هااااتشي!

[Sherief AbdelWahab]

من الوارد أن أعطس .. عادي جداً..

لكن إن المسألة تتحول لنوبة عطس عنيف قد تستغرق ربع ساعة كاملة .. وبشكل دوري يعني كل يوم في فترة معينة سواء لما أصحى من النوم أو أنزل الشغل ..

إيه القصة بالضبط؟

هل ذلك دليل على شيء ما؟ هل هي بوادر حساسية ؟ هل هي مشكلة في الجهاز التنفسي؟

خلص الكلام

[نانو]

يا سيدي الف سلامه عليك من العطس :D

و الحقيقه يا شريف ديه طبعا حساسيه او بدايات حساسيه ان ما كانش عندك قبل كده

و انا خبرتي واسعه جدا في المجال ده...لاني انا عندي نفس النوع ده من العطس

و كمان جوزي ...و علي فكره هو اصلا دكتور حساسيه ..يعني باب النجار مخلع :lol:

و ديه بتبقي حساسيه في الانف مش في الجهاز التنفسي

الا اذا كانت بتبقي بعدها بيحصلك ضيق تنفس

و طبعا لو هيه بس عطس فالعلاج يتركز علي الجيوب الانفيه

و ديه سهله حضرتك وفي ايدينا :D

ممكن سيادتك تاخذ دواء حساسيه اقراص زي كلاريتين مثلا ...مره واحده قبل النوم

و تستعمل بخابخه للانف بختين الصبح و بختين بليل و ديه اسمها فليكسونيز لمده اسبوع فقط

و لو عندك الم في الانف او صداع يبقي ممكن تزيد عليهم مضاد حيوي لان في الحاله ديه

بيكون في التهاب شديد في الجيوب الانفيه و الا يبقي كفايه الاتنين اللي فوق

اهم حاجه انك ما تقلقش علي نفسك و هاتعيش ان شاء الله :D

علي فكره انا صيدلانيه علشان ما تفتكرش اني بفتي .....و الف سلامه عليك مره تانيه

و بعدين لما المناخير تبوظ هتسنشق عبيرالزهور ازاي بقه..........؟؟؟؟ :)

[khedr]

استاذ شريف

يرحمكم الله

وحاول ان تبحث عن مصدر مسبب لهذه النوبه

مثل رائحه معينه.....موقف معين وهكذا وحاول تجنبه

نانو

انا معاكي في تفسير هذه الظاهره

وشكرا علي هذه المعلومات

[eltayer]

ارجوك ان تفعل كما فعل فناننا الكبير سمير غانم

عندما جالة هذا المرض والدكتور قال له فضلك ست شهوور

وزع حجتك كلها بس متنسانيش

والبقاء لله!!!!!!!!!!!!!!!!!!!!!

الاعمار بيد الله يعني

[نبض الابداع]

يرحمكم الله ؟؟ وطبعا ً دي حساسية بس متخدش اي دواء الا بعد استشارة الطبيب لان كلاريتين بيعمل حساسية فظيعة لبعض الناس بعد اخذ الحبة ب10 دقايق الجسم كلة يحمر و يهرشك و كل دة ميرحش الا بأبرة كرتيزون شفاكم الله و عافاكم ...

[مصرية يعني مصرية]

يرحمكم الله

و شفاكم الله

;)