيعك هذا لفت نظرى

وشكرا....................

[مصرية الهوى]

لو سمحت يا اخت جيجى ممكن اسال سؤال

يعنى سعودية الجنسية مصرية الهوى

لية مش مغربية الهوى او لبنانية الهوى او يمنية الهوى

تقدرى تقوليلى اية مدى علاقتك بمصر وشكرا

وعلى فكرة انا لا اقصد سخرية بالعكس احنا يشرفنا ان تكونى مصرية الهوى

بس توقيعك هذا لفت نظرى

وشكرا....................

بص يا سيدي .. الحب بيجي من غير ما تحس .. ومتقدرش تقول اشمعنى حبيت ده ..

وليه محبيتش ده -_-

انا قلت السبب كتير بس هاقول عشان خاطرك مش مشكلة ..

ايام الثانوي من اجمل ايام عمري .. كان ليا شلة صحبات كلهم مصريين ..

وكانت الايام دي اول اختلاط مباشر بالمصريين .. يعني بقى بينا عيش وملح ..

من هنا بدأ حبي للمصريين ولا يزال وسيظل :)

على فكرة انا بحب الناس كلها .. بس المصريين حب خاص :D

عذراً يا شريف للخروج عن الموضوع :blink:

تم تعديل 24 سبتمبر 2006 بواسطة مصرية الهوى

[شاب_نوبى]

شكرا على ردك

واحنا كمان بنحب كل اللى بيحبو مصروالمصريين

هسأل كمان سؤال

انتى كسعودية ممكن تتزوجى من مصرى ولا هترفضية لانة مصرى

انا عارف ان موضوع زواج الخليجيات من مصريين دة فية مشاكل كتير وصعب شوية

[khedr]

رمضان كريم

دائما هذا الشهر يأتي ومعه الخير

الخير في كل شئ في المعاملات

في البركه والخير في الدنيا

الحب والعطف بين الناس وبعضهم

.................

................

يتذكرني دائما صلاه الفجر في المسجد

وكنا بعدها نخرج للعب الكره بجوار المسجد

وننتهي من اللعب ونجري كلنا الي الماء

وينسي كلنا اننا في شهر الصيام

حتي يفزع عم الشيخ قرني خادم المشجد

انت ياواداد انت وهوه هتعملوا ايه.....؟

ونتذكر

وننتظر

حتي صلاه المغرب ونحن في منتهي التعب والعطش

ونُقسم الا نكررها ثانيه

وقبل ان ينتهي الأمام من دعاء القنوط في الفجر التالي

نكون اعددنا الملعب لمواصله اللعب والتعب والعطش

رمضان كريم

[بنت النيل]

الموقف المضحك اللى حصل معايا فى اوائل رمضان

اننى دخلت المطبخ عشان اطبخ اللحمه ماشى روحت جبت الطاجن الحله وحطيت المايه وحطتها على النار

عشان اسوى اللحمه وخرجت الصاله لترتيب البيت وبعد مده حوالى ساعة قولت لما اشوف اللحمه استوت

ولا لسه ذمتها خلصت

اكتشفت ايه ؟؟؟ :D

ان كل المده دى بطبخ المايه بس وما حطتش اللحمه :lol: :D

بتحصل فى احسن العائلات :)

[راحيل]

هذا الموقف حصل قبل 6 سنوات تقريباً في اليوم الخامس من رمضان و كانت هذي السنة الثالثة إليّ أصوم فيها.......

في هذا اليوم أمي راحت المستشفى للولادة....................... فلما طلعت مع البابا من البيت .......... رحت أنا و أختي

الكبرى ............ إلى المطبخ مباشرة و جاسنا نأكل مكسرات و نشرب ماء ................. كانت لحظات لا تنسى.....