لا تعليق

[زعلان]

[Folana]

السلام عليكم ورحمة الله...............

هى دى مصارعة الثيران الى بيقولوا عليها بقى؟؟؟...............................

المفروض اننا حناكل الحاجات دى يعنى ولا ايه؟؟..دول مخنوقين..ولسانهم خارج اهو.....طيب هو رايح بهم فين ياترى ..المتحف المصرى؟..ولا القلعة...ولا المدبح ...ولا العباسية :unsure:

[khedr]

أنا وأنت لوحدنا.....حسدونا في...

[وليد عبد الخالق]

صورة حية للفساد المنتشر في مصر

جزار جاهل ميت القلب ومسئول مهمل

وغياب الرحمة من القلوب في التعامل مع البشر فما بالكم بالحيوانات

وفي الاخر الشعب المصري المطحون هو اللي بيدفع

[SoSo R]

أقل ما يقال أنها صورة مؤذية للعين و القلب و المشاعر

ولكن إذا كانت رحمة البشر غير موجودة...

هل نطلب رحمة للحيوانات

[ghallab]

ديك البرابر

[doudy]

]صباح الخير

الصراحة انا اما شفت الصورة ما اتخضبتش و لا حاجة

انا استغربت بس شويه صغيرين

اصل عندنا فى مصر حاجات كتيير غريبة

و افكار اغرب لا يمكن تلاقيها غير فى مصر

على راى الاغنية ((يبقى انت اكيد اكيد فى مصر))

دودى

[fatfouta]

والله العظيم يا زعلان ليك حق ماتعلقش عشان الصورة بجد ماتستاهلش اى كلام

بس هو الراجل اللى قاعد فوق ده مش خايف؟

وعلى رايك يا سوسو مابيعاملوا الانسان معاملة سيئة هيعاملوا الحيوان كويس يعنى

اما انت بقى يا زعلان ياخويا انا دلوقتى عرفت ايه اللى مزعلك

شكرا يا زعلان

فتفوته

[~Heba~]

زعلان انت متفق مع الست بردجيت بنت باردو و إلا ايييييييييه

على فكرة افتكر قضية من مدة كام سنة عن احد المساجيت توفى فى سيارة الترحيلات

يعنى هاهو الاسان يتأذى من وضع مماثل و اسلمت روحه الى بارئها و لا فرق بين ذهاب الى السجن او ذهاب إلى المذبح

فهل اذا لم يُراعى حق الانسانية ننتظر ان يُراعى حق الحيوان

و ممكن تكون مريضة و لا تقوى على الوقوف...مجرد ملاحظة فقط و لا تعنى موافقتى على هذا الوضع

[لولا]

ياترى هى الظروف الإقتصادية اللى فى مصر هى سبب ان القلوب ماتت كدا فيها الرحمه ؟؟

وياترى اللى قلوبهم ميته دول عايشين عشان هى ميته ؟

يعنى لو الواحد كان قلبه فيه رحمه وعطف وشويه انسانيه مش حيقدر يعيش انسان ؟؟ قصدى مش حيقدر يعيش من غير ما يتحول لحيوان !!

لولا

[ذهبية]

هما دول المصريين اللى عايشين على الفهلوة وسمك لبن تمر هندى وكلة ينفع كلة يعدى

علشان معندوش عربية من الىل تنفع تقف فيها الحيوانات معززة مكرمة و يوفر تمن العربية يقوم

يتصرف بمبدا الفهلوة وكلة على بعضة هو حد واخد بالة ماكلة هيندبح فى الاخر

استطاع هذا الشخص بمبدا الفهلوة ان ينقل اكبر عدد فى اقل مساحة بدون تكاليف ولا وجع دماغ

و سلم ليا على رجال المرور و قانون المرور الجديد و بالمرة جمعية حماية الحيوان والانسان بالمرة

[الترجمـان]

أين القانون؟

السؤال هنا ...

يا ترى كام مرره بيتكرر المنظر داه في الشارع المصري ....؟؟؟

--------------------------

تم تعديل الرابط

تم تعديل 3 مايو 2009 بواسطة الترجمـان

[سهران]

الحقيقة أنا مش مستغرب ........ اللي في الصورة ده أقل واجب :blink: !!!! ........ يا جماعة هو بعد كليبات التعذيب في أقسام الشرطة بطرق لم تصل أليها عقول لا البشر و لا حتى عقول الشياطين :lol: wst:: ............. و بعد ما الناس أكلت لحوم الحمير و الكلاب :lol: ........... و بعد ما فصول تلاميذ ابتدائي وصلت في بعض الأماكن ل150 عيل في الفصل :lol: .................. منتظرين شفقة على الحيوان ؟؟؟؟؟؟؟؟؟

[Amr Radwan]

طبعا الصورة تنرفز و خاصة لو دققت النظر فيها شوية و شوفت التفاصيل الدقيقة لعناصر الصورة من يفط و جزار و سيارة و اتوبيس و .. و .. حيوانات ..

بس فيه حاجة .. انا عاوز ابص للموضوع من زاويتين ..

الزاوية الاولي .. و هي ان الجزار ده اتعود علي رؤية الدماء و الذبح و السلخ و غيرها من الافعال التي هي من صميم صميم عمله .. و اللي احنا اللي قاعدين في بيوتنا و بنتفرج عليها يوم العيد مثلا و بعضنا ما بيستحملش المنظر .. و ممكن يغمي عليه لو شاف خروف العيد بيندبح .. طبيعي ان قلب الجزار يكون ملئ بالقسوة و الغلظة (في نظرنا نحن) او الاحترافيه في الاداء (من وجة نظره هو - الجزار- )

طبعا الزاوية الاولي لا تنفي حتمية وجود الزاوية الثانية و هي .. الرحمة و الشفقة حتي و لو كنت اعمل في هذا المجال .. لا يمنع ان يكون الجزار و هو من يقوم بذبح الذبائح لنا ان يكون عنده قدر من الرحمة و الشقة علي هذه الحيوانات .. علي الاقل عدم ايذائها و عدم خنقها ..

اتذكر ايام لما كنت صغير و كنا لما نشوف حد بياذي قطة صغيره .. كنا كلنا متعودين علي رد تلقائي لهذا المؤذي "ترضي ان حد يعمل فيك كده !!!" و انا بقا عاوز اقولها للجزار ده .. ترضي ان حد يعمل فيك كده ؟؟؟؟!؟!

و لكن نرجع و نقول ان الاسباب لرؤية صورة زي دي في مصر .. هي كثيرة و كثيرة جدا .. و ما يهمني هو كيفيه حل المشكلة و ليس فقط اظهارها و البحث عن اسبابها ..

عاوز اسال سؤال مهم .. لو انت او انتي اللي شوفت الصورة دي في الحقيقة .. هيكون اية تصرفك .. فكر .. تخيل الموقف .. و جاوب .. و لو لقيت نفسك هتعمل تصرف ايجابي قولنا عليه .. مشكلتنا يا سادة اننا اتعودنا علي السلبية في رد الفعل السليم .. و ده اللي بيخلينا نشوف و هنشوف اكثر ..

في انتظار التصرفات الايجابية اللي ممكن نعملها عند مشاهدة منظر زي ده في الشارع (صدفة) ..