يابايع التمر...

[houssin abo habaga]

يا بايع التمر فى السوق خلى توكالك على الله

التمر ليه منزله كريمه من السيده مريم لعبد الله

سميته مره شارون وده ما يتسماش أتقى فيه الله

وخاف فيه ربنا وأحسن ما سميت تمر نصر الله

"""""""""""""""""""""""""""

يا حزب غير أتجاهه وخلى قبلته لباريس

عمرك ما تنجح يوم لا بالغش ولابالتدليس

لو مصر يوم تتوارث مكنش جالها رئيس

وفضل يحكمها الفرعون أحمس ولا رمسيس

"""""""""""""""""""""""""""

يا قلبى يا موجوع من حسرتك على الوطن تقول آه

تنزف م الجروح وتزرف دم من شده الألم وقوله آه

أحتار فيـك كل أطـباء الزمـان ملقوش دوا لقوله آه

إلا حكيم زمانه قال غيروا حال الوطن تتوقف الآه

"""""""""""""""""""""""""""

ياريس الحكم ليه أصول وقوانين من ربك العادل

والجنه تقفل باب الريان ميفتحش إلا لأمام عادل

والنار سعير وشررمفتوحه لحاكم ظالم ومش عادل

ياظالم اليوم تذكر بكره راح تقف أمام ربك العادل

""""""""""""""""""""""""""

يا فرحه قلبى وكل سروره لما يزورنا أعز حبيب

أمشى أخبط وأجرى أتلخبط علشان أجهز كل الطيب

شهر العفو والغفران كل ما يجى يزورنا حلاوته تزيد

لما يهل هلاله علينا بدر بنوره يجى وراه هلال العيد

"""""""""""""""""""""""""""""

يا عزيز علينا وتيجى ضيف مره فى السنه شهر

فيك ليله خير ليله من لياليك فى السنه بألف شهر

كتاب الله العظيم أمر تنزيله بالحق فى هذا الشهر

لو يعرف الناس قيمتك لتمنوا يعيشوا مليون شهر

"""""""""""""""""""""""""""

يا ناشر الدين والعلم بين الناس بالفرقان

وحامى حمى رساله الله فى الأرض بالأيمان

أعتصم يوم لله فى المساجد ليله من رمضان

أحتج فيها على التسيب والتعرى وهرج الأعلام

""""""""""""""""""""""""""

يا جامع الناس على الخيروالهدى والأيمان

كل ما تدخل شارع تشوف بعينك موائد الرحمن

يتسابق الناس على الخير والصدقه والأحسان

يا ريت تفضل بينا طول السنه وما ترحش مكان

"""""""""""""""""""""""""

www.dastor.net

omran55.maktoobblog.com

:) :D :blink:

[khedr]

كل عام وانت بخير

ربنا يديك الصحه والسلامه

...............

..............

دائما ممتع استاذنا الكريم

وجبه رمضانيه دسمه

فيها كل ما نحب ومانشتهي