حد يبوس الواوا

[محب فى الله]

ههههه طبعا كله داخل يحمل الأغنية .... معلش اصبر شوية اقرا البقين دول وبعدين حتلاقى رابط التحميل فى آخر الموضوع.

بمناسبة يعنى حمى الواوا اللى انتشرت اليومين دول و اتذكر ان اول مرة تم التعرض فيها للواوا كانت فى الاغنية الخالدة كوكو واوا ... ثم مالبثت ان اختفت الواوا فترة كبيرة حتى عادت الى الظهور بشكل مكثف فى الايام القليلة الماضية.

وبالبحث والتقصى عن سبب هذا الانتشار والتداول المحموم للواوا حتى ضربت كاسيتات الواوا ارقاما قياسية فى التوزيع وذلك طبقا لمقياس داون خالص جونز الذى يرصد حركة الواوا بمستشفى العباسية اتضح انها مجموعة من الواوات الخاصة بأصحابها فقط ولاتعبر بأى حال من الاحوال عن واوات جموع الشعب التى تعانى من كثير من الواوات ولا تجد من يضع لها عليها حتة قطنة او شوية مركوكروم.

ومن اكثر الواوات التى اصابت جموع الشعب المتعور هذه الايام هى واوا دخول المدارس والتى اقترنت مع قرب حلول شهر رمضان المبارك والذى بقى يعقبه عيد الفطر .... تواكب ذلك مع معاناة اصحابنا ... اللى هما متعورين يعنى وعندهم واوا .... من غلاء الاسعار الذى فاق كل الحدود وشمل كافة السلع والخدمات من كهرباء وتليفونات فضلا عن التضخيم المصاحب لمشكلة انفلونزا الطيور والذى ادى الى ارتفاع اسعار الطيور الى ثلاثة اضعاف ..... ومازلنا فى انتظار موسم الفول الحراتى بعد ان امتد موسم الفول المدمس والطعمية لدرجة اصبح فيها يشاهد على موائد المتعورين ثلاث مرات يوميا....

غلاء الأسعار ................ واوا :D

دخول المدارس .............. واوا -_-

هدوم العيال ....................واوا :)

أبونيه الولاد .................. واوا :blink:

الدروس الخصوصية ....... واوا -_-

................................... واوا mfb:

ومع كل تلك الأصوات التى تنادى على الحكومة حتى تبوس الواوا عشان الواوا تصح .... تأبى الحكومة الا ان تترك واوات المتعورين من الشعب تنزف وتنزف ...... وتلبس هى كل جديد و دح . :D

[صفاء]

لا الحكومة بتاعتنا مش بتبوس

عشان ريسنا راجل مؤمن

والحكومة دى بتاعته واحنا كمان بتوعه " هو اللى لقانا"

والحكومة بالتبعية مؤمنة

ومتوضية بقالها 3 أيام قصدى 25 سنة

يبقى تبوس ازاااااااااااااااااااااااااااااى؟

[khedr]

الواوا في بلادنا كتييييير

وربنا يدينا من عنده التغييييير

ويبعدنا عن الهم والتكدييير

ويبعد عننا ريسنا وابنه الاميييير

......................

.....................

استاذنا الكريم

كل عام وسيادتك بخير وصحه وسلامه

حمد الله علي سلامتك وسط اهلك وناسك

..............

.............